ގޯތި ލިބުނު މީހަކު ރަޖިސްޓްރީގައި ސޮއި ކުރަނީ.-- ފޮޓޯ: ފަޔުާޒް މޫސާ/ މިހާރު
30 އޯގަސްޓް 2023 - 18:29
24 comments
ސަރުކާރުން ބިންވެރިޔާ ސްކީމުގެ ދަށުން ގޯތި ދިން ފަރާތްތަކަށް ކުރިން މާލެ ސަރަހައްދުން ލިބިފައިވާ ބިން ދޫކޮށްލަން ޖެހޭ މުއްދަތު އިތުރުކޮށް، އެފަރާތްތަކާ އެކު ހެދި އެއްބަސްވުމަށް ބަދަލު ގެނެސްފި އެވެ.
ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ކުރެއްވި ޓްވީޓެއްގައި ވިދާޅުވީ، ގޯތި ލިބުނު ފަރާތްތަކުގެ ބަންޑާރަ ގޯއްޗެއް އޮތް ނަމަ އެ ގޯތި ދޫކޮށްލުމަށް ކުރިން އޮތް މުއްދަތަށް ސަރުކާރުން ބަދަލު ގެނެސްފައިވާ ކަމަށެވެ. އެގޮތުން މިހާރު ކަނޑައަޅާފައިވަނީ ސޮއި ކުރާ ތާރީހުން ފެށިގެން ފަސް އަހަރު ތެރޭގައި ކުރިން ލިބިފައިވާ ގޯތި ދޫކޮށްލުމަށެވެ.
ގޯތި ލިބޭ ފަރާތަކީ ބަންޑާރަ ގޯއްޗެއް އޮތް ފަރާތެއްނަމަ އެ ގޯތި ދޫކޮށްލުމަށް ކުރިން އޮތް މުއްދަތައް ސަރުކާރުން ބަދަލު ގެންނަވައި މިހާރު ހަމަޖައްސަވާފައިވަނީ ސޮއިކުރާ ތާރީޚުން ފެށިގެން 5 (ފަހެއް) އަހަރު ތެރޭގައި ކުރިން ލިބިފައިވާ ގޯތި ދޫކޮށްލުމަށެވެ. 1/2 pic.twitter.com/sXia2bMwpC
— Akram Kamaludeen (@Akramkdeen) August 30, 2023
އަކްރަމްގެ ޓްވީޓު
ގޯތި ލިބުނު ބައެއް މީހުންނަށް މިދިޔަ އާދީއްތަދުވަހު ބިން ކަނޑައި އެއްބަސްވުމުގައި ސޮއިކުރަން ފެށި އެވެ. އޭރު އޮތް ގޮތުން އެއްބަސްވުންތަކުގައި ސޮއިކުރާތާ ތިން މަސް ދުވަހުގެ ތެރޭގައި ކުރިން ލިބިފައިވާ ބިން ދޫކޮށްލުމުގެ ގާނޫނީ މަސައްކަތްތައް ފަށަން ޖެހެ އެވެ.
މިގެނައި ބަދަލު ގެދޮރުވެރިން ޕޯޓަލް މެދުވެރިކޮށް އެއްބަސްވުމުގައި ސޮއި ކުރި ފަރާތްތަކަށް ފެންނާނެ ކަމަށް އަކްރަމް ވިދާޅުވި އެވެ.
ސަރުކާރުން މި ބަދަލު ގެނައި އިރު، ބިން ދޫކޮށްލުމަށް ސަރުކާރުން އެންމެ ފުރަތަމަ ކަނޑައެޅި މުއްދަތު މާ އަވަސް ކަމަށް ބުނެ ގޯތި ލިބުނު ބައެއް ފަރާތްތަކުން ދިޔައީ ސޯޝަލް މީޑިއާގައި އެކަމާ ގުޅޭ ގޮތުން ކަންބޮޑުވުން ފާޅުކުރަމުންނެވެ.
މާލޭގެ މީހުންނަށް ހާއްސަކޮށްގެން ހުޅުމާލެ އާއި ގުޅިފަޅު އަދި ގިރާވަރުފަޅުން ބިން ދޭން ގޯތި ލިބުނު މީހުންގެ މެދުގައި ގުރު ވަނީ ނަގައި ނިންމައިފަ އެވެ. އެ ސްކީމްގެ ދަށުން 18،955 މީހަކު ގޯއްޗަށް ޝަރުތު ހަމަވާއިރު، އެއީ 9،003 ގޯތި ކަމަށް މިނިސްޓްރީން ވަނީ ބުނެފަ އެވެ.
ގޯތި ދޭ ގުޅިފަޅާއި ގިރާވަރުގެ އިތުރުން ހުޅުމާލޭގެ ދެވަނަ ފިޔަވަހީގެ ބައެއް ހިއްކުމުގެ މަސައްކަތް ސަރުކާރުން އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޫޖި
31 August 2023
އަކުރަމު ބިން ވިއްކާލާފަ އަނެއްކާ ބިން އެހޯދީ. ހީވާކަހަލަ މިއީ ތިމާމެންގެ މައިންބަފައިންގެ ތަރިކަ މުދަލޭ. ވަރަށް ބޮޑު ޖަރީމާއެއް. އިބޫގެ އަށް ވޯޓް މަދުވީ އަކުރަމުމެންގެ ސަބަބުން.
ޙިނި
31 August 2023
ފަގީރު މީހާ އަތުގަ އޮތް ކުޑަ ބިންކޮޅު ސަރުކާރުން ޖަހައިގަތުމުގެ ބަދަލުގައި، ސަރުކާރުން އެބިން ގަންނަން ފެނޭ، ނޫނީ ބިމުގެ އަގު އަދި ބިމުގައިހުރި ޕްރޮޕަޓީގެ އަގައްބަލައިން ރޭޓްސް ނޫނީ ޓެކުހެއް ނަގާބަލަ. ވާރުތަ މުދާ ދޫކުރަން ޝަރުތު ކުރަންޏާ ސަރުކާރުން ގޯތި ނުދީ، އިޔޮއް ހުރިހާދުވަހަކުވެސް މާލޭގެ ބިމައްޖެހިފައިވާ ޔައްޔިތުން ހަމަ އުޅުނީ އަދިވެސް އުޅެވޭނެ. ކޮންމެހެން މައިންބަފައިންގެ ވާރުތަ މުދާ ދުކުރަން ޝަރުކޮއް ކަންކަން ކުރާނެކަމެއްނެތް.
މަތީނު
31 August 2023
ބިން ހިލޭދީފަ، އަދި އެވަރުން ނުވެގެން ކުރިން ދީފަ އޮތް ބަންޑާރަ ބިންވެސް ސަރުކާރަށް ގަންނަންވީ؟. ނޫނޭވާ ކުޅަދާނަ!
ފޫހި
31 August 2023
ދެން އިއުލާންކުރާނީ ދޫކޮށްލަންވެސް ނުޖެހޭކަމަށް. އަނެއްކާ މިހާރު ޕެކޭޖް ޕެކޭޖަށް ބޮޑެތި ބިން ދީފަ ދެން އިޢުލާންކުރާއިރު އޮންނާނީ ހަސަތޭކަ އަކަފޫޓް ހަމަނުވާތީ މި ބުރުގައި ލިބުނު އެންމެންނަށް ވެސް ކުރިމަތި ލެވޭނެއޭ. މިއީ ނިމުމެއްނެތްކަމެއް. ހުވާމިބުނީ މިއީ ޖަރީމާ. މިއީ ބޮޑު މުސބތެއްކަހަލަކަމެއް.
ހިރިޔާ
31 August 2023
އިސްލާހު ކުރި އެގްރިމެންޓްގަވެސް 05 އަހަރުގެ މުއްދަތެއް ދީފައޮތީ މިވަގުތު އަމިއްލަ ގޯތި އޮތް މީހުންނަށް . ތަރިކައިން ތަނެއް ލިބެން އޮތް މީހުންނަށް އޮތީ މިއަދު ވެސް ގޯތީގެ ވެރިފަރާތް ނިޔާވިޔަސް މިއަދުން ފެށިގެން 90 ދުވަހުގެ ތެރޭގައި އަމިއަލައަށް ކޯޓަށް ހުށަހަޅައިގެން ނިންމާފަ މިނިސްޓްރީ އަށް އަންގަން
ބަޑިތަކުރު
31 August 2023
ތީ ނަމެއްގައި ކުރާކަމެއް. 5 އަހަރު ނުވަނީސް އެއީ އަމަލުވެސް ކުރަންނުޖެހޭ މާއްދާއަކަށް ހަދާނެ. ކުރިން ދިންހާ ގޯތިތަކަށް މާލެއިން ތަނެއް ދޫކޮށްލިބާ. ދޫކޮށްލިނަމަ ޕާކިންގޒޯންހަދާފަ އިތުރުވާ ވަރަށްވެސް ތިންއަހަރުގެ ވެރިކަމުގައި ގޯތި ހިލޭ ބަހާފައި އެބައޮތް. އެތަންތަން ބުރިބުރިޔަށް ހަދައިގެން ދެކޮޅުން ކާލަކާލާ އެތިބީ. ދެންވެސް ވާނީ ހަމައެހެން. ނުހެދޭ ގޯތިތައް ހުންނާނީ އެހެންމީހުން ކުނިއަޅާގޮނޑުތަކެއްގެގޮތުގައި. ހުޅުމާލޭގެ ރީތިކަމާއި ތަރައްގީއަށް ހުރަސް
އަކޫކަމާ
31 August 2023
ދަފުތަރު މީހުން މިފަހަރު އިބޫއަށް ބޮޑުކޮށް ނޫނެކޭ ބުނާނެ ސަބަބަކީ ދަފުތަރު މީހުންނަށް ބިމަށް ނުލެވުން
ސަޅިސަޅި3
31 August 2023
ފަސްއަހަރުވާއިރު ތިއިން ކަމެއް ހަނދާން ހުރި މީހެއްވެސް ނުހުންނާނެ. މިހާރުވެސް ބިންދޫކޮށްލާގޮތަށް ހުޅުމާލެއިން ފްލެޓާ ބިމާ ހޯދައިގެން ދެބައިންވެސް ކަމުން ގެންދާ މީހުންތައް އެބައުޅޭ. ދައުލަތަކަށް ޕްލޭނިންގ މިނިސްޓްރީއަކަށް އެޓާނީ ޖެނެރަލްއަކަށް ވާނުވާވެސް އެނގޭކަމަކަށް ނުވޭ. މާލެއިން ދޫކޮށްލަންޖެހޭ ކުދިކުދި ބިންކޮޅުތައް ބައިވަރު އެކަމަކު ހުންނަނީ ކުއްޔަށްދީފަ.
ސައި
31 August 2023
ވާރުތަ މުދާދޫނުކުރާ ގޮތަށް ގަވައިދު ބަދަލުކުރަން ރައީސްގެ އަރިހުން ވަރަށް އާދޭހާއެކު އެދެން
އުދުހޭ
30 August 2023
އަދި އިތުރު ބިމަށާ ފްލެތަށް އެދެވޭނެ ދޯ؟ މީ ގިލަންވެރިކަމެއްވެސްނޫން. ބަ
ބސވސވ
30 August 2023
ނުސީދާގޮތުން 2 ބިމުން ފައިދާހޯދުމުގެ ހުއްދަނޫންތޯ. ދެން އަޑުއިވޭނޭ 2 ބިންވެސް ގެންގުޅެވިދާނެޔޭތޯއްޗެ.
ޛަމްޒު
31 August 2023
ދެބިން ނޫން 100 ބިން ވެސް ގެންގުޅެންވީ. މިހާރު ވެސް އެބަހުރި ވާރުތައިން ލިބިފައި އޮތް 2 ބިމާއި، ދައުލަތުން މަށަށް ދީފައި އޮތް ބިމެއް... އެހެނޭ ކިޔާފައި އެބިންތައް ދޫކޮށްލާކަށް ނުޖެހޭނެ.