މި އަހަރުގެ ރިޔާސީ އިންތިހާބުގައި އެއް ކެނޑިޑޭޓަކު ނެރެން ޖޭޕީ އާއި ޑިމޮކްރެޓްސް އަދި އެމްއެންޕީން މަޝްވަރާކުރުމަށް ބޭއްވި ބައްދަލުވުމުގައި ޑިމޮކްރެޓްސްގެ މެމްބަރު އަދި ރައްޔިތުންގެ މަޖިލީހުގައި ރައީސް މުހައްމަދު ނަޝީދު (ވ)، ޖޭޕީގެ ލީޑަރު، ގާސިމް އިބްރާހިމް (މ) އަދި އެމްއެންޕީގެ ރައީސް މުހައްމަދު ނާޒިމް (ކ).-- ފޮޓޯ: ނިޝާން އަލީ | މިހާރު
19 ޖުލައި 2023 - 15:08
142 comments
މި އަހަރުގެ ރިޔާސީ އިންތިހާބުގައި އެއް ކެންޑިޑޭޓަކު ނެރެން ޖޭޕީ އާއި ޑިމޮކްރެޓްސް އަދި އެމްއެންޕީން މިއަދު އެއްބަސްވެއްޖެ އެވެ.
ރިޔާސީ އިންތިހާބުގައި އެކުގައި މަސައްކަތް ކުރުމަށް މަޝްވަރާކުރުމަށް މެންދުރުފަހު މ. ކުނޫޒުގައި ބޭއްވި ބައްދަލުވުމަށް ފަހު ޖޭޕީގެ ލީޑަރު، ގާސިމް އިބްރާހިމް ވިދާޅުވީ، އެ ތިން ޕާޓީން އެއް ކެންޑިޑޭޓަކު ނެރެން އެއްބަސްވެފައިވާ ކަމަށެވެ. ދެން އޮތީ އެ މަޝްވަރާ އެންމެ ބޮޑު އިދިކޮޅު ޕާޓީ ޕީޕީއެމްގެ އިތުރުން އެމްއާރުއެމްއާ ކުރުން ކަމަށް ވެސް، ނޫސްވެރިންގެ ބައްދަލުވުމުގައި ގާސިމް ވިދާޅުވި އެވެ.
"އަޅުގަނޑުމެންނަށް އިން ޕްރިންސިޕަލް އެއްބަސްވެވިއްޖެ މިއަދު، މި ތިން ޕާޓީން ވެސް ވާހަކަދައްކައިގެން އަދި ޕީޕީއެމް އާއި އެމްއާރުއެމްއާ އެކު ވެސް ވާހަކަދައްކައިގެން އެއް ކެންޑިޑޭޓަކު ނެރެން. އަޅުގަނޑުމެންނަށް އެއްބަސްވެވޭ ކަމަށް ވަންޏާ އެގޮތަށް ދިއުމަށް އަޅުގަނޑުމެން ތިން ޕާޓީގެ އިސްބޭފުޅުންނަށް އެއްބަސްވެވިއްޖެ،" އޭނާ ވިދާޅުވި އެވެ.
މި އަހަރުގެ ރިޔާސީ އިންތިހާބުގައި އެއް ކެނޑިޑޭޓަކު ނެރެން ޖޭޕީ އާއި ޑިމޮކްރެޓްސް އަދި އެމްއެންޕީން މަޝްވަރާކުރުމަށް ބޭއްވި ބައްދަލުވުމުގައި ޑިމޮކްރެޓްސްގެ މެމްބަރު އަދި ރައްޔިތުންގެ މަޖިލީހުގައި ރައީސް މުހައްމަދު ނަޝީދު އާއި ޖޭޕީގެ ލީޑަރު، ގާސިމް އިބްރާހިމް ސަލާންކުރައްވަނީ.-- ފޮޓޯ: ނިޝާން އަލީ | މިހާރު
ޕާޓީތަކުން އެއްބަސްވާ އެއް ކެންޑިޑޭޓަކީ ގާސިމްތޯ ނޫސްވެރިން ތަކުރާރުކޮށް ސުވާލުކުރުމުން އޭނާ ވިދާޅުވީ، އެއްބަސްވާ އެއް ބޭފުޅަކީ އޭނާއަށް ނުވެއްޖެ ނަމަ ފަހަތަށް ޖެހިވަޑައިގަންނަވަން ވެސް ތައްޔާރަށް ހުންނެވި ކަމަށެވެ.
އަޅުގަނޑު ނޫން ކަމަށް ވަންޏާ، އަޅުގަނޑު ވެސް ފަހަތަށް ޖެހިގެންތާ ދެން ހުރި މީހަކު ނެރެވޭނީ: ގާސިމް
"އަޅުގަނޑު ނޫން ކަމަށް ވަންޏާ، އަޅުގަނޑު ވެސް ފަހަތަށް ޖެހިގެންތާ ދެން ހުރި މީހަކު ނެރެވޭނީ،" ގާސިމް ވިދާޅުވި އެވެ.
އެމްއެންޕީގެ ރައީސް މުހައްމަދު ނާޒިމް ވިދާޅުވި ގޮތުގައި، ގައުމުގެ ހާލަތު މިވަގުތު އޮތް ގޮތުން އެއް ކެންޑިޑޭޓަކު ނެރެގެން އިންތިހާބުގައި ވާދަކުރުމަކީ އެންމެ ފައިދާ ހުރި ގޮތް ކަމަށް އޭނާ ދެކެވަޑައިގަންނަވަ އެވެ.
މި އަހަރުގެ ރިޔާސީ އިންތިހާބުގައި އެއް ކެނޑިޑޭޓަކު ނެރެން ޖޭޕީ އާއި ޑިމޮކްރެޓްސް އަދި އެމްއެންޕީން މަޝްވަރާކުރުމަށް ބޭއްވި ބައްދަލުވުމުގައި ޑިމޮކްރެޓްސްގެ މެމްބަރު އަދި ރައްޔިތުންގެ މަޖިލީހުގައި ރައީސް މުހައްމަދު ނަޝީދު އާއި އެމްއެންޕީގެ ރައީސް މުހައްމަދު ނާޒިމް ވާހަކަދައްކަވަނީ.-- ފޮޓޯ: ނިޝާން އަލީ | މިހާރު
"އެހެންވެ އަޅުނޑުމެން ތިން ޕާޓީން މިއަދު މިއޮތީ އެކަމަށް އެއްބަސްވެފައި،" އޭނާ ވިދާޅުވި އެވެ.
އެއް ކެންޑިޑޭޓަކު ނެރެން ތިން ޕާޓީން އެއްބަސްވި ކަމަށް ގާސިމާއި ނާޒިމް ވިދާޅުވިޔަސް، ނަޝީދު ވިދާޅުވީ އެކަމުގެ މަޝްވަރާތައް ކުރިއަށް ދާ ކަމަށެވެ. އެއް ކެންޑިޑޭޓަކު ނެރެން އެއްބަސްވި ކަމަކަށް ވިދާޅެއް ނުވެ އެވެ. އަދި މާ ގިނައިރު މަޑުނުކުރައްވާ، ނޫސްވެރިންގެ ބައްދަލުވުމުގެ މެދުން އެތަން ދޫކުރައްވާ ނަޝީދު ވަޑައިގެންނެވި އެވެ.
ގާސިމާއި ނަޝީދު މީގެ ކުރިން ވެސް އެކުގައި މަސައްކަތް ކުރެއްވުމުގެ މަޝްވަރާތަކެއް ކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާ......
20 July 2023
ޤާސިމަށް އެނގޭނެބާ އަލިފާނާ ފެނާ ވަކިކުރަން
ޙިނި
20 July 2023
ގާސިމް ސަކަރާތް ނާޒިމް ވެސް ސަކަރާތް، މިނީހުނައް ވޯޓެއް ނުދެވޭނެ.
މިއޮތީ
20 July 2023
ޑެސްޕަރޭޓްވެގެން ކުރާ ކަންކަމަކުން ފައިދާއެއް ނެތް. ހަރުދަނާ ނިންމުމެއް ނުނިންމުމުގެ ނަތީޖާ ވަރަށް ހިތިވާނެ. އަހަރެމެން ތިބޭނަން ބަލަން!!
ސީތާ
20 July 2023
މިފަހަރު ޤާސިމަށް ތިޔަ ފުރުޞަތުދޭން މަށަށްފެނޭ. ސަބަބަކީ އެފަކީރުގެ މުޅި ޢުމުރު ހުސްވުމުގައި މިދަނީ މިކަމެއްނުވެގެން. އެހެންނޫނަސް ލައިފްގައި ނުވެފައި އޮތް ހަމައެކަނި ޑްރީމަކީވެސް އެއީކަމަށް ޤާސިމް ވަނީ ބުނެފައި. ސޯ މިފަހަރު ހިނގާބަލަ ޤާސިމަށް ފުރުޞަތެއްދޭން. އެކަމަކު ޝަރުޠަކީ ދެވަނަ ދައުރެކޭ ނުކިޔުން. މިގޮތަށްވިއްޔާ މަ މިހުރީ ޤާސިމާއެކު
މިއޮތީ
20 July 2023
ގާސިމަކަށް ވެރިކަމެއް ނުކުރެވޭނެ...މޮޅަށް ވިޔަފާރި ކުރެވިދާނެ!!
މޫސާކުއްދާ
20 July 2023
އެކަކު ނެރުނަސް ތިން މީހުން ވަކިވަކިން ނުކުތަސް ﷲ ގެ އިރާދަފުޅާއިއެކު ރައީސް އިބްރާހިމް މި އިންތިޚާބު ބޮޑުތަނުން ކާމިޔާބުކުރާނެ. ރައްޔިތުން ތިބީ އިބްރާހިމް ދޫކުރާގޮތަކަށް ނޫން.
ރައްޔިތުންނޭ
20 July 2023
ތިޔަބުނާ ރައްޔިތުން ތިބީ ކޮންތާކު. އަހަރެމެން ދިވެހިން އެދެނީ ބަދަލެއް. އެހެން ގޮތެއް. މުޅިން އައު ރަނގަޅު ލީޑަރެއް.
ކުއްދޭ
20 July 2023
ހުދުކާޅު ސީލާތަން ތިޔަ ފެންނަނީ
ސުނާރު
20 July 2023
މީގަ މަޖާކަމަކީ އެއް ޕާޓީވެސް އެޕާޓީގެ ކެނޑިޑޭޓް އެންޑޯޒްނުކުރަންޏާ ކޯލިޝަން، ހަދާކަށް ބޭނުމެއް ނުވޭ، މިވަރުންވެސް މިކިޔަނީ އެއްކެނޑިޑޭޓް ނެރެނިއްޔޭ،
އަންޑޭ
19 July 2023
ޖުލައި މަސް ނިމެންދެން ތި ކޯލިޝަން ދެމިއޮންނާނެބާ؟
ޢަހްސަން ފަރީދު
19 July 2023
ރ.ނަޝީދާއެކީ އިދިކޮޅަށް ބައިވެރިވެގެން މާބޮޑު ބުރަދަނެއް ހިފާނެ ކަމަށް ނުދައްކާ.. ސަބަބަކީ، ނާޝީދު ސަޕޯޓަރުންނަކީ ވަރަށް މަދު ބަޔަކަށް ވެފައި، ވަޒީފަގެއްލި މަގުގެއްލި މަގުމަތިވެފަ ތިބޭ ހާލަތުގަވެސް އައުގުރާނަ ގޮވައިގެން މީހުންގެ އަގު ވައްޓާލައިގެން، އަބުރު ކަތިލާއިގެން ކުރި ލިބިދާނެކަމަށް ދެކޭބަޔަކަށް ވުމުން.
ޢަހްސަން ފަރީދު
19 July 2023
ކޮންމެ ކަމަކަށް ވެސް މުނާސަބު ވަގުތުވޭ. އެއްކެނޑި ޑޭޓަކު ނެެރެން މާބޮޑަށް ލަސްވީ. ހިންނަވަރު އިބްރާހިމް މިވަގުތު ހުރީ މާކުރީގަ ކަމަށް ދައްކަނީ. ބޮޑަށް އެހެންވާންދިމާވީ،. ރ.ނާޝީދު ޕްރައިމަރީން ބަލިވީމަ، ނަޝީދުގެ ސަޕޯޓަރުން އިބްރާހިމްއަށް ހަޑިއެއްޗިހިގޮވާ ވަގައްގޮވަން ހަދައިގެން. ސިޔަސީ ދަނޑުގެ ލޭންޑްސްކޭޕް ބަދަލުވަމުދާ ގޮތަށް ބަލާއިރު ރ.ނާޝީދުއަކީ، މިއަދު ރ.މައުމޫނު ފަދައިން 5ގަޑި ބައިވެހުރި ލީޑަރެއް.
އޯކޭ
20 July 2023
އޯކޭ އެހެންވިޔަސް. ނަޝީދު އަދި 5 ގަޑި ބައިވެފަ ހުއްޓަސް، ނާޒިމް ކަހަލަ، ރަނގަޅަށް ފޯދިފަ ހުރި ސިޔާސީ ރަނގަޅު ލީޑަރުން މި ތިބީ. އެފަދަ މީހެއްގެ ފަހަތަށް އެންމެން އަރައި ދެން މަސައްކަތްކޮށްލީމަ ނޭނގއެއްނު އެއްބުރުންވެސް ނެގިދާނެ
މުޖައްރިބް
19 July 2023
އިބޫ އަކީ އޭރުވެސް ޗޮއިސް އެއް ނޫން. އެކްސިޑެންޓަލް ޕްރެޒިޑެންޓެއް. ގާބިލްކަމެއް ނެތި ، ވަގުތީ ޗޮއިސް އެއްގެ ގޮތުގައި ގެނައި ރައީސެއް. މި ހަގީގަތް ބަދަލެއް ނުވޭ . ނުވެސް ވާނެ!
ޚިލަފުކެއް
19 July 2023
އެކްސިޑެންޓުވެފަ ދެން ތިބޭ. ގައިމުވެސް އިބޫ ބަހުގެ އިތުބާރު ބޮޑު
އިތުބާރު
20 July 2023
އިތުބާރުބޮޑޭ ތިޔަ ބުނީ، އިބޫއަށް ނޭނގޭ ކިޔޭނުކިޔޭ ވެސް. މިހާރު އެބަ ބުނޭ 10 އަހަރު ވެރިކަން ކޮށްފިކަމަށްވެސް
ކަރާސީނު
20 July 2023
އެކްސިޑެންޓަލްވީ އެމްޑީޕީ ޕްރައިމަރީ ހަޖަމުނުވި ބަޔަކަށް. އިބޫއަކީ ފިސަހަރި ރައީސެއް. އެކަން ބަދަލު ނުކުރެވޭނެ.