ވިނަރެސް ފްލެޓުތަކުގެ ތަޅުދަނޑި މި މަހު ހަވާލުކުރަނީ

ހުޅުމާލެ ދެ ވަނަ ފިޔަވަހީގައި ހަދާފައިވާ "ވިނަރެސް" ގެ އެޕާޓްމަންޓެއްގެ އެތެރެ. މި ހައުސިން މަޝްރޫއުގެ ފްލެޓުތައް މި މަހު ހަވާލުކުރާނެ ކަމަށް އާބަންކޯއިން ބުނޭ.- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

03 ޖުލައި 2023 - 12:52

14 comments

ވިނަރެސް ފްލެޓުތަކުގެ ތަޅުދަނޑި މި މަހު ހަވާލުކުރާނެ ކަމަށް އާބަންކޯއިން މިއަދު ބުނެފި އެވެ.

އެ ކުންފުނީގެ ޕަބްލިކް ރިލޭޝަންސް މެނޭޖަރު އަހުމަދު މިމްރާހް ވިދާޅުވީ ފްލެޓު ލިބުނު މީހުންނަށް މި މަސް ނިމުމުގެ ކުރިން ތަން ހަވާލުކުރާނެ ކަމަށެވެ. އޭގެ އިތުރުން، އާއްމުންގެ ތެރެއިން އެ ފްލެޓަށް ކުރިމަތިލި މީހުންގެ ވެސް ފައިނޭންޝަލް އިވެލުއޭޝަން ނިންމުމަށް އެމްއެމްއޭ އަށް ކްރެޑިޓް ރިޕޯޓު ހުށަހެޅުމަށް އަންގާފައިވާނެ ކަމަށް މިމްރާހް ވިދާޅުވި އެވެ.

ވިނަރެސް ފްލެޓަށް ހޮވުނީ މާލޭގައި ރަޖިސްޓްރީނުވެ، ދިރިއުޅޭތާ 15 އަހަރުވެފައިވާ މީހުންގެ ކެޓަގަރީން 1094 މީހުންނާއި މާލޭގައި ރަޖިސްޓްރީ ވެފައިވާތާ 15 އަހަރުވެފައިވާ މީހުންގެ ކެޓަގަރީން 267 މީހުންނެވެ. އެހެން ނަމަވެސް، އެ ފަރާތްތަކަށް ދޫކުރާ ފްލެޓްގެ ޖުމްލަ އަދަދު ޔަގީން ވާނީ، ސީލައިފާއި ގުޅީފަޅު އަދި ހިޔާއިން ފްލެޓް ބަދަލު ކުރި ފަރާތްތަކަށް ވިނަރެސް އިން ފްލެޓް ދިނުމަށް ފަހު ބާކީވާ އަދަދެއް އެނގުމުންނެވެ.

އޭގެ ތެރެއިން ބައެއް ފަރާތްތަކާއެކު އެއްބަސްވުމުގައި މިހާރު ވަނީ ސޮއި ވެސް ކޮށްފަ އެވެ. ނަމަވެސް، މިހާތަނަށް އެ އެގްރިމެންޓުގައި ސޮއިކުރި މީހުންގެ އަދަދެއް އަދި ނޭނގެ އެވެ.

ގުޅިފަޅު ފެލްޓް ގަތް 100 މީހަކަށް ވިނަރެސް ފްލެޓް ލިބެ އެވެ.

ވިނަރެސް އަކީ 13 ބުރީގެ 10 ޓަވަރު ހިމެނޭ ގޮތަށް ތިން ކޮޓަރީގެ 1،344 ފްލެޓް ހިމެނޭ ހައުސިން މަޝްރޫއެކެވެ. އެ ފްލެޓްތައް ވިއްކަނީ 2.5 މިލިއަން ރުފިޔާ އާއި 2.7 މިލިއަން ރުފިޔާއާ ދެމެދުގެ އަގުތަކެއްގަ އެވެ.

ފުލް ޕޭމަންޓް ދައްކައިގެން މިހާތަނަށް 128 ފްލެޓެއް ނަގާފައިވާ ކަމަށް އާބަންކޯއިން ކުރިން ބުންޏެވެ.

ބޯހިޔާވަހިކަން އެޗްޑީސީ ވިނަރެސް ފްލެޓްތައް އާބަންކޯ

14 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުންޖިޗޭ

04 July 2023

ވިނަރެސްއެކޭ ކިޔައިގެން ރައްޔިތުންނަށް ހަދަންފެށި 25 ބުރީގެ ޓަވަރުތަކުގެ ސްޓްރަކްޗަރަށް ބަދަލުގެނެސް އޮޅުވާލައިގެން މުއްސަނދީންނަށް ބަހަން މިއުޅެނީ، ޙީލަތްތެރީންގެ އަޖަލު ގާތްވެއްޖެ، ﷲ އިރާދަކުރެއްވިއްޔާ ޖެހިތަނުގައި ޖަހާނެ ދުވަސް ދާދިގާތުގައި އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލީސަރުދާރު

04 July 2023

ކުރަންވީ ކަމަކީ ކުއްޔަށް އުޅެނީ ކޮންބައެއްތޯ ބަލަންވީ. ކުއްޔަށް އުޅޭ މީހުންނަށް ފްލެޓް ދޭންވީ. އެއީ އަސްލު ފްލެޓް ބޭނުންވެފައި ތިބި ބަޔަކީ. އެކި ނަންނަމުގައި ފްލެޓް ހޯދައިގެން ކުއްޔަށްދީގެން އާމްދަނީ ހޯދާ މީހުންނަކީ ފްލެޓަށް ބޭނުންވެފައި ތިބި ބައެއް ނޫން. އެއީ އާމްދަނީއެއް ހޯދުމަށް ތަނެއް ބޭނުންވެފައި ތިބި ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯކިޑު

04 July 2023

ބިންވެސް ހަވާލު ކުރާނެ، ފުލެޓު ތައްވެސް ހަވާލު ކުރާނެ. އިތުރު ފުލެޓު ވެސް އަޅާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބައިހޭ އިންސާފް

04 July 2023

ދައުލަތުގެ ވަކި އިދާރާ/ކުންފުންޏެއްގައި އުޅޭތީ ފްލެޓް ލިބުމަކީ ބޮޑު ބޭއިންސާފެއް. ކިތަންމެ ފުރުސަތެއް ދޫކޮށް، ރަށަށްޓަކައި ކޮށްދޭ ހިދުމަތެއްގެ ގޮތުގަ ދެކިގެން ދައުލަތަށް ހިދުމަތްކޮށްދޭތާ 25 އަހަރު މިވަނީ. އެޅުނު ގެދޮރެއް، ޝަރުތުހަމަވި ގެދޮރު ސްކީމެއްވެސް ނެތް. އެކަމަކު އިއްޔެ ދުވަހު ވަކި ކުންފުނި/އޮފީހަކަށް ވަތް ތުއްތު ކުދިންނަށް މާލެއިން ފްްލެޓް ލިބިއްޖެ. ދިރިއުޅެނީ ރަށުގަ. ރަށުގަ ގޯތި އެބައޮތް. މީ ކޮން އިންސާފެއްތޯ؟ ދައުލަތުގެ ފައިސާއޭ މީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހަލާކ

03 July 2023

ތިޔަ ތަން ދިނުމުގައި މިހާތަނަށް އަޑުއައިސް ހުރި ކަންކަން ގިނަ... އަދި ވާނުވާވެސް ނޭނގޭ. އެއްދުވަހު ބުނާގޮތަކަށް ނޫން އަނެއްދުވަހު ކަން ކުރަނީ. ފްލެޓް އަޅަން 3 އަހަރު ނެގިއިރު ފްލެޓް ދޭން 5 އަހަރު؟؟ ޓްރާންސްޕޭރަންސީ ވަރަށް ދަށް. ހަމަ ހެޑްލައިނެއް ހަދާލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހްސަން ފަރީދު

03 July 2023

2028 ގެ ފަހުކޮޅު ކަންނޭގެ ތިއަޅާ 4000 އުނިޓްގެ ހަވާލު ކުރެވޭވަރުވާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޏނވވގހ

03 July 2023

ޥިނަރެސްއަކީ ހަމަ ދަންތުރައެއް. ވިހިއަހަރަށް ބަހާލިޔަސް ވިހިހާސް ހަސަތޭކަ މަންތްލީ ދައްކަންޖެހޭ. ހައްގު މިންވަރު ތޯ މީ، އެއްބަޔަކަށް ހިލޭ ސާބަހަށް ގޯތި، އަނެއް ބަޔަކު އަށްސަތޭކަ އަކަފޫޓު 2.5 މިލިޔަންއަށްގަންނަން. ސޯލިހު ކަލެއަށް ވޯޓުދެވުނީތީ ހިތާމަ ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯކިޑު

04 July 2023

ދުނިޔޭ ގެ ކޮން ގައުމެއްގައި ތޯ ބޮޑެތި ވިލާަހެން ސޯޝަލް ހައުސިންގ އަޅާފަ ދެނީ ! ލާރި ހުރިއްޔާ 4000 އަކަފޫތު ގެ ރޫމުތައް ވެސް ހަދަންވީ ! އެހެން ނޫނީ ރަށުގެ ގޯއްޗަށް ދިއުން ރަނގަޅު ވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުގެ ގޯތި

04 July 2023

ރަށުގެ ގޯއްޗަށް ދެވިދާނެ. އެއީ އުނދަގޫ ކަމެއް ނޫން. މާލޭ ރައްޔިތުންނަށް ނޯކިރީ ކުރަން ނުކުންނަށް މާލޭ ރައްޔިތުންނަށް ކެރޭނެތަ! މާލޭ ރައްޔިތުން މާލޭގައި ރައްޔިތުންނަށް ޚިދުމަތް ކުރަން ނޯކިރީ ކުރަން ނުކުންނަ ނަމަ މިތަނަކަށް އެހެން ބަޔަކު އަންނާކަށް ނުޖެހޭނެ. ޒަމާނުއްސުރެ ނޯކަރުން ގެންގުޅޭން އާދަވެފައި ތިބި މާލޭ ރައްޔިތުންނަށް ނޯކަރަކަށް ދިވެއްސަކު ނުލިބިއްޖިއްޔާ ބޭރުންވެސް ނޯކިރީއަކު ގެންނާނެ.