ދެހާސްއަށާރައިގެ ރިޔާސީ އިންތިހާބަށް ރީ-ރަޖިސްޓްރީކުރަން އިލެކްޝަންސް ސެންޓަރުގެ ކިއުގައި ބަޔަކު މަޑުކޮށްލައިގެން: މި ފަހަރު އޮންލައިންކޮށް ފޯމު ހުށަހެޅޭނެ.-- ފޮޓޯ: ނިޝާން އަލީ | މިހާރު
05 ޖުލައި 2023 - 11:29
2 comments
ސެޕްޓެމްބަރު މަހުގައި އޮންނަ ރިޔާސީ އިންތިހާބުގައި ރަށްވެހިވެފައިވާ ރަށް ނޫން އެހެން ރަށެއްގައި ވޯޓުލާން އޮންލައިންކޮށް ރީރަޖިސްޓްރޭކުރެވޭ ގޮތަށް މި މަހު 16 ގައި ރަޖިސްޓްރޭޝަނަށް ހުޅުވާލަން ނިންމައިފި އެވެ.
އިލެކްޝަންސް ކޮމިޝަން (އީސީ) އިން ސިޔާސީ ޕާޓީތަކާ އެކު މިއަދު ބޭއްވި ގައުމީ ލަފާ ދޭ ކޮމިޓީގެ ބައްދަލުވުމުގައި އީސީގެ ނައިބު ރައީސް އިސްމާއިލް ހަބީބް ވިދާޅުވީ ރީރަޖިސްޓްރީކުރަން 21 ދުވަހުގެ މުއްދަތެއް ލިބޭނެ ކަމަށެވެ. އެއާއެކު މި ފަހަރުގެ ލިބޭނެ ފަސޭހައަކީ އެ މީހަކު ހުރި ތަނަކުން އޮންލައިންކޮށް ފޯމު ހުށަހެޅުން ކަން ފާހަގަކުރެއްވި އެވެ.
ކޮންމެ އިންތިހާބެއްގައި ވެސް ވަރަށް ގިނަ އަދަދެއްގެ ބަޔަކު ވޯޓުލާން ރަޖިސްޓްރީވެ އެވެ.
މި އިންތިހާބުގައި އެކި ކަންކަމުގައި 5,500 އޮފިޝަލުން ހަރަކާތްތެރިވާނެ އެވެ. މިހާތަނަށް ލިބުނީ 3,300 އޮފިޝަލުން ކަމަށް ހަބީބް ވިދާޅުވި އެވެ.
އިންތިހާބުގައި ވާދަކުރާ ކެންޑިޑޭޓުންނަށް ފުރުސަތު ހުޅުވާލާ ގޮތަށް އޮތީ މި މަހުގެ 23 އިން އަންނަ މަހުގެ ހަތަކަށެވެ.
މި އިންތިހާބުގައި 278,000 އަށް ވުރެން ގިނަ މީހުންނަށް ވޯޓުލުމުގެ ހައްގު ލިބެ އެވެ. އެކަމަކު ޝަކުވާގެ މުއްދަތު ހަމަވުމުން މި އަދަދު ބަދަލުވުން އެކަށީގެންވާ ކަމަށް އިލެކްޝަންސުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަރަނި ބޯ
05 July 2023
އޮންލައިންކޮށް ކުރެވޭނޭ ބުނާނީ ވޯޓު ލާންދާއިރު ރަޖިސްޓަރީ ވެފައި ނޯންނާނެ ވޯޓުލާ މީހާޔަށް ލިބޭނީ ދޯކާ
ތުނޑުހަސަނު
05 July 2023
ރައްޔިތުންނަށް އުނދަގުލަކަށް ވާގޮތަށް ނޫނީ އެއްކަމެއް ވެސް ކޮށްގެން ނުވާނެ. އެންމެ ފަހުން ވޯޓުލީ ތަން ނޫން ތަނަކަށް ވޯޓުލާނަމަ ރީރަޖިސްޓްރީކުރަން ހަދާބަލަ.