ބެޑްމިންޓަން އެސޯސިއޭޝަންގެ ރައީސް މޫސާ ނާޝިދު: އެ އެސޯސިއޭޝަންގެ މައްސަލައެއް ކުޅިވަރު އާބިޓްރޭޝަން ކޯޓަށް ހުށަހެޅުމަށް ދަނީ ތައްޔާރުވަމުން --- ފައިލް ފޮޓޯ
27 ޖުލައި 2023 - 11:38
18 comments
ބެޑްމިންޓަން އެސޯސިއޭޝަންގެ މައްސަލަ، ބައިނަލްއަގްވާމީ ކުޅިވަރު އާބިޓްރޭޝަން ކޯޓް (ކާސް) އަށް ހުށަހަޅަން ރާއްޖޭގެ ލޯ ފާމްއަކުން ތައްޔާރުވެއްޖެ އެވެ.
ބެޑްމިންޓަން ލެޖެންޑް، ނީލާ އަހްމަދު ނަޖީބު، ސަބަބެއް ނެތި ގައުމީ ޓީމުން އެކަހެރި ކުރި މައްސަލައިގައި އޭނާ އަށް ފުރުސަތު ގެއްލުނު ސަބަބު ހޯދަން ނީލާ ކުރަމުންދާ މަސައްކަތުގައި އެހީވުމަށް ރާއްޖޭގެ "އެސް އެންޑް އޭ ލޯޔާސް" އިން ނިންމައިފައި ވަނީ އެ މައްސަލަ ސްވިޒަލޭންޑް ލޯޒާންގައި ހުންނަ ކުޅިވަރު އާބިޓްރޭޝަން ކޯޓަށް ހުށަހެޅުމަށެވެ.
އެސް އެންޑް އޭ ލޯޔާސްގެ ސީނިއާ ލޯޔަރެއް ކަމަށްވާ ޒައިން ޝަހީދު ވިދާޅުވީ ކާސް އަށް އެ މައްސަލަ ގެންދިއުމަށް ގާނޫނީގޮތުން ފުރިހަމަކުރަން ޖެހޭ ކަންކަން ފުރިހަމަ ކުރުމުގެ މަސައްކަތް މިހާރު ކުރަމުންދާ ކަމަށެވެ.
ކުޅިވަރު އާބިޓްރޭޝަން ކޯޓަށް މައްސަލަ ގެންދިއުމާއި މައްސަލައިގައި ވަކާލާތު ކުރުމުގެ ގާބިލުކަން އެސް އެންޑް އޭ ގައި އެބަހުރި ކަމަށެވެ.
ނީލާ އަހުމަދު ނަޖީބު: ގައުމީ ޓީމުން އެކަހެރި ކުރި މައްސަލަ އޭނާ އަށް ސާފުކޮށްދީފައެއް ނުވޭ --- ފޮޓޯ: ނިޝާން އަލީ
ގައުމީ ޓީމުން ނީލާ އެކަހެރިކޮށްފައިވާތާ މިހާރު ގާތްގަނޑަކަށް ތިން މަސް ވެއްޖެ އެވެ. ގައުމީ ޓީމުން އެކަހެރި ކުރި ސަބަބު ހޯދަން ނީލާ ވަނީ ބެޑްމިންޓަން އެސޯސިއޭޝަނަށް ލިޔުމުން ވެސް ސިޓީ ހުށަހަޅައިފަ އެވެ. ނަމަވެސް އޭނާ ފޮނުވި އެއް ވެސް ސިޓީ އަކަށް ޖަވާބެއް ނުދެ އެވެ.
ބެޑްމިންޓަން އެސޯސިއޭޝަނާ ހަވާލާދީ ބައެއް މީޑިއާތަކުން ބުނަނީ ނީލާ ގައުމީ ޓީމުން އެކަހެރި ކުރީ ޑިސިޕްލިނަރީ މައްސަލައެއްގައި ކަމަށެވެ.
އެކަމަކު ނީލާ ބުނީ އޭނާގެ މައްސަލައެއް ބެޑްމިންޓަން އެސޯސިއޭޝަންގެ އެއްވެސް ކޮމިޓީއަކުން ވެސް ބެލިކަމެއް ވެސް ނޭނގޭ ކަމަށެވެ. އަދި އެކަހަލަ އެއްވެސް ކަމަކާ ގުޅޭގޮތުން ސުވާލެއް ވެސް ކޮށްފައިނުވާ ކަމަށާއި އެކަހަލަ އެއްވެސް އެންގުމެއް ވެސް އަންގާފައި ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައްނަ.
29 July 2023
މަިަކހަލަ ކެންމެ ބޭއިންސާފު ކަމެއްގައި ހައްޤު ހޯދަން ތެދުވާ މީހުންގެ ކުރީގައި އައްޑޫ މީހުން ތިބޭ ތިބުމަކީ އެމީހުން އިންސާފު ހޯދުމަށް މައްސައްކަތް ނުކޮށް ނުތިބޭނެ ކަމާއި ޙައްޤު ހޯދެން އޮތްގޮތަކަށް އެކަން ކުރާނެކަން އިގޭ ކަމެއް. ނީލާ ތިކުރީ ހަމަ ގަދަ ކަމެއް.
ހައްނަ.
29 July 2023
މިކަހަލަ ކޮންމެ ކުރިއެރުމެއްގައި ހައްޤު ހޯދަން ތެދުވާ މީހުން
އިހްސާސް
27 July 2023
ގައުމީ ޓީމުގައި ހުރިހާ އެންމެން ތިޔަ ބީދައިން އަބަދު ތިބެން ޖެހެންޔާ ސުޕެއިންގެ ކުރީގެ ކެޕްޓަން ރާމޯސްވެސް ހުންނާނީ ގައުމީޓީމުގައި އަދިވެސް. އޭނާ އެއުންމީދުގައި ބުރަ މަސައްކަތްތަކެއްވެސް ކުރަނިކޮށް އޭނައަށްވެސް ގައުމީ ސްކޮޑުން ޖާގައެއް ނުލިބުނު.
ޙިލުާލު
27 July 2023
ދެން ދައްތަ ޝީލާ ނަޖީބް އާއެކީ ފިލްމް ކުޅެން ފަށަން ކިހިނެއް؟؟
އޮނަރަބްލް އަފީފު ދީދީ
27 July 2023
ނީލާ އަހްމަދު ނަޖީބުގެ ހިތްވަރަށް އަދި މިކަމުގައި ޤާނޫނީ އެހީތެރިކަން ފޯރުކޮށްދެއްވާ އެސް އެންޑް އޭ ލޯޔާސް އަށް މަރުޙަބާ ދަންނަވަން. # މިއީ ރާއްޖޭގެ ކުޅިވަރުތަކަށް ޤަބީލާ ތަކުން ވެރިވެގަނެތިބެ އެމީހުންގެ ރަށް ނޫން ރަށެއްގައި އެއްވެސް މެޗެއް މުބާރާތެއް ނުބޭއްވޭގޮތަށް (ފުޓްބޯޅަ، ޓެނިސް، ކްރިކެޓް، ވޮލީ ފަދަ ކުޅިވަރުތައް) ވަސީލަތް ޤާއިމްކޮށްނުދީ ރަށު ލީގަކީ ޤައުމީ ލީގް ކަމަށް ހަދައިގެން ތިބި ތިބުމަށް ނިމުން ގެންނާން ރަނގަޅު ފެށުމެއް.
ދުވާމީހާ
27 July 2023
އެތްލެޓިކްސް އެސޯސިއޭޝަން އޮފް މޯލްޑިވްސް ޕވޓ ލޓޑ ވެސް ތި ލިސްޓްގަ ޖަހާލަދީބަލަ. ފާއިލް މުންތަގިމް ތޮލާލްގެ ތަރިކަ މުދާ ގަނޑަކަށް މުޅިތަން ހަދައިފި (މި ކޮމެންޓް ޖަހާލަން ކެރޭނެބާ)
ޑޮންޑޮންފުޅި
27 July 2023
ބަލަ ކޮން ކޯޓަކަށްތަ ހުށަހަޅަންވީ ދައުލަތުގެ ކުޅިވަރު ވަސީލަތްތަކުގެ ވަށައިގެން ފެންސްޖަހައި ގޭޓްތަކުގައި ސެކިއުރިޓީ ލޮކް އަލުއައި ހައެއްކަވިޔާަފާރުވެރިންނަާއި އެމީހުންގެ ގުޅުންހުރި ބައެކަށް ނޫނީ ނުވަދެވޭގޮތަށް ހަދައިފަ ހުރިތަންނަނށް އާއްމުންނަށްވެސް ކުޅެލަންދެވޭގޮތަށް ހަދަން
ޢީސާ ފުޅު
27 July 2023
ވަރަށް ދެރަ! ރ.ޔާމީނު ގެ މައްސަލަ ވެސް ނުބެލިގެން އެ އުޅެނީ! އެ މަނިކުފާނު މިހާރު އޮންނަވީ ހުންނަވީ ގާމާދޫ/މާފުށި ޖަލު ކޮޅު ގައި
މްރްސީދާ
27 July 2023
ވަރަށް ރަގަޅު ނިންމުމެއް، އެކްސްކޯ އެއް ނުބާވާތާ 3 މަސް ވެއްޖެކަމަށް ވަނީ. ސަބަބަކީ އަމިއްލަ ގޮތް ބޮޑުވުން…ކަންކަން ނިންމަނީ މޫސަ އާއި ހައިސިޔަތެއް ނެތް އިޔާދު
ކާއްޑަ
27 July 2023
ބައްސާމުގެ މައްސަލަ ބައިނަލްއަގުވާމީ ކޯޓަކަށް ހުށައަޅާނީ ކޮންއިރަކުން؟ މިސުވާލަށް "ސޭވް އެފްއޭއެމުން" ޖަވާބެއްދީބަލަ. ރަނގަޅުވާނެ ސިންގަޕޫރުގެ އާބިޓްރޭޝަން. ޝިޔާމުވެސް ބައްދާލީ އެމީހުން.