ޚަބަރު / ރިޔާސީ އިންތިޚާބު 2023

ފްލެޓާއި ގޯތި ދިނަސް ވޯޓު ދޭކަށް ނުޖެހޭ: ޕީޕީއެމް

މޫސާ ރަޝީދު، މިހާރު

23 ސެޕްޓެމްބަރ 2023 - 17:26

އެމްޑީޕީގެ ބައެއް މެމްބަރުން ގުޅައި، އެ ޕާޓީގެ ކެންޑިޑޭޓަށް ވޯޓު ދޭ ނަމަ ފްލެޓާއި ގޯތި ލިބޭނެ ކަމަށް ބުނަމުންދާ ކަމަށާއި ފްލެޓާއި ގޯތި ލިބުނަސް އެ ޕާޓީ އަށް ވޯޓު ދޭން ނުޖެހޭ ކަމަށް ޕީޕީއެމް/ޕީއެންސީގެ ކެންޑިޑޭޓް ޑރ. މުހައްމަދު މުއިއްޒުގެ ތަރުޖަމާނު އަދި އެ ދެ ޕާޓީގެ ސެކްރެޓަރީ ޖެނެރަލް މުހައްމަދު ތޮލާލް މިއަދު ވިދާޅުވެއްޖެ އެވެ.

އޭނާ އެހެން ވިދާޅުވިއިރު، ރިޔާސީ އިންތިހާބުގެ ދެ ވަނަ ބުރުގެ ވޯޓު ލުން ބޯމަތިވެފައި ވަނިކޮށް މާލެ ސަރަހައްދުން އިތުރު ފްލެޓްތަކާއި ގޯތިތައް ދޫކުރަން ސަރުކާރުން ވަނީ ނިންމައިފަ އެވެ. އެ ކަމަށް ހާއްސަ އުސޫލުތަކެއް ހަމަޖައްސަން ސަރުކާރުން ވަީ ނިންމައިފަ އެވެ. އަދި ހުޅުމާލެ އަށް 63 ހެކްޓަރުގެ ބިން އިތުރު ކުރުމަށްޓަކައި ހިއްކުމުގެ މަސައްކަތް ވެސް އިއްޔެ ވަނީ ފަށައިފަ އެވެ.

ޕީޕީއެމްގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ތޮލާލް ވަނީ އެމްޑީޕީގެ މެމްބަރުން ފްލެޓު ލިބުނު ލިސްޓަށް ބަލައި އެކި މީހުންނަށް ގުޅަމުންދާ ކަމަށް ތުހުމަތު ކުރައްވައިފަ އެވެ.

ނަމަވެސް އޭނާ އެދިވަޑައިގަތީ، އެފަދަ ކަންކަމަށް ރައްޔިތުން ވަރަށް ބޮޑަށް ސަމާލުވެ، ފްލެޓްތަކާ ގުޅޭ ކަންކަމުގައި އެމްޑީޕީގެ މެންބަރުންނާ ޖަދަލު ނުކޮށް، މުއިއްޒަށް ވޯޓު ދިނުމަށެވެ.

"މިހެން ދައްކާ ވާހަކައެއްގައި ނުޖެހި، ކިތަންމެ ވާހަކައެއް ދެއްކިޔަސް މި ސަރުކާރު ބަދަލު ކުރުމަށްޓަކައި ދެއްވަން ޖެހޭ ވޯޓު ދެއްވީމާ ހުންނާނީ ރަނގަޅަށް،" ތޮލާލް ވިދާޅުވި އެވެ.

ރައީސް އިބްރާހިމް މުހައްމަދު ސޯލިހު މި ދުވަސްވަރު ގިނަ ވައުދުތަކެއް ވަމުން އަންނަ އިރު އެ ވައުދުތަކާ ގުޅޭ ފުރިހަމަ ތަފްސީލްތައް ރައްޔިތުންނަށް ދޭން ޖެހޭ ކަމަށް ތޮލާލް ވިދާޅުވި އެވެ.

ދުވަސްވީ މީހުންގެ އެލަވަސާއި ކަރަންޓު ބިލް ފްލެޓު ރޭޓެއް ކަނޑައެޅުން ފަދަ ކަންކަމަކީ މިހާރު ފުރިހަމަ ތަފްސީލް ނުދީފި ނަމަ ފަހުން އޭގެ ގެއްލުން ރައްޔިތުންނަށް ކޮށްފާނެ ފަދަ ނިންމުންތަކެއް ކަމަށް އޭނާ ވިދާޅުވި އެވެ.

"މި ސަރުކާރު ޖަހާ މަޅިއެއްގައި ނުޖެހެން އަޅުގަނޑު ރައްޔިތުންނަށް އެދެން،" ތޮލާލް ވިދާޅުވި އެވެ.

އޭނާ ވަނީ އިންތިހާބުގައި މުއިއްޒާ ދެކޮޅަށް ވަރަށް ބޮޑަށް އެންޓި ކެމްޕެއިން ކުރަމުންދާ ކަން ފާހަގަ ކުރައްވައިފަ އެވެ. އެ މައްސަލަތައް އިލެކްޝަންސް ކޮމިޝަން (އީސީ) އިން ބެލުމަށް ތޮލާލް ގޮވާލި އެވެ.

ޕީޕީއެމް ރިޔާސީ އިންތިޚާބު 2023 ޕީޕަލްސް ނެޝަނަލް ކޮންގްރެސް ޑރ. މުހައްމަދު މުއިއްޒު، މާލޭގެ މޭޔަރު ބޯހިޔާވަހިކަން

109 ކޮމެންޓް, 41 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހީހީ ހަލާކުވެއްޖެ

25 September 2023

ދެން ޕީ ކުދިން ބުނީމަ އަހަރެމެން ވޯޓުދޭން ޖެހޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެރިކަން

25 September 2023

ތިތާކު ނެތް ވޯޓްދޭނެ އެކަކުވެސް ހުސް ފެއިލަރުން. ހަމަ އެއް ބައިގަޑެއް މިއުޅެނީ، ދިވެހި ރައްޔިތުން މިނޫން ބަޔަކު ވެރިކަމަށް ގެންނަން ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުންކުރު ބޮޑާ

25 September 2023

އަޅުގަނޑަށް ރޭގަ ގުޅައިފި މުއިއްޒު ކެމްޕޭނުން. އަލޫގަނޑު ބުނެފިން އަދި ވަކ ގޮތެއް ނުނިންމަމޭ. މުއިއްޒުއަށް ވޯޓު ދޭންޖެހޭ ސަބަކީ ކޮބައިހޭ އެހީމާ ބުނީ ކޮންމެގޮތަކުންވެސް އަނެއް ކެންޑިޑޭޓަށްވުރެ ރަނގަޅުވާނެޔޯ. ދެން ރަނގަޅީ ކޮންގޮތަކުންތޯ އެހީމާ އެއްވެސް އެއްޗެއް ނުބުނެ އަނެއްކާވެސް ބުނަނީ ތިމަންނަ މި ބުނީނޫންހޭ ރަނގަޅުވާނެއޭ. އަޅުގަނޑަށް ކޮންވިންސްކޮށްދޭށޭ ބުނީމާ އައީ ރުޅި އަދި އެވަރުންވެސް ވޯޓު ދޭންވީ ސަބަބެއް ނުބުނެ. މިއީ ކެމްޕޭނުގެ ފެންވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

24 September 2023

ވޯޓު ނުދީގެން، މީހުންނަށް ދިން ގޯއްޗާ ހުލެޓު ނެގީމަ ދެން ކީއްކުރާނީ؟ ހޭރިހޭރި ތިބެން ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރީދާއްތަ

24 September 2023

މުއިއްޒު ކައިރީ އުޅޭ ކުދިންކޮޅު މާޔޫސްވެއްޖެ. މުއިއްޒުއަށް ވެރިކަން ލިބިއްޖެނަމަ ސަރުކާރުން އަމިއްލަ ފައިދާނަގަން އުޅޭމީހުން ނުހޮވެނެހެން ހީވީމަ ވަރަށް ބަނޑުގާ ރިހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޗިބޭ

24 September 2023

މިހިނގާ 5 އަހަރުގެ ތެރޭގައި ރައީސް އިބޫ ވަނީ މީގެ ކުރިން އެއްވެސް ވެރިކަމެއްގައި ކޮށްނުދޭވަރަށް ކަންކަން ނ. މަނަދޫއަށް ކޮށްދީފަ. އެހެންވީމާ ކުރިޔަށް އޮތް 5 އަހަރުވެސް ކަންކަން ކޮށްދޭ މީހަކު ވެރިކަމުގައި ބެހެއްޓުން މާ ރަނގަޅު. ބޭނުންވަނީ ތަރައްޤީ. އަމާންކަން. ކަމެއްކޮށްނުދީ ބިރުވެރިކަމާއި އަނިޔާވެރިކަމަށް ފުރުސަތު ދީގެންނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއިއްޒު ނެރު

24 September 2023

ދެ ކެންޑިޑޭޓުންގެވެސް މައްސަލަތައް އެބަހުރި އެކަމަކު އިބޫއަކީ އެއްވެސް މީހަކަށް އަނިޔާއެއްދީ ގޮތްދޫނުކޮށް މެޑަމްގެ ލިސްޓަށް ފުލެޓާ ގޯތި ބަހާނެ ބޭފުޅެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިއްޓޭ

24 September 2023

އެހެން ރައްޔިތުން ވޯޓް ދޭނެ ނުވަތަ ދޭންޖެހޭނީ ކާކަށް ކަން ތޮލާލަކަށް ނޭނގޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއިއްޒު ނެރު

24 September 2023

ބަޔަކަށް މުއިއްޒު ނޭންގުނަސް މުއިއްޒަކީ ވ.ޓޮކްސިކް ބޭފުޅެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާހިދު ޅިޔަނު

24 September 2023

ހަގީގަތުގާވެސް ވަރަށްރުންކުރު. އެހެންމީހެއްގެ ހިޔާލަކަށް އެއްވެސް އިހުތިރާމެއްނުކުރާ މަވަންތަ މީހެއް. ނޫސްވެރިއަކު ސުވާލުކުރިޔަސް ރޫރޫއަޅާނެ. މަބުނާނީ މުއިއްޒަކީ ނަފްސާނީ ފަރުވާ ބޭނުންވާ މީހެކޭ.