އަސްލަމް މިރޭ އިރާކޮޅު އައްޑު އަށް ވަޑައިގަތުމުން ގަން އެއާޕޯޓުން މަރުހަބާ ކިޔަނީ.---ފޮޓޯ: އަސްލަމް ޓީމް
21 އޯގަސްޓް 2023 - 23:45
14 comments
މި އަހަރުގެ ރިޔާސީ އިންތިހާބުގައި ވާދަކުރައްވާ އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހުގެ ރަނިންމޭޓްގެ ހައިސިއްޔަތުން ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ފުރަތަމަ ފަހަރަށް މިރޭ އައްޑު އަށް ވަޑައިގަތުމުން އޭނާ އަށް ތާއީދު ކުރަން ވަރަށް ގިނަ ބަޔަކު ނުކުމެ އަސްލަމަށް އޮތް ލޯބި ބަންޑުންކޮށްލައިފި އެވެ.
ރައްޔިތުންގެ މަޖިލިހުގެ މެމްބަރުކަމުގައި މެދުނުކެނޑި 20 ވަނަ އަހަރު ހޭދަކުރައްވަމުން ގެންދަވާ އަސްލަމް މިރޭ އިރާކޮޅު އައްޑު އަށް ވަޑައިގަންނަވާތީ އެ އަށް ވުރެ މާ ކުރިން ގަން އިންޓަނޭޝަނަލް އެއާޕޯޓް ސަރަހައްދަށް ގިނަ ބަޔަކު ނުކުމެ ކިއު ހެދި އެވެ. އެ ކިއު ގަމުގައި ހުންނަ ހަމައެކަނި ރެސްޓޯރަންޓް ފަހަނައަޅައި ހެދި ކަމަށް އަސްލަމްގެ ސަޕޯޓަރަކު ބުންޏެވެ.
"ރައީސް އިބްރާހިމް މުހައްމދު ސޯލިހު އެންމެ ފަހުން އައްޑު އަށް ކުރެއްވި ދަތުރުފުޅުގައި މަރުހަބާ ކިޔަން މަރަދޫ ބަނދަރު ސަރަހައްދަށް އެއްވި އަދަދަށް ގާތްގަނޑަކަށް މިރޭ މީހުން ނުކުތް. ވަރަށް ފޯރީގައި ސަޕޯޓަރުން ތިބީ،" އޭނާ ބުންޏެވެ.
"ރައީސް ވަޑައިގަތަސް ނުކުންނާނެ ވަރަށް މިރޭ އެ ނުކުތީ."
އަސްލަމާ ސަލާން ކުރަމުން ބައެއް މީހުން ބައްދާލައި އުފަލުން ނަށަމުން ދިޔަ ތަން ވެސް ވީޑިއޯތަކުން ފެނުނެވެ.
އަސްލަމަކީ އައްޑުއާ ގާތްގުޅުމެއް އޮންނަ ހާއްސަކޮށް، ހިތަދޫ އުތުރު ދާއިރާގެ ސަޕޯޓް ބޮޑު ބޭފުޅެކެވެ. މަޖިލިހުގައި ހަތަރުވަނަ ދައުރު އޭނާ އަދާކުރައްވަނީ އެ ތާއީދާ އެކު އެވެ.
ރައީސް އިބްރާހިމް މުހައްމަދު ސޯލިހަށް ތާއީދު ހޯއްދަވަން އައްޑު އަށް ވަޑައިގަނެ، މާ ގިނައިރުތަކެއް ނުވެ އަސްލަމް ވަނީ ދޮރުދޮރަށް ހިންގަވަން ފައްޓަވައިފަ އެވެ.
އަސްލަމަށް އައްޑޫން މިރޭ މަރުހަބާ ކިޔަނީ.
އަސްލަމަށް ރަނިންމޭޓްކަން ދެއްވިކަން ރައީސް އިބްރާހިމް މުހައްމަދު ސޯލިހު އިއުލާން ކުރެއްވީ މި މަހުގެ ފަސްވަނަ ދުވަހު އެވެ. އޭގެ ފަހުން އަސްލަމް ގެންދަވަނީ އަންނަ މަހުގެ 9 ގައި ބާއްވާ ރިޔާސީ އިންތިހާބުގެ ކެމްޕެއިންގައި ރައީސާ ވަކިން ވެސް އެކި ރަށްރަށަށް ވަޑައިގަންނަވަމުންނެވެ.
އަސްލަމްގެ އިތުރުން އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމދު މުއިއްޒު މިއަދު ހަވީރު އައްޑު އަށް ވަޑައިގަތުމުން ވެސް ވަރަށް ގިނަ ބަޔަކު ގަން އެއާޕޯޓަށް ޖަމާވެ، ތާއީދު އޮތްކަން ހާމަިުރި އެވެ. މިއީ ފަހަކަށް އައިސް ޕީޕީއެމްގެ ސަޕޯޓަރުންތަކެއް މިހާ ގިނަ އަދަދަކަށް އައްޑޫގައި އެއް ތަނަކަށް ޖަމާވި ފަހަރު ކަމަށް މުއިއްޒަށް ތާއީދުކުރާ މީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
22 August 2023
މާލޭބަހުން ލިޔެފައި އޮތް ކަމުގައިވިޔަސް ޤާނޫނުއަސާސީގެ ގެ މާނަ ރަނގަޅަށް ފަހުމު ނުވާ ހަމައެކަކުވެސް އައްޑޫސިޓީގައި ނުހުންނާނެ. އަދި ރައީސުލް ޖުމްހޫރިއްޔާގެ ނައިބަކީ "ރައީސް ބުނާކަމެއް ޙަވާލު ކުރާ މަސައްކަތެއް ކުރާން ހުންނަ ކާތިބެއް ފަދަ މީހެއް" ކަމަށްވާއިރު އަސްލަމަކީ ރައީސްގެ ނައިބަކަށް ވުމުން އޭނާއަށް އައްޑުއަށް ކޮށްދެވޭނެ ކަމެއްވެސް ނޯންނާނެ. އައްޑޫ މީހަކަށް އައްޑޫމީހުން ވޯޓްދޭނަމަ ޑިމޮކްރެޓްސްގެ ކެންޑިޑޭޓަށް" ނޫންތޯ އައްޑޫމީހުން ވޯޓްދޭނީ.
އެސް ޒެޑް
22 August 2023
" އައްޑޫ މީހަކަށް އައްޑޫމީހުން ވޯޓްދޭނަމަ ޑިމޮކްރެޓްސްގެ ކެންޑިޑޭޓަށް ނޫންތޯ އައްޑޫމީހުން ވޯޓްދޭނީ." އޭ ހެޔޮދޯ ތާއީދު ނެތް މީހަކަށްވިއަސް ، ސިޔާސީ މަސްރަހަށް ބަލާއިރު ތިބުނާ ޑިމޮކްރެޓިކް ކެނޑިޑޭޓް މި ރިޔާސީ އިންތިޚާބުގަ ދާނީ 5 ވަނައަށް، އައްޑޫސިޓީގެ މީހެކޭ ކިއާފަ އައްޑޫސިޓީ އެއްމެން ދެން އޭނާއަށް ވޯޓްދިނުމުގެ އޮތީ ކޮން ބޭނުމެއް؟ ވޯޓް ބޭކާރު ކުރަން ބޭނުން ނޫންނަމަ އެއްމެން ނިކުމެ އަސްލަމްގެ ނަމާއި ދިމާލަށް ރަނގަޅުފާހަނގަ ޖަހާލިއްޔާ މާރަނގަޅުވާނެ
ހަމަތެދެއް
22 August 2023
އައްޑޫ ބައެއް މީހުން ހިސާބަށްވުރެ ފޮނީ
ގިނި
22 August 2023
މި ސަރުކާރުން އައްޑުއަށް ކޮން ކަމެއް ތޯ ކޮށްދިނީ. ގައުމުގެ މިނިވަންކަން ވިއްކާލި ބަޔަކަށް ވޯޓު ދޭން ހެޔޮ ނުވާނެ ސަތޭކަ ބުރިޖު ހެދިޔަސް.. އެވެސް ނެހެދޭ
ދޮންރަހާ
22 August 2023
އަސްލަމު ދިޔަ ފުލައިޓު އެއަރ ޕޯޓައް ޖެއްސުނީ ވަރައް މަސައްކަތުން ރައްޔަތުން އަސްލަމައް މަރުހަބާ ކިޔަން ގޮއްސައޮތްވަރުން ގަމުގެ މަގުތައް ފުރި މީހުން ރަންވޭމައްޗައް އަރާ ހިސާބައްދިޔަ ފުލުހުންގެ އެހީގަ ރަންވޭ މަތިން މީހުންބޭލީ އަސްލަމު ފުލައިޓުން ފޭބިވަގުތު ދޮންދޫނިތައް ރަންވޭ މަތިން އުދުހިލާ ވަރައް ސަޕޯޓު އެބައޮތް ނަސީބެއް ފިޟަކަސްގެ އާއިލާ ކުކުޅު ހާ އެއަރޕޯޓައް ނުދިޔަކަން
ޙިޝާމް
22 August 2023
ހިތަދޫ އުތުރު ދާއިރާގެ ސަޕޯޓް އަސްލަމް އަކަށް ބޮޑެއް ނޫން. ހޮވުނީ އެމްޑީޕީގެ ސަޕޯޓައް.
ޑަކައިތު
22 August 2023
އަސްލަމް ދިޔަސް އައްޑޫ ގުޑަނީ. މުއިއްޒު ދިޔަސް އައްޑޫ ގުޑަނީ. ދެން އަންނާނީ ޒަލްޒަލާއެއްބާ؟
ދޮން ރަހާ
22 August 2023
ވަރަށް ގިނަ ބަޔަކު ދިޔަ!
އައްޑޫ ގޮއްޔެ
22 August 2023
މިއަދު އައްޑޫ ރައްޔިތުން ބޭނުމްވަނީ ރައީސް އެއްތޯ ؟ ނުވަތަ ނައިބު ރައީސްއެއްތޯ ؟ ރައީސްގެ ހައިސިއްޔަތާއި ނައިބު ރައީސްގެ ހައިސިއްޔަތު ވެސް ރައްޔިތުންނަށް އެގިދާނެކަމަށް ގަބޫލު ކުރަމެވެ. ދެން އުފެދޭ ސުވާލަކީ ހިންނަވަރު ގިނަރައްޔިތުން ރައީސްއަށް ވޯޓު ދޭއިރު އައްޑޫ ރައްޔިތުން އައްޑޫ ދަރިއަކަށް ރައީސްކަމަށް ވޯޓު ދޭނެތޯއެވެ. އައްޑޫ ރައްޔިތުންގެ ވިސްނުން 9 ސެޕްޓެމްބަރުގައި އެގިގެން ދާނެނެއެވެ.
މޮހޮރީ
22 August 2023
މުއިއްޒު ވަޑައިގަތީމާ ގާމެންޓް ފެކްޓްރީއާ ހަމައަށް އޮތް ލައިނެއް ފެނުނު. ބަލަމާ
އެސް ޒެޑް
22 August 2023
ކަނޑައެޅިގެން ބޮޑު ދޮގެއް، މުޢިއްޒުއަށް މަރުޙަބާކިއަން ދިއަ މީހުން ސަފު އެއްމެ ބަރިއަކަށް ހުރިއިރުވެސް އޮތީ ގަން އިންޓަރނޭޝަނަލް އެއާރޕޯރޓްގެ އެރައިވަލް ޓާރމިނަލްއިން ފެށިގެން ސައުތުލޭންޑް ރެސްޓޯރަންޓާއި ހަމައަށެވެ. އަސްލަމަށް މަރުޙަބާކިއަންދިއަމީހުންގެ ސަފުދިގުވާތީ ދެތިން ބަރިބަރިއަށް މީހުން ތިބިއިރުވެސް ގޮސް ގަމުގެ ޓްރޭނިންގ ސްކޫލާއި ހަމައަށް ސަފުއޮތެވެ. ހަމަ މީގެ 5 އަހަރު ކުރިންގޮތަށް ހުރިހާކަމެއްވެސް އޮޅުވާލަން އަދިވެސް ބޭނުންވަނީ ދެއްތޯ؟
ރަދީފްއޮފިޝަލް
21 August 2023
އަމިއްލަޔަށް އޮނަރަބްލް އަފީފުދީދީ ވަރަށް ކޯފާވާނެކަމެއް އައްޑޫ ރައްޔިތުން ތިކުރީ.
ޥޮއިސް
22 August 2023
ޢަފީފްދީދީގެ ތާއީދު އޮތީ އަސްލަމް އަށް.
އޮނަރަބްލް އަފީފު ދީދީ
22 August 2023
ރަދީފްއޮފިޝަލް ތިގޮތަށް ތިވާހަކަ ދައްކަނީ ޙަޤީގަތުގައިވެސް ފޮޓޯގައި ހުރިމީހާގެ މަޤުބޫލުކަން އައްޑޫ ރައްޔިތުންގެ މެދުގައި ވެއްޓިފައިވާ ހިސާބު އެގިވަޑައި ނުގަންނަވާތީތޯ؟ ނުވަތަ އެކަންކަން އިގޭއިރުވެސް ކޮންމެވެސް އެހެން މަޖުބޫރީ ހާލަތެއްގެ ސަބަބުން ހަޤީގަތާއި ޙިލާފަށް ތިވާހަކަ ދައްކާން ޖެހިގެންތޯ!؟ ޔަޤީންކަމާއި އެކު މިބުނަނީ "އެމީހާގެ ސަބަބުން" ވެރިކަމުގައި ހުރިމީހާއަށް އައްޑޫސިޓީން އިތުރަށް ލިބޭނެ ވޯޓެއްނެތް. އަސްލަމަކީ މިހާރު ވިއްކޭނެ މީހެއްނޫން.