ނާޒިމާއި ގާސިމް އަދި ނަޝީދު
19 ޖުލައި 2023 - 11:11
43 comments
މި އަހަރުގެ ރިޔާސީ އިންތިހާބަށް އެކުގައި މަސައްކަތް ކުރުމުގެ ފޯމިއުލާއެއް ނެރުމުގެ މަޝްވަރާތައް ޖޭޕީގެ ލީޑަރު ގާސިމް އިބްރާހިމް އިސްވެ، އިއްޔެ އެމްއެންޕީއާ އެކު ކުރެއްވުމަށް ފަހު، ގާސިމާއި ނާޒިމް އަދި ކުރީގެ ރައީސް މުހައްމަދު ނަޝީދު އެކުގައި މިއަދު ބައްދަލުކުރައްވަން ނިންމަވައިފި އެވެ.
އެނގިފައިވާ ގޮތުގައި އެ ބައްދަލުވުން ތާވަލް ކޮށްފައި ވަނީ ޖޭޕީގެ އޮފީސް މ. ކުނޫޒްގަ އެވެ. ބައްދަލުވުމުގެ އެޖެންޑާ އަދިއެއް ނޭނގެ އެވެ.
ޖޭޕީގެ ރިޔާސީ ކެންޑިޑޭޓް ގާސިމްގެ އެދިވަޑައިގަތުމަކަށް އެމްއެންޕީގެ ފަރާތުން އޭނާއާ ސަން އައިލެންޑް ރިސޯޓްގައި އިއްޔެ ބައްދަލުކުރެއްވީ އެމްއެންޕީގެ ކެންޑިޑޭޓް ނާޒިމްގެ އިތުރުން ނައިބު ރައީސް އަބްދުﷲ ރިޔާޒާއި ނާޒިމްގެ ތަރުޖަމާން އަހުމަދު އުޝާމެވެ.
"ދެއްކެވުނު ވާހަކަތައް ވަރަށް ކާމިޔާބު. އުއްމީދުތަކެއް އަޅުގަނޑުމެންނަށް ލިއްބައިދިން. ދެން އިތުރަށް ކުރިއަށް ގޮސް މެދުކެނޑުމެއް ނެތި ބައްދަލުވުންތައް ދާ ގޮތް އަޅުގަނޑުމެން ރައްޔިތުންނާ ހަމައަށް ގެނެސްދޭނަން،" އެމްއެންޕީއާ އެކު އޮތް ބައްދަލުވުމަށް ފަހު ގާސިމް ވިދާޅުވި އެވެ.
އުޝާމް ވިދާޅުވީ، ގާސިމާ އެކު ބޭއްވި ބައްދަލުވުމުގައި ވާހަކަ ދެއްކީ ރިޔާސީ އިންތިހާބާއި އަންނަ އަހަރުގެ މަޖިލިސް އިންތިހާބުގައި ދެ ޕާޓީން އެކުގައި މަސައްކަތް ކުރުމާ ގުޅޭ ގޮތުން ކަމަށެވެ.
ޖޭޕީގެ ލީޑަރު ގާސިމް އަރިހުގައި އެމްއެންޕީގެ ރިޔާސީ ކެންޑިޑޭޓް ނާޒިމާއި އެ ޕާޓީގެ ބައެއް އިސްވެރިން އިއްޔެ ބައްދަލުކުރައްވަނީ.--- ފޮޓޯ: ޓުވިޓާ
"އަޅުގަނޑުމެން ގަބޫލުކުރާ ގޮތުގައި ކުރިއަށް އޮތް ރިޔާސީ އިންތިހާބުގައި އަޅުގަނޑުމެން ދެ ޕާޓީއަށް އެކުގައި މަސައްކަތް ކުރެވޭނެ ހަމަ ރަނގަޅު ފޯމިއުލާއެއް ނެރެވޭނެ. ކުރިއަށް އޮތް ތާނގައި މި މަޝްވަރާތައް މިގޮތަށް ކުރިއަށް ގެންދާނަން،" އުޝާމް ވިދާޅުވި އެވެ.
ގާސިމާއި ނާޒިމް އަދި ނަޝީދު މި ފަހަރުގެ ރިޔާސީ އިންތިހާބަށް ގުޅިގެން މަސައްކަތް ކުރައްވާ މިސްރާބަކަށް ދަތުރުކުރާ ކަމަށް ބެލެވޭއިރު ގާސިމާއި ނަޝީދު މީގެ ކުރިން ވެސް އެކުގައި މަސައްކަތް ކުރެއްވުމުގެ މަޝްވަރާތަކެއް ކުރެއްވި އެވެ. އެކަމަކު، ހައެއްކަ ބައްދަލުވުމަށް ފަހު ވަކިކޮޅެއްގައި ނުޖެހި ޖޭޕީ އާއި ނަޝީދުގެ މަޝްވަރާތައް މެދުކެނޑުނީ އެވެ. އެނގިފައިވާ ގޮތުގައި އެ މަޝްވަރާތައް އެ ފަހަރު ހުއްޓުނީ ނަޝީދު ގެންގުޅުއްވާ ބަރުލަމާނީ ނިޒާމާ ހެދި އެވެ. ނަޝީދު އޭރު ގެންގުޅުއްވި "ފިކުރަށް" ސިޔާސީ ޕާޓީއެއްގެ ހައިސިއްޔަތު އެ ދުވަސްވަރު ނެތުމަކީ ވެސް ސަބަބެކެވެ.
ނަމަވެސް ފަހުން ނަޝީދުގެ އަރިސް ބޭފުޅުން ވަނީ ދަ ޑިމޮކްރެޓްސްގެ ނަމުގައި ސިޔާސީ ޕާޓީއެއް އުފައްދައިފަ އެވެ. ނަޝީދަކީ ވެސް މިހާރު އެ ޕާޓީގެ މެމްބަރެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނރުޓޭ
19 July 2023
އަމިއްލަ އެދުމައިގެން ތަތްތެޅި ފޯވެފަ ތިބި ބައެއް ތިތާ ތިބީ އެނގިއްޖެ! ތާހިރު ވެއްޖެ ނަސީދުގެ ވެރިކަން ވައްޓާލަން ފޫގަޅާފަ ތިބި ގާސިމާ ނާޒިމު އެހެރީ މިހާރު ނަސީދު އާ އެއްކޮށް! ރޭޕް ގެ ބޮޑެތި ތުހުމަތުތައް ކުރެވިފަ ތިބި މީސްމީހުންވެސް އޯކޭ ކޮށްގެން ތިބި ބަޔަކަށް ވައްކަަމާ އެހެންކަންތައްވެސް ހަމަ އޯކޭ ވާނެ ކަމަށް ބެލެވެނީ! ގައުމަށް ހެޔޮ އެދިގެން އުޅޭ އެކަކުވެސް ތިތާކު ނެތް!
ޑިމޯ އަންނި
19 July 2023
އަންނި އާ ނާޒިމް އަދި ގާސިމް 7 ފެބުރުއަރީ 2012 އަންނިގެ ދުލުން ހެދި ބޮޑު ތެދު
ހަސޯ
19 July 2023
މި 3 މީހުން ނޮވެމްބަރ އެގާރަޔަށް ތަންކޮޅެއްބޮޑު އަނގަމަތީ މަސްދޯންޏެއްގަ މަހައްދާން ތައްޔާރުވުމަށް ގޮވާލަން
ޑިސްއޮނަރަބަލް ޑީޑީ
19 July 2023
ރީކޯ މޫސާނިކު މިދައްކަނީ ރަނގަޅުވާހަކައެއްތާ. އެއީ ބަޣާވާތެއްނޫން. އެއީ ސިޔާސީ އެންމެހާފަރާތްތަކުން ގުޅިގެން ރައްޔިތުންގެ ލޯތަކަށް ތަމްސީލުކޮށްލި ޑުރާމާއެއް. މިއަދު ކަންހިނގަމުންދާގޮތަށް ރިއާޔަތްކޮށް އިއްޔެއަށް ދުރުމިއަޅާލުމުން ބޮޑުމަންޒަރު ވަަރަށް ސާފުކޮށް ފެނި ހާމަވޭ.
ސުންދުސް
19 July 2023
ވެރިކަމަށް ފެންބޮވައިގެންފަ ތިބި 3 މީހުން އެކަކު އަނެކަކަށް ސްޕައިކުރަން ބާއްވާ ބައްދަލުވުން. ނަތީޖާ ދައްކަނީ އިބޫ އެއްބުރުން ބޮޑުތަނުން ނަގާނެކަމަށް!
ސިރު
19 July 2023
ނަޝީދު އަކީ 2012 ވަނަ އަހަރު ރާއްޖޭގައި ކުރެވުނީ ބަޣާވާތެއްކަމަށްބުނެ އޭނާއަށް ސަޕޯޓްކުރި މީހުން ގުނބޯހައްދައި ރާއްޖޭގެ މިނިވަންކަން ނަގާލައި، ރާއްޖޭގެ އިގްތިސާދަށް އެކި ގޮތްގޮތުން ގެއްލުންދޭން އުޅުން ޙާއިނެއްކަން އެކަކުވެސް ހަނދާން ނައްތާނުލާތި!އެދުވަހު ކުރެވުނީ ބަޣާވާތެއް ނަމަ މިއަދު މި އެންމެންނާއެކު އެއް މޭޒެއްގައެއް ނީންނާނެ!
މޯޑް
19 July 2023
ރަށްއިތުންގެ ސަފޯޓްއޮތް ބައެއް ނޫން ތީ. ގާސިމް އެ އުޅެނި ކެންފޭނަށް ރަށަކަށް ވެސް އަރަން ނުކެރިގެން ހަހަހަ
ހޯރަބޭ
19 July 2023
ގާސިމް ބުނި ނަސީދަކީ ވެރިކަން ނޫން އެހެން ކަމެއް ބޭނުންވާ މީހެއް ނޫނޭ. ނާޒިމް ހިތްވަރެއް ހުރިއްޔާ މެންބަރުކަމުން އިސްތުއުފާދީފަ އަމިންލައަށް ހޮވިބަލާށޭ ވެސް. ތިމަންނާ 5 ލައްކަ ހަރަދު ކުރީމަ ހިޔާނާތްތެރި ވެފަ ހުރި ބޭފުޅެކޭ. ދެން ކޮން ވާހަކަ އެއް ދެށްކޭނި
ރާއްޖެ
19 July 2023
މި ސަރުކާރުން ހޭވި ހުރިހާ ހަޑިއެއްގަ ބަރާބަރަށް ބައިވެރިވެފަ އިންތިހާބަށް މަހަކަށް ވީމާ ވަކި ވެގެން ކަމަށް ދައްކައިގެން އަޔަސް ތިހީ ހަމަ އެއްބައެއް. ގާސިމްގެ އައިޝާ އަދިވެސް ކެބިނެޓްގަ. މި ސަރުކާރުން ނާޒިމްގެ ރސސ އަށް ބިލިޔަނަކަށް ވުރެ ގިނަ ރފ ގެ ޕްރޮޖެކްސް. ދެން ކޮން ވާހަކައެއްތޯ؟
އައިދާ
19 July 2023
މާ އެކުވެރި ބަޔަކަށް ހެދިގެންތިބެ އެތައްފަހަރެއް ރައްޔިތުން ގުބޯ ހައްދައިފި ވެރިކަން ލިބޭތާ ދެދުވަސް ނުވަނީސް އެއްބަޔަކު އަނެއްބަޔަކަށް ކެވޭވަރު މަދުވެގެން ތަޅައިގަންނާނެ. ޜައްޔިތުންގެ ޖީބު ހުސްވެ މި މީސް މީހުން ގައުމު ހުސްކޮށް ކަނީ