އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ ކެމްޕެއިނަށް ހދ. މަކުނުދޫގައި ބޭއްވި ޖަލްސާގައި އެމްޑީއޭގެ ރައީސް އަހްމަދު ސިޔާމް ވާހަކަދައްކަވަނީ.-- ފޮޓޯ: އެމްޑީޕީ
03 ސެޕްޓެމްބަރ 2023 - 22:41
34 comments
އެމްޑީއޭގެ ރައީސް އަހްމަދު ސިޔާމް، އެމްޑީޕީގެ ކޯލިޝަންއާ އެކު ހުންނެވިޔަސް އޭނާގެ ހިތުގައި އަދިވެސް އެންމެ ބޮޑު ލޯތްބެއް އޮތީ ޖޭޕީގެ ރިޔާސީ ކެންޑިޑޭޓް ގާސިމް އިމްރާހިމަށް ކަމަށް ވިދާޅުވެ ގާސިމް ދެއްކި ވާހަކަތަކަށް ސިޔާމް މިރޭ ރައްދުދެއްވައިފި އެވެ.
ޖޭޕީގެ ކެމްޕެއިނަށް ނ. ޅޮހީގައި މިދިޔަ މަހު ބޭއްވި ޖަލްސާއެއްގައި ގާސިމް ވިދާޅުވެފައި ވަނީ ސިޔާމްގެ ހިތުގައި އަދިވެސް އެންމެ ބޮޑު ލޯތްބެއް އޮތީ އޭނާ އަށް ކަމަށެވެ. އަދި ސިޔާމްގެ ސަޕޯޓަރުން ވޯޓުލާނީ ވެސް ގާސިމަށް ކަމަށް އޭނާ ވިދާޅުވެފައި ވެ އެވެ.
ގާސިމްގެ އެ ވާހަަކައަށް ސިޔާމް ރައްދު ދެއްވީ، އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ ކެމްޕެއިނަށް މިރޭ ހދ. މަކުނުދޫގައި ބޭއްވި ޖަލްސާގަ އެވެ.
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ ކެމްޕެއިނަށް ހދ. މަކުނުދޫގައި ބޭއްވި ޖަލްސާގައި އެމްޑީއޭގެ ރައީސް އަހްމަދު ސިޔާމް ވާހަކަދައްކަވަނީ.-- ފޮޓޯ: އެމްޑީޕީ
"އަޅުގަނޑު ދަންނަވާލާނަން އަޅުގަނޑުގެ އަހު ގާސިމް އިބްރާހިމަށް. ގާސިމްއޭ، ދޮގު ތިވަރަށް ނުހައްދަވާށޭ. އަޅުގަނޑު މިއީ ދެފުއްކެހެރި މީހެއް ނޫން. އަޅުގަނޑު ސީދާ މި ހުންނެވީ ރައީސް އިބްރާހިމް މުހައްމަދު ސޯލިހުގެ އަރިހުގައި،" ސިޔާމް ވިދާޅުވި އެވެ.
ސިޔާމް ވިދާޅުވީ، ކުރިއަށް އޮތް ފަސް އަހަރު ވެސް އޭނާ ހުންނަވާނީ ރައީސްއާ އެކުގައި ކަަމަށެވެ.
"ގާސިމަކީ އަޅުގަނޑު ވަރަށް އިހުތިރާމް ކުރައްވާ ބޭފުޅެއް. ތިކަހަލަ ދޮގު ނުހައްދަވާ. އެހެން ނަމަވެސް، އަޅުގަނޑު ހަމަ ގާސިމަށް އިލްތިމާސްކުރަން ރަހުމަތްތެރިޔާއޭ އަޅުގަނޑުމެންނާ ގުޅެން އަންނާށޭ. ގުޅުނީމައޭ ތިބޭފުޅާ އަށް ވެސް ރަނގަޅުވާނީ،" އޭނާ ވިދާޅުވި އެވެ.
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހުގެ ކެމްޕެއިނަށް ހދ. މަކުނުދޫގައި ބޭއްވި ޖަލްސާ.-- ފޮޓޯ: އެމްޑީޕީ
ރައީސް ކަމަށް ކުރިމަތިލައްވައިގެން ގާސިމް މިހާރު ކުރައްވަނީ ވަރަށް ބޭކާރު ހަރަދެއް ކަމަށް ވެސް ސިޔާމް ވިދާޅުވި އެވެ. ރާއްޖެ ތަރައްގީ ވާނީ އެމްޑީޕީއާ ގުޅިފައިވާ އެމްޑީއޭ އާއި އަދާލަތު ޕާޓީގެ ވެރިކަމެއްގައި ކަމަށާއި މާދަމާ ވެސް ގާސިމް މި ކޯލިޝަނާ ގުޅިވަޑައިގަންނަވަން ނިންމަވައިފި ނަމަ، މަރުހަބާ ވިދާޅުވާނެ ކަމަށް ވެސް ސިޔާމް ވިދާޅުވި އެވެ.
ގާސިމް ވިދާޅުވެފައިވާ ގޮތުގައި، ސިޔާމަކީ އަބަދުވެސް އޭރަކު ވެރިކަމުގައި އޮންނަ ސަރުކާރަކާ އެކީގައި ހުންނަވާ ބޭފުޅެކެވެ. ކޮންމެ ފަހަރަކު ވެސް އިންތިހާބު ނިމުމުން، ކާމިޔާބުވާ ކޮޅަކަށް އަރުއްވާ ކަމަށާއި ނަމަވެސް، އޭނާ އަކީ ސިޔާމާ ހިލާފަށް އޭރަކު އޮންނަ ސަރުކާރަކުން ގޯސްކޮށް ކަމެއް ކުރާ ނަމަ، އެކަމާ ދެކޮޅަށް ހުންނަވާ މީހެއް ކަމަށް ގާސިމް ވިދާޅުވި އެވެ.
"އެމަނިކުފާނަށް [ސިޔާމަށް] ތައީދުކުރައްވާ ހުރިހާ ބޭފުޅުން އަޅުގަނޑަށް ވޯޓުލާނެކަން. ކޮންމެވެސް ސިއްރު ކޯޑަކުން މެސެޖު ދެއްވާނެކަން، އަޅުގަނޑު ވަރަށް ޔަގީންކުރާ ކަމެއް މިއީ،" ގާސިމް ވިދާޅުވެފައިވެ އެވެ.
ސިޔާމްގެ އިތުރުން މިރޭގެ ޖަލްސާގައި ވާހަކަ ދައްކަވަމުން މި ކޯލިޝަނުގައި ހިމެނޭ އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ ވެސް ވަނީ ރައީސްގެ ފަހަތަށް އަރަން ގާސިމަށް ގޮވާލައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުރމާ
04 September 2023
ދާނަށް ދެވަނަ ބުރުގަ ފަހަތަށް އަރަން
ހުސައިން803
04 September 2023
ޤާސިމު މިފަހަރު ޤައުމުގެ މިނިވަން ކަމަށް އެކަނި ވިންނާފަވެސް ސޯލިހް ފަހަތަށްނާރާނެއެވެ. އިންޑިޔާގެ އަޅުވެތިކަމުން މިޤައުމު ސަލާމަތް ކުރާނީ ޤާސިމާއި މުއީޒު ބައިވެރިވެގެންނެވެ. ވެރިކަން ބޭނުމުގައި ސޯލިހު މިފަހަރު ކޮންމެ ފަދަ އެއްޗެއް ދީފަވެސް ޤާސިމް ގެންދަންބޭނުންވާނެއެވެ. އެކަމަކު ރައްޔިތުންތިބީ ޖާބިރު، ސިޔާމުމެން މޤައުމު ފޮތިފޮތިކޮށް ބަހާލާ ތި ޖަހާ ޗައްކަރު ބަލާކަށްނޫނެވެ.
ދަ ޑިމޮކްރެޓްސް.
04 September 2023
ސަން ސިޔާމް ޔާމީނުގެ ފަހަތުން ނުވަތަ އޭރުގެ މެޑަމްގެ ފަހަތުން ދުވީ އެބޭފުޅުންގެ ކުޅަދާނަކަމާއި ޤާބިލްކަމުން. މިހާރު އިބޫގެ ފަހަތުން ދުވަނީ އިބޫގެ މޮޅުކަމާއި އިޚްލާޞްތެރިކަމުން. އިބޫގެ ފަހަތަށް އަރައިގެން އެމީހަކު ބާކީއެއްނުވާނެ ޔަޤީނުންވެސް އެނގޭތީ. ޤައުމުން ކަމެއްކޮށްދެވެން ނެތްނަމަ ޔޫރަޕް ޤައުމެއްގެ އެމްބަސީއަށް ވައްދައިގެން ނަމަވެސް އެ ޢާއިލާއެއް ގެންގުޅުއްވާނެ. ހެޔޮ ޤައުމު އިނދަޖެހި ރައްޔިތުން ފަނާ ވިއަސް. ސަންސިޔާމް މާލަހީ އުޅުއްވިލެއް.
ސިޔާމް.
04 September 2023
ސަންސިޔާމަކީ ދުވަހަކުވެސް އެމް.ޑީ.ޕީ އަށް ހެވެއް އެދޭނޭމީހެއްނޫން. ހިހޫތަންކޮޅަކުން ކެވެން އޮތްކަން އެނގިގެން އިންތިޚާބު ކުޑަތަންވެފައިވަނިކޮށް ކޯލިޝަނެކޭ ކިޔައިގެން އިބޫފަހަތަށް އަރައިގެން ތިއުޅެނީ ހަަމަ އަމިއްލަ ފައިދާއަށް. ޤާސިމުވެސް ދުންޖަހާފައި ދުވެފައި އިބޫފަހަތަށް އަރާނެ އިބޫ 2ވަނަ ބުރަކަށް ގޮސްފިނަމަ. އެކަމަކަށް ކުޑަވެސް ޝައްކެއް ކުރާނެކަމެއްނެތް. އިރުގެ އަލިކަން ފެންނަން ފަދައިނ ފެންނަން އޮތްކަމެއް އެއީ.
ރަދީފްއޮފިޝަލް
04 September 2023
ބީޖޭޕީ / ދިވެހިން = ހޫ ވިލް ވިން.
ކައުންސެލަރު
04 September 2023
ގާސިމް ހަނދާން ކުރެއްވުން އެދެން. މިފަހަރު އިބުރާހިމުގެފަހަތަށް އަރައިފިއްޔާ ދުވަހަކުވެސް ގާސިމަކަށް މާފެއްނެތް. މިބުނީ ދިވެހި ޤައުމުގެ ޙައްޤުގައި. ވިސްނަވާ. އަމިއްލަ ސިކުނޑިން ވިސްނަވާ. ވިސްނަވާނީ މާދަމާއާ ހަމައަކަށްނޫން. ދުރަށް، ވަރަށްދުރަށް
ދޮންކަތްދަ
04 September 2023
ގާސިމު އަންނާނެ. ގާސިމު ގެ ރާގުވެސް ބަދަލުވޭ އެބަ. ގާސިމަށް ނައިސް ނުހުރެވޭނެ. ގާސިމު ވާނީ ހަމަ ގާސިމަށް.
ރަށުމީހާ
04 September 2023
ފޮހެލިން ބުނި ތަނުގަަ ތިބާ މިހާރު ތިހުރީ ހަމަ އެކުލަ މަތީ ވިސް ނާފިކުރު ކޮއްފިނަމަ އިބުރަތެއް ހާސިލް ވާނެ.
އާއިލީ ކުލުނު
04 September 2023
ގާސިމް މާމިގިލިން މާލެ އައިސް ދިރިއުޅުނު ގެއިން ވެސް ކުއްޖަކު ނިކުމެ އެބަހުރި ނޫންތޯ؟ އެކުއްޖާގެ ފަހަތަށް އަރަން މާ އައުލާކަން ބޮޑު ނޫންތޯ؟ އެކުއްޖާ ވަނީ ބަހުސް ކާމިޔާބުކޮށްފައި ޖެންޒީގެ ހިތްވެސް އަތުލާފަ ނޫންތޯ؟ އެކުއްޖާގެ ބޮޑުބޭބެ އަދި ގާސިމްގެ ސިޔާސީ މެންޓަރ އުފާވާނެ ނޫންތޯ؟ ގާސިމް މިފަހަރަކު ނުހޮވޭނެ. ސިޔާސީގޮތުންނާއި ވިޔަފާރީގެ ގޮތުން ނަގާ ކޮޅަށް ޖަހާދިން އާއިލާ ފަހަތަށް އެރުން އިބޫގެ ފަހަތަށް ދިއުމަށްވުރެ މާރަގަޅުވާނެ.
ބަނާނާ ކަންޓްރީ
04 September 2023
ގާސިމް މިފަހަރު ދެވަނަ ބުރުގަ އޮންނާނެ. ގާސިމްގެ މެނިފެސްޓޯ އެންމެ ފުރިހަމައީވެސް. ގާސިމްގެ ހަމަ އެކަނި ބަލިފަޔަކީ އޮރޭޓަރީ ސްކިލްސަ ދައްވުން. ޢަބަދުވެސް އެއީ ބަލިފަޔަކީ. ޢެހެން ނޫންނަމަ ގާސިމްވެރިކަން ކޮއްފަ މިހާރު ހުންނާނީ. ގާސިމްއައްވުރެ މުރާލި ހިންގުތެރިއެއް މިރޭހުގަ ވާދައެއް ނުކުރޭ. ޢިންތިޒާރުކުރީ ރައީސް ޔާމިނައް ޥޯޓުލާން ނަމަވެސް އަހަރެމެން ޕާޓީ އޮތީ އެއްކޮއް މުއިއްޒު ރޫޅާލާފަ.