ބިން ހިއްކުމުގެ މަސައްކަތް އަވަސްކުރަން އެމްޓީސީސީން ގެނައި ބިޔަ ޑްރެޖަރު ފިލީޕޯ ބްރޫނެލޭޗީ ހއ. އުލިގަމު ބަނދަރުގައި. -- ފޮޓޯ: މިހާރު
11 ޖުލައި 2023 - 08:35
34 comments
އެމްޓީސީސީން ކުއްޔަށް ހިފި، ދުވާލަކު އެއް ހެކްޓަރުގެ ބިން ހިއްކުމުގެ ގާބިލްކަން ލިބިފައިވާ ޑްރެޖަރު ރާއްޖެ އަތުވެއްޖެ އެވެ.
ބެލްޖިއަމްގެ ކުންފުންފުންޏެއްގެ އުޅަނދެއް ކަމަށްވާ "ފިލީޕޯ ބްރޫނެލޭޝީ" ރޭގެ ވަގުތެއްގައި ރާއްޖެ އައިސް މި ވަގުތު އޮތީ ކަސްޓަމްސް ކްލިއަރެންސަށް ހއ. އުލިގަމުގައި ބަނދަރުކޮށްފަ އެވެ.
ކްލިއަރެންސް ނިމުމާ އެކު އެ އުޅަނދު ދާނީ އެންމެ ފުރަތަމަ އެއިން މަސައްކަތް ފެށުމަށް ހަމަޖެހިފައިވާ ހއ. އިހަވަންދުއަށެވެ.
ދިގުމިނުގައި 142.5 މީޓަރު (467 ފޫޓް) އަދި ފުޅާ މިނުގައި 27.5 މީޓަރު (90 ފޫޓް) ހުންނަ މި އުޅަނދަކީ 11،300 ކިއުބިކް މީޓަރުގެ ހޮޕަ ކެޕޭސިޓީ (އެއްފަހަރާ ލޯޑްކުރުމުގެ ގާބިލްކަން) ލިބިފައިވާ އެއްޗެކެވެ.
ބިން ހިއްކުމުގެ މަސައްކަތް އަވަސްކުރަން އެމްޓީސީސީން ގެނައި ބިޔަ ޑްރެޖަރު ފިލީޕޯ ބްރޫނެލޭޗީ ހއ. އުލިގަމު ބަނދަރުގައި. -- ފޮޓޯ: މިހާރު
އެމްޓީސީސީގެ ސީއީއޯ އާދަމް އާޒިމް އިއްޔެ "މިހާރު" އަށް ވިދާޅުވި ގޮތުގައި މިއީ މިހާރު ބޭނުންކުރާ އެ ކުންފުނީގެ މަހާ ޖައްރާފައިން ހަތަރު ދުވަހުން ހިއްކޭތަން އެއް ދުވަހުން ހިއްކޭ އެއްޗެކެވެ.
އާ ޑްރެޖަރުން ނުވަ ރަށެއް ހިއްކަން ވަނީ ނިންމައިފަ އެވެ. އެއީ، އިހަވަންދޫގެ އިތުރުން ށ. ކޮމަންޑޫ، އއ. އުކުޅަސް، އއ. ބޮޑުފޮޅުދޫ، ރ. އުނގޫފާރު، މ. ދިއްގަރު، ފ. ފީއަލީ، ކ. ދިއްފުށި އަދި ކ. ގުޅި އެވެ. މި އަހަރުގެ އޮކްޓޯބަރު މަސް ނިމުމުގެ ކުރިން އެ ހުރިހާ ރަށެއް ހިއްކާ ނިންމޭނެ ކަމަށް އާޒިމް ވިދާޅުވި އެވެ.
"ފިލީޕޯ ބްރޫނެލޭޝީ" އަކީ 2003 ބަނދެފައިވާ އުޅަނދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަސީ
12 July 2023
ެަރައްތަން ހިއްކުމުގެ ބޭނުމެއް ނުވިސްނުނު ، އޭގެބަދަލުގައި މާލެސަރަހަދުން ހިއްކާފައި ރައްރަށުގެ މީހުންނައް ބިން ދިނުން މާރަގަޅުވާނެ
އަސްލު ވާހަކަ
11 July 2023
ބާ ދަގަނޑަށް ކިރާލާ.. ތިބޯޓުގެ ހާލަތު ތިބޯޓުގެ ނަން ޖަހައިގެން ސާރޗު ކުރީމައި ފެންނާނެ..
ޓެރޭ
11 July 2023
ސުވާލަކީ ދުވާލަކަށް ހެކްޓަރެއް ހިއްކަން ޖެހޭތޯ؟
ބޮޑުމީހާ
11 July 2023
ތެޅިފޮޅެގެން ބައިތުލްމާލު ހުސްކޮށްގެން މިހިންގާ ޖަރީމާތައް ހުއްޓުވަންޖެހޭ. ހުރިހާ ރަށެއް ހިއްކާފަ އެންމެން މާލެއަށް ބޮޑުކުލީގަ އުޅެން.
އަބްޑޫޅް +
11 July 2023
ދަމިލަ ޖަހާފަ އޮތް ދަބަރޭޒެއް ދޯ؟
އަފީފު ހ އ ދިއްދޫ
11 July 2023
ހއ ދިއްދޫ ބިންހިއްކުން ދަނީ ދަނީ ބާރަށް ކުރިއަށް އޯގާތެރި ސަރުކާރު ތަރަށްގީ މެކުހަށް ޖަހާފައި
2023
11 July 2023
ޢާޒިމޫ ހިއްސާގެ ލާރިކޮޅު ޖަމާނުވޭ އަދިވެސް..... ބޮއޮހަލަކި
ޓަކޭ
11 July 2023
މިގޮލާ ގަނެލަން ފެނޭ. ނޫނީ މިގެންގުޅޭ ކުންފުނި ގަނެލަން ދިވެހި ސަރުކާރަށް އެދެން ފެން މެޓާ ދޯ.
އާޒިމް ބްރޯ
11 July 2023
ބަލަ ތީ ބޮޑު ދަބަރު ގަނޑެއްނު. މުޅީން އިސްރާފު ކުރުމުގަ
ޓަކް
11 July 2023
އެއީ އެސޮރުމެން ހުންނަ ގޮތޭ.
މުޑަހަންޖާ
11 July 2023
ދުވާލަކު ހެކްޓަރެއް ހިއްކޭނީ އެއީ ތިލަތަނެއްވީމަ، ކ.ހުޅުމާލެއާއި ކ.ގުޅިފަޅުން ކ.މާލޭ ގަބީލާއަށް ގޯތިދޭން އެއުޅެނީ ވިހިތިރީސްފޫޓު ފުންތަންތަން ހިއްކައިގެންކަމަށްވަންޏާ އެއީ ދިހަބާރަގުނަ ހަރަދުކޮށްގެން ގޯއްޗެއް އެދެވެނީ.