އޭސީސީން ކުރިން ބޭއްވި ނޫސްވެރިންގެ ބައްދަލުވުމެއްގައި އެ ކޮމިޝަންގެ މެމްބަރުން.-- ފޮޓޯ: ނިޝާން އަލީ | މިހާރު
02 ޖުލައި 2023 - 17:12
21 comments
ކުރީގެ ރައީސް އަބްދުﷲ ޔާމީންގެ ވެރިކަމުގައި ހިންގި އެމްއެމްޕީއާރުސީގެ ބޮޑު ހިޔާނާތުގެ ފައިސާ ޗަމްޕާ ބްރަދާސް ޕްރައިވެޓް ލިމިޑެޓަށް ނުލިބޭ ކަމަށް އެންޓި ކޮރަޕްޝަން ކޮމިޝަން (އޭސީސީ)ން މިއަދު ނިންމައިފި އެވެ.
އެ ހިޔާނާތުގައި ޗަމްޕާ ބްރަދާސް އިން ބައިވެރިވި ކަމަށް ކުރެވޭ ތުހުމަތާ ގުޅިގެން އޭސީސީން ކުރި ތަހުގީގަށް ފަހު މިއަދު ނިންމި ނިންމުމުގައި ބުނި ގޮތުގައި، މި މައްސަލާގައި އެ ކުންފުނިން ކޮރަޕްޝަން އަދި މަނީ ލޯންޑަރިންގެ ކުށެއްގައި ބައިވެރިވި ކަން ސާބިތުވާ މިންވަރަށް އެއްވެސް ހެއްކެއް އަދި ގާރީނާއެއް ވެސް ފެނިފައެއް ނުވެ އެވެ.
"... މި މައްސަލައަކީ ކޮރަޕްޝަންގެ ކުށެއް އެކުލެވިގެން ނުވާ މައްސަލައެއް ކަމަށް ކަނޑައަޅައި މި މައްސަލަ ނިންމީ އެވެ،" ތަހުގީގުގެ ނިންމުމުގައި ބުނެފައިވެ އެވެ.
މަޝްހޫރު ވިޔަފާރިވެރިން ކަމަށްވާ ހުސެއިން އަފީފް އާއި މުހައްމަދު މޫސަ (އުއްޗު)ގެ ކުންފުންޏަށް ތުހުމަތުކުރީ، 2014-2015 އަހަރު އެމްއެމްޕީއާރުސީ ބޭނުންކޮށްގެން ސަރުކާރު ހިއްސާވާ ކުންފުނިތައް މެދުވެރިކޮށް ދައުލަތުގެ ފައިސާއަށް ހިޔާނާތްތެރިވެ، ޓޫރިޒަމްގެ ބޭނުމަށް ރަށްތަކާއި ފަޅުތައް ކުއްޔަށް ދޫކޮށްގެން ލިބުނު ފައިސާއަށް ހިޔާނަތްތެރިވެ، އެ ފައިސާ ބަހައިގެން ލިބުނު ފަރާތްތަކުގެ ތެރޭގައި އެ ކުންފުނިން ވެސް ހިމެނޭ ކަމަށެވެ.
އެމްއެމްޕީއާރުސީގެ ކޮރަޕްޝަނާ ގުޅޭ އިތުރު ވަރަށް ގިނަ މައްސަލަ އަދިވެސް އޭސީސީން އަންނަނީ ތަހުގީގުކުރަމުންނެވެ. އޭގެ ތެރެއިން ބައެއް މައްސަލަތަކުގައި މިފަހުން ވަނީ ގޮތެއް ނިންމައިފަ އެވެ. އަދި ބައެއް މައްސަލަތަކުގައި މީހުންނަށް ދައުވާކުރަން ވެސް ފޮނުވާފައިވެ އެވެ.
އެމްއެމްޕީއާރުސީން ހިންގާފައިވާ ވައްކަމާއި ހިޔާނާތުގެ މައްސަލާގައި މަންފާ ލިބުނު ކަމަށް ތުހުމަތުކުރެވޭ 281 މީހެއްގެ ނަން ހިމެނޭ ލިސްޓެއް ވެސް ތަހުގީގަށް ފަހު އެސީސީން ކުރިން އެކުލަވާލާފައިވެ އެވެ. އޭގެ ތެރޭގައި ދަޢުލަތުގެ އެކިއެކި މަގަމުގައި ތިބި މީހުންނާއި ރައްޔިތުންގެ މަޖިލީހުގެ މެމްބަރުން ވެސް ހިމެނެ އެވެ.
އެމްއެމްޕީއާރުސީން ދޫކުރި ރަށްތަކާއި ފަޅުތަކުން ދައުލަތަށް ލިބެން ޖެހޭ 1.22 ބިލިއަން ރުފިޔާއަށް ހިޔާނާތްތެރިވެފައިވާއިރު އޭގެ ތެރެއިން ގިނަ އަދަދެއްގެ ފައިސާ އެކި މީސްމީހުންނަށް ދީފައި ވަނީ އަމިއްލަ ކުންފުންޏެއް ކަމަށްވާ އެސްއޯއެފް މެދުވެރިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާްއައަަަަޞަބަގަ
04 July 2023
ކެވިއްޖެ
ކަންވާރު އިބްރާހީމް
03 July 2023
ލިބުނަސް ޖެހޭނީ ނުލިބޭކަމަށް ބުނާށެވެ. އުއްޗުގެން ގުޅޭ ނޭފަތު ރޮދިލީ ބަކަރިތަކަކަށް ދިވެހި ސިޔާސީވެރިންވީ އެމީހުން އަމިއްލައަށެވެ.
ސުން
03 July 2023
ކަލޭމެންނަށް އިތުބާރެއްނުކުރަން.ފުރަތަމަ ކަލޭމެންވެސް ތީ ކަރަޕްޓް ވެފަ ތިބި ބަޔެއް.ދެން ކިހިނެއް އެހެން މީހެއްގެ ކަރަޕްޓް އަމަލު ބެލޭނީ.ސަރުކާރުން ބުނާ ތަނެއްގެ ނުނާ ވަރަކަށް ކަލޭމެންނަށް ކަރަޕްޓް އަމަލު ފެންނަނީވެސް.ދުވާފަރު ބަޖެޓް ދަވާލީމަވެސް އެތިބޭ ކުޑަކުދިންނަށް ނަސޭހަތްދޭހެން ނަސޭހަތް ދީ ބައިތިއްބާފަ.މި ސަރުކާރަކީ ކަރަޕްޝަނަނށް ހިތްވަރުދޭ ސަރުކާރެއް.އެކަމަކު ވެރިކަމާ ހަވާލުވީ ޒީރޯ ޓޮލަންސޭ ކިޔައިގެން މީހުން ލޮލުގަ އަދުން އަޅައިގެން.
މުންޖިޗޭ
03 July 2023
އިންތިޚާބަށް ޚަރަދުކުރަން އެއްބަސްވުމުން މިއޮތީ ހުދުފޮށައެއްލައްވައިދީފަ، މުވައްސަސާތައް މިވަރަށް މިނިވަންވީމަ ރައްޔިތުން ޝައްކުކުރާނެ، ދުވަހެއްއަންނާނެކަން ޔަޤީން، އެދުވަހަކުން ޙަޤީޤަތާ ކުރިމަތިލާންޖެހޭނެ، މިއަދު އޮއްބާލާފަ ހިތަށްއެރީމަ ފަޟީޙަތްކޮށްފަ އުޅެވިދާނެ، ފިރުޢައުނާއި ހާމާނާއި ޤާރޫނަށް ޖެހުނު ޙާލުން ޢިބްރަތް ހޯދައިގެން ނުލަފާ ޖައްބާރުކަމުން ދުރުހެލިވާންޖެހޭ، ނޫނީ އާޚިރު ނަތީޖާ ހިތިވާނެކަން ކަށަވަރު، ދޮގުހަދާ އޮޅުވާލާމީހުންނަށް ހަލާކުހުރި
ދޮހޮއްތު
03 July 2023
ވަކި ބަޔަކުދޯ ޑޮލަރު ގަންނަނީ …. މިއޮތީވާ ގައުމެއް
މުޖައްރިބް
02 July 2023
ރަނގަޅު ފޮޓޯއެއް. ރައީސަށް ތާއީދުކުރާތީ މޫނުމަތީ އަތް އަޅައިގެން ބެލީމަ ނުފެންނާނެ!
ފޮލަ
02 July 2023
އަންނި ނެރުނު ލިސްޓުގަ އޮތްހާ މީހުންނަކީ ވަގުން ކަމަކަށް ނުވާނެ. ބޮޑެތި ވިޔަފާރިތައް ޑޮލަރު ގަންނާނެ
އުއްޗު.
02 July 2023
ޗަމްޕާ ކުންފުނިން ބުލެކްމާކެޓުން ޑޮލަރު ގަތީއޭތަ ތިބުނަނީ ؟ ކަލޯ ކޮންމެވެސް ވަރަކަށް ޤަބޫލު ކުރެވޭ ކަހަލަ އެއްޗެއް ކިޔާބަލަ.
މިތުރާ
02 July 2023
މިހާރު މިގައުމުގައި އުޅޭ ސިޔާސީ މީހުންނަކީ ވަރަށް ތެދުވެރި އަމާނާތްތެރިންނެވެ.އެމް އެމް ޕީއާރުސީން އެއްވެސް ފައިސާއެއް ގެއްލިފައި ނުވެއެވެ. އެހެންނަމަ ސޯލިހުގެ ވެރިކަމުގައި މި މައްސަލަ ބަލައި އިންސާފު ރައްޔިތުންނަށް ލިބޭނެކަން ޔަގީނެވެ.އެމް އެމް ޕީއާރުސީ ބައިސެންޓް ވެސް ނުގެއްލޭކަން ޔަގީނެއެވެ. ތިކަމާ އަޅާއި ނުލާށެވެ.ރިހާކުރު ފުޅި ވާހަކަ ދައްކާށެވެ.އޭސީސީއަކީ ކަމަށްގާބިލްބަޔަކު މަސައްކަތް ކުރާ މުއައްސަސާއެތް ނޫންކަމަށް ރައްޔިތުން ގަބޫލުކުރެއެވެ.
މުލަރޯދަ
02 July 2023
އެމްއެންޕީއާރުސީ ލިސްޓުގަ ހުރި ހުރިހާ މީހުންނަކީ ވަގުންކަމަށް ހަދައިގެން ނުވާނެ. އޭގެން އެއްބަޔަކީ ބޮޑެތި ވިޔަފާރި ވެރިން. އެއީ ވަގު ޑޮލަރުން ވިޔަފާރި ކުރި ބައެއް ނޫން. މިސާލަކަށް ޗަމްޕާމެން
ބްރޯސް
03 July 2023
ޗަމްޕާއިން ޑޮލަރު ބޭނުންވެގެން އެބައުޅޭތަ؟ އެއީ ރާއްޖޭގެ އެންމެ ބޮޑު އެއް ޑޮލަރު ސަޕްލަޔަރު. ސަރުކާރުގެ ބައިތުލްމާލަށްވުރެއް އެމީހުންގެ އަތުގައު ހުރި ޑޮލަރު ގިނަ
ސަންޕަ ހަސަންފުޅު
02 July 2023
އަދީބުސޯއާ ނިކަން އަރިސް ބޭފުޅެއް އުއްޗުއަކީ. އެހާ ހަވާސާކަން ބޮޑުއިރުވެސް އަދީބުފަރާތުން އުއްޗުބޭ ހަމަ އެކައްޗަކަށްވެސް ނޭދެނީތޯ؟
ބޫޖީމޭން
02 July 2023
ޗަންޕާމެން ނުޖެހޭނެ ޑޮލަރު ގަންނާކަށް! އެއީ ޑޮލަރު ލިބޭ ވިޔަފާރީގައި އުޅޭ މީހުން. ބަޓް އިޓްސް އޯކޭ!!
4
02 July 2023
އެމްއެމްޕީއާރުސީ މައްސަލައަކީ ހަމައެކަނި ޑޮލަރު މާރުކުރުމުގެ މުއާމަލާތްތަކެއްނޫން. ނުއަގުގާ ރަށްތައް ވިއްކާލުންވެސް އެއީ އޭގެ ވަރަށް ބޮޑު ބައެއް.