އިންޑިއަން އޯޝަން އައިލެންޑް ގޭމްސްގައި ޕެރަލިމްޕިކް ދުވުންތެރިޔާ ފާތިމަތު އިބްރާހިމް ތާރީހީ މެޑަލްއެއް ހާސިލުކޮށްފި އެވެ.
ޖަޕާނުގައި 2021 ގައި ބޭއްވި ޕެރަލިމްޕިކްސް ގޭމްސްގައި ވެސް ވާދަ ކުރި ފާތުން އިއްޔެ ހޯދި ބްރޯންޒް މެޑަލްއާ އެކު އޭނާ ވެފައިވަނީ މަލްޓި ސްޕޯޓްސް ގޭމްސް އަކުން ޕެރަ ކެޓަގަރީން މެޑަލް ހޯދި ރާއްޖޭގެ ފުރަތަމަ އަންހެން އެތުލީޓުގެ ޝަރަފު ހޯދައިފަ އެވެ.
އޭރު ޕެރަލިމްޕިކްސްގައި ވާދަކޮށް ކަނޑައެޅިފައިވާ ވަގުތުގައި ރޭސް ނިންމި ރާއްޖޭގެ ހަމައެކަނި އެތުލީޓު ފާތުންގެ މެޑަލް އަކީ އިންޑިއަން އޯޝަން އައިލެންޑް ގޭމްސްގައި ޕެރަ ކެޓަގަރީން ރާއްޖޭން ހޯދި ދެވަނަ މެޑަލް އެވެ. އެންމެ ފަހުން މޮރިޝަސްގައި ބޭއްވި ގޭމްސްގައި ރާއްޖޭގެ މުހައްމަދު މާޒިން ވަނީ މެޑަލް ހޯދައިފަ އެވެ.
އިއްޔެ ޕެރަ ކެޓަގަރީން މެޑަލް ހޯދި އަބްދުރައްޒާގު، ބޮޑު މުބާރާތެއްގައި ފުރަތަމަ ފަހަރަށް ވާދަކޮށް ވަނީ މެޑަލް ހޯދައިފަ އެވެ. މީގެ އަހަރެއް ކރިން ދުވުމުގެ ޓްރޭނިން ފެށި އަބްދުރައްޒާގް ކުރިން "މިހާރު" އަށް ދީފައިވާ އިންޓަވިއުއެއްގައި ބުނެފައި ވަނީ އޭނާގެ ކުރިމަތީގައި އޮތީ ތިން ޓާގެޓެއް ހާސިލު ކުރުން ކަމަށެވެ.
އޭގެ ތެރެއިން އެއް ޓާގެޓަކީ ބައިނަލްއަގުވާމީ ގޭމްސް އަކުން ރާއްޖެ އަށް މެޑަލް ހޯދައި ދިނުމެވެ. އަނެއް ދެ ޓާގެޓަކީ މިހާރު އޭނާ ފަށައިފައިވާ ގުރުއާން ހިތުދަސް ކުރުމުގެ ޕްރޮގްރާމް ފުރިހަމަކޮށް ހާފިޒުކަމުގެ ސަނަދު ހޮދުމެވެ. އޭނާގެ ތިނަވަނަ ޓާގެޓަކީ އަންނަ އަހަރު ފްރާންސްގެ ޕެރިހުގައި ބާއްވާ އޮލިމްޕިކްސްގެ ޕެރަ ކެޓަގަރީ ގޭމްސްއިން ޖާގަ ހޯދުމެވެ.