11 އޮކްޓޯބަރ 2023 - 09:33
53 comments
ވިސާއާ ނުލައި އޮމާން އަށް ދަތުރުކުރެވޭނެ ކަމަށް ފޮރިން މިނިސްޓްރީން ކުރިން ބުނި ނަމަވެސް އޮން އެރައިވަލް ވިސާ ލިބޭނީ އިތުރު ޝަރުތެއް ފުރިހަމަވެގެން ކަން އެ ގައުމުން ފަހުން އަންގާފައިވާ ކަމަށް ފޮރިން މިނިސްޓްރީ އިން ބުނެފި އެވެ.
ރާއްޖެއިން ވިސާއާ ނުލައި ދަތުރު ކުރެވޭ ގައުމުތަކުގެ ލިސްޓެއް އާންމުކުރި އިރު އޭގެ ތެރޭގައި އޮމާން ވެސް ހިމެނެ އެވެ. އަދި މި ފަހުން އެ ލިސްޓަށް ބަލައިގެން އެ ގައުމަށް ދަތުރުކުރި ދިވެހި އާއިލާއަކަށް ވަނީ ވިސާ ހަމަނުޖެހިގެން އެއާޕޯޓުގައި 12 ގަޑިއިރު ހިފެހެއްޓުމަށް ފަހު އަނބުރާ ފޮނުވާލައިފަ އެވެ.
އާއިލާގެ ފަރާތުން ސޯޝަލް މީޑިއާގައި އެ ޝަކުވާތައް ކުރި އިރު ފޮރިން މިނިސްޓްރީން ވަނީ އޮމާން އަށް ވިސާ ހަމަޖެހޭނެ ކަމަށް ބުނެ އެ މިނިސްޓްރީން މީގެ ކުރިން ނެރެފައިވާ ބަޔާން ވެސް ޑިލީޓްކޮށްފަ އެވެ.
އެކަމާ ގުޅޭ ގޮތުން ފޮރިން މިނިސްޓްރީން އިއްޔެ ނެރުނު ބަޔާނެއްގައި ބުނީ އޮމާން އިން ވިސާ ހަމަޖެހޭނެ މައުލޫމާތު ދިނީ އެ ގައުމުގެ ސަރުކާރުން ރަސްމީކޮށް ދީފައިވާ މައުލޫމާތަށް ބިނާކޮށް ކަމަށެވެ.
ނަމަވެސް ފަހުން މައުލޫމާތު ލިބިފައި ވަނީ އޮމާންއަށް ދަތުރުކުރާ ދިވެހިންނަށް 14 ދުވަހުގެ އޮން-އެރައިވަލް ވިސާ ލިބެނީ އިތުރު ޝަރުތެއް ފުރިހަމަވެގެން ކަމަށް ފޮރިން މިނިސްޓްރީން ބުންޏެވެ.
އެއީ އިނގިރޭސިވިލާތް، އެމެރިކާ، ޝެންގަން ގައުމުތައް، ކެނެޑާ، އޮސްޓްރޭލިއާ ނުވަތަ ޖަޕާންގެ މުއްދަތު ހަމަނުވާ ވިސާއެއް އޮތުން ނުވަތަ އެއިން ގައުމެއްގެ ރަށްވެހިކަން އޮތުމާއި ހޮޓެލް ބުކިން އާއި ދެކޮޅު ޓިކެޓް އަދި ހެލްތު އިންޝޫރަންސް އޮތުން ކަމަށް ފޮރިން މިނިސްޓްރީ އިން ބުންޏެވެ.
"....މިހެންކަމުން އޮމާންއަށް ދަރުތުކުރައްވާ ފަރާތްތަކުން މަތީގައި ބަޔާންކޮށްފައިވާ ޝަރުތުތައް ފުރިހަމަ ނުވާނަމަ ދުރާލައި ވިސާ ނަންގަވައިގެން ވަޑައިގަތުމަށް ދަންނަވަމެވެ،" އެ މިނިސްޓްރީން ބުންޏެވެ.
އޮމާން އަށް ދަތުރުކުރާ ދިވެހިންނަށް އެއްވެސް ޝަރުތަކާ ނުލާ އޮން-އެރައިވަލް ވިސާ ލިބޭނޭ އިންތިޒާމު ހަމަޖެއްސުމާ ގުޅޭ ގޮތުން އެ ގައުމާ މަޝްވަރާ ކުރަމުން އަންނަ ކަމަށް ވެސް ފޮރިން މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސަވައުދު
13 October 2023
ސާހިދަކީ ދޮގުހެދުމުން ޕީއެޗުޑީ ހަދާފައިވާ މީހެއް މޮޅު ފޮނިބައިސާ ކެންޑަނީ ނުވާކަންކަންވެސް ވާނެކަމަށް ކިޔަނީ މިސަރުކާރުން އޮން އެރައިވަލް ވިސާ ލިބޭނެކަމަށް އެބުނާ ގިނަގައުމުތަކަށް ވިސާ ހޯދައުގެން ނޫނީ ނުދެވޭ!
ސަފީރުޒް
12 October 2023
މިކަންކަން މިހާ ދޯދިއާކޮށް ކުރި ކުދިންތަކަށް އަދި ސަފީރުކަން ބަހަބަހާފަ އެދަނީ!! ލަދުހަޔާތް ކޮބާ!
އޮޅުނީތަ
12 October 2023
ފޮރިން މިނިސްޓަރަށް އޮން އަރައިވަލް ވިސާ ލިބޭނެ ވާހަކަ ކަންނޭނގެ ކުރިން އެ ބުނެވުނީ
މަޒް
12 October 2023
އެއީ އިނގިރޭސިވިލާތް، އެމެރިކާ، ޝެންގަން ގައުމުތައް، ކެނެޑާ، އޮސްޓްރޭލިއާ ނުވަތަ ޖަޕާންގެ މުއްދަތު ހަމަނުވާ ވިސާއެއް އޮތުން ނުވަތަ އެއިން ގައުމެއްގެ ރަށްވެހިކަން އޮތުމާއި ހޮޓެލް ބުކިން އާއި ދެކޮޅު ޓިކެޓް އަދި ހެލްތު އިންޝޫރަންސް އޮތުން ކަމަށް ފޮރިން މިނިސްޓްރީ އިން ބުންޏެވެ ------- މީގައި މިއޮތީ އަޅެ އެންމެ ޝަރުތެއްތަ؟
އަޅި އަލީ
12 October 2023
ތިކަހަލަ އޮންއެރައިވަލް ވިސާ ލިބޭ ހުރިހާ ގައުމަކުންބވެސް! ހަމަ ހުސް އަޅި
ވީއެފް ސެންޓަރު
12 October 2023
ވީއެފް ސެންޓަރުގެ ހިދުމަތް ރަނގަޅު ކުރަން ބަލާބަލަ... ނަން ހިނގާ ގައުމެއްގެ ފުރީ އެންޓުރެން ނުލިބުމަކީ ނާގާބިލުކަން!!!
ކެންސަލް ކެންސަލް
12 October 2023
ކުރިން ބުނި އެތި ކެންސަލް
ކުޑަކަތީބު
12 October 2023
މިސަރުކާރުން އެބުނާ ވިސާއާނުލާ އަލައް ދެވޭ އަނެއް 148 ޤައުމުގެ ހާލަތަކީ ކޮބާބާ!
ދަކޮހުނިގެޑި
11 October 2023
ފޮރިންމިނިސްޓްރީން އެކިޔަނީ ސީދާ ކަހެރުވަކޭ! އެތައްފައިސާއެއް ތަޅާސުންނާފަތިކޮށްގެން އެތަންމިތަނަށް ދަތުރުކޮށް ޓާކީކާލާ ބިޔަރުބޯލާ ހަދާލައިގެ މިއޮތީ ވާނެއެއްޗެއްވެނިމިފަ. އެފުރިކާބައްރުގެ ބަޔަކު ނުވެގެން އުޅުނު ސޮމާލިއާ ގެންބިއާ ބުރުންޑީ ކަހަލަ ގައުމުތަކަށް އޮންއެރައިވަލްއޭ ކިޔައިގެން ކޮންބޭނުމަކު؟ ދިވެހިންގެ ބޮޑުމަސައްކަތް ޓުއަރިޒަމުގެ ތެރެއިން ދަތުރުކުރަންޖެހޭ މުހިއްމު ގައުމުތަކަށް ވިސާ ހޯދުމުގެ އެތަކުލީފުގައި އަދިވެސްމިތިބީ. ކޮބާ ކުރިއެރުން
އޮނަރަބްލް އަފީފު ދީދީ
11 October 2023
އޮން އެރައިވަލް ވީސާ ދޮލަގަށް ލައިގެން ވިއްކަން އުޅޭ މީހަކު ޔަމަނަށް ގޮސްގެން ތިކަން ހައްލު ކޮށްދޭން ޖެހޭނެ.