ރިޔާސީ އިންތިހާބަށް އެއް ކެންޑިޑޭޓަކު ނެރުމަށް ޑިމޮކްރެޓްސް އާއި ޖޭޕީ އަދި އެމްއެންޕީއާއެކު ބޭއްވި ބައްދަލުވުމުގައި ނަޝީދު ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު
19 ޖުލައި 2023 - 14:47
45 comments
އެންމެ ފަހުން އުފެއްދި ޑިމޮކްރެޓްސްގެ ރިޔާސީ ޕްރައިމަރީއަކަށް ޝައުގުވެރިކަމެއް ނެތް ކަމަށް، ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
އެ މަނިކުފާނާއި ޖުމްހޫރީ ޕާޓީގެ ލީޑަރު ގާސިމް އިބްރާހިމް އަދި އެމްއެންޕީގެ ލީޑަރު މުހައްމަދު ނާޒިމާ އެކު، ގާސިމްގެ އިސްނެންގެވުމަށް ބޭއްވި ބައްދަލުވުމަށް ފަހު، ޑިމޮކްރެޓްސްގެ ރިޔާސީ ޕްރައިމަރީގައި ވާދަކުރުމުގެ ޝައުގުވެރިކަން ހުރިތޯ ނޫސްވެރިއަކު ސުވާލުކުރުމުން ނަޝީދު ވިދާޅުވީ އެ ޝައުގެއް ނެތް ކަމަށެވެ.
"ނޫން، ނެތް" ޖޭޕީގެ ޖަގަހައިގައި ބޭއްވި ބައްދަލުވުމުގައި، މަޖިލީހުގެ ރައީސްކަން ވެސް ކުރައްވާ ނަޝީދު ވިދާޅުވި އެވެ.
އެމްޑީޕީ ދެފަޅިވެ، ޑިމޮކްރެޓްސްގެ ނަމުގައި ސިޔާސީ އާ ޕާޓީއެއް އުފެއްދީ ވެސް ރިޔާސީ ޕްރައިމަރީއަށް ފަހު ނަޝީދާއި ރައީސް އިބްރާހިމް މުހައްމަދު ސޯލިހުގެ ފެކްޝަންގައި އުފެދުނު ހިޔާލު ތަފާތުވުންތަކާ އެކު އެވެ.
ވެރިކަން ކުރާ މައި ޕާޓީ، އެމްޑީޕީން މިދިޔަ ޖެނުއަރީ މަހު ބޭއްވި ޕްރައިމަރީ ބޮޑު ތަފާތަކުން ކާމިޔާބުކުރެއްވީ ރައީސެވެ. ނަމަވެސް، ދެބަސްވުންތަކަށްފަހު މިިދިޔަ މަހުގެ 21 ގައި ނަޝީދު އެމްޑީޕީން ވަކިވެވަޑައިގެން، އެ މަނިކުފާނަށް ތާއިދުކުރައްވާ ބޭފުޅުން އުފެއްދެވި ޑިމޮކްރެޓްސް އަށް މި ފަހުން ސޮއިކުރެއްވި އެވެ.
އެ އަށް ފަހު، އެ ޕާޓީން އަންނަނީ ރިޔާސީ އިންތިހާބަށް ތައްޔާރުވަމުންނެވެ. ރިޔާސީ ޕްރައިމަރީއަށް ވަރަށް އަވަހަށް ހުޅުވާލާނެ ކަމަށް ޑިމޮކްރެޓްސް އިން ބުނިއިރު، އެ ޕާޓީގެ މެނިފެސްޓޯގައި ހިމެނޭ "ފަސޭހަ ވިޔަފާރި" ވަނީ އިއްޔެ ލޯންޗުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޝީދު
20 July 2023
ހަގީގަތަކީ މިގައުމުގައި އުޅޭ ސިޔާސީ މީހުންގެތެރޭގައި ހުރި އެންމެ ވެރިކަން ބޭނުންވާ އަދި އެހެން މީހަކަށް ވެރިކަން ލިބޭތަން ދެކެން ހިތަށް ކެތއނުވާ މީހަކީ ނަޝީދު. އަޑަށް ބާރުލާފަ ތިހެން ގޮވިއަސް އަމިއްލަ ޕާޓީެިން ނިކުތީ ޕްރައިމަރީއިން ބަލިވެ ފުރުސަތު ގެއްލުމުން. ތިއީ ވެރިކަން ނޫން އހެން އެއްޗެއް ބޭނުނވާ މީހެއްނޫން. މޮޔަނުގޮވާ !
ސައިނީސް
20 July 2023
ކެކެކކެކެކެ ތިހެން ބުނި މަޖްލިސް ރައީސްގެ ވޯޓައަށް ވެސް ދޯ!
ބޮޑުވަޒީރު
20 July 2023
ތިޔަބުނި ބަހާއި ދިމާ އިދިކޮޅަށް ކަންތައްވާނީ
ސައްޙާފް
20 July 2023
ދަންނާތި. 2002 އިން ފެށިގެން އަދާހިސާބަކަށް ކަންވެފައިވާގޮތަށް ބަލާއިރު، މި ބުނި ބަހުގެ މާނައީ، ރިޔާސީ ޕްރައިމަރީ ކޮންމެހެން ކާމިޔާބު ކުރަން ބޭނުންކަމާއި، އެކަން ނުވެއްޖެ ނަމަ، ޑިމޮކްރެޓްސް ރޫޅާލަންވެސް ތައްޔާރުކަން.
އަންނި13567
20 July 2023
މަ މިބުނީ މަ "ރިޔާސީ" ޕްރައިމަރީއަކަށް ޝައުގުވެރިކަމެއް ނެތޭ! އެކަމަކު ރައީސްކަމަށް ޕަޕެޓެއް ލާފަ ބޮޑުވަޒީރުކަމަށް ނާންނާނަމެކޭ ނުބުނަމެއްނު.
ދޮގުވެރިޔާ
20 July 2023
މުހައްމަދު ނަޝީދަކީ އެވަގުތަކާއިގުޅޭގޮތުން ވާހަކަދައްކާފައި، ފަހުން އެއީ ދޮގެއްކަމަށްވެއްޖެޔާ، އެކަން ޖަސްޓިފައިކުރަން އިތުރު ދޮގު ހަދާ މީހެއް. މިއީ މީނާގެ ފަލްސަފާއަކީ. ނަޝީދު ތިޔަ ސުވާލުކުރިގަޑީ ވިސްނާނީ، އެވަގުތު ތިރިޕޯޓަރުންނަށް އިއްވާނީ ކޮންއެއްޗެއްތޯ. ދެން ފަހުން ޕްރައިމަރީގައި ވާދަކުރަންޖެހުނީމާ، އީވާ ފަދަ މީހުންކައިރި ބުނާނީ ވިސްނާށެ މިކުރާ ކަންތައް ޖަސްޓިފައިކުރާނެ ގޮތުން. މިހާރުގެ އަތްމަތީ ބަހަކީ ހާލަތު ބަދަލުވެއްޖެޔޭ
ލަގޮނޑި އަލީ
20 July 2023
މަޖިލިހުގެ %62 ގެ އިތުބާރު ނެތަސް ގަދަ ބާރުން އެތާ ހުންނަ މީހެއް. މީހަކު މަގާމެއް ބޭނުން ނުވާނީ މިހާކަންހާ ވަރަށް.
ސާމިރާ
20 July 2023
ވާހަކަޔާއި އަމާލާއި ކިތަންމެ ދެފުށްކެހެރިޔަސް އަންނިވެސް ކޮށްދިން ރަނގަޅު ކަންކަން އަހަރުމެން ލޮލުން ބޮލުން ބަލައިގަންނަންޖެހޭނެ.
އަނިޔާވެރިޔާ
20 July 2023
ކޮބާތަ ކޮށްދިން ރަނގަޅުކަންތައްތަކަކީ، ވެރިކަމުގައިހުރެ ފައިބައިގެންދަމުން ޖެހިގެން އައިދުވަހު އޭނާ އެވަނީ އެތައް އަހަރެއްގެ މަސައްކަތުން ރާއްޖެގެނެވިފައިވާ އުމްރާނީ ތަރައްޤީގައި ހުޅުޖަހާ އަންދާލާ އެތައްތަނެއް ތަޅާ ސުންނާފަތިކޮށް އެތައް ގެއްލުމެއްދީފައި، އެވަރުން ނުވެގެން ރާއްޖެއާއި ބޭރުގެ ގުޅުން ކަނޑުވާލައި ރާއްޖެއަށް އާމްދަނީ ވަންނަންތިބިހާދޮރެއް ބަންދުކުރަން މަސައްކަތްކޮށް އިގްތިޞޯދީގޮތުންވެސް ރާއްޖެ ބޮޑު އަނދަވަޅަކަށް އޭނާވަނީ ވައްޓާލާފައި
ކަތްދައްތަ
20 July 2023
މަށަކަށް ވެސް މޭބިސްކަނދުރު ހުތްވެގެން އުޅޭތާ ދެތިން މަސްވެއްޖެ.
ހާދަ ތަތޭ
20 July 2023
މި މުސްކުޅިންތައް ތަޅާފޮޅާވަރުންވެސް. އެއްކޮޅުން ނަޝީދުގެ ކާފަތައް. އަނެއްކޮޅުން ޔާމީނުގެ މާމަތައް. ނިންމާލަބެ