ޕީޕީއެމްގެ "ޕްލޭން ބީ" ކެންޑިޑޭޓެއް ނެރޭނެ ކަމަށް ބުނެފައިވަނިކޮށް، ޑރ. ވަހީދުގެ ރެކޯޑު ސާފުކުރަން ހުށަހަޅައިފި

މުހައްމަދު ވިޝާމް، މިހާރު

05 އޯގަސްޓް 2023 - 12:30

ޕީޕީއެމްގެ ރިޔާސީ ކެންޑިޑޭޓް ކުރީގެ ރައީސް އަބްދުﷲ ޔާމީންގެ ކެންޑިޑެސީ ސައްހަ ނޫން ކަމަށް ސުޕްރީމް ކޯޓުން ކަނޑައަޅައިފި ހާލަތެއްގައި އެ ޕާޓީގެ ފަރާތުން "ޕްލޭން ބީ" ގެ ގޮތުގައި ކެންޑިޑޭޓެއް ނެރޭނެ ކަމަށް ބުނެފައިވަނިކޮށް، ކުރީގެ ރައީސް ޑރ. މުހައްމަދު ވަހީދުގެ ކުށުގެ ރެކޯޑު ސާފުކުރަން ހުށަހަޅައިފި އެވެ.

އަންނަ މަހު އޮންނަ ރިޔާސީ އިންތިހާބަށް ޔާމީންގެ ކެންޑިޑެންސީ ބަލައިނުގަތް މައްސަލާގައި ސުޕްރީމް ކޯޓަށް ހުށަހަޅާފައިވާ ދުސްތޫރީ މައްސަލާގައި ޕީޕީއެމްއިން ވަނީ ޔާމީންގެ ޝަރުތު ފުރިހަމަ ނުވާ ކަމަށް ނިންމާ ނަމަ، އެހެން ކެންޑިޑޭޓަކު ނެރެން އެ ޕާޓީއަށް ފުރުސަތު ދޭން އެދިފަ އެވެ.

ޔާމީންގެ ކެންޑިޑެސީ ބަލައިނުގަތީ ރިޝްވަތާއި މަނީ ލޯންޑަރިންގެ ކުށުގައި އިއްވާފައިވާ 11 އަހަރުގެ ޖަލު ހުކުމެއް އޮތުމާއި އެ ހުކުމާ އެކު އޮތް ފަސް މިލިއަން ޑޮލަރުގެ ޖޫރިމަނާ ނުދައްކާ އޮތުމުންނެވެ.

Muizzu ge running mate akah Hussain Mohamed Latheef hamajassavaifi

The most trusted news source in the Maldives

Mihaaru

އެގޮތަށް އެދުނު އިރު، އެކުގައި މަސައްކަތްކުރާ ޕީއެންސީން ވަނީ ޔާމީނަށް ކުރިމަތި ނުލެއްވޭ ހާލަތެއްގައި ވާދަކުރާނެ ކެންޑިޑޭޓެއްގެ ގޮތުގައި މާލޭގެ މޭޔަރު ޑރ. މުހައްމަދު މުއިއްޒު ހޮވައިފަ އެވެ.

އެކަމަކު، ޕީޕީއެމްއިން މިހާރު ބުނަނީ އެއީ "ޕްލޭން ސީ" ކަމަށެވެ. ޕްލޭން އޭ އަކީ ޔާމީން ކަމަށްވާއިރު، އެމަނިކުފާނުގެ ޕްލޭން ބީ އަކީ ސުޕްރީމް ކޯޓުން ހޯދާ ފުރުސަތުގައި ޕީޕީއެމްއިން އެހެން ކެންޑިޑޭޓެއް ނެރުމެވެ.

ޕީޕީއެމުން އިއްޔެ ސުޕްރީމް ކޯޓުގައި އެހެން ބުނެފައިވަނިކޮށް، ކުށުގެ ރެކޯޑް ސާފުކުރަން ހުށަހަޅުއްވާފައިވާ ކަމަށް ޑރ. ވަހީދު "މިހާރު" އަށް ވިދާޅުވި އެވެ. އެކަމަކު އެއީ ޕީޕީއެމްގެ ފަރާތުން އިންތިޚާބުގައި ވާދަކުރައްވަންތޯ އެހުމުން އެ ސުވާލަށް ޖަވާބެއް ނުދެއްވި އެވެ.

"ތި ސުވާލަށް އަޅުގަނޑަށް އެއްޗެއް ބުނެވޭކަށް ނެތް،" ވަހީދު ވިދާޅުވި އެވެ.

ޔާމީނަށް ވާދަނުކުރެއްވޭ ހާލަތެއްގައި އެމަނިކުފާނުގެ ބަދަލުގައި ވަހީދު އިންތިޚާބަށް ނެރުއްވަން އުޅޭ ކަމުގެ އަޑުތަކެއް ކުރިން ވެސް އިވުނެވެ.

ޔާމީންގެ ބަދަލުގައި ދެ ޕްލޭނެއް ގެންގުޅޭ ކަމަށް އިދިކޮޅުން ބުނާއިރު، މުއިއްޒު މިއަދު ވަނީ އޭނާގެ ރަނިންމޭޓުގެ ގޮތުގައި ފަރެސްމާތޮޑާ ދާއިރާގެ މެންބަރު ހުސައިން މުހައްމަދު ލަތީފް (ސެންބެ) ހަމަޖައްސަވައިފި އެވެ.

އަދި ވިދާޅުވީ އޭނާއަކީ "ބެކްއަޕް" ކެންޑިޑޭޓު ކަމަށާއި އުއްމީދު ކުރައްވަނީ މި"ބެކްއަޕް" އެޕްލިކޭޝަން ލާންނުޖެހޭނެ ކަމަށެވެ.

ރައީސް މުހައްމަދު ވަހީދު ޕީޕީއެމް ރިޔާސީ އިންތިޚާބު 2023 ޕީޕަލްސް ނެޝަނަލް ކޮންގްރެސް ޑރ. މުހައްމަދު މުއިއްޒު، މާލޭގެ މޭޔަރު ރައީސް އަބްދުﷲ ޔާމީން

79 ކޮމެންޓް, 52 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގިނަކުރޭ

06 August 2023

ގިނަ ޕާޓީތަކާ ގިނަ ކެނޑިޑޭޓުން ދެން ބޭނުމީ. އޭރުން ތިލާރިތައް ބެހޭވަރުވެސް އިތުރުވާނެ ދެއްތޮ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖްވާ

06 August 2023

ބަގާވާތް ކުރި ކުށެއް ކަމަށް ގަބޫލު ކުރެވެނީ! އެއަށް އަދަބު ދީފި ރައްޔިތުން ނުކުމެ! ކޮބާ އަދި ކުޑަބަނޑޮސް ވިއްކާލި މައްސަލަ! އެއީވެސް ކުށެއް ކަމަށް ގަބޫލު ކުރަނީ! އެއީ މީނަގެ ނައިބަކަށް ހުރި ވަހިއްދީނަށް ކުޑަބަނޑޮސް ދިނީ ހަމަ ހިލެއޭ ބުންޏަސް ދޮގަކަށް ނުވާނެ! ހިލާލީގޭ ތެރޭގަ އޭރު ވަރަށް ވިޔާފާރި ބައްދަލުވުންތައް އޮންނަ ކަމަށް ވަނީ އިނގޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނރުޓޭ

06 August 2023

މިއަދު ސުޕްރީމް ކޯޓަށް ވެސް މީނަ ދިޔަ ކަމަށް ވަނީ! އެއީ ޔާމީނަށް ފެނިލުމަށް! މީނަ އަށް % 5 ލިބުން ފަހަރުވެސް، ބޭރުން އެތަށް ބައިވަރު ލާރި ކެންޕޭނަށޭ ކިޔާފަ ހޯދާފަ، އެއް ގޮތަކަށް ކެމްޕޭނަށް ޚަރަދެއް ނުކުރެޔޯ ބުނި ކަމަށް ވަނީ އޭނަގެ ރަނިންގ މޭޓަކަށް ނެރުނު ހަސަން ސައީދު ކިޔާ މީހާ! އެއީ މީނަގެ ފެންވަރު! އަގު ވެއްޓިފަ ހުރި މީހެއް މި ހަސަނިކަކީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުއޫދު

06 August 2023

މިނޫން މީހެއް ޔާމީނަށް ނުފެނުނީތޯ؟ އަހަރެން ހަމަ ހައިރާންވެ އަންތަރީސްވެއްޖެ. ޕީޕީއެމުން ވަހީދަށް ޓިކެޓްދީގެން ވެރިކަމަށް ހޮވެން ކީއްކުރަން 2013 ގައި ވޯޓް ލިބުނުވަރަށްވެސް ވަހީދަކަށް ވޯޓެއްނުލިބޭނެ. މިނޫން މީހަކު ނެރެދީބަލަ ހެޔޮނުވާނެ،. މީނާއަށް ވޯޓެއްނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީތާ

06 August 2023

އަޅެ މިނޫން މީހަކު ޔާމީނަށް ނުފެނުނީތަ؟ ޕީޕީއެމްގެ ތެރެއިންވެސް ވަހީދަށް ވޯޓުދޭން ބޭނުންވާ މީހުން ވަރަށް މަދުވާނެ. މަގޭ ވޯޓް ވަހީދަށް ހަމަ ޙަރާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯންބެއްޔާ

05 August 2023

މިގައުމުގައި ނުއުޅޭނެ ކުށްވެރިއަކު. ސާފުކުރަން އުޅުމުގެ ބޭނުމެއްނެތް. ބޭކާރު ވަގުތުތަކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

05 August 2023

އަހަރެމެން ދަތުރުދާންއޮތް ކުޑަބަނޑޮސް ދޫކުރި ދޭނެ ވޯޓެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރުތަ

06 August 2023

އަރުތަމެން ދަތުރުދާން ކުޑަގިރި ހަދައިދިން ރައީސަށް ވޯޓް ދެއްޗޭ އެހެންވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޕަލްޗޮއިސް

05 August 2023

ރައްޔިތުންނަށް މާލެ ސަރަހައްްދުން ގޯއްޗާއި ފްލެޓްސް ދޭނީ ޕީޕީއެމް ރައްޔިތުންގެ ޗޮއިސް އަކީ ކޮބާ ޕީޕީއެމް ޔޫއެސްޑޮލަރުގެ ބަދަލުގައި ޗައިނާގެ ފައިސާ ރާއްޖޭން ބޭރުން މުދާ ގަންނަން ބޭނުންކުރެވޭ ގޮތް ހަދާ ޔޫއެސް ޑޮލަރަކީ ޓޮއިލެޓް ޕޭޕަރ ފަދަ ދަށު ދަރަޖައަށް ވައްޓާލާނީ ފަލަސްތީނަށް މިނިވަން ކަން ހޯދާދޭނީ ޕީޕީއެމް ވެރިކަމެއް ގައި އެއީ ގައުމީ ޗޮއިސް އަކީ ޑޮލަރެއް 1 ރުފިޔާ އަށް ލިބޭ ގޮތް ހަދާ ހަމައެކަނި ޗޮއިސް އަކީ އެއީ ޕީޕީއެމް ޗޮއިސް އަކީ ޕީޕީއެމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރޯ

05 August 2023

ތި ބޮޑު ބަޢާވަތެއް ކޮށްފަ ހުރި މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

05 August 2023

ޕީޕީއެމްގެ "ޕްލޭން ބީ" ކެންޑިޑޭޓެއް ނެރޭނެ ކަމަށް ބުނެފައިވަނިކޮށް، ޑރ. ވަހީދުގެ ރެކޯޑު ސާފުކުރަން ހުށަހަޅައިފި، ދައްގޮހޮރު ތޯއްޗެ، ތި ދޭނެ ވޯޓެއް ނެތް، ވަރަށް ފޫހިވޭ.