ފްލެޓަށް ޕޮއިންޓް ދިން ގޮތް ޕޯޓަލް އިން މާދަމާ ފެންނާނެ

ފަހި ދިރިއުޅުމުން މިހާރު ހަދާ ބައެއް ޓަވަރުތައް. ހަތަރު ޓަވަރުގެ ފިނިޝިންގެ ބޮޑުބައި ވަނީ ނިމިފައި-- ފޮޓޯ: ފަޔާޒް މޫސާ / މިހަރު

އާސިމާ ނިޒާރު، މިހާރު

07 ނޮވެމްބަރ 2023 - 19:44

20 comments

ފަހި ދިރިއުޅުން ކޯޕަރޭޝަންގެ ފްލެޓުތަކަށް ޕޮއިންޓް ދީފައިވާ ގޮތް މާދަމާއިން ފެށިގެން ޕޯޓަލް އިން ފެންނަން ހުންނާނެ ކަމަށް ހައުސިން މިނިސްޓްރީން މިއަދު ބުނެފި އެވެ.

ސަރުކާރުގެ ގެދޮރިވެރިޔާ ސްކީމްގެ ދަށުން، މިހާރު ހަދަމުން އަންނަ 4،000 ފްލެޓު ލިބޭ މީހުންނާ އެކި ދާއިމީ ލިސްޓު އާއްމުކުރުމަށް ފަހު، ޝަކުވާ ހުށަހަޅަން ވަނީ އަންނަ ބުރާސްފަތި ދުވަހުގެ ނިޔަލަށް މުއްދަތު ދީފަ އެވެ. ނަމަވެސް، އާއްމުންގެ އެންމެ ބޮޑު ކަންބޮޑުވުމަކީ ޕޮއިންޓް ދިން ގޮތްތައް އެނގެން ނެތުމެވެ.

ހައުސިން މިނިސްޓްރީން ބޭއްވި ޕްރެސް ކޮންފަރެންސްގައި، އެ މިނިސްޓްރީގެ ސީނިއާ އެގްޒެކެޓިވް ޑިރެކްޓަރު މުހައްމަދު އާރިފް ވިދާޅުވީ އެ މީހަކަށް ޕޮއިންޓް ދިން ގޮތް ފެންނާނެ ގޮތް ހެދުމުގެ މަސައްކަތް ކުރަމުން އަންނަ ކަމަށެވެ.

ފްލެޓު ލިބޭ މީހުންގެ ވަގުތީ ލިސްޓު އާއްމުކުރިއިރު ވެސް ހަމައެކަނި ބުނެފައިވަނީ ޝަރުތު ހަމަވާ ކަމަށެވެ. އެ މީހަކަށް ލިބުނު ޕޮއިންޓް ފެންނަނީ ޕޯޓަލުންނެވެ. އެކަމަކު، ދާއިމީ ލިސްޓް އާއްމުކުރިއިރު ކޮންމެ މީހަކަށް ވެސް ލިބުނު ޕޮއިންޓް އާއްމުކޮށްފައިވެ އެވެ. ނަމަވެސް، އެ ޕޮއިންޓު ދޭނެ އުސޫލު އާއްމުކުރިއަސް، ޕޮއިންޓް ދީފައި ހުރި ގޮތެއް ނޭނގެ އެވެ.

"އެއްގޮތަކަށް ވެސް މިނިސްޓްރީއަކަށް ވަކި މީހަކަށް އިތުރަށް މާކްސް ދެވޭނެ އެއްވެސް ގޮތެއް މި ފަހަރުގެ މި ސްކީމަކު ނުހިމަނަން." އާރިފް ވިދާޅުވި އެވެ.

އޭނާ ވިދާޅުވި ގޮތުގައި ޕޯޓަލް އަށް ވަނުމަށްފަހު އެ މީހަކު ބޭނުން ކޮންމެ ވަގުތެއްގައި ވެސް ބޭނުން ޝަކުވާއެއް ހުށަހަޅަންވީ ކަމަށެވެ.

ސަރުކާރުން އިއުލާންކުރި ގެދޮރުވެރިޔާ ސްކީމްގެ ދާއިމީ ލިސްޓުގައި ފްލެޓަށް ޝަރުތު ހަމަވާ 13،000 މީހުން އެބަ ތިއްބެވެ. އޭގެ ތެރެއިން، މި ސަރުކާރުން ދޭ ފުރަތަމަ 4،000 ފްލެޓް ލިބަޭނެ މީހުން ވެސް ވަނީ ކަނޑައަޅައިފަ އެވެ. އެ 4،000 ފްލެޓް ދެނީ ތިން ކޮޓަރީގެ ފްލެޓަށް ހުށަހެޅި މީހުންގެ ތެރެއިން 76 ޕޮއިންޓަށް ވުރެ މަތިން ލިބޭ މީހުންނަށެވެ. އަދި ދެ ކޮޓަރީގެ ފްލެޓަށް ހުށަހެޅި މީހުންގެ ތެރެއިން 73 ޕޮއިންޓަށް ވުރެ މަތިން ލިބުނު މީހުންނަށެވެ.

ފްލެޓު ދިން ގޮތާ މެދު ހިތްހަމަނުޖެހިގެން މިދިޔަ އާދިއްތަ ދުވަހު މިނިސްޓްރީ ދޮަށަށް ވެސް ބަޔަކު ވަނީ އެއްވެފަ އެވެ. އެ މީހުންގެ ޑިމާންޑަކަށް ވީ ޕޮއިންޓް ދިން ގޮތް ހާމަކުރުމެވެ.

ހައުސިންގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވި ގޮތުގައި މިނިސްޓްރީއަށް އެއްވި މީހުންނަށް، ޕޯޓަލް އިން އެ މީހުންނަށް ޕޮއިންޓް ލިބުނު ގޮތްތައް ދައްކާލުމުން އެކަން ގަބޫލުކުރި ކަމަށެވެ. ޕޮއިންޓް ދިނުމުގައި އެއްވެސް މަކަރެއް ހަދާފައި ނުވާނެ ކަމަށް އޭނާ ވިދާޅުވި އެވެ.

ބޯހިޔާވަހިކަން ސްޓޭޓް މިނިސްޓަރު އަކްރަމް ކަމާލުއްދީން ފަހި ދިރިއުޅުން ކޯޕަރޭޝަން ހައުސިން، ލޭންޑް އެންޑް އާބަން މިނިސްޓްރީ ފްލެޓް

20 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދޮރު ނެތް މާލޭމީހާ

10 November 2023

ހުރިހާ ޝަކުވާ ތައް ވިދާޅުވެފަ ނޫނީ ލިސްޓު އަލުން ޢާންމު ނުކުރުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާނާ ސައީދު

08 November 2023

ނުފެނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވާލި ފްލެޓް

08 November 2023

ކައިވެނި ނުކުރާ ވަކިން ކޮޓަރިކޮޅުގަ އުޅޭމީހާއަށް 70 ޕޮއިންޓް. އަންބަކާ ދަރިއެއްގޮވައިގެން ކުއްޔަށްއުޅޭ މީހާއަށް 50 ޕޮއިންޓް. ދެންވެސް ތިބުނަނީ ރަނގަޅަށޭ ތިކަންތިކުރީ ވަޓް އަ ޖޯކް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢ ނާޒިމް

08 November 2023

ޢަހަރެންނަކީ މާލެއަށް އުފަން މާލޭގައި ގެދޮރެއް ނެތި މާލޭގައި ދިރިއުަަަަަޅޭޢުމުރުން 50 އަހަރު ވެފައިވީ މީހެކެވެ. 3 ދަރީންނާއި އާއިލާއެއް ގޮވައިގެން ދިރިއުޅެމުން ދާތާ މިހާދުވަސް ވީއިރު އަލުގަނޑަށް ލިބުނީ އަކުރަމުގެ އިންސާފުން 50ޕޮއިންޓެވެ ނަމަވެސް ދައްނަ އާއިލާއެއްގެ 20 އަހަރުވީ ކުއްޖަކަށް ވެސް އަލުގަނށަށް ވުރެން މަތީން ޕޮއިންޓް ވަނީ ލިބިފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

07 November 2023

ތި ޕޮއިންޓް ދިންގޮތް ދެއްކިޔަސް އެމީހުން ގަބޫލެއް ނުކުރާނެ! ރަށުން އައިސް އަދި މަހެއް ނުވަނީސް 20 އަހަރު މާލޭގައި އުޅުނު ކަމުގެ ލިޔުން ލީ މީހުންވެސް އެބައުލޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

07 November 2023

ޕޯޓަލްއެއް ނޫން. ބޭނުންވަނީ އެންމެން ޕޮއިންޓް ހޯދިގޮތް. ދޮގު މަޢުލޫމާތު ދިން މީހުން އެނގި، އެމީހުން އަތުން ފްލެޓް އަތުލުން. އަދަބު ދިނުން. ތިހެން ހެދީމާ ހަމައެކަނި ދޮގުވެރިޔާއަށް އޭނާގެ ދޮގު ފެންނާނީ. ތިއީ އިންސާފެއްނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

07 November 2023

މައްސަލަ އަކީ ބޮޑު ކޮމްޕެނީ އަކަށް 100 ފުލެޓް ޚާއްސަކުރުން. ޢަވަހަށްއެ100 އެޑް ކޮށްލާފަ ހައްގު ވެރިން އިތުރު ކޮށްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކޭ

07 November 2023

ދޮގު މައުލޫމާތު ދީގެން ފޯމްފުރާފައިވާކަން ކަނޑައެޅިގެން އިގޭމީހުންގެ މައުލޫމާތު ޞައްހަތޯ ނުބަލާ ފްލެޓްދީފިއްޔާ ތިހުޅުވާލެވެނީ ވަރަށް ނުބައި ދޮރެއް . މިކަހަލަމީހުންގެ މައުލޫމާތު ފޮނުވަން ވަކި ނަމްބަރެއް ޤާއިމްކޮށް މައުލޫމާތު ޞައްހަތޯ ބަލާ ފިޔަވަޅުއަޅަންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯކޭޭ

07 November 2023

"ހައުސިންގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވި ގޮތުގައި މިނިސްޓްރީއަށް އެއްވި މީހުންނަށް، ޕޯޓަލް އިން އެ މީހުންނަށް ޕޮއިންޓް ލިބުނު ގޮތްތައް ދައްކާލުމުން އެކަން ގަބޫލުކުރި ކަމަށެވެ. ޕޮއިންޓް ދިނުމުގައި އެއްވެސް މަކަރެއް ހަދާފައި ނުވާނެ ކަމަށް އޭނާ ވިދާޅުވި އެވެ'

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙބބވޗޗ

07 November 2023

73، 76 އިން އިއްތިފާގުން 4000 ހަމަވެއްޖެ. ފްލެޓްށްލި މީހުން އަމިއްލަޔަށޯ ޕްއިންޓް ދިނީ. އެކަން 4000 މީހުންގެ ތެރެއަށް ފްލެޓަށްލި 72 ލިބުނު އޯ 75 ލިބުނު މީހަކުވެސް ނާރަ އިއްތިފާގުން 73، 76 އާ ހަމައިން ހުއްޓިއްޖެޔޯ