ޚަބަރު / ރިޔާސީ އިންތިޚާބު 2023

މަރުވެފައިވާ ކަމަށް ކަނޑައަޅާފައި އޮތުމުން ދިރި ހުރި މީހަކަށް ވޯޓު ލުމުގެ ފުރުސަތު ގެއްލިއްޖެ

މިއަދުގެ އިންތިހާބުގައި ވޯޓުލުން ކުރިއަށް ދަނީ: ދިރިހުރި މީހަކަށް ފުރުސަތު ގެއްލުނީ މަރުވެފައިވާ ކަމަށް އޮތުމުން - ފޮޓޯ: ފަޔާޒު މޫސާ / މިހާރު

ނާޒިމް ހަސަން، މިހާރު

09 ސެޕްޓެމްބަރ 2023 - 14:59

9 comments

ދިރިހުރި މީހެއްގެ ނަން މަރުވެފައިވާ މީހެއްގެ ގޮތަށް ލިސްޓުގައި އޮތުމުން އޭނާ އަށް ވޯޓުލުމުގެ ފުރުސަތު ގެއްލިއްޖެ އެވެ.

ކ. މާފުށީގައި މިކަން ހިނގީ އެނގިފައިވާ ގޮތުގައި، އެއް ނަން ކިޔާ ދެ މީހެއްގެ ނަން ލިސްޓްގައި އޮތުމުންނެވެ. މަރުވެފައިވާ ކަމަށް ކަނޑަޅައި ލިސްޓުން އުނިކޮށްފައި ވަނީ ދިރިހުރި މީހާގެ ނަމެވެ. އަނެއް މީހާގެ ނަން ލިސްޓްގައި އެބަ އޮތެވެ.

އިލެކްޝަން ކޮމިޝަންގެ ނައިބު ރައީސް އިސްމާއިލް ހަބީބު ވިދާޅުވީ ކޮމިޝަނުން މަސްދަރެއްގެ ގޮތުގައި ބަލަނީ ޑީއެންއާރުގެ ރަޖިސްޓްރީ ކަމަށާއި އެ ލިސްޓުގައި ނެތް މީހަކަށް ވޯޓު ލެވޭނެ ގޮތެއް ނޯންނާނެ ކަމަށެވެ.

"މިއީ އަޅުގަނޑުމެން ވަރަށް ހިތާމަކުރާ ކަމެއް. ދިރި ހުރި މީހަކު މަރުވި މީހެއްގެ ގޮތަށް ވުމުން އެ މީހާ އަށް ވޯޓު ލުމުގެ ހައްގު ގެއްލިގެން ދިއުން އެއީ ވަރަށް ހިތާމަވެރި ކަމެއް،" ހަބީބު ވިދާޅުވި އެވެ.

ކުރިމަގުގައި އެފަދަ ކަންކަން ހިނގައިޔަ ނުދިނުމަށްޓަކައި ކޮމިޝަނަށް ކުރެވެން ހުރި ކަންކަން ކުރާނެ ކަމަށާއި ނަމަވެސް މި ކަމުގައި ބޮޑަށް އޮތީ ފަރުދީ ޒިންމާ ކަމަށް ހަބީބު ވިދާޅުވި އެވެ.

އޭނާ ވިދާޅުވީ ވޯޓާސް ލިސްޓް އާންމުކޮށް ޝަކުވާ ހުށަހަޅަން ހުޅުވާލުމުން ވެސް އެ މީހާގެ ފަރާތުން އެއްވެސް ޝަކުވާއެއް ލިބިފައި ނެތް ކަމަށެވެ. މުއްދަތުގެ ތެރޭގައި ޝަކުވާ ހުށަހެޅި ނަމަވެސް ވޯޓު ލުމުގެ ފުރުސަތު ލިބުނީސް ކަމަށް ވިދާޅުވި އެވެ.

"ވަރަށް މުހިންމު ކަމެއް ފަރުދީ ޒިންމާ އަދާކޮށްގެން އެ އޮންނަ އުސޫލުތަކާ އެއްގޮތަށް ކަންކަން ކުރިއަށް ގެންދިޔުން،" ހަބީބު ވިދާޅުވި އެވެ.

އިލެކްޝަންސް ކޮމިޝަން ރިޔާސީ އިންތިޚާބު 2023 ރިޔާސީ އިންތިޚާބު

9 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާބެއްޔާ

11 September 2023

އިލެކްޝަނުން ވޯޓް ލާން އިންތިޒާން ކުރަން ތިބި ގުރޫޕް ގުނާ ގުރޫޕައް، ކުރިން ވޯޓް ގުނަން ތިބި ގުރޫޕް ވޯޓްލުމާ ބެހޭ ކަންތައް ތައް އިންތިޒާމް ކުރާ ގުރޫޕައް ބަދަލުކޮއްލަބަލަ1 އޭރުން ބޮޑު ފަރަގެއް ވޯޓުން ފެންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

09 September 2023

ހުރިހާ ތަނެއްގައި ވެސް ހިއުމަން އެރަރ ޕޮސިބްލް. އެއް ނަމެއް ފުލްކޮށް ދިމާވާ ދެމީހުން ވީމާ ޑީއެންއާރު ޑޭޓާބޭސްގައި ވެސް އޮންނާނީ ޖެހިޖެހިގެން. އުނިކުރުމުގައި އެވަރު ކަމެއް ހިނގާފާނެ. ކޮންމެ މީހަކު ވެސް ވޯޓުގެ ކުރިން ނަން އޮތްތޯ ބެލުމަކީ ފަރުދީ ޒިންމާ. އެކަން މިދިޔަ ޖޫން، ޖުލައި އަދި އޮގަސްޓް މަހުގެ 16 އާ ހަމަޔަށް ވޭތުވި 77 ދުވަހުތެރޭ ބެލިނަމަ އެކަން ވޯޓުލާން ދިޔަ މީހާއަށް އެނގިފަ އޮންނާނީ. މިއީ ކޮމިޝަނަށް ބްލޭމްކުރަންޖެހޭ ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުން

11 September 2023

ޒިންމާނަގަންޖެހޭނީ ޑީއެންއާރް. އެއްނަމެއްކިޔާތީއޭ ކިޔާފަ ދިރިހުރި މީހަކު މަރުވިކަމަކަށް ނުނިންމޭނެ. އައިޑީކާޑޫ ނަމްބަރު އުނިކުރަންޖެހޭކަމެއް ކަމަކީ. ނަމާ އެއްކޮށް އައިޑީކާޑު ނަމްބަރުވެސް ބަލަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުލައި

09 September 2023

އޭނާ އަށް އެގޭނެތަ އޭނާ ދިރިހުއްޓާ ބަޔަކު މީހުން އޭނާ މެރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަޅީ

09 September 2023

މައްސަލައަކީ ދައުލަތު ގެއިހިމާލުން ދައުލަތުގެ މައްސަލައެއް! ވޯޓު ލުމުގެ ފުރުސަތު ލިބެންވާނެ! ފަރުދީ ޒިންމާ އަކީ ރެކެން ބޭނުން ކުރާ އުކުޅަކަށް މިވީ! ބަދަލު ހޯދައިދޭ ޖެހޭނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނޭެ

09 September 2023

ކޮންމެ ހައްޤަކާއެކު ޒިންމާއެއް އޮންނާނެ. ވޯޓު ލުމަކީ ހައްޤެއް. އެ ހައްޤާ ގުޅޭ ޒިންމާއަކީ، ވޯޓު ލުމުގެ ކުރިން ލިސްޓްގަ ނަން އޮތްތޯ ބެލުން، ނެތްނަމަ ޝަކުވާ ހުށަހަޅައި ހައްލުކުރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުދީ

09 September 2023

ފަރުދީ ޒިންމާއޭ ކިޔާފަ ރެކެން އުޅޭނެ ކަމެއް ނެތް... ކަލޭމެންގެ ޒިންމާދާރުކަމެއް ނެތީ ހަމަ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންދޯ

09 September 2023

ކޮބާ ޒިންމާދާރުކަން ނެތިފަ؟ ބަލަން، ރަނގަޅުކުރަން ކިތައް ފުރުސަތު ދެވުނު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮލްހަލާކު

09 September 2023

އިލެކްޝަންސް ޒިންމާވަކަށް ނުޖެހޭނެ. ޑީއެންއާރުން ފޮނުވާފައިވާ މަޢުލޫމާތު އެއީ. ކޮންމެ ދިރިހުރިތޯ ބަލާ އެމީހަކަށް ގުޅާ ގެއަށް ގޮސް އިލެކްޝަނުން ބަލަންވީދޯވީ. ފޭސްބުކާއި އޮންލައިން ނޫސްތަކާއި އެތަަން މިތާ މިމީހުންނަށް ކޮމަންޓުކުރަން އެނގޭނެެ. އެކަމަކު އޮންލައިން ޕޯޓަލްގަ އައިޑީނަންބަރު ޖަހައިގެންވެސް އަދި އެސްއެމްއެސް އަކުންވެސް އަދި ލިސްޓު ޑައިންލޯޑުކޮށްގެންވެސް ބެލެން ހުއްޓާ ނުބާލާނެ. އެހެން ހުރިހާ މީހުން ކުއްވެރިކުރެވޭތޯ މީހުން އުޅެނީ