ދައުލަތަށް ދިގު މުއްދަތަށް ހިދުމަތް ކުރުމުގެ އިނާމު 148 ބޭފުޅަކަށް

ދައުލަތަށް 50 އަހަރު ހިދުމަތް ކުރެއްވި އަހުމަދު މަނިކަށް ރައީސް އިބްރާހިމް މުހައްމަދު ސޯލިހު އިނާމު ދެއްވަނީ.---ފޮޓޯ: ރައީސް އޮފީސް

ފާތިމަތު އަޖްފާން، މިހާރު

29 ޖުލައި 2023 - 13:10

9 comments

ދައުލަތަށް ދިގު މުއްދަތަކަށް ހިދުމަތް ކުރެއްވި 148 ބޭފުޅަކަށް މިއަދު ގައުމީ އިނާމު އަރުވައިފި އެވެ.

މިއަދު ހެނދުނު ސޯޝަލް ސެންޓަރުގައި ބޭއްވި ހާއްސަ ޖަލްސާގައި އިނާމުތައް ހަވާލުކޮށްދެއްވީ ރައީސް އިބްރާހީމް މުހައްމަދު ސޯލިހެވެ.

ދައުލަތަށް 35 އަހަރަށް ވުރެ ދިގު މުއްދަތަކަށް ހިދުމަތް ކުރައްވާފައިވާ ބޭފުޅުންނަށް ދޭ މި އިނާމު މިފަހަރު ލިބިވަޑައިގަތް ބޭފުޅުންގެ ތެރޭގައި ބައި ގަރުނަށް ވުރެ ދިގު މުއްދަތެއްގައި ހިދުމަތް ކުރެއްވި ތިން ބޭފުޅަކު ހިމެނެ އެވެ. ރައީސްގެ ވާހަކަފުޅުގައި ވަނީ އެ ބޭފުޅުންގެ ނަންތައް ފާހަގަކުރައްވައިފަ އެވެ.

އެއް ބޭފުޅަކީ ބައި ގަރުނަށް ވުރެ ދިގު މުއްދަތެއްގައި ހިދުމަތް ކުރެއްވި ހ. މާހާ، އައިމިނަތު ވަހީދާ އެވެ. އޭނާ ވަނީ ދައުލަތަށް 52 އަހަރު ހިދުމަތް ކުރައްވައިފަ އެވެ.

ދައުލަތަށް 52 އަހަރު ހިދުމަތް ކުރައްވާފައިވާ އައިމިނަތު ވަހީދާއަށް އިބްރާހިމް މުހައްމަދު ސޯލިހު އިނާމު ދެއްވަނީ.---ފޮޓޯ: ރައީސް އޮފީސް

އައިމިނަތު ވަހީދާ ހިދުމަތް ފެއްޓެވީ ސިއްހީ ދާއިރާއިންނެވެ. ދައުލަތަށް ހިދުމަތް ކުރައްވަން ފެއްޓެވީ 1969 ގައި ސަރުކާރުގެ ހޮސްޕިޓަލުގެ ނާސް އެއިޑެއެއްގެގޮތުގަ އެވެ. މިހާރު އެއީ އައިޖީއެމްއެޗްގެ ބްލަޑް ބޭންކުގެ ޑިރެކްޓަރެވެ.

މިފަހަރު އިނާމު ލިބިވަޑައިގަތް ބޭފުޅުންގެ ތެރެއިން ދައުލަތަށް ދެވަނަ އަށް އެންމެ ގިނަ ދުވަސް ވަންދެން ހިދުމަތް ކުރެއްވި ކުރެއްވި ބޭފުޅަކީ ރ. އަނގޮޅިތީމު/ ފެހިވިލާގެ އަހުމަދު ރަޝީދެވެ. އޭނާ ވަނީ 51 އަހަރު ހިދުމަތްކުރައްވާފަ އެވެ. ދައުލަތަށް ހިދުމަތް ކުރައްވަން ފެއްޓެވީ 1954ގަ އެވެ.

ދައުލަތަށް 51 އަހަރު ހިދުމަތް ކުރެއްވި އަހުމަދު ރަޝީދުއަށް ރައީސް އިބްރާހިމް މުހައްމަދު ސޯލިހު މިއަދު އިނާމު ދެއްވަނީ.--- ފޮޓޯ: ރައީސް އޮފީސް

އޭނާ ވަނީ އަނގޮޅިތީމުގެ މުދިންކަން 14 އަހަރަށްވުރެ ދިގު މުއްދަތަކަށް ކުރައްވައިފަ އެވެ. އަދި އެރަށު ކޯޓުގެ އިސް މެޖިސްޓްރޭޓްގެ މަގާމު ވެސް ފުރުއްވާފައިވާ ރަޝީދު ވަނީ އަނގޮޅިތީމު ކޯޓާއި ޝަރުއީ ދާއިރާގައި 31 އަހަރަށްވުރެ ދިގު މުއްދަތަކަށް ހިދުމަތް ކުރައްވައިފަ އެވެ.

ދެން އެ އިނާމު ލިބިވަޑައިގަތީ ދައުލަތަށާއި ސިފައިންގެއަށް 50 އަހަރަށްވުރެ ދިގު މުއްދަތަކަށް ހިދުމަތްކުރައްވާފައިވާ ގ. ފަސާނާ، ލެފްޓިނެންޓް ރިޓަޔާޑް އަހުމަދު މަނިކަށެވެ. އޭނާ ދައުލަތަށް ހިދުމަތް ކުރައްވަން ފެއްޓެވީ 1959ގަ އެވެ. އަދި ޝަރަފުވެރިކަމާ އެކު ސިފައިންގެއިން ރިޓަޔާ ކުރެއްވީ އޮގަސްޓް 1، 2009ގަ އެވެ.

މިއަދު ދިން 148 އިނާމާ އެކު މިހާތަނަށް 457 ބޭފުޅަކަށް ވަނީ ދައުލަތަށް ގިނަ ދުވަހު ހިދުމަތް ކުރުމުގެ އިނާމު ދީފަ އެވެ.

ދައުލަތަށް ދިގު މުއްދަތަކަށް ހިދުމަތް ކުރެއްވި ބޭފުޅުންނަށް އިނާމު ދީ، އަގު ވަޒަން ކުރަން ނިންމީ މި ސަރުކާރުން، 2021 ވަނަ އަހަރު އެވެ.

ރައީސް އޮފީސް ގައުމީ އިނާމް ރައީސް އިބްރާހިމް މުހައްމަދު ސޯލިހް

9 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

30 July 2023

ހޫނ، އެންމެ މަތީގަ ހުރި ފޮޓޯއިންފެންނަ ސިފައިންގޭ މީހާ ފޯރިއަށް ހުއްޓާ ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ތަކުރުފާުނު

30 July 2023

މިހާރު ދައުލަތަކީ ސަރުކާރާއި، ރައްޔިތުންގެ މަޖްލިހާއި ޝަރުއީ ނިޒާމާއި އެކަނި ތަ؟ ނޫނީ ވިއްޔާ އަމިއްލަ ވިޔާފާރި ކުރާ މީހެއް ގާތުގައި އުޅޭ މީހެއް އެއީ ދައުލަތަށް ޚިދުމަތް ކުރި މީހަކަށް ވާނެ ބާވެއޭ މި ހިތަށް އަރަނީ! އެހެނީ އަމިއްލަ ވިޔާފާރި ނޫސްވެރިކަމާއި ދެންވެސް އެހެން ހުރިހާ ކަމެއް ފެތޭނީ ދިވެހި ދައުލަތުގެ ތެރޭގައި ކަމަށް ހީވާތީ މިހެން މި ލިޔެލީ އިނގޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

30 July 2023

ދައުލަތަކީ ފުރަބަންޑާރަ. ވިޔާފާރިކޮށް، ނޫސްނެރެ، ފިލުމުކުޅެ، ލަވަކިޔާ، ބެރުޖަހާ، މަހަގޮސް، ރުއްއަރާ، ދަރުކޮށާ، ގޮވާންކޮށް، ފަރުހިލާ، ފަންގިވިޔެ، މިކަހަލަމިކަހަލަ ކަންކަމަކީ ދިވެހިރާއްޖޭގަ ޖުމްލަކޮށް ހިމެނޭ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު3

30 July 2023

އެއީ ދައުލަތަށް ޚިދްމަތް ކުރުމެއް ނޫން. އެއީ ޕްރައިވެޓް ސެކްޓަރ. އެހެންވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތު

29 July 2023

މައުމޫން ދައުލަތަށް 30 އަހަރު ވެރިކަން ކޮއްދިނީމަ ކަލޭމެން އޭނަ ބޮލުގަ ހުދުމުހުތާރު ވެރިޔެއްގެ ލަގަބު އަޅުވާފަ ރައްރަށުގެ ކަތީބުކަމާ މުދިންކަމާ ގާޒީކަން 50އަހަރު ކުރި މީހާޔަށް ދިގު މުއްދަތުގެ ހިދުމަތް ކުރިޔޭ ކިޔާފަ އިނާމު ދިނުންވަނީ ޖޯކަކަށްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހޫ1

29 July 2023

ރައިސް މައުމޫން ޓީޗަރު ކަމާ އެހެން މަގާމުތަކާ މިނިސްޓަރު ކަމާ ވެރިކަމުގައި 30 އަހަރު ލައިގެން 50 އަހަރަށް ވުރެ ދިގުވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

30 July 2023

ބޮޑުކާފުކުޑަކާފު އިންތިހާބުން ދޮތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

30 July 2023

އޭނަ ނައިޖޭރިޔާގަ ޓީޗަރަކަށް އުޅުނު އަހަރުތައްވެސް ގުނަނީތަ؟ އަމީނިއްޔާ ގުރޭޑު 1 ގެ އިގިރޭސި ޓީޗަރަކަށް އުޅުނުއިރުން ފެށިގެން، މަކުނުދުވަށް އަރުވާލާފަ ހުރި އިރާ އެކު، ރައީސުމީހާކަން ގެއްލުނު އިރާހަމައަށް ވާނީ ގާތްގަޑަކަށް 35 އަހަރު.