ޒުވާނުން ދައުލަތަށް ހިދުމަތްކުރުމަކީ އުފަލަކަށް ހަދަން ރައީސް ގޮވައިލައްވައިފި

ދައުލަތަށް ދިގު މުއްދަތަކަށް ހިދުމަތްކުރެއްވި ބޭފުޅުންނަށް އިނާމު ދެއްވުމަށް ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހް ވާހަކަފުޅު ދައްކަވަނީ.-- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

29 ޖުލައި 2023 - 11:31

25 comments

ތަރައްގީގައި ރާއްޖެ މިހާ ހިސާބަށް އައީ ދައުލަތަށް ގިނަ ދުވަހު ހިދުމަތްކުރެއްވި ބޭފުޅުންގެ އަގު ހުރި މަސައްކަތުން ކަމަށާއި އެހެންވެ މިއަދުގެ ޒުވާނުން ވެސް ދައުލަތަށް ހިދުމަތްކުރުމަކީ އުފަލަކަށް ހަދަން ރައީސް އިބްރާހިމް މުހައްމަދު ސޯލިހް މިއަދު ގޮވައިލައްވައިފި އެވެ.

ދައުލަތަށް ދިގު މުއްދަތައް ހިދުމަތްކުރެއްވި ބޭފުޅުންނަށް އިނާމު ދެއްވުމަށް މިއަދު ބޭއްވި ޖަލްސާގައި ރައީސް ވިދާޅުވީ އިނާމު ލިބިވަޑައިގެންނެވި ބޭފުޅުންނަކީ ރާއްޖޭގެ ތަރައްގީގައި އިސް ރޯލެއް އަދާކުރައްވާފައިވާ ބޭފުޅުން ކަމަށެވެ.

އެ ބޭފުޅުން މަސައްކަތް ފެއްޓެވި ޒަމާނަކީ ޑިޖިޓަލް ހިދުމަތްތައް އޮންނަ ޒަމާނެއް ނޫން ކަމަށާއި މިއަދުގެ ޒުވާނުންނަށް އެ ދުވަހު އެ ބޭފުޅުން އުފުއްލެވި ބުރަ ތަސައްވަރު ނުކުރެވިދާނެ ކަމަށް ވެސް ރައީސް ވިދާޅުވި އެވެ. މިހާރު މަސައްކަތްކުރާ ގޮތް އޭރާ ތަފާތު ނަމަވެސް އޭރު ވެސް ދުވަހުން ދުވަަހަށް ނިންމަންޖެހޭ މަސައްކަތްތައް ބަރާބަރަށް ނިންމަވައި، އެތައް އަހަރެއް އެ ބޭފުޚުން ހިދުމަތުގައި ހޭދަކުރައްވާފައި ވާތީ އެކަމުގެ އަގު ވަޒަންކުރަން ޖެހޭ ކަމަށް ރައީސް ވިދާޅުވި އެވެ.

ދައުލަތަށް ދިގު މުއްދަތަކަށް ޚިދުމަތްކުރެއްވި ބޭފުޅުންނަށް އިނާމު ދެއްވުމަށް ބޭއްވި ޖަލްސާގައި އިނާމް ލިބިވަޑައިގެންނެވި ބޭފުޅަކު، ފުރޮޅުލީ ގޮނޑިއާ އެކު ސްޓޭޖަށް އަރުވަން ރައީސް އިބްރާހިމް މުހައްމަދު ސޯލިހް އެހީތެރިވެ ވަޑައިގަންނަވަނީ. -- ފޮޓޯ: ރައީސް އޮފީސް

"ދައުލަތަށް ދިގުމުއްދަތަކަށް ހިދުމަތް ކުރެއްވި ބޭފުޅުންގެ ފަރާތުން ޒުވާނުން ނަމޫނާ ލިބިގަންނަން ޖެހޭ. ތަރައްގީގެ މަގުގައި ރާއްޖެއަށް މިއަދު އާދެވިފައިވާ ހިސާބަށް އާދެވުނީ، ދައުލަތަށް ދިގުމުއްދަތެއްގައި ހިދުމަތްކުރެއްވި ހިދުމަތްތެރިންގެ ގުރުބާނީ އާއި ދައުލަތް ހިންގުމުގައި އެ ބޭފުޅުންގެ ޒިންމާ އަދާކުރެއްވުމުގައި ބެހެއްޓެވި ފަރުވާތެރިކަމުގެ ސަބަބުން." ރައީސް ވިދާޅުވި އެވެ.

މިއަދުގެ ޒުވާނުންވެސް އެ ކަންކަމުން އިބުރަތް ލިބިގަންނަންޖެހޭ ކަމަށް ރައީސް ވިދާޅުވި އެވެ.

ގައުމަށް ޚިދުމަތްކުރުމަށް ޒުވާނުންނަށް ބާރުއަޅުއްވައި ވާހަކަފުޅު ދައްކަވަމުން ރައީސް ވިދާޅުވީ ސަރުކާރުގެ ވަޒީފާތަކުގައި ގިނަ އަދަދެއްގެ ޒުވާނުން މިހާރު ވެސް އެބަތިބި ކަމަށެވެ.

ދައުލަތަށް ދިގު މުއްދަތަކަށް ހިދުމަތް ކުރައްވާ ބޭފުޅުންނަށް، ސަރުކާރުން އިނާމު ދޭން ފެށީ 2021 ވަނަ އަހަރު އެވެ. އޭގެ ފަހުން މިދިޔަ ދެ އަހަރު 309 ބޭފުޅަކަށް މި އިނާމު ދީފައިވެ އެވެ. މިއަދު ބޭއްވި ޖަލްސާގައި 148 ބޭފުޅަކަށް އިނާމު ދިން އިރު މިހާތަނަށް މުޅި ޖުމްލަ 457 ބޭފުޅަކަށް މި އިނާމު ދީފައިވެ އެވެ.

ރައީސް އިބްރާހިމް މުހައްމަދު ސޯލިހް ގައުމީ އިނާމް ސިވިލް ސާވަންޓުން ޒުވާނުން

25 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުފެދޭސުވާލު

30 July 2023

އުފެދޭ ސުވާލަކީ މިހާރު އޮވޭބާއޭ ހަގީގަތުގަ ދައުލަތަށް ޚިދުމަތް ކުރުން؟ މިހާރު އަސްލު މި އޮންނަނީ ކޮންމެވެސް ސިޔާސީ ފަރާތަކަށް ޚިދުމަތްކުރުން ކަމަށް ފެންނަނީ. އެއްވެސް ހަމައެއް ލަމައެއް ނެތި ސިޔާސީ މަގާމުތައް އުފައްދަ އުފައްދާފަ ކޮންމެފަދަ މީހަކަށްވިއަސް މަގާމުތައް ދިނުމުން އެ ގޮތަށް ދޭހަވާނީ. ޒުވާނުންނަށް ދައްކަން ރީތި ނަމޫނާއެއް ނޫން އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

30 July 2023

އުމުރުން 24 އަހަރުއްސުރެ ސަރުކާރުގަ. މިހާރު އުމުރުން 55. އަދުގެ ހާލަތާއި ބަލާއިރު މުސާރަ ސުމެއްް. އަދާކުރާ ވަޒީފާއަކީ ޑިއުޓީ އުސޫލުން ކުރަންޖެހޭ މަސައްކަތަކަށްވާތީ އިތުރު އާމްދަނީއެއް ހޯދޭނެ ވަގުތެއް ނުލިބޭ. މުސާރަ ބޮޑުވުމުގެ ފުރުސަތެއްވެސް އޮތީ މަގާމުގެ ކުރިއެރުމެއްވެސް ލިބިގެން. މައުމޫނުގެ ދައުރު ނިމުނީއްސުރެން ލިބުނު ޕްރޮމޯޝަނެއް ހަރާމް. ބޯހިޔާވަހިކަން ވެސް ނުލިބި ދަރިން ގޮވައިގެން އެކިދުވަހު އެކިހާލީގައުޅެނީ. ދެން ކޮން އުފަލަކަށްތޯ ހަދަންވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރު ނެތް މާލޭމީހާ

30 July 2023

ފްލެޓް ލިބޭ އަދި ނުލިބޭކަން އެނގޭ ލިސްޓު އިޢުލާނު ކުރާދުވަސް އެނގޭ ބޭފުޅަކު ހުރިތޯ އަހާލާނަމޭ ހިތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުންބޭ

30 July 2023

ދައުލަތުގައި ހިމެނޭ މީހުން ޕްރައިވެޓް ސެކްޓަރގައި ޚިދުމަތްކުރުމުން އެއީ ދައުލަތަށް ޚިދުމަތްކުރީކަމަކަށް ނުބަލާ! މިޤައުމުގެ ބޯޑަރުގައި މަސައްކަތްކުރާ ކޮންމެ ފަރާތަކީ މިދައުލަތަށް ޚިދުމަތްކޮށްދޭމީހުން، މަސްވެރިންނާއި ދަނޑުވެރިން، ޓޫރިޒަމްގައި މަސައްކަތްކުރާ ހުރިހާ ފަރާތްތަށް އަދި މިނޫން އެހެން ދާއިރާތަކުގައި މަސައްކަތްކުރާ ފަރާތްތަކުގެ އަގު ވަޒަންކުރަންޖެހޭ. މިފަރާތްތަށް މާ މުހިންމު އެހެނީ މިފަރާތްތަކަށް ދައުލަތުން ލާރި ދެޭކަށްވެސް ނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޔަވަޅު

30 July 2023

ދައުލަތައް ޚިދުމަތް ކޮށްގެން ބައެއް މީހުންނަށް މިސަރުކާރުން ދިނީ ކޮޅުކެހި. ޓޫރިޒަމް ދާއިރާގަ 25 އަހަރަށް ވުރެ ގިނަ ދުވަހު ޚިދުމަތް ކުރި ފަހުން ލިބުނު ފުލެޓް ވަނީ އަތުލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

30 July 2023

މުޅި ސަރުކާރުތެރޭ އިންޑިޔާ މީހުން އިސްމަގާމުތަކުގަ. މިސަރުކާރު ވަރައް ކަޑަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫އެކަލޯ 1

29 July 2023

ދައުލަތަށް ހިދުމަތް ކުރުމަކީ އުފަލަކަށްވޭ އެކަމަކު ހިލޭ ސާބަހަށް ( 10 އިން ސައްތަ ) ހަމަ ވުމުން މަސައްކަތް ކުރަން މަޖުބޫރުވާ ހާލަތްތައް އައުމުން އުފާ ހިތާމައަކަށް ބަދަލުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުސްކީ

29 July 2023

އަހަރެން ކިޔަވައިގެން އައިސް ހިދުމަތް ކުރަން މަސައްކަތް ކުރީމާ، މެނިޕުއުލޭޓު ކޮށް ބޮލުގަ ބަދުނާމު އަޅުވަން މަސައްކަތް ކުރީ، އަބުރު ކަތިލަން ދޮގު ވާހަކަ އޮފީހުގައި ފަތުރާ، އެންމެ ފަހުން ފުރައްސާރަ ކުރާވަރުން މުސްކުޅިންގެ އުނދަގުލާ ހެދި ޖެހުނީ ފޭވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުކިޔަވާހުރި މީހާ

30 July 2023

އަދި ކަލެއަށް ކިޔެވިފައި ނެތީ. ކިޔެވިފައި ހުރި މީހަކަށް ތިޔަ ކަހަލަ ކަމަކާ ކުރިމައްޗެއް ނުވާނެ. ފޮތެއްގެ ދެތިން ސަފުހާއެއް ދަސްވުމަކުން އަދި ކިޔެވުނީ ކަމަކަށް ނުވާނެ. ފޮތުގައި ލިޔެފައި ނުވާ ބައި ބޮޑުވާނެ. އެބައި ދަސްވެގެން ކިޔެވިފައި ހުރި ކަމަށްވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

29 July 2023

މާސްޓާރްސް ހަދާފަ ހުރި ގިނަ ޒުވާނުން މަސައްކަތް ކުރަން މިޖެހެނީ ޑިޕްލޮމާ ފެންވަރު ނެތް ސިޔާސީ ވެރީންގެ ދަށުގަ އެވެ. މައުމޫން އާ ނާސިރު ދައުރުގަ ވެސް ތައުލީމް ނެތް މިނިްސޓަރުން އުޅުނެވެ. އެކަމު އެމީހުންނަކީ ހީވާގި މުރާލި ގައުމަށް ހިދުމަތް ކުރި ބައެކެވެ. ތައުލީމީ ޒުވާނުންނަށް ސިޔާސީ މަތީ މަގާމް ތައް ދޭން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެޓްފިކެޓް

30 July 2023

ވަކި ސެޓްފިކެޓެއް އޮތުމަކުން ނުވަތަ ނެތުމަކުން އެމީހެއްގެ ދަށުގައި މަސައްކަތްކުރަން އުނދަގުލެއް ނުވާނެ. ސެޓްފިކެޓެއް އޮތަސް މަސައްކަތް ކުރުވަން މީހުން ގޮވައިގެން އުޅެން ނުދަންނަ މީހުންނާއެކު މަސައްކަތް ކުރަން ދަތިވާނެ. އެއީ ސެޓްފިކެޓަކާ ގުޅުން އޮތް ކަމެއް ނޫން. މިހާރަކަށް އައިސް ބައެއް މީހުންނަށް ހީވެފައި އޮންނަނީ ސެޓްފިކެޓެއް އޮންނައިރަށް ހުރިހާ ކަމެއް ދަސްވެފައިވާ ކަމަށް. އެއީވެސް ކުށް ހީއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްތަ

29 July 2023

ކޮންމެވެސް ބޭފުޅަކު އަޅުގަނޑަށް ބުނެދެއްވަބައްލަވާ، ދައުލަތަށް ޚިދުމަތް ކުރުމަކީ ކޮބައިތޯ؟ ދައުލަތަކީ ކޮބައިތޯ؟ ދައުލަތަށް ޚިދުމަތް ކުރުމަކީ ސަރުކާރު ވަޒީފާއެއްގައި އުޅުން އެކަނިތޯ؟ މަސްވެރިން، ދަނޑުވެރިން، ޓުއަރިޒަމް މިދާއިރާތަކުގެ މީހުން ޚިދުމަތް އެކުރަނީ ކޮންތާކަށްތޯ؟ އަޅުގަނޑަށް އެގިފައި އޮންނަމިންވަރުން ދައުލަތަކީ، ދިވެހީންނާއި، ދިވެހިރަށްތަކާއި، ކަނޑުތަކާއި މިހުރިހާތަނެއް އެކުލެވިގެން ކިޔާނަމެއް! ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައުލަތް

29 July 2023

ދައުލަތަށް ޚިދްމަތްކުރީމާ ތި ހުރިހާ ދާއިރާއިކުން އިނާމު ލިބޭ. އިނާމު ދެނީ އެކި ނަން ނަމުގައި. ގައުމީ ޝަރަފުވެރިކަން، ގައުމީ ޝަރަފުގެ އިނާމު، ގައުމީ ހިތްވަރުގެ އިނާމު، ރީތި ނަން ހޯދުމުގެ އިނާމު، ދައުލަތަށް ޚިދްމަތްކުރުމުގެ އިނާމު. ތަފާތު ނަން ކިޔަސް ލިބެނީ ދައުލަތަށް ޚިދްމަތް ކޮށްގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަބިންދާލި

29 July 2023

ސަރުކާރެއްގެ ނަން އަންނަނީ2 ވަނައަށް . މުޅި ރައްޔިތުން ނަކީ ދައުލަތް . ދައުލަތަކަށް ވަނީ ރައްޔިތުން ހިމެނިގެން . ގައުމަށް ހިދްމަތް ކުރުމަކީ ދައުލަތަށް ހިދްމަތް ކުރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާގެދަރި

30 July 2023

ދައުލަތަށް ޚިދުމަތްކުރުމުގެ ނަމުގައި އިނާމެއް ދެނީ އެއީ ދައުލަތުގެ ހުރިހާ ބާރަކަށް އެ އިނާމު ލިބޭތީ. ދައުލަތުގެ ކޮންމެ ތަނެއްގައި މަސައްކަތްކުރިޔަސް އެމީހަކު އެކުރަނީ ދައުލަތުގެ މަސައްކަތް. ދައުލަތުގައި ޚިދުމަތްކުރީމާ އޭގެ ނަފާ ލިބެނީ މުޅި ރައްޔިތުންނަށް. ސަރުކާރުގެ މުވައްޒަފުންނަށް ދޭނަމަ ދައުލަތުގެ ހުރިހާ ބާރެއްގައި ހިމެނޭ ބަޔަކަށް އަދި ދައުލަތުގެ ކުންފުންޏެއްގައި އުޅޭ މީހަކަށް މިއިނާމެއް ނުލިބޭނެ.