ޚަބަރު / އިމްރާން އަބްދުﷲ، ހޯމް މިނިސްޓަރު

ގައުމުތަކާއެކު އޮތް ގުޅުމަކީ ރާއްޖޭގެ މިނިވަންކަމުގެ ރަމްޒު: އިމްރާން

މިނިވަން ދުވަހުގެ ރަސްމީ ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ. --ފޮޓޯ: ހޯމް މިނިސްޓްރީ

އައިޝަތު ނުޒުހާ، މިހާރު

26 ޖުލައި 2023 - 11:55

ދޭދޭ ގައުމުތަކާ އެކު އޮތް ގުޅުންތަކަކީ ރާއްޖޭގެ މިނިވަންކަމުގެ ރަމްޒު ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.

މިނިވަންކަމަށް 58 އަހަރު ފުރުމުގެ މުނާސަބަތުގައި މިއަދު ބޭއްވި ރަސްމީ ޖަލްސާގައި އިމްރާން ވިދާޅުވީ ކާބަފައިން ހޯދައިދެއްވި މިނިވަންކަން އޭގެ އެންމެ ފުރިހަމަ ގޮތުގައި އަންނަން އޮތް ޖީލަށް ފޯރުކޮށްދިނުމަކީ މިއަދުގެ ޖީލުގެ ވާޖިބެއް ކަމަށެވެ.

އެ ޒިންމާ އަދާކޮށް، ރައްޔިތުންނަށް އެކަމުގެ ފުރިހަމަ އިހުސާސް ކުރެވުމަކީ ގައުމީ ވާޖިބެއް ކަމަށް ވެސް އިމްރާން ވިދާޅުވި އެވެ.

އިމްރާން ވިދާޅުވީ މިއަދުގެ ސަރުކާރުން އެ ޒިންމާ ނަގައި މިނިވަންކަން ދެމެހެއްޓުމަށް މަސައްކަތް ކުރަމުން އަންނަ ކަމަށެވެ. އަދި، އެކަމުގެ އެންމެ ފުރިހަމަ މިސާލަކީ ގައުމުތަކާ އެކު އޮތް ގާތް ގުޅުން ކަމަށް ވިދާޅުވި އެވެ.

"މިއަދުގެ ދުނިޔޭގައި މިނިވަންކަން ގެއްލެނީ ގައުމުތަކާ މެދު ބޭއްވޭ ގުޅުންތަކާ އެކަމުގައި ކަން ކުރެވޭ ނުރައްކާތެރި ގޮތްތަކުގެ ސަބަބުންކަން އިހުސާސް ކުރެވި، ދުނިޔޭގެ ހުރިހާ ގައުމުތަކާއެކު ބޭއްވޭ ސުލްހަވެރި މަތިވެރި ގުޅުންތަކަކީ މިއަދު މި ރާއްޖޭގެ މިނިވަންކަމުގެ ރަމްޒު،" އިމްރާން ވިދާޅުވި އެވެ.

އެ ގުޅުން އެ ގޮތުގައި ދެމި އޮންނާނީ ރާއްޖޭގެ ފުރިހަމަ ހާރިޖީ ސިޔާސަތު ކަނޑައެޅި، އެ ސިޔާސަތު ދެމެހެއްޓުމުގެޒިންމާ އަދާކުރާ ފަރާތްތަކުގެ ޝަރަފާއި އިއްޒަތް ދެމެހެއްޓިގެން ކަމަށް ވެސް އޭނާ ވިދާޅުވި އެވެ.

އިމްރާން ވިދާޅުވީ މިނިވަންކަން ގެއްލިގެންދާ ފަދަ ބައެއް ކަންކަމުުގައި ފަރުވާ ކުޑަކުރާތަން މިހާރު ފެންނަ ކަމަށެވެ. އެކަމާ މެދު ރައްޔިތުން ސަމާލުވެ، އެފަދަ ފިކުރުތަކުން ދުރުވާން ޖެހޭ ކަމަށް ވިދާޅުވި އެވެ.

"ދީނުގެ ނަމުގައި އުފެދޭ ހަރުކަށި ފިކުރުތަކާއި ދީނާ ދެކޮޅަށް އުފެދި ބޮޑުވާ ފިކުރުތައް ހުއްޓުވާ މައިތިރި ކުރުމަކީ އެންމެން ގުޅިގެން ކުރަން ޖެހޭ ކަމެއް،" އިމްރާން ވިދާޅުވި އެވެ.

ތިން އަހަރުގެ މެދުކެނޑުމަކަށް ފަހު، މި އަހަރުގެ މިނިވަން ދުވަސް ކުލަގަދަ ގޮތެއްގައި ފާހަގަކުރުމަށް ސަރުކާރުން ނިންމައި ހޯމް މިނިސްޓްރީން ވަނީ މާލެ އާއި ރަށްރަށުގައި ގިނަ ހަރަކާތްތައް ބާއްވަން ރާވައިފަ އެވެ.

މިނިވަން ދުވަސް އިމްރާން އަބްދުﷲ، ހޯމް މިނިސްޓަރު

13 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

28 July 2023

ޚާރިޖީ ގުޅުން ބޮޑުވެގެން ބޭރު ގައުމުތަކުގެ ސިފައިންނާއި ހަތިޔާރު ރާއްޖޭގެ ކަންކޮޅުތަކުގައި ތިބުމަކީ ގައުމުގެ ސިޔާދަތާއި ސިޔާސީ މިނިވަންކަމަށް އޮތް ގޮންޖެހުމެއް. ކާބަފައިން ލޭއޮހުރުވައިގެން އެތަށް ގުރުބާނީއެއް ވެގެން އެއްޖީލުން އަނެއް ޖީލަށް ކަށަވަރުކޮށްދިން މިނިވަންކަމާއި ގައުމުގެ ސިޔާދަތު ކަލޯމެންގެ އަމިއްލަ އެދުމާއި ޣަދަރުވެރިކަމުން ވޭތުވެދިޔަ 5 އަހަރުގެތެރޭގައި ވަނީ ވިއްކާލާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

27 July 2023

އިއްޒަތާ ފައިސާ ލައްޒަތަކީ ބަނގުރަލަށްވުރެ މަތީ ދަރަޖައަކަށް ބައެއްމީހުން މަސްތުކުރުވާ އެއްޗެއްކަން އެބަ ހާމަވޭ. އެގޮތުން މުޅި ގައުމު ވިއްކާލާފައިވެސް އެމަގާމުގައި ދެމިތިބެވޭތޯ އެމީހުން ބާލާތަން އެބަފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮހޮއްތު

26 July 2023

އެންމެ ގައުމަކާ ތަތްތެޅޭތަން މިފެންނަނީ…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާށޯމޮސް

26 July 2023

ކާބަފައިން ފޯރުކޮށް ދިންހަގީގީ މިނިވަންކަމަކީ އިސްލާމީ ގައުމެއްގެ ގޮތުގަ އޮތް އޮތުމެވެ. ނަމަވެސް މިހާރު މިގައުމަކީ ކޮރަޕްޝަނާއި އެއްޖިންސުން ގުޅުން ހިންގުމާއި ދީނާދުރަށް ޒުވާންޖީލް މިސުރާބުޖަހާފަވާ ތަނެކެވެ. މިކަންކަމާއި ރުހިގަބޫލުވެ ވަޑައިގެން ނަގޫތާށިވެފަ ހުންނެވުމުން އަމަލާއި އަނގަޔާ ދިމާނުވާކަން ސަޅިކޮށް އެބަފެނެއެވެ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫މުޙުއްމާ

26 July 2023

މ‫ިނިވަންކަން ވިއްކާލައިފި. މައުމޫންގެ ނޮން އެލައިޑް ޕޮލިސީ އެއްމެ ރަނގަޅީ. ހުރިހާ ޤައުމުތަކާވެސް ގުޅުން އޮވެފަ އެއްވެސް ބައެއްގެ ދަށުނުވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުއްޓި

26 July 2023

ޚާރިޖީގުޅުން މިހާމަތީގާ އޮތްއިރު ދާޚިލީގުޅުން އޮތީ ފުނޑިފާ. މިކަމާ ކޮންމެވެސްކަމެއްކުރެވޭތޯ ބަލަމާ ޝޭޚޫ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުޖޯކެއްނު

26 July 2023

މިގައުމަށް އެހެން ގައުމުތަކާ ގުޅުން ބޭއްވެނީ ވަކި ގައުމެއް އެ ގައުމުތަކާމެދު ރުހޭ/ނުރުހޭ މިންވަރަށް މިގައުމުން ބަލައިގެން ވަކި އިމެއްގެ ތެރޭ ކަމަށްވާނަމަ އެއަށް މިނިވަންކަމޭ ކިޔޭނީ ކިހިނެތްބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

26 July 2023

އިމްރާންމެން ކަހަލަ އަމިއްލަ އެދުމާއިގެން އުޅޭ މީހުންނަށް މިނިވަންކަމަކީ ކޯއްޗެއްކަމެއް ނޭނގޭނެ. މާދަމަ ވެސް މިގައުމު ހިފަން ބަޔަކު އަޔަސް ތިޔަ އިމްރާނުމެން ފިލާނެ ނުވަތަ އެބަޔަކާއެކު ޑީލް ހަދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޫރުބެ

26 July 2023

ޚާއިނުންގެ ލިސްޓުން ޖާގަ ދޭނަމޭ! ގައުމުގެ ހަބިތަށް ފަރުދޭސީ ސިފައިން އަރުވައިފިއޭ! ގައުމުގެ ހަރުމުދާ ވިއްކައި ހުސްކޮށްފިއޭ! ގައުމުގައި މުންކަރާތް އާންމުކޮށްފިއޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިސްއޮނަރަބަލް ޑީޑީ

26 July 2023

އަތަކަށް އަރިއަޅާލާ، އެދިމާއަށް ވެއްޓިފާއޮންނަ ޚާރިޖީ ސިޔާސަތުން ދައްކުވައިދެނީ އެބައިމީހުންގެ މައްޗަށް އަހަރެމެން އަޅުދާސްތުވެފާވާ މިންވަރު. އެހެންބަޔަކާއެކު މުހިއްމު މުއާހަދާއެއްކުރަންޏާ އެމީހުންގެ ހުއްދަ ނަގާންޖެހޭ. ބައިނަލްއަގުވަމީ ވޯޓެއްވިއްޔާ އެމީހުންގެ މަސްލަހަތާ ފުށުއަރާތޯ/ނާރާތޯ ބަލާންޖެހޭ. މިއައްކިޔާތޯ މިނިވަންކަމޭ؟