ވިޔަފާރި / ދިރާގު

އެއް ލައްކަ ރުފިޔާގެ އިނާމު ޕޫލަކާ އެކު ދިރާގުން މޮބައިލް ލެޖެންޑްސް ކޮންކުއެސްޓެއް ބާއްވަނީ

މި ލިންކުން ރަޖިސްޓާކުރެވޭނެ. -- ފޮޓޯ: ދިރާގު

ދިރާގުން މޮބައިލް ލެޖެންޑް ކޮންކުއެސްޓެއް ބާއްވަން ނިންމައި، އެ މުބާރާތުގައި ބައިވެރިވުމުގެ ފުރުސަތު ހުޅުވާލައިފި އެވެ.

އެއް ލައްކަ ރުފިޔާގެ އިނާމު ޕޫލެއް ހުށަހަޅައި ގޭމަރުން ރަޖިސްޓްރީވުމުގެ ފުރުސަތު މި މަހުގެ 26 ވަނަ ދުވަހުގެ ނިޔަލަށް ވަނީ ހުޅުވާލަފަ އެވެ. މި މުބާރަތް ބާއްވާނީ މި މަހުގެ 28 ވަނަ ދުވަހުން އަންނަ މަހުގެ ފަސް ވަނަ ދުވަހުގެ ނިޔަލަށެވެ.

މުބާރާތުގައި ބައިވެރިވެވޭނީ 15 އަހަރުން މަތީގެ ފަރާތްތަކަށެވެ. އަދި ބައިވެރިވުމުގެ ފުރުސަތު ހުޅުވާލާފައި ވަނީ ހަމައެކަނި ދިވެހިންނަށެވެ.

E-Sports Sign-Up | Dhiraagu

Welcome to Dhiraagu E-Sports Sign-up!

މި ލިންކުން ރަޖިސްޓާކުރެވޭނެ.

މި މުބާރާތަކީ 40 ޓީމެއްގެ ލިމިޓެޑް ސްލޮޓުތަކެއްގައި ކުރިއަށް ގެންދިއުމަށް ހަމަޖެހިފައިވާ މުބާރާތަކަށްވުމުން މުބާރާތުގެ ޖާގަ ކަށަވަރުކުރުމަށް ވީހާވެސް އަވަހަކަށް ރަޖިސްޓާކުރުމަށް ދިރާގުން ވަނީ އެދިފަ އެވެ. މި މުބާރާތުގައި ކުޅޭނީ ފަސް ކުޅުންތެރިން ހިމެނޭ ޓީމުތަކުންނެވެ.

މި މުބާރާތުގެ ފުރަތަމަ ހަތް ދުވަސް ކުރިއަށް ދާނީ އޮންލައިން ކޮށެވެ. ދިރާގުން ބުނި ގޮތުގައި އެ މެޗުތައް ދިރާގުގެ ޔޫޓިއުބް ޗެނަލް މެދުވެރިކޮށް ލައިވް ކުރާނެ އެވެ.

މުބާރާތުގެ ގްރޭންޑް ފިނާލޭ ބޭއްވުމަށް ހަމަޖެހިފައި ވަނީ ފުލް ޑޭ ފިޒިކަލް އިވެންޓެއްގެ ގޮތުގަ އެވެ. ގްރޭންޑް ފިނާލޭ ކުޅޭނީ އަންނަ މަހުގެ ފަސް ވަނަ ދުވަހު އެވެ. ފިޒިކަލް އިވެންޓެއްގެ ގޮތުގައި ގްރޭންޑް ފިނާލޭ ބާއްވަނީ މެޗު ކުޅޭތަނަށް ފައިނަލް ބުރަށް ދާ ޓީމުތަކުގެ އާއިލާއާއި ރަހުމަތްތެރިންނަށް މެޗު ލައިވްކޮށް ބެލުމުގެ ފުރުސަތު ދީ މެޗުގެ ފޯރި ގަދަކުރަން ކަމަށް ދިރާގުން ބުނެ އެވެ.

މޮބައިލް ލެޖެންޑްސް އަކީ މޮބައިލް ގޭމިންގެ ދުނިޔޭގައި މަގުބޫލު މަލްޓިޕްލޭޔާ އޮންލައިން ބެޓްލް އެރީނާ (އެމްއޯބީއޭ) ގޭމެކެވެ. މިއީ ރާއްޖޭގައި ބާއްވާ އެންމެ ބޮޑު އެއް އީ-ސްޕޯޓްސް އިވެންޓެވެ. ދިރާގުން އަންނަނީ އީ-ސްޕޯޓްސް ތަރައްގީކޮށް ކުރިއެރުވުމަށާއި ބައިނަލްއަގްވާމީ ބޮޑެތި ނަންތަކާ އެކު ހަރުދަނާ ގުޅުމެއް ގާއިމުކޮށް ޕްރޮފެޝަނަލް ގޭމް ކުޅޭ ފަރާތްތަކަށް އެހީތެރިކަން ފޯރުކޮށްދިނުމަށް މަސައްކަތްކުރަމުންނެވެ.

0 ކޮމެންޓް, 8 ރިއެކްޝަންސް

icon happy icon happy 25%
icon sad icon sad 13%
icon angry icon angry 13%
icon wow icon wow 13%
icon inlove icon inlove 38%
The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454