ކޮންސްޓްރަކްޝަން މަސައްކަތްތަކެއް ލޭބަރުންތަކެއް ކުރަނީ. ކޮންޓްރެކްޓަރުންނަށް ފައިސާ ނުދޭތީ މަސީން ވަނީ އެކަމުގެ ކަންބޮޑުވުން ފާޅުކޮށްފައި--
08 އޮކްޓޯބަރ 2023 - 10:36
18 comments
ސަރުކާރުން ހިންގާ ޕްރޮޖެކްޓްތަކަށް އެއްބަސްވުމާ އެއްގޮތަށް ފައިސާ ނުދޭތީ ކޮންޓްރެކްޓަރުން ގޮތް ހުސްވެ، މާލީ ބޮޑު ތަކުލީފެއް ކުރިމަތިވެފައިވާ ކަމަށް ރާއްޖޭގެ ކޮންސްޓްރަކްޝަން ދާއިރާގެ ޖަމިއްޔާ، މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ) އިން ބުނެފި އެވެ.
މަސީން ނެރުނު ބަޔާނުގައި ބުނީ، އަތޮޅުތަކުގެ ތަރައްގީއަށް ހިންގާ ޕީއެސްއައިޕީ ޕްރޮޖެކްޓްތަކާއި އެހެނިހެން ޕްރޮޖެކްޓްތަކުގެ މަސައްކަތް، ކޮންޓްރެކްޓަރުން އަމިއްލަ ތަކެތީގައި ކުރުމަށް ފަހު، އެގްރީމެންޓުގައިވާ ގޮތަށް އިންވޮއިސް ފޮނުވުމުން ވެސް، ޕޭމަންޓުތައް ލިބުމުގައި ބޮޑެތި ލަސްތައް ކުރިމަތިވާ ކަމަށެވެ. ސަރުކާރުން ކުންފުނިތަކަށް ދޭން ޖެހޭ ފައިސާ ނުދީ ލަސް ކުރުމުން އަމިއްލަ ކުންފުނިތަކުގެ މުވައްޒަފުންނަށް މުސާރަ ދޭން ދަތިވެ، މުވައްޒަފުންގެ ކެއުމާއި އެހެނިހެން ހަރަދުތައް ހަމަޖައްސަން އުނދަގޫވެ، މަސައްކަތަށް ތަކެތި ސަޕްލައިކޮށްދޭ ފަރާތްތަކަށް ފައިސާ ދޭން ދަތިވާ ކަމަށް އެ ޖަމިއްޔާ އިން ބުންޏެވެ.
ކޮންޓްރެކްޓަރުންނަށް ފައިސާގެ ތާށިކަން ކުރިމަތިވެ، މުވައްޒަފުންގެ މުސާރަ ނުދިނުމުން، އެ މުވައްޒަފުން މަސައްކަތް ހުއްޓާލާ ހިސާބަށް ކަންކަން ގޮސްފައިވާ ކަމަށް ވެސް އެ ޖަމިއްޔާއިން ބުންޏެވެ. މިކަމަށް ހައްލެއް ހޯޑުމަށް ސަރުކާރަށް އެކި ފަހަރު މަތިން އެދުނު ކަމަށާއި އެކަމަކު ވެސް އެއްވެސް ހަލެއް ނުލިބޭ ކަމަށް މަސީން ބުންޏެވެ.
ކޮންޓްރެކްޓްގެ މުއްދަތު ހަމަވެގެން ސަރުކާރުން ކޮންޓްރެކްޓަރު ޖޫރިމަނާކުރާ ފަދައިން ކޮންޓްރެކްޓަރުންގެ އިންވޮއިސްތަކަށް ކަނޑައެޅިފައިވާ މުއްދަތުގައި ފައިސާ ނުދެވޭ ހާލަތްތަކުގައި އޭގެ ޖޫރިމަނާ ވެސް ކޮންޓްރެކްޓަރުންނަށް ދިނުމަށް އެ އެސޯސިއޭޝަނުން ވަނީ ގޮވައިލާފަ އެވެ.
ކޮންޓްރެކްޓަރުންނަށް ފައިސާ ނުދޭތީ މަސީން ކަންބޮޑުވުން ފާޅުކުރި އިރު ދާދި ފަހުން ވަނީ ފެނަކައިގެ ގިނަ އަދަދެއްގެ ޕްރޮޖެކްޓް ހިންގި 100 އަށް ވުރެ ކޮންޓްރެކްޓަރުންނާއި ސަޕްލަޔަރުންނަށް އުސޫލުގެ ތެރެއިން ޕޭމެންޓްތައް ދެމުން ނުދާތީ އެކަމުގެ ކަންބޮޑުވުން ފާޅުކޮށްފަ އެވެ.
މިއަހަރުގެ މިހާތަނަށް ސަރުކާރުން ވަނީ ޕީއެސްއައިޕީ ބަޖެޓުން 8.2 ބިލިއަން ރުފިޔާ ހޭދަކޮށްފަ އެވެ. މިއަހަރުގެ ބަޖެޓުގައި ޕީއެސްއައިޕީގެ ދަށުން 900 އަށް ވުރެ ގިނަ ޕްރޮޖެކްޓް ހިންގުމަށް 8.4 ބިލިއަން ރުފިޔާ ކަނޑައަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެއްކަލަ މީހާ ދޯ
08 October 2023
އަސްތާ ކިހިނެއް މިވީ ؟ ނިމިދިޔަ ދުވަސްކޮޅުތެރޭ ޓީވީ ތަކުންނާއި ނޫސްތަކުން މުޅިންފެނުނީ މި ސަރުކާރުގެ މޮޅުކަމާއި ހިންގުންތެރިކަމުގެ ވާހަކަ. އޭރު ތިޔަ ބުނާ ޖަމްޢިއްޔާތައް ކޮންތާކުބާ ތިބީ؟ ހަމަ ކުއްލިއަކަށް ހޭލައިގެން ކޮޅުކޮޅަށް ބަޔާންތައް ނެރެންފެށީ؟
ކިހާ ތާހިރު
08 October 2023
އަސްލަމާ އަކްރަމްގެ ހިންގުން މޮޅުކަން!
ހަސަނާނާ
10 October 2023
ކިހާ ތާހިރު ހިންގި ގޮތް، ހުރިހާ ކަމެއްގަވެސް ކޮރަޕްޝަން
މުއައްޒަފު
08 October 2023
ޕްރޮޖެކްޓްތައް ހަވާލުކުރުން ފިޔަވާ ކުރެވުނު މާބޮޑު ކަމެއްނެތް! ކުޑަރަށެއް ބޮޑުރަށެއް ނުބަލާ މަޝްރޫޢު ހިންގަނީއޭ ބުނާއިރު %50 ރަށްރަށް ނުނިމޭ. ޢިންތިޚާބާ ދިމާކޮށް ހުޅުވި ގިނަ ރަށްތަށް ހުޅުވީ ނުނިމެނީސް! ފައިސާ ނުދޭތާ ފޯނުވެސް ނުނަގާ ޕްލޭނިން މިނިސްޓްރީގެ އިސް ބޭފުޅުން އަދި ފިނޭންސުންވެސް! މިނިސްޓަރުންނާ ގާތް ކުނުންފުނިތަކަށް މިމައްސަލަ ދިމާނުވޭ! އެކަމަކު އެކުންފުނިތަކުންވެސް ނުނިންމާ! އަސްލަމަކަށް ނުވޭ މިކަމެށް!
އ އަހްމަދު
08 October 2023
ފެނަކައިން ލާރިނުލިބިގެން ކޮންޓެކްޓަރުން ނޫސްކޮންފްރެންސް ބާއްވަމުންދިޔައިރުވެސް ތިޔަޖަމްއިއްޔާގެ ވެރިން ތިބީގަދަނިދީގަ މިހާރުދެން ކޮންނޫސްބަޔާނެއްތަތިނެރެނީ ތިޔަޖަމްއިއްޔާގެ އިސްވެރިން ތިތިބީ ފޭލްވެފަ އިސްތިއުފާދީ ލީޑަރޝިޕްބަދަލުކުރޭ
ހިމާރުލްގައުމު
08 October 2023
ހިންނަވަރު ކޮހަމްބެއަށް ގައުމު ޕަކަޅާކޮށްލާފަ ބެޗިގެން ނުވާނެ، . މުއިއްޒު އަހަރުމެން ޔާމީނުގެ ސަޕޯޓަރުން ކަލޭ ހޮވީ ކަމަކު.
އުދުހޭ
08 October 2023
ގައުމު ދަރުވާލައިގެން ބްރިޖެއް އަޅަން އުޅުނީމާ ވާނީ މިހެން. އެއްވެސް ޕްލޭނެއް ނެތި ވޯޓު ހޯދަން އެކަން ފެށީ.
ބޯހަލާކ
08 October 2023
މަޑު ޖައްސާލާފަ އެހެރީ. މުއިއްޒު ރައިށް އެދިގެން. ނޮވެންބަރުގަ ހުވާކުލުރައްވާފަ ދޭނެ
ބޭސްކުރޭ އެހެންވިއްޔާ
08 October 2023
6 މަސް 7 މަސް ވެފަ ހުރި ބިލްތަކުގެ ވާހަކަ މިދައްކަނީ! އެއްޗެއް ނޭގުނަސް ކޮމެންޓްކުރާތި! އެހެންނޫނަސް އެއްވެސް ފަރާތަކުން ނާންގާ މަސައްކަތްތަކަށް ދޭންހުރި ފައިސާ ހިފަހައްޓާކަށް!
އަލީި
08 October 2023
ސަރުކާރު އޮތް ހާލަތު ރައްޔިތުންނަށް ވަރަށް ރަގަޅަށް ސާފުވާނެ.
އަލިފުތާ
08 October 2023
މަސީއަށް ވެސް އަދި ކިރިޔާ ދޯ ތި އެއްޗެއް ބުނަން ކެރުނީ. ނިދިން ހޭލެވުނީތަ؟
މަސީ ނޫންގޮތެއް
08 October 2023
މަސީގެ ބޮޑުމީހާ އެއީ ޑިޕްލޮމެޓްކަމާ އަދި ސަރުކާރުގެ އެހެނިހެން ވިޔަފާރިގުޅުން ދެމެހެއްޓި މީހެއް! އެހެންވެ އޭރު ނުފެނުނީ! ކުންފުނިތަކުން އާދޭސްކުރި މިކަންތަކުގަ އެހީވާން! މިހާރު މިސަރުކާރުގެ ރުހުން ހޯދަން އެއުޅެނީ!
މާޒީ ޖ
08 October 2023
މަސީ އަކީ ބަޔަކު އަޅުވެތި ކޮށްގެން އުޅޭ ޖަމްޢިއްޔާ އެއް... އެ އުޅޭ ހައެއްކަ މީހުން ވަރަށް ނާޖާއިޒު ފައިދާ ނަގާ ތަނެއް.....
ބޮޑުމީހާ
08 October 2023
ވޯޓަށްފަހު ތިހުރިހާ ކަމެއްވެސް ތިލަވާނެ. މަސީންވެސް ވޯޓުގެ ކުރިން ތިވާހަކަތައް ދެއްކިނަަމަ ކޮންމެވެސް އެއްޗެކޭ ކިޔާފައި އިބޫ ސޯލިހު ތިކަންވެސް ހަމައަކަށް އަޅުވާނެ. ކޮންޓްރެކްޓަރުންނަށް ދައުލަތުން ބިލިއަނުން ފައިސާދޭން ދަރާފައިވާއިރު އިބޫ ސޯލިހު ކުރިކަމަކީ 4.1 ބިލިއަން ރުފިޔާ ރިސޯޓް ޓެކްސް އިން މާފުކުރުން. މިވެސް ބަޔަކު މީހުންނަށް ވަރަށް އޯގާތެރިވެރިކަމެއް
އިހްސާސް..
08 October 2023
ތީގެ ނަފާކޮޅު ކައިގެން އިތިބީ ޖާބިރު، ގާސިމު، ސަން ޝިޔާމު، ދެން ކިޔާނެކަމެއްނެތް..