މާފަރު ވަގުންގެ ހާއްޔަކަށް، ރައްޔިތުން ގޮތް ހުސްވެފައި!

ނ. މާފަރު: އެ ރަށުގައި ވައްކަން އިތުރު ވެފައި ވާތީ ފުލުހުންގެ ހާއްސަ ޓީމަކުން ވެސް އަންނަނީ ހަރަކާތްތެރިވަމުން.-- ފޮޓޯ: މޯލްޑިވްސް ވާޗުއަލް ޓުއާ

ފާތިމަތު އަޖްފާން، މިހާރު

08 އޮކްޓޯބަރ 2023 - 17:40

41 comments

ނ. މާފަރުގައި ވައްކަން ކޮށްގެން ހުށަހަޅާ މައްސަލަތައް އިތުރުވެ ކައުންސިލުން ކަންބޮޑުވުން ފާޅުކޮށްފި އެވެ.

މާފަރު ކައުންސިލް މެމްބަރަކު "މިހާރު" އަށް ވިދާޅުވީ ފަހަކަށް އައިސް އެ ރަށުގައި ވައްކަން ކުރުން ވަރަށް ބޮޑަށް އިތުރުވެފައި ކަމަށެވެ. އޭނާ ވިދާޅުވީ ވައްކަމުގެ މައްސަލަތަކުގައި ގިނައިން އުޅެނީ މަސްތުވާތަކެތި ބޭނުންކުރާ މީހުން ކަމަށެވެ.

"ވައްކަމުގެ މައްސަލަ ވަރަށް ބޮޑު. ބޮޑަށް މި ވައްކަން ކުރަނީ އެ ކަހަލަ [ޑްރަގު] ކަންކަމަށް ފައިސާ ހޯދަން،" އޭނާ ވިދާޅުވި އެވެ.

ފުލުހުންގެ ތަފާސްހިސާބުތަކަށް ބަލާއިރު ފާއިތުވި ދެ މަހެއްހާ ދުވަހުގެ ތެރޭގައި ވައްކަމުގެ ބޮޑު އަށް މައްސަލަ އަދި މަސްތުވާތަކެތީގެ މައްސަލައެއް ވަނީ ހުށަހަޅައިފަ އެވެ.

އެންމެ ފަހުން ހުށަހަޅާފައި ވަނީ މިދިޔަ ހުކުރު ދުވަހުގެ ރޭ މާފަރުގެ ތިން ތަނެއް ފަޅާލައި ވައްކަން ކޮށްފައިވާ މައްސަލަތަކެކެވެ. އެއީ އެ ރަށު ކައުސިލް އިދާރާއިންނާއި ސްކޫލުގެ ގުދަނަކުންނާއި ފިހާރައަކުންނެވެ.

އޭނާ ވިދާޅުވީ ކައުންސިލުން ވަގަށް ނެގި ތަކެތީގެ ތެރޭގައި ހިމެނެނީ އެ އިމާރާތުގައި ހަރުކޮށްފައި ހުރި ސީސީޓީވީ ކެމެރާ އަކާއި ލެޕްޓޮޕެއް ކަމަށެވެ. ސްކޫލުން ވަގަށް ނަގާފައި ވަނީ ގުދަނުގައި ހުރި ސްކޫލުގެ ބައެއް މުދާތަކެއް ކަމަށާއި ފިހާރަ ފަޅާލާފައި ފައިސާ ވަގަށް ނަގާފައިވާ ކަމަށް އޭނާ ވިދާޅުވި އެވެ. ނަމަވެސް ފިހާރައިން ނަގާފައި ވަނީ ކިހާ އަދަދެއްގެ ފައިސާ ކަން ނޭނގޭ ކަމަށް އޭނާ ވިދާޅުވި އެވެ.

"ރައްޔިތުން ވަރަށް ކަންބޮޑުވެފައި. ރައްޔިތުންގެ މުދަލާއި މީހުންގެ ސަލާމަތީ ރައްކާތެރިކަން ނެތް ކަމުގެ ކަންބޮޑުވުން އެންމެ ގިނަ ރައްޔިތުން ފާހަގަ ކުރަނީ. އަޅުގަނޑުމެން މި މަސައްކަތް ކުރަނީ ފުލުހުންނާ ގުޅިގެން ހައްލު ކުރެވޭތޯ،" އޭނާ ވިދާޅުވި އެވެ.

މާފަރުގައި ވައްކަން އިތުރުވެ ފުލުހުން ހަރަކާތްތެރިވަމުން އަންނައިރު، މިދިޔަ މަހު 13 ވަނަ ދުވަހު އެ ރަށު ޕޮލިސް ސްޓޭޝަން ފާޅާލައި ބަނގުރާފުޅިތަކެއް ވަނީ ވަގަށް ނަގާފަ އެވެ. އަދި 22 ވަނަ ދުވަހުގެ ރޭ ވެސް ވަނީ ހަތަރު ތަނެއް ފަޅާލައި ވައްކަން ކޮށްފަ އެވެ. އޭގެ ކުރިން އެއް ރޭ މަތިން ފަސް ތަނެއް ފަޅާލައި ވައްކަން ކޮށްފައިވާ މައްސަލަތަކެއް ވެސް ފުލުހުން ދަނީ ބަލަމުންނެވެ.

ކައުންސިލަރު ވިދާޅުވީ މާފަރުގައި ތިބޭ ފުލުހުންގެ އިތުރުން، އިތުރު ފުލުހުން އެރަށަށް ގޮސް، 24 ގަޑިއިރު ރަށުތެރެ ޕެޓްރޯލް ކުރަމުންދާ ކަމަށެވެ. އަދި ގާތްގަނޑަކަށް 800 މީހުންގެ އާބާދީއެއް ދިރިއުޅޭ ރަށުގެ ރައްޔިތުން ހޭލުންތެރިކޮށް، ވައްކަން ހުއްޓުވޭނެ ގޮތަކީ ކޮބައިތޯ ބަލައި މަސައްކަތް ކުރަމުން އަންނަ ކަމަށް ވެސް އޭނާ ވިދާޅުވި އެވެ.

ފުލުހުން ނ. މާފަރު

41 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަ ޑިމޮކްރެޓްސް.

09 October 2023

ތީކީ ކުއްލިއަކަށް އައިކަމެއްނޫން. މީގެ އަހަރުތަކެއްކުރިންފެށިގެންވެސް ރަށުގެ އަމާންކަންވަނީ ގެއްލިފައި. އެކަމަށް އެޓެންޑްވާނެ ފަރާތެއްނެތް. ރައްޔިތުން ތިބީ ކިހާ ބިރުވެރިކަމެއްގެ ތެރޭގައިކަމެއް ދެނެހުރި ސަރުކާރެއްނެތް. އޮބިނޯންނަ ހިސާބަށް ދިއުމުންނޫނީ މިޤައުމުގައި އެއްވެސް ކަމަކަށް ފިޔަވަޅެއްނާޅާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުކޮށް

09 October 2023

އުފާވެރި އަމާން ރާއްޖޭގަ ކަންހުރި ގޮތް ތިހުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާފަރު

09 October 2023

މާފަރު ކައުންސިލަކީ ނަމޫނާ ކައުންސިލެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންވަރު މާފަރު

09 October 2023

ރައްޔިތުން ނުކުމެ މިކަން ހައްލުކުރަން ފެންނަނީ. ގައމުވެސް 800 މީހުން އުޅެރަށަކުން މިވަރުވެގެން ނުވާނެ ފުލުހުންގެ މަރުކަޒު ފަޅާފަ ބަނގުރާނެގީ. ގައިމުވެސް މީގަ ގޯހެއް އެބަ އުޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

09 October 2023

5 އަހަރުގެ ސަރުކާރު ފެއިލްވެފަ އޮތް ވަރު. އަދި ސަރުކާރު ބަދަލުވާ ދަނޑިވަލު މިކަންކަން ބޮޑުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

09 October 2023

ކުށް މަދުކުރަން ބޭނުން ނަމަ ފުރަތަމަ މަސްތުވާ ތަކެތިން ފަށާ. ޑްރަގް އެތެރެކުރާ މީހުންނާއި ވިއްކާ މީހުންނާއި ފޯރުކޮށްދޭ މީހުންނަށް މަރުގެ އަދަބު ދޭންފަށާ. ލަސްތަކެއް ނުވެ ކުށް ވެސް އަދި ޑްރަގް ބޭނުންކުރާމީހުންވެސް މަދުވެގެންދާނެ. މިކަމުގައި ސިންގަޕޫރު ނަމޫނާ އަކަށް ބަލާ……!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންމަނިކުބޭގެކުޑަޅިޔަންސޮރު

09 October 2023

މިކަމުގައި ފުރިހަމަ ޒިއްމާ ނަގަންޖެހޭނީ މާފަރުގެ ރައްޔިތުން. މިހިސާބަށް ކަންތައް ދިޔައިރު އޮޓޯއަށް ލެވިގެންތިބުން!. ފުރަތަމަކަމަށް ބޭނުންނެތް ކައުންސިލެއް ގާއިމުކޮށްގެން ތިބުން. ދެވަނަކަމަކަށް ދެތިން ކުއްޖަކު ކުރަންފެށި ވައްކަން މުޅިރަށަށް ދަސްވެ އެކަށް ވައްކަމުގެ ހާއްޔަކަށް ބަދަލުކުރަން ފުރުސަތުދީގެން ތިބުން. ތިންވަނަކަމަކަށް އަމިއްލަ ސަލާމަތަށް މަސައްކަތްކުރަން ނޭގި އަދިވެސް ދެއަތްއުރާލައިގެން ވާހަކައިގަ ތިބުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

09 October 2023

މާފަރަކީ މިފަދަ ތާރީޚެއް އޮތް ރަށެއް. ރައީސް ނާސިރުގެ ވެރިކަމުގައި ގިނަބަޔަކު އެ ރަށަށް އަރުވާލުމުގެ ސަބަބުން ރައްޔިތުން ނުހަނު އުނދަގޫ އުފުލަން ޖެހުނު. ކައްކާފަ ހުންނަ ބަތްތަވާ ހިފައިގެން ދާއިރުވެސް ކުރެވޭނެ ކަމެއް ނޯވޭ. މިއަދު އަނެއްކާ އެ ހިތްދަތިކަން ތަކުރާރުވާތަން މި ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

09 October 2023

އެންމެ ފަސޭހައިން މައްސަލަ ހައްލު ވާނީ މަސްތުވާތަކެތި ބޭނުން ކުރާ މީހުން ރަށުން ބޭރު ކޮށްލައިގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްތަހިއްލު ޑްރަގްސް

09 October 2023

އަޅުގަޑުގެ ހަމްދަރުދީ މާފަރު ގެ ރައްޔިތުންނައް! މިހާރުގެ ފަހުރުވެރި ދިވެހި ވަންތަ ކަމެއް ތި އަށަގަމެވުނީ! ދެން އިސާހިތަކު މުޅި ރައް ހަލާކުވާނެ! ކިރިޔާވެސް ގޮތެއް އޮތް އާއިލާތަކައް ދެން ރަގަޅުވާނީ ތިރައް ދޫކޮއް އެހެން ރަށަކައް ދިއުން! ސޮރީ ބްރޯ! އެހެން ގޮތެއް ނޯންނާނެ!