މިނިސްޓްރީން މިދިޔަ އަންގާރަ ދުވަހު ކުރި އިއުލާނުގައި ބުނީ 1،989 ޖަމިއްޔާއެއް އުވާލަން ނިންމީ، ވިދިވިދިގެން ދެ އަހަރުގެ އަހަރީ ރިޕޯޓު ހުށަހަޅާފައިނުވާތީ އަދި އެ ޖަމިއްޔާގެ ހިންގާ ކޮމިޓީ ރަޖިސްޓްރީކޮށްފައިނުވާތީ ކަމަށް.
މީގެކުރިން ބޭއްވި ރަސްމިއްޔާތެއްގައި ޔޫތު މިނިސްޓަރު މަހްލޫފް ވާހަކަ ދައްކަވަނީ: ބައެއް ޖަމިއްޔާތައް އުވާލަން އާންމުކުރި ލިސްޓު ސަސްޕެންޑުކުރަން ވަނީ އަންގަވާފައި. -- ފައިލް ފޮޓޯ: މިހާރު
27 ޖުލައި 2023 - 22:45
28 comments
އުވާލަން ނިންމި ޖަމިއްޔާތަކުގެ ތެރޭގައި ހަރަކާތްތެރި ޖަމިއްޔާތައް ވެސް ހިމެނޭތީ އެ އިއުލާން ބާތިލްކުރަން ޔޫތު މިނިސްޓަރު އަހުމަދު މަހުލޫފު އަންގަވައިފި އެވެ.
އެ މިނިސްޓްރީން މިދިޔަ އަންގާރަ ދުވަހު ކުރި އިއުލާނުގައި ބުނީ 1،989 ޖަމިއްޔާއެއް އުވާލަން ނިންމީ، ވިދިވިދިގެން ދެ އަހަރުގެ އަހަރީ ރިޕޯޓު ހުށަހަޅާފައިނުވާތީ އަދި އެ ޖަމިއްޔާގެ ހިންގާ ކޮމިޓީ ރަޖިސްޓްރީކޮށްފައިނުވާތީ ކަމަށެވެ.
ނަމަވެސް، އެ މިނިސްޓްރީން ކުރި އިއުލާނުގައި ވަނީ ވަރަށް ހަރަކާތްތެރި ޖަމިއްޔާތައް އުވާލަން ވެސް ނިންމައިފަ އެވެ. އޭގެ ތެރޭގައި ޖަމިއްޔަތުލް ސަލަފާއި ނޫސްވެރިންގެ ޖަމިއްޔާ އަދި ރަށްރަށުގައި ވަރަށް ހަރަކާތްތެރި ކްލަބް/ޖަމިއްޔާތައް ހިމެނެ އެވެ.
ޖަމުޢިއްޔާތައް އުވާލަން އާއްމުކޮށްފައިވާކަން އަޅުގަނޑަށްވެސް ފެނުނީ ނޫސްތަކުން.
— Ahmed Mahloof (@AhmedMahloof) July 27, 2023
އޭގެތެރޭގައި ޖަމުޢިއްޔާތަކުގެ ރަޖިސްޓްރާގެ ދަށުގައި ނުހިމެނޭ ބައެއް ޤައުމީ ކުޅިވަރު އެސޯސިއޭޝަންތަކާއި ބައެއް ކުޅިވަރު ކްލަބްތައް ހިމެނޭ. އަދި ހަރަކާތްތެރިކޮށްފެންނަ ބައެއް ޖަމުޢިއްޔާތައްވެސް…
އިއުލާނުގައި ބުނީ މަސްލަހަތު އޮތް މީހަކަށް، އެ ޖަމިއްޔާއަކާ ގުޅޭގޮތުން އަންނަ ސެޕްޓެމްބަރު 24 ގެ ކުރިން މިނިސްޓްރީއަށް ހުށަހެޅޭނެ ކަމަށެވެ. އޭގެ ކުރިން ޝަކުވާ ހުށަނާޅާ ޖަމިއްޔާތައް އުވާލާނެ ކަމަށް ވެސް ބުނެފައި ވެ އެވެ.
އެކަމާ ގުޅިގެން މަހުލޫފު "މިހާރު" އަށް ވިދާޅުވީ މިހާރު އާއްމުކޮށްފައިވާ ލިސްޓު ސަސްޕެންޑުކުރުމަށްފަހު، އެ މައްސަލަ ބެލުމަށް ޖަމިއްޔާތަކުގެ ރަޖިސްޓްރާ އަދި ޕާމަނަންޓް ސެކްރެޓަރީއަށް އަންގާފައިވާ ކަމަށެވެ.
"ޖަމިއްޔާތަކުގެ ލިސްޓު އާއްމުކުރުމާ ހަމައަށް ވެސް އެކަމުގެ މައުލޫމާތެއް އަޅުގަނޑަށް އެނގިފައެއް ނުވޭ،" އޭނާ ވިދާޅުވި އެވެ.
އޭގެކުރިން މިނިސްޓަރު ކުރެއްވި ޓްވީޓުގައި ވިދާޅުވީ އުވާލަން ނިންމި ޖަމިއްޔާތަކުގެ ތެރޭގައި، ރަޖިސްޓްރާގެ ދަށުގައި ނުހިމެނޭ ބައެއް ގައުމީ ކުޅިވަރު އެސޯސިއޭޝަންތަކާއި ކުޅިބަރު ކްލަބުތައް ހިމެނޭ ކަމަށެވެ.
"..ހަރަކާތްތެރިކޮށް ފެންނަ ބައެއް ޖަމިއްޔާތައް ވެސް އެބަ ހިމެނޭ. މިކަމާ ގުޅިގެން ފަރާތްތަކުގެ ކަންބޮޑުވުން ވަނީ އަޅުގަނޑަށް ލިބިފައި." މަހުލޫފު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުތުފީ
29 July 2023
އަނެއްހެން ގޯހެއްނޫން. ހުރިހާ މުއައްސަސާ ތަކެއްވެސް ހުރީ ހަމަ ތިހާލުގަ. އެއްވެސް ބަޔަކަށް އެބަޔަކަށް ކުރިމަތިކޮށްފައިވާ ޒިންމާ އަދާކުރެވެނީކީނޫން. ޑްރަގް ވިއްކުމާއި ބޭނުންކުރުން ޢާއްމުވެފައިވާއިރު، ފުލުހުންނަށް ނިދާފަ. ބޮންގޮއްވާއިރު، ސަލާމަތީ ޚިދުމަތަށް ހިލަމެއްނެތް. ހުރިހާ ކުދިވިޔަފާރިއެއް ގަވާޢިދާ ޚިލާފަށް އުޅޭ ބަންގްލަދޭސް މީހުން އަތްމައްޗަށް ދިޔައިރު، އިމިގްރޭޝަނާއި، އިކޮނޮމިކް މިނިސްޓްރީ ނިދާފަ. ކަރަފްޝަން ޒީރޯޓޮލަރަންގަ މެކުހަށްޖަހާފަ.
ރަސްމަ
28 July 2023
ޢެންޓި އެމްޑީޕީ މީހުން ތިބީތަ ޔޫތުު މިނިސްޓްރީގަ
ސުހައިލުބޭ
28 July 2023
މިނިސްޓަރުގެ ކުރިޔަށް ކުޅޭ އެހެން ބަޔަކު ތިބި މިނިސްޓްރީއެއްގައިތާ ތިޔަހުރެވުނީ. ހުންގާނުބާކީކޮށްފައި ސަރަކަ އަނބުރާލާފަ ތިއައޮތީ. އަދިވެސް އަނގަ ފަތުރާބަލަ.
ޕިޔާލީ
30 July 2023
ކުފޫ ކަމަނުވާ މީހުނަށް މަތީ މަގާމުތައް ދިނީމާ ކަންވާނީ ހަމަ އެހެން.
2000
28 July 2023
ސަރުކާރެއް ވެއްޓެން ވެއްޖިއްޔާ ވާނެ ހުރިހާ ކަމެއް ވެ ނިމިއްޖެ. 1. އޮޅިގެން ކަންކަން ކުރެވުން 2. މޫނު ބުރުގާ މަނާ ކުރުން. 3 ޕެޓީ ކޭޝް އިންތިހާއަށް ޅިޔަނުގެ ޖީބަށް ކަހާލަން ފެށީމާވެސް ޗުއްޕުވެސް ނުބުނެވުން. އަދި ވެސް އިތުރު ކަމެއް ވެއްޖެ . ނުވެ އޮތީ އެންމެ ކަމެއް އެއީ 9 ސެޕްޓެމްބަރ ގައި ވޯޓުން ބަލިކޮށްލުން
އަހައްމަދޫ
28 July 2023
މިނިސްޓަރު މީކޮންރާއްޖެއަކު އުޅުއްވާ ބޭފުޅެއްތަ، މިނިސްޓުރީގައި ހިނގާ ކަންތައް ތައް ނޫހުން ފެނިވަޑައިގަންނަވަނީ.އަޅެ ތަންކޮޅެއް ޒިންމާދާރުވާންވެއްޖެއެއްނުމިނިސްޓަރާއިމިނިސްޓަރީތައް. އަދިވެސް ހަމަ ފައިވިއްދާފައި ދެވަނަ ދައުރެއް ހޯދަން. ދިވެހިން ބޯގަޅިކަމުން އަދިވެސް ވޯޓުލާންވީ
ކަނބިލި
28 July 2023
މި ސަރުކާރުގެ ހުރިހާ އިދާރާތަކެއްގެ ވެސް ހާލު ތިޔަ ފެންނަނީ. ރައީސް އޮފީސް ވެސް އޮތީ މިފަދަ ހާލެއްގައި.ގާނޫނެއް މިއަދު ތަސްދީގުކޮށްފާނެ. މާދަމާ އިސްލާހުކުރަން ހުށަހަޅާފާނެ. ނާގާބިލުކަމާއި ބޮއްސުންލާފައި އޮތް މިންވަރު މިފެންނަނީ
އަފީފު ހ އ ދިއްދޫ
28 July 2023
ފެންނެތް ބޮޑެތި ކާށި ބިނުމުގައި ރެއާއިދުވާލު އެހެރަގެން ހުސްކޮށް ލަނީ ހުސްވަގުތަކަށް ނިންޖަކަށް އަރާމަކަށް ނުބަލާ ސާ ބަ ހޭ
ކޮމެންޓޭ1
28 July 2023
ޤާނޫނުތަކާ ގަވައިދުތަކާ އުވާލާފަ މިނިސްޓަރަށް ފެންނަގޮތަކަށް ހިންގަންވީނު. ޥަކި ބަޔަކު ލިސްޓުގަ ތިބީމަ ގާނޫނު ނުހިނގާ
ބޮޑުވަރު
28 July 2023
ނިންމަންޖެހޭ ކަންކަން ނުނިންމައި ހުށަހަޅަންޖެހޭ ލިޔެކިޔުން ހުށަނޭޅީމަ ޖަހޭނީ އުވާލަން.. ކިތައްމެ އެކްޓިވެެއްކަމަކު ޤާނޫނާއި ޤަވާއިދުތައް ތަންފީޒު ކުރަންކެރޭ ބަޔަކު ވެރިކަމަށް އަންނަން އެބަޖެހޭ
އެއުރެންނޭ
29 July 2023
ރަގަޅުކޮމެންޓެއް. އެކްޓިވް ވުމުގެ އެއްބައި އެއީ ގާނޫނުގައި ހުންނަކަންތައް ފުރިހަަމަކުރުން. ނުކުރެވެންޏާ ޖަމްއިއްޔާ ނުހަދާ. ފެންވަރު ނެތީވިއްޔާ ފެންވަރުގައި ހިންގާބަޔަކާ ގުޅުނީމާ ނިމުނީ.
އޮނަރަބްލް އަފީފު ދީދީ
28 July 2023
ސޮލިޙްގެ ސަރުކާރަކީ އޮޅިގެން ވަރަށް ގިނަގަންކަން ކުރާ ސަރުކާރެއްކަން ދިވެހި ރައްޔިތުންނަށް އިގޭތީ ތިއީވެސް "އޮޅިގެން" ކުރެވުނު ކަމެކޭ ބުނިނަމަ ފަސޭހައިން ޤަބޫލު ކުރެވޭނެ. # ވަޒީރު ވެސް ދެވަނަ ދައުރެއް ލިބޭތޯ ތެޅިބާލަމުން އަވަދިނެތި މަސައްކަތް ކުރާތީ ވުޒާރާ ތެރޭގައި ހިގާ އަދި ނިންމާ ގެޒަޓްކުރާ މިފަދަ މުހިންމު ކަންކަން ބަލާލަންވެސް ވަގުތެއް ނުލިބޭ. އިދާރީ ހިންގުމާއި މެނޭޖް ކުރުމުގެ ޤާބިލްކަން ނެތްނަމަ މިފަދަ ކަންކަމާއި ކުރިމަތިވާނެ.