މުއިއްޒު މިރޭ ވާހަކަ ދައްކަވަނީ: ވިނަރެސް ފްލެޓްތަކުގެ އަގު ކުޑަކޮށް ދެއްވާނެ ކަމަށް އޭނާ ވިދާޅުވި --
13 ސެޕްޓެމްބަރ 2023 - 22:42
89 comments
ހުޅުމާލޭގެ ދެވަނަ ފިޔަވަހީގައި އަޅާފައިވާ ވިނަރެސް ފްލެޓްތައް މި ސަރުކާރުން ދޫކުރަން ނިންމާފައިވަނީ އިންތިހާއަށް އަގު ބޮޑުކޮށް ކަމަށާއި އަދި ވެރިކަން ލިބިއްޖެނަމަ އެ އަގުތައް ކުޑަކޮށް ދެއްވާނެ ކަމަށް ޕީއެންސީ/ޕީޕީއެމްގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
މާވެޔޮ މަގުގައި މިރޭ ބޭއްވި ކަންމަތީ ބައްދަލުވުމެއްގައި ވާހަކަ ދައްކަވަމުން މުއިއްޒު ވިދާޅުވީ މި ސަރުކާރުން ވިނަރެސްއަށް ނަން ބަދަލުކޮށްގެން މަޝްރޫއު ހިންގި ނަމަވެސް އެއީ އޭނާގެ ހައުސިން މިނިސްޓަރު ކަމުގައި ސޮއިކުރި މަޝްރޫއެއް ކަމަށެވެ. އެހެންކަމުން އެ މަޝްރޫއުގެ ހުރިހާ ތަފްސީލަކާއި އަގުތަކެއް ވަރަށް ރަނގަޅަށް އެނގިވަޑައިގަންނަވާ ކަމަށް ވިދާޅުވި އެވެ.
ދެ ލައްކަ ރުފިޔާގެ ޑައުންޕޭމަންޓަކާއި އަދި މަހުން މަހަށް ފައިސާ ދައްކަންޖެހޭ ގޮތަށް ވިނަރެސް ފްލެޓްތައް ދޫކުރަން މި ސަރުކާރުން މަސައްކަތް ކުރަނީ ކުރީގެ ސަރުކާރުގައި މަޝްރޫއު ރޭވި ގޮތާ ހިލާފަށް ކަމަށް މުއިއްޒު ވިދާޅުވި އެވެ. އަދި އެވަރުގެ ބޮޑު އަގުތަކެއް ނަގަން ނުޖެހޭނެ ކަމަށް އޭނާ ވިދާޅުވި އެވެ.
"އަޅުގަނޑު ދޭނެ ޔަގީން ކަމަކީ ޑައުންޕޭމަންޓަށް ދައްކަން އޮތް ބޮޑު އަގާއި މަހުން މަހަށް ދައްކަން ޖެހޭ އަގު ކުޑަކޮށްދީ، ރައްޔިތުން އަތްފޯރާ ވަރަށް ކުޑަކޮށްދޭނަމޭ. އެއީ އެކަން ކުރެެވެން އޮތީމަ. އެއީ އެ ޕްރޮޖެކްޓަކަށް ނެގި ލޯނާއި ހުރިހާ ތަފްސީލެއް އަޅުގަނޑަށް އެނގޭ. ފުރިހަމަ ފައިދާއެއް އާބަންކޯ އަށް ލިބޭނެ ކުޑަ ކުރިޔަސް،" މުއިއްޒު ވިދާޅުވި އެވެ.
ވިނަރެސް ފްލެޓްތަކުގެ އިތުރުން ހިޔާ މަޝްރޫއުގެ ތެރެއިން ސަރުކާރު ކުންފުނިތަކުން އަޅާފައިވާ ފްލެޓްތަކުގެ އަގުތައް ވެސް ހެޔޮ ކުރައްވާނެ ކަމަށް މުއިއްޒު ވިދާޅުވި އެވެ. އޭނާ ވިދާޅުވީ މި މަޝްރޫއުތަކުގެ މަގުސަދަކީ ރައްޔިތުންނަށް ބޯހިޔާވަހިކަމެއް ހޯދައިދިނުން ކަމަށާއި އެމީހުންގެ އަތުގައި އޮތް ލާރިކޮޅު އަތުލުމަށް ޖަހާ ދަންތޫރައަކަށް ވެގެން ނުވާނެ ކަމަށެވެ.
"އެފަދަ އަނިޔާވެރި ގޮތަކަށް ކަންކުރާ ސަރުކާރަކަށް އަޅުގަނޑުމެންގެ ސަރުކާރު ނުވާނެ،" މުއިއްޒު ވިދާޅުވި އެވެ.
މުއިއްޒު މިރޭ ވެސް ވަނީ މި ސަރުކާރުން ދޫކޮށްފައިވާ ގޯއްޗާއި ފްލެޓްތައް އަތުނުލާނެ ކަމަށް ވިދާޅުވާ ވިދާޅުވުން ތަކުރާރު ކުރައްވާފަ އެވެ. އޭނާ ވިދާޅުވި ގޮތުގައި މާލެއިން ދޫކުރި ގޯތިތަކުގައި ގެދޮރު އެޅޭނެ ގޮތް ހަދައިދީ އަދި ފްލެޓްތައް ވެސް އަޅައިދޭނެ ކަމަށެވެ. އަދި އެކަންކަން ކުރިއަށް ގެންދާނީ އޭނާގެ 65،000 ހައުސިން ޔުނިޓްގެ އަމާޒުގެ ތެރެއިން ކަމަށް ވިދާޅުވި އެވެ.
"ގެދޮރުގެ ޔަގީންކަން، ހައުސިންގެ ވައުދަކީ އަޅުގަނޑުމެން ފުއްދައިދޭނެ ވައުދެއް،" މުއިއްޒު ވިދާޅުވި އެވެ.
މުއިއްޒު ވިދާޅުވީ ރައްޔިތުން ބޭނުންވާ ނަތީޖާ ނެރެދެވޭނެ ކަމުގެ ޔަގީންކަން އޭނާއަށް އެބަ އޮތް ކަމަށާއި އެކަން މާޒީން ވެސް ފެންނާނެ ކަމަށެވެ. އަދި ރައްޔިތުން ނިންމަން އޮތީ ވަރަށް ފަސޭހަ ނިންމުމެއް ކަމަށާއި ދެ ވިސްނުމަކަށް ދާންޖެހޭ އެއްވެސް ސަބަބެއް ނެތް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަކަތީބު
16 September 2023
މުއީޒު، މަނިކުފާނު ހީފުޅުކުރައްވަނީތޯ މި ޗައިނާ ފުލެޓޭ ކިޔާ ފުލެޓްތަކުގެ އުޅެނީ ޗައިނާ މީހުން ކަމަށް، ނޫނީ ޔާމީނު ސަރުކާރުން އަޅާ ދީފަހުރި ފުލެޓް ނުންވީމަ މީ ދިވެހި ރައްޔިތުން ނުންކަމަށް - މަނިކުފާނު ފުލެޓް ތަކުގެ ވާހަކަ ދައްކަވާއިރު މި ފުލެޓްތަކުގެ ނަމެއްވެސް ނުގަންނާތީ ވަރަށް ދެރަވޭ އެކަމަކު މަނިކުފާނަށް ވޯޓް ހޯދަން އިރު އިރުކޮޅާ ގުޅާތީ މީ ދިވެހި ރައްޔިތުން ކަމަށް ޤަބޫލު ކުރެވޭތީ ވަރަށްއުފާވެސްވޭ!
ލަގަނާ
15 September 2023
ހިޔާ ފުލެޓުން ކުލި ނުދޭހާ ހިނދަކު ހިޔެއްނުވޭ، އާބަންކޯ ކުޑަނުކޮށް، މިހާރުދޭ ޚިދުމަތްތައް ކަނޑާނުލައި، ނޫނީ މުޅިރާއްޖޭ އެންމެން އަތުން އިތުރު ޓެލުހެއް، ފީޔެއް ނުނަގައި، ތިޔަކަން ތިޔަހެން ވާނޭހެނެއް.
ލާމަސީލު
14 September 2023
މަނިކުފާނު 7 އަހަރު ބާރުއޮތްއިރު ގާކޮށި ފްލެޓާއި އަރަބިއްޔާ ފްލެޓް އަގުހެޔޮ ނުކުރީ ކީއްވެ؟ ބާރު ނެތްދުވަހު މިކިޔަނީ ކީކޭ؟
އަހްމަދު ވަޖީހް
14 September 2023
ޑައުންޕޭމަންޓް -/380000އިން -/550000ރ އަށް އަރާ.
ކުޑަކަތީބު
14 September 2023
ޗައިނާ ފްލެޓްގެ އުޅޭ މީހުން ވޯޓްލާންޖެހެނީ ޗައިނާއައްތޯ؟
ދެރަ
14 September 2023
އަހަރުމެންވެސް ބޯހިޔާ ވަހިކަން ބޭނުން. ޢެކަމަކު ވިނަރެސްއަށް ފޯމުނުލީ ވިއްކާ ތަންތަން ގަނެވޭނެ ތަނަވަސްކަން ނެތުމުން. ޢެތަން ގަތީ މުއްސަދީން. ވީއިރު ރުފިޔާ ކުޑަކުރުމުގެ ބޭނުމެއްނެތް. ޢަނެއްކާ އަހަރެންދަންނަ ދެތިން މީހަކު ވިނަރެސް ގަތްފަހުން 3 ކޮޓަރި ފްލެޓަށް ޝަރުޠުހަމަވެފަ. ލިބެންވެސް ލިބޭނެ. ޢެއީ އެމީހުންގެ ބޭބެއިންނާ ޅިޔަނުންނަކީ ފައްޔާޒްގެ ރަހްމަތްތެރިންނަށް ވީމަ
ދެއްކި ވާހަކަ މުޢިއްޒުވީ
14 September 2023
ފުރަތަމަ ބުރު ނިމުމާއެކު ހީވަނީ މާވަހަރުތަކެއް ލައްގައިގެން އުޅޭހެން... މި ހުރިހާ ދުވަހަކު ގޮވަމުން އައީ ދައުލަތް އޮތީ ދަރާފައޭ، އެކަމުން ސަލާމަތް ކުރަންށޭ މި އަންނަނީ. މިވެރިން މިހާރު މި ދައްކަނީ ކަންތައްތައް ހިލޭ ކުރާ ވާހަކަ އާއި ތަފާތު އިނާޔަތްތަކުގެ ވާހަކަ.. ދައުލަތަށް އާމްދަނީ ހޯދާނެ ގޮތުގެ ވާހަކައެއް ނޫން
ޣ ޖހކނކ
14 September 2023
ވިނަރެސް ފްލެޓްއަށް ފޯމުލީ އެއްވެސް ގޮތަކަށް އެޗްޑީސީން ބުންޏަސް 22ހާސް ދައްކަންޖެހިދާނެ ކަމަކަށްނޫން. އަދި ފަސްލައްކައިގެ ޑައުންޕޭމަންޓެއް ދައްކަން ޖެހިދާނެ ކަމަކަށްނޫން. 22ހާހަށް އަހަރެންގެ މުސާރަ ގާތްވެސް ނުކުރޭ. އެހެންވެ ހަދާނެގޮތް ނޭނގިފަ މިތިބީ. ކޮންމެގޮތެއްވިޔަސް އަމިއްލަ ބޯހިޔާވަހިކަމެއް ބޭނުން މިސަރުކާރުން އެޓްލީސް 10 ހާހަސް އަގުހެޔޮކޮށްދީ. އަދި އެތަނަށް ވޯޓުގެ ކުރިން މީހުން ވައްދާ! އިބުއަށް ވޯޓުދޭނަން ﷲ ގަންދީ މިބުނީ
ހައްވަ-އަލީ
14 September 2023
އެންމެ ކުޑަކޮށް ދަންކަން ޖެހޭ މީހާވެސް 15%އަށް 380000 ދައްކަންޖެހޭ. މުއިއްޒުއަށް ނުބައި އިންފޮމޭޝަން އެއް ލިބިފައި ތިވަނީ. މި އަގު ބޮޑުކަމުން ނުދެއްކި ވަރަށް ބޮޑު ބުރައަކަށް ވެފަ. މަހަކު ދައްކަން ޖެހޭ އަދަދު އުޅެނީ 20،000 އަށްވުރެ މަތީގައި. ޕްލީސް ޑޫ ސަމްތިންގ
ބަނޑަށްޖެހިފަޔޯ
14 September 2023
ހުރިހާ އެއްޗެއް ހިލޭދޭން ތިބުނަނީ މިހާރު ކުއްލިއަކަށް ބަނޑަށްޖެހިފައިއޮތް މިގައުމު މުއްސަނދި ވީތަ! ލޮލް