ފްލެޓަށް ޝަރުތު ހަމަވި މީހުންގެ ތެރެއިން 4،000 މީހުންނަށް އާދީއްތަ ދުވަހުގެ ކުރިން ލިޔުން ދެނީ

ހުޅުމާލެ2 ގައި ފަހިދިރިއުޅުން ކޯޕަރޭޝަނުން ފްލެޓުތަކެއްގެ މަސައްކަތް ކުރަމުން އަންނަނީ.-- ފޮޓޯ: ފަޔާޒު މޫސާ | މިހާރު

އާސިމާ ނިޒާރު، މިހާރު

30 އޮކްޓޯބަރ 2023 - 12:17

މި ސަރުކާރުން ދޫކުރަން ނިންމި ފްލެޓްތަކަށް ޝަރުތު ހަމަވާ އެންމެންނަށް ފްލެޓު ދޭން ނިންމާފައިވިޔަސް އެންމެ ފުރަތަމަ ލިޔުން ދޭނީ ހުޅުމާލެ 2 ގައި މިހާރު އިމާރާތްކުރަމުން އަންނަ 4،000 ފްލެޓު ލިބޭ މީހުންނަށް ކަމަށް ހައުސިން މިނިސްޓްރީން މިއަދު ބުނެފި އެވެ.

މި ސަރުކާރުގެ ގެދޮރުވެރިވެރިޔާގެ ސްކީމުގެ ދަށުން ހަދާ ފްލެޓުތަކަށް ހުޅުވައިލުމުން 20،000 އަށް ވުރެ ގިނަ މީހުން ކުރިމަތިލި އެވެ. ސަރުކާރުން ވަނީ، އެ ސްކީމަށް ޝަރުތު ހަމަވާ އެންމެންނަށް ފްލެޓު ދޭނެކަން އިއުލާންކޮށްފަ އެވެ. އެއީ 13،000 ފްލެޓެވެ.

ޕްލޭނިން މިނިސްޓްރީން އޭރު ބުނީ ބާކީ ތިބި އެންމެންނަށް ފްލެޓު ދިނުމަށް އިތުރަށް ފްލެޓު އަޅާނެ ކަމަށެވެ.

އެ މަސައްކަތުގެ ތެރެއިން، މިދިޔަ އޮގަސްޓް މަހު ފަހި ދިރިއުޅުން ކޯޕަރޭޝަން (އެފްޑީސީ) އިން ވަނީ އިންޑިއާގެ ކަލްޕަޓަރު ޕްރޮޖެކްޓްސް އިންޓަނޭޝަނަލް ލިމިޓެޑް (ކޭޕީއައިއެލް) އާ އެކު އިތުރު 4،000 ފްލެޓް އިމާރާތް ކުރަން ނިންމައިފަ އެވެ. ނަމަވެސް، އޭގެ އަމަލީ އެއްވެސް މަސައްކަތެއް ނުފަށަ އެވެ.

އެފްޑީސީން ވަނީ ހައުސިން މަޝްރޫއަށް ފައިނޭންސް ހަމަޖައްސަން ކޭޕީއައިއެލް އަށް ހަ މަސް ދުވަހުގެ މުއްދަތެއް ދީފަ އެވެ.

އެންމެ ފަހުން ސޮއިކުރި ފްލެޓުތަކާ އެކު، މި ސަރުކާރުން މިހާތަނަށް ހަވާލުކުރި ފްލެޓުތަކުގެ އަދަދު 8،000 އަށް އަރަ އެވެ.

އެކަމަކު، އޭގެ ތެރެއިން މަސައްކަތް ފެށީ ހަމައެކަނި 4،000 ފްލެޓުގެ އެވެ. އެ ތަންތަން ހަދަނީ 32 ޓަވަރުގަ އެވެ. ޖުމުލަ 18 ބުރިއަށް ހަދާ ކޮންމެ ޓަވަރެއްގެ ފްލޯއެއްގައި އަށް އެޕާޓްމަންޓް ހުންނާނެ އެވެ.

ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން މިއަދު ވިދާޅުވީ ޝަރުތު ހަމަވާ އެންމެންނަށް ފްލެޓު ދޭން ނިންމިއަސް، އެންމެ ފުރަތަމަ ލިޔުން ދޭނީ މިހާރު ހަދަމުން އަންނަ 4،000 ފްލެޓު ލިބޭ މީހުންނަށް ކަމަށެވެ.

އެ މީހުންނަށް އަންނަ އާދިއްތަ ދުވަހުގެ ކުރިން ލިޔުން ދިނުމަށް މަސައްކަތް ކުރާ ކަމަށް ވެސް އަކްރަމް ވިދާޅުވި އެވެ.

އެކަމަކު، ފުރަތަމަ 4،000 ކަނޑައެޅުމުގައި އިސްކަންދޭ ގޮތެއް އަދި ފްލެޓުތަކުގެ ތަޅުދަނޑި ދޫކުރަން ފަށާނެ އިރެއް އަދި ނުބުނެ އެވެ.

އެފްޑީސީން ވަނީ މިހާރު ހަދަމުން އަންނަ ފްލެޓުތަކުގައި މި އަހަރު ނިމުމުގެ ކުރިން ލިފްޓް ހަރުކޮށް، ފެނާއި ކަރަންޓު ފޯރުކޮށްދެވޭނެ ކަމަށް ބުނެފަ އެވެ.

ބޯހިޔާވަހިކަން ހުޅުމާލެ ހައުސިން ސްޓޭޓް މިނިސްޓަރު އަކްރަމް ކަމާލުއްދީން ފަހި ދިރިއުޅުން ކޯޕަރޭޝަން ހައުސިން، ލޭންޑް އެންޑް އާބަން މިނިސްޓްރީ ހުޅުމާލޭ ދެ ވަނަ ފިޔަވަހި

47 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދައްތި

31 October 2023

ރަށްރަށުގަ ދިރިރުޅޭ މީހުން، މާލޭގައި ކުޑަދުވަސްކޮޅެއް އުޅެފަ ރަށަށް ބަދަލުވެގެން އުޅޭ މީހުންނަށް ހިޔާ އިންވެސް އެބަހުރި ފްލެޓްދީފައި މާލޭގައި އުޅޭކަމަށް ހަދައިގެން ޞައްޙަނޫން މާއުލޫމާތު ހުރި ލިޔުންތަކަށް ބިނާކޮށް. މި ފްލެޓްތަކުގައިވެސް ޝަރުޠުހަމަވާކަމަށް ލިސްޓްގައި ހުރި މީހުންގެ ތެރެއިން ބައެއް މީހުންނަކީ ހަމަ ރަށުގައި ދިރިއުޅޭތާ އަހަރުތަކެއްވެފައިތިބި، މާލޭގައި މެދުނުކެނޑިއުޅޭތާ 15 ނުވާ މީހުން. ހުށަހަޅާފައިހުރި މައުލޫމާތުގެ ސައްހަކަން ނުބަލަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބބބވ

31 October 2023

ފްލެޓް ބަހާލައިފި އެމްޑީޕީ މެންބަރުން ދިން ސޮލޮޓްތަކާ އެއްގޮތަށް ފައިނަލް ކޮށް ނިންމާފަ އޮތީ. ދެން ނުވާނެ ތިކަމެއް އެނޫންބަޔަކަށް ނުލިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުމާލު

30 October 2023

ލިޔުން ނުދޭ 9 ހާސް މީހުން ދާންވާނެ ކޯޓަށް. ކީއްވެ ފްލެޓް ލިބޭނޭ ކިޔާ ބޮޑު އޮޅުވާލުންގަނޑެއް ވޯޓުކުރިން ހިންގީ. ކޮބާހޭ މި 9ހާހަކަށް މީހުންގެ ހައްގު. ގޯތި ނުހިއްކާ މީހުންނަށް ރެޖިސްޓްރީ ބަހާ އުސޫލުން މިމީހުންނަށް ލިޔުން ލިބެންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

30 October 2023

ޕާޓީ ކުދިންނަށް ފަހު ވަޤުތުދޭ އިނާޔަތް މީ، ޔަޤީން އަހަރުމެނަށް ނުދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިރުޝާނާ ޑރ. ޝަރީފް

30 October 2023

ގައުމީ ޔުނިވަރސިޓީއަށް ވެސް މިތަނުން 80 ފުލެޓް ލިބޭނެކަމަށް ބުނި. އެކަމަކު އެއީ 240 ފުލެޓް ލިބެންވާތަކަށް ލިބޭވަރު. އަކްރަމްމެންނާ ޑީލްހަދައިގެން އޭނާގެ ފުރެންޑަށް ލިބުނުވަރަކީ 80 ފުލެޓް. އަހަރެމެން ދައުރުގަ ފުލެޓް ވެސް ދިނީމޭ، ބުނަންވެގެން ޔުނިވަރސިޓީ ވެރިން ކޮންމެވެސް އެއްޗެއްހަދަނީ! އަދި ބުނޭ ބާކީ 160 ފުލެޓް ވެސް ލިބޭނޭ! އެކަމަކު އެއީ ހަމަ ބުނެލާ އެއްޗެއް.އެއީ ޝަރުތުހަމަވާ މީހުންނަށް، 13000 ފުލެޓް، ލިބޭނޭ މިސަރުކާރުން ބުނާހެން ބުނާ އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނިކްބޭބެ

30 October 2023

އެބުނާ 4000 ފުލެޓްލިބޭމީހުން މަތިންއުދުހިފަ އައިސް ހައުސިންމިނިސްޓްރީގައި ފިނިކޮޓަރީއިންނަ މޭޒެއްމަތީގައި ޖައްސާނެ ގިނަވާނީ ޕާޓީކުދިންނާ އެމީހުންގެ ރައްޓެހިންނާ ތިމާގެމީހުންނާ ދޮންދަރިންނާ ހިބަރުވަދުގައި ޖެހިފައިތިބޭކުދިން ހެނދުނު އޮފީހައްދާއިރު ލިސްޓްއިންނާނީ ފައިނަލްވެފަ ދެންކިހިނެއްހަދާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު ބުނު ފަހުދު

30 October 2023

ކޮބާހޭ 4000 މީހުންނަށް ލިޔުންދިނީމަ މީގައޮތް އިންސާފަކީ. 13 ހާސް ޝަރުތު ހަމަވާކަމަށް ލިސްޓްގައި އޮތްކަމަށްވާނަމަ އެއެއްމެނަށް ލިޔުން ދެވެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށކޖއ

30 October 2023

ކޮބާ ބޮޑުންނާ ފްލެޓް ކޮމިޓީ އާއިލާ މީހުނަނަށް ހުޅުމާލެއިން ބިންތައް ބަހާލި ގޮތަށް މިކަންވެސް ކުރިއަށްދަނީ. ދުވަހެއް އަންނާނެކަން ހަނދާންކުރާތި މަކާރާ ހީލަތް ފަލީހަތްވާނެ ދުވަސް އަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާރިމާޙް

30 October 2023

ހުޅުމާލެއިން ވަރަށް ބޭއިންސާފުން މުއްސަދި އެމްޑީޕީ ސިޔާސީ ވެރިންނަށް ބިން ބަހާފަ އެބަހުރި... ކޮރަޕްޝަން... ފަހި ދިރިއުޅުން ފްލެޓް ހިލޭދީފަ ވިނަރެސް ފްލެޓްތަކުގެ ޑައުން ޕޭމަންޓް ލަގްޒަރީ ފްލެޓަކާ އެއްވަރު ކޮށްފި. ސޯޝަލް ހައުސިންގ ފްލެޓްތަކުގަ ޑައުން ޕޭމަންޓް އޮވެގެން ވެސް ނުވާނެ!! އެއީ ރެހެންދި ފްލެޓްތައް ހާ ލަގްޒަރީ ތަންތަނެއް ނޫން... ހުސް ކޮރަޕްޝަން.. މާލެ ގްރޭންޑް އަދި ގާކޮށި ފްލެޓް އެހެރީ މާލޭގަ، ވިނަރެސް އެހެރީ ހުޅުމާލެ ފޭސް 2 ގަ.. ބޭއިންސާފް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިނަރެސް

30 October 2023

އަސްލުވެސް. އެހާ ބޮޑު ޑައުންޕޭމަންޓް ނަގާވަރު ތަނެއް ނޫން. އާ ރައީސް މުއިއްޒު ވިނަރެސް އަށް ރަނގަޅު ގޮތެއް ހައްދަވާނެކަމަށް ގިނަ ރައްޔިތުން އުންމީދުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާރިމާޙް

30 October 2023

ކޮންމެ ސަރުކާރަކުން ބަލަނީ މާލެޔާ މާލެ ކައިރި ރަށްތަކުގަ އަބަދު ފްލެޓް އެޅޭތޯ!! ލާމަރުކަޒީ ވެރިކަން ނިމި ދިޔައިރު މުޅި ދިވެހި ރާއްޖެ މާލެ އަށް އާޅާ ހުސްކޮށްފި!! ދިވެހި ރާއްޖެ ތަރައްގީ ކުރުމަކީ މާލެ ކައިރީ ހުރިހާ ރަށެއްގަ ފްލެޓް އެޅުމެއް ނޫން... ކިހާ ދެރަކަމެއް، ކޮބާ އެހެން ރަށްތައް؟