އެކްޓަރު އަދިތިޔަ ރޯއީ ކަޕޫރު.
22 ޖުލައި 2023 - 08:55
2 comments
ބޮލީވުޑްގެ އެކްޓަރު އަދިތިޔާ ރޯއި ކަޕޫރު އަމިއްލަ ލަވަ އަލްބަމެއް އިއުލާންކޮށްފި އެވެ.
އަދިތިޔަ މީޑިއާއަކަށް ދިން އިންޓަވިއުއެއްގައި ބުނީ މިއުޒިކަކީ އޭނާ އަބަދުވެސް ވަރަށް ޝައުގުވެރިވާ ކަމެއް ކަމަށް ވާތީ، އަލްބަމެއް ނެރުމުގެ މަސައްކަތް ފަށާފައިވާ ކަމަށެވެ. އެ އަލްބަމްގައި ހުންނާނީ ވެސް އޭނާ އަމިއްލައަށް ކިޔާފައިވާ ލަވަތައް ކަމަށް ބުންޏެވެ.
ނަމަވެސް އަލްބަމް ނެރޭ ދުވަހެއް ނުބުނެ އެވެ.
ފިލްމު ކުޅެން ފެށުމުގެ ކުރިން ވެސް އަދިތިޔަ އަކީ މިއުޒިކީ ދާއިރާގައި އުޅުނު ފަންނާނެކެވެ.
އެ އިންޓަވިއުގައި އަދިތިޔަ ބުނީ ފިލްމުތަކަށް ލަވަކިޔަން ވެސް އޭނާ ބޭނުންވާ ކަމަށެވެ.
އަދިތިޔަ ބުނި ގޮތުގައި، 2013 ގައި ރިލީޒްކުރި އޭނާގެ ފިލްމު "އާޝިގީ 2"ގެ މަސައްކަތް ކުރި ދުވަސްވަރު އެ ފިލްމަށް ލަވައެއް ކިޔަން، އެ ފިލްމުގެ ޑައިރެކްޓަރު މޯހިތު ސޫރީއާ ވެސް ވާހަކަދެކެވުނެވެ. އެކަމަކު، އޭރު އެކަން ނުވީ އެވެ.
އޭނާގެ ކުރިއަށް އޮތް ފިލްމަކީ "މެޓްރޯ އިން ދިނޯ" އެވެ. އޭނާ އެންމެފަހުން ފެނުނީ ޑިޒްނީ ޕްލަސް ހޮޓްސްޓާއިން ގެނެސްދިން "ދަ ނައިޓް މެނޭޖާ" އިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުލްބުލް.
22 July 2023
އެހެން މީހުން ކިޔާ ލަވަ ކަމުނުދަނީތަ!
ހަސީނާބޭގަމް
22 July 2023
ފޫޅުން ތިރި އެއީ ފިރިހެނުންގެ އައުރަ ކަން ނޫސްވެރިން ނުދަތުން ވަރަށް ދެރަ! ނޫސްވެރިން (ހާއްސަކޮށް މުނިފޫހި ފިލުވާ ހަބަރު ގެނެސްދޭ ނޫސްވެރިން) ފާހަގަ ވަނީ މުޖުތަމައުގެ ހިފަހައްޓަން ޖެހޭ އަހްލާގީ މިންގަނޑު ނުހިފަހެއްޓޭ ބައެއްގޮތުގަ! ފިރިހެނެ އަންހެނެއް އައުރަ ނިވާކުރުމުގައި ތަފާތެއް ނޯވޭ!