ޚަބަރު / ނުކުޅެދުންތެރިކަން ހުންނަ މީހުން

ނުކުޅެދުންތެރިކަން ހުންނަ އިތުރު 157 މީހަކަށް ވަޒީފާ ދީފި

ނުކުޅެދުންތެރިކަން ހުންނަ މީހުންނަށް ވަޒީފާ ދިން ކަމުގެ ލިޔުން ހަވާލު ކުރުމަށް މިއަދު ދަރުބާރުގޭގައި ބޭއްވި ރަސްމިއްޔާތުގައި ބައެއް މީހުން ބައިވެރިވަނީ -- ފޮޓޯ/ ރައީސް އޮފީސް

އާމިނަތު ޝިފްލީން، މިހާރު

30 ޖެނުއަރީ 2017 - 12:51

8 comments

ނުކުޅެދުންތެރިކަން ހުންނަ އިތުރު 157 މީހަކަށް 18 ސަރުކާރުގެ ކުންފުންޏަކުން ވަޒީފާ ދީފި އެވެ.

ވަޒީފާ ދިންކަމުގެ ލިޔުން ހަވާލުކުރަން މިއަދު ދަރުބާރު ގޭގައި ބޭއްވި ރަސްމިއްޔާތެއްގައި އިއުލާނު ކުރި ގޮތުގައި ތަފާތު އެކި ދާއިރާތަކުގައި މަސައްކަތް ކުރުމުގެ ފުރުސަތު މިހާރު އެ މީހުންނަށް ލިބޭނެ އެވެ. އެގޮތުން ވިޔަފާރި އާއި އިދާރީ މަސައްކަތާއި އޮޕަރޭޝަންސް އާއި އޭވިއޭޝަން ފަދަ ދާއިރާތަކުން އެ މީހުންނަށް ވަޒީފާ ހަމަޖައްސާފައިވެ އެވެ.

ވަޒީފާ ދިން މީހުންގެ ތެރޭގައި އިވުމާއި ފެނުމުން މަހުރޫމް ވެފައިވާ މީހުންނާއި ނަފްސާނީ ގޮތުންނާއި ޖިސްމާނީ ގޮތުން ނުކުޅެދުންތެރިކަން ހުންނަ މީހުން ހިމެނެ އެވެ.

ނުކުޅެދުންތެރިކަން ހުންނަ 100 އަށް ވުރެ ގިނަ މީހުންނަށް މީގެ ކުރިން ސަރުކާރުގެ އެކި އިދާރާތަކުން ވަނީ ވަޒީފާ ދީފަ އެވެ.

މިއަދުގެ ރަސްމިއްޔާތުގައި ވާހަކަ ދައްކަވަމުން ޖެންޑާ މިނިސްޓަރު ޒެނީޝާ ޝަހީދު ޒަކީ ވިދާޅުވީ ވަޒީފާ ލިބުނު މީހުން، މަސައްކަތަށް އަހުލުވެރިކުރުމަށް ޓްރޭނިން ޕްރޮގްރާމްތައް ހިންގާނެ ކަމަށެވެ. އަދި އެ ވަޒީފާ ދިން ތަންތަނުގެ މުވައްޒަފުން ވެސް، ނުކުޅެދުންތެރިކަން ހުންނަ މީހުންނާ ގުޅިގެން، އެ މީހުން ބައިވެރިކޮށްގެން މަސައްކަތް ކުރުމާ ގުޅޭ ގޮތުން ހޭލުންތެރިކުރުމުގެ ޕްރޮގްރާމްތައް މިހާރު ވެސް ހިންގަމުން އަންނަ ކަމަށް ވިދާޅުވި އެވެ.

"އެ މީހުންނަށް (ނުކުޅެދުންތެރިކަން ހުންނަ މީހުންނަށް) ވަޒީފާ ދޭއިރު އެ މާހައުލަކީ އެ މީހުންނަށް މަސައްކަތް ކުރެވޭ ކަހަލަ ތަނަކަށް ވާން ޖެހޭ. އެހެންވެ، އެ މީހުން ވަޒީފާގައި ހަރަކާތްތެރިވުމަށާއި މަސައްކަތް ކުރުމަށް ހުރި ގޮންޖެހުންތައް ދެނެގަނެ، އެހީތެރިވެދޭނެ ސަޕޯޓު ސިސްޓަމެއް ގާއިމު ކުރުމަކީ މުހިއްމު ކަމެއް،" ރައީސް އަބްދުﷲ ޔާމީންގެ ދެކަނބަލުންނާއި ގިނަ މިނިސްޓަރުންތަކެއް ބައިވެރިވެވަޑައިގެން ރަސްމިއްޔާތުގައި ޒެނީޝާ ވިދާޅުވި އެވެ.

މިއަދުގެ ރަސްމިއްޔާތުގައި ޖެންޑާ މިނިސްޓަރު ޒެނީޝާ ވާހަކަ ދައްކަވަނީ-- ފޮޓޯ/ ރައީސް އޮފީސް

އޭނާ ވިދާޅުވީ ވަޒީފާ އަދާކުރަމުން އަންނަ ނުކުޅެދުންތެރިކަން ހުންނަ މީހުންނަށް މަސައްކަތުގައި ދިމާވާ އުނދަގޫތަކާއި ގޮންޖެހުންތައް ދެނެގަތުމަށާއި ވަޒީފާގެ ތަޖުރިބާ އާއި ހިޔާލު ދެނެގަތުމަށް، އެމީހުންގެ ފީޑުބެކް ހޯދާނެ ނިޒާމެއް އެ މިނިސްޓްރީން ގާއިމު ކުރަމުން އަންނަ ކަމަށެވެ.

ނުކުޅެދުންތެރިކަން ހުންނަ މީހުންނަށް ވަޒީފާ ދިން ކުންފުނިތަކުގެ ތެރޭގައި ފެނަކަ އާއި އެމްޓީސީސީ އެމްއޭސީއެލް އާއި އެމްޕީއެލް އާއި އައިލެންޑް އޭވިއޭޝަން އާއި ޕީއެސްއެމް އާއި އެމްޑަބްލިއުއެސްސީ އާއި ސްޓެލްކޯ ހިމެނެ އެވެ.

ނުކުޅެދުންތެރިކަން ހުންނަ މީހުން ވަޒީފާ ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ ކުރީގެ މިނިސްޓަރު އައިމިނަތު ޒެނީޝާ ޝަހީދު ޒަކީ

8 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޏ.އަލްގެދަރ އާންތު ޝަރީފު

31 January 2017

ތިޔަ ކުދީންނަށް ދޭން އެއްމެ ރަގަޅީ ލޯކަލްކައުންސިލް އިންތިޙާބުގެ ޓިކެޓް އެއިރުން ވަރަށް ފިރިހަމަވީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ

30 January 2017

ނުކުޅެދުންތެރިކަން ހުންނަ ފަރާތަކަކީ މާޒީގަ އަދި މިހާރުވެސް އެތައް އަސާސީ ހައްގުތަކަކުން މަހުރޫމް ކުރެވެމުންދާ ބައެއް މިއީ ހަގީގަތެ. އެމީހުންނައް ވެސް އެހެން މީހުނެކޭ އެއްފަދައިން ދައުލަތުންނާ މުޖުތަމުން ހަމަހަމަކަމާ އިންސާފު އެހެން މީހުނެކޭ އެއްފަދައިން ލިބެންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައި

30 January 2017

ކުޅެދޭ މީހުން ވަޒީފާ ނެތިފަ، ދެން ތިޔޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގޯސް

31 January 2017

ވަޒީފާ ނެތިފަ ތިއްބަސް މަަސައްކަތް ނެތިފަ ތިބޭކަށް ނުޖެހޭނެ. ކޮންމެ މީހަކު ބޭނުންވަނީ ތަހުތެއްގަ އިށީދެ އިދެ ކުރާކަމެއް ކުރަން. އެހެނެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކުސް

30 January 2017

މަތި އޮތްބާލަން ކުރާކަމެއްތީ؟ ތީ ފެއިލްވެފަ އޮތް މުއައްސަސާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލީ ހަސަނު

30 January 2017

ވިޔަފާރި ކުންފިނިތަކުގެ މަގާމް ތަކަށް މީހުން ލުމުގައި ބަލަނ ޖެހޭނީ އެންމެ ގާބިލް މީހުންނަށް. އިވުމާއި ފެނުމާއި ހިނގާބިގާ އުޅުމުން މަހްރޫމް ވެފައި ތިބޭމީހުން މަގާމް ތަކަށް ލަނީ މަސައްކަތް ކުރުވަނބާ! އެހެން ކޮންމެސް ގޮތެއް އެފަރާތް ތަކަށް ދައުލަތުން ހޯދައިދޭންޖެހޭނީ.