އަދީބާއި (ވ) ޒިޔަތު.
14 ނޮވެމްބަރ 2023 - 13:25
45 comments
އެމްއެމްޕީއާރްސީ ބޮޑު ހިޔާނާތުގެ ކުށްތަކެއް ސާބިތުވެ ޖަލު ހުކުމް ތަންފީޒުކުރަމުން ގެންދެވި ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ އަދަބު ލުއިކޮށް، ބަންދުން ދޫކޮށްލުމުން ޓްރާންސްޕޭރެންސީ މޯލްޑިވްސް އިން އެކަން ކުށްވެރިކޮށް ފާޑުކިޔައިިފި އެވެ.
މި ފަހުން ހިނގި ހިޔާނާތުގެ އެންމެ ބޮޑު މައްސަލައިގައި ހިމެނޭ އަދީބާއި ޒިޔަތުގެ ޖަލު ހުކުމްތައް ލުއިކޮށް، މިނިވަންކުރުމުން އެކަން ކުށްވެރިކޮށް ރޭ ނެރުނު ބަޔާނުގައި ޓްރާންސްޕޭރެންސީން ބުނީ ރައީސް އިބްރާހިމް މުހައްމަދު ސޯލިހުގެ ދައުރު ނިމެން ހަތަރު ދުވަހަށް ވެފައި ވަނިކޮށް ދިން ލުޔަކީ ރައީސަށް ލިބިވަޑައިގަންނަވާ ބާރުތަކުގެ ބޭނުން ނަހަމަ ގޮތުގައި ހިފުމުގެ އިތުރުން، ސިޔާސީ މަގާމުތަކާއި ނުފޫޒުގެ ނާޖާއިޒު ފައިދާ ނަހަމަ ގޮތުގައި ބޭނުންކުރާ ސިޔާސީ މީހުންނަށް ދެވޭ ހިމާޔަތް ރަމްޒުކޮށްދޭ ނިންމުމެއް ކަމަށެވެ.
ނޮވެމްބަރު، 2018 ގައި އެ މަނިކުފާނު ވެރިކަމަށް ވަޑައިގެންނެވީ ކޮރަޕްޝަނަށް ޒީރޯ ޓޮލަރެންސް ދެއްވާނެ ކަމުގެ ވައުދާ އެކު ކަމަށް ވިޔަސް މި ފަސް އަހަރުގެ ތެރޭގައި ފެނިފައިވަނީ ކޮރަޕްޝަން ފަހިވުމާ އެކު ކޮރަޕްޝަންގެ އަމަލުތަކުގައި ޝާމިލުވާ މީހުން ހިމާޔަތްކުރާތަން ކަމަށް ޓްރާންސްޕޭރެންސީން ބުންޏެވެ.
އެމްއެމްޕީއާރުސީގެ ބޮޑު ހިޔާނާތުގައި ކުރީގެ އިއްޒަތްތެރިންނާ އެކު 281 މީހުން ހިމެނޭކަމަށް ދައުލަތުން ބުންޏަސް، އެ މައްސަލައިގައި މިހާތަނަށް ކުށް ސާބިތުވެފައިވަނީ އެންމެ ތިން މީހަކަށް ކަމަށް އެ ޖަމިއްޔާއިން ބުންޏެވެ. އޭގެ ތެރެއިން ބައެއް ޝަރީއަތްތައް އަދި ވެސް ކުރިއަށް ދެ އެވެ.
ހިޔާނާތުން ގެއްލުނު ފައިސާ ހޯދަން، ރައީސް ވަނީ ވެރިކަމުގެ ހުވާކުރެއްވުމާ އެކު އެސެޓް ރިކަވަރީ ކޮމިޝަންގެ ނަމުގައި ކޮމިޝަނެއް ވެސް އުފެއްދެވި އެވެ. ޓްރާންސްޕޭރެންސީން ބުނީ ފައިސާ ގެއްލުނު ގޮތުގެ ތަފްސީލް ރިޕޯޓު އެ ކޮމިޝަނުން އާއްމުކޮށްފައި ނުވާއިރު، ރަށްތައް ހޯދަން ނުވަތަ އިންސާފުވެރި އެކުއިޒިޝަން ވެލިއުއެއް ހޯދުމުގެ މަސައްކަތް ވެސް ކޮށްފައިނުވާ ކަމަށެވެ.
"މި ބޮޑު ކޮރަޕްޝަން ހިންގަން މަގުފަހިކޮށްދީ ހިމާޔަތްކުރި ގާނޫނުތަކާއި ގަވާއިދުތަކާއި އަމަލުތަކުގެ ތެރޭގައި ހުރި ނިޒާމީ މައިގަނޑު ފަރަގުތައް ހައްލުކުރުމަށް މާ ބޮޑު މަސައްކަތެއް ކޮށްފައެއް ނުވޭ." ޓްރާންސްޕޭރެންސީން ބުންޏެވެ.
އެމްއެމްޕީއާރުސީގެ 2014 ވަނަ އަހަރުގެ އޮޑިޓް ރިޕޯޓް އަދި އޭގެ ފަހުން ކުރި ތަހުގީގުން ވެސް ރާއްޖޭގައި ހިންގި އެންމެ ބޮޑު ހިޔާނާތަކީ އަދީބާއި ޒިޔަތު ރާވައިގެން ހިންގި ކަމެއްކަން އެނގޭއިރު، އެ ދެ ބޭފުޅުންނަށް ދިން ލުޔަކީ ޓްރާންސްޕޭރެންސިން ބުނިގޮތުގައި އަދުލުވެރި އަދި ޒިންމާދާރު މުޖުތަމައެއް ބިނާކުރަން ކުރާ މަސައްކަތަށް ހުރަސް އެޅުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަރުދާނާ ސޮރު
16 November 2023
އެންމެ ފަހުވަގުތުގާވެސް ގާބުރިއެއް އެއްލާފާ އިބުއެދަނީ ތިޔަމީހުން ނުވާނެރަގަނޅެއް ޔާމީނެކޭ އަދީބެކޭ ޒިޔަތެކޭ ވަކިތަފާތެއް ނުތޭ އެކަމަކު 3 މީހުންގެ ތެރެއިން 2 މީހުންދޫކޮއްލާފައި ޔާންޓޭ ހުރިގޮތައްހުރީ އިބޫހާދަހާވާގޯހޭދޯ
ޓްރާންސްޕޭރެންސީ އަށް ނޭނގޭ ކަމަކީ..........
15 November 2023
ނޮވެމްބަރ 17 2023 ގައި ރައީސް ކަމުގެ ހުވާ ކުރައްވާ ޑރ. މުޢިއްޒު ހޮވިވަޑައިގަތުމުގެ އެންމެ ބޮޑު ރޯލެއް އަދާ ކުރީ އެމަނިކުފާނުގެ ކެމްޕެއިން ޕޯސްޓަރ ގައި ވައްކަން ސާބިތުވެ ޖަލު ޙުކުމް ތަންފީޒް ކުރައްވަމުން ގެންދަވާ ބޮޑު ކުށްވެރިއެއްގެ ފޮޓޯފުޅެވެ. އަދި ޑރ. މުޢިއްޒުގެ އެޑްވައިޒަރ ޢަދުރޭ އަކީ ވެސް ދުރު މާޒީއެއްގައި އެފަދަ ޙުކުމެއް އައިސް އަރުވާލެވިފައި ވާ ބޭފުޅެކެވެ. އެހެންކަމުން މެޖޯރިޓީ ދިވެހިނަކީ ވައްކަމަށް ހިތްވަރުދޭ ބައެއްކަމަށް ބެލެވެއެވެ.
ޖޯކް
15 November 2023
އަހަރުން ކަހަލަ އައިދައިގެ މީހެއްނަމަ ދުވަހުގެ އަލިވެސްނުފެންނާނެ ޖަލުން. މިހެންވެގެން މަތީ ފަންތީގަ ތިބޭ މީހުން ވައްކަމާ ދެންވެސް އޮތްކަމެއްކުރަނީ. އެޔަގީންކަން އޮވޭ ސަލާމަތްވާނެކަމުގެ. މިޔަޝޯމިކިޔަނީ ޖަސްޓިސްއޭ. ލޮލް
އަހުރެން
15 November 2023
އެމްއެމްޕީއާރުސީ ގެ ވައްކަމަކީ އެއްވެސް މައްސަލައެއް އޮތް ކަމެއް ނޫން ކަމަށް ނިންމާ އެކަން ކުރި މީހުން ދޫކުރަން ވައުދުވި ބަޔަކަށް 5 އަހަރަށް ސަރުކާރު ހަވާލު ކުރީ ދިވެހިން. ދެން އެކަމާ ގުޅޭ އެއްވެސް މީހަކު ބަންދުގައި ބަހައްޓާކަށް ނުޖެހޭ. ހަމަ ބަރާބަރު!
ޑިމޮކްރަސީ
15 November 2023
ތިކަމުން އެގިގެން ދިޔައީ ތިމީހުން ދޫކޮށްލާނީ ތިފަދަ ކަންކަމަށް ހިއްވަރުދޭ މީހުންކަން
ހޮޓްކިންގ
15 November 2023
ބޮޑެތި އަދަދުތަކުން ދައުލަތް ހަފުސްކޮށްލީމާވެސް ވީކަމެއް ހަރާމް. ރަށެއްގެ ކުޑަކަތީބަކު އޮފީސްގަހުން ބަނބުކެޔޮ ކެނޑީމާ ހޭއަރުވާލީ.
ތުނޑުހަސަނު
15 November 2023
ރައީސް އިބްރާހީމަކަށް އަހަރެން މަޢާފެއް ނުކުރާނަން. ޒީރޯ ޓޮލަރެންސޭ ކިޔައިގެން ރައްޔިތުން ގުނބޯ ހައްދައިގެން އަމިއްލަ ސިޔާސީ އެޖެންޑާއެއް ހާސިލުކުރުމުގެ މަސައްކަތް އިބޫވެސް މިކުރީ. ޔާމީނަކީ އިބޫއަށް ހުރި ހުރަހެއްކަމުގައި ދެކިގެން ޔާމީން ގޮޅީގައި ބޭއްވުމަށް ޑީލެއްގެ ދަށުން މިދެމީހުންނާގުޅިގެން މަސައްކަތްކުރިކަމުގައި މިހާރު ގަބޫލުކުރެވިއްޖެ. އިބޫއަށްކުރި ގަދަރާއި އިޙްތިރާމްވެސް ދެންކުރެވޭކަށްނެތް. ކަޅުދަބަހުގައި އަތްލެވިފައި ހުރީތަ!
ޓީ.އެމް ޓްރާންސްޕޭރެންޓްތަ
15 November 2023
ހީވާ ގޮތުން، ޓީ.އެމް ރެޖިސްޓްރީ ކުރީ މި ހަފުތާގެ ތެރޭގައި. ޔާމީނަށް ލުއިތައްދިނުމުން ތި ޓީ.އެމް ހަނުހުރެފަ މިހާރު މޮޅުބަސް ތި ބުނަނީ. މި 5 އަހަރޭ ބުނާއިރު، އޭގެ ކުރީ 5 އަހަރު އޭ.ސީ.ސީ ތެރެއިން ހުރިހާ ކޮރަޕްޝަންތަކަށް، "އެއީ ކަރޕްޝަނެއް ނޫން" ކަމުގެ ތައްގަޑު ޖަހަމުން ކަރަޕްޝަން ހިންގި ވާހަކައެއް ނުބުނެވުނު. އޭ،ސީ،ސީ ކަރަޕްޝަން ސާބިތުވާ ކަމަށް އަދި ޝަރީއަށް ކުރުމަށް ލަފާ ދިނުމުންވެސް ބައެއް މީނުންނާ މެދު ދައުވާ ނުކުރުމަށް ނިންމި ވާހަކަވެސް.ކީއްވެބާ
ސުންދުސް
15 November 2023
އެމްއެމްޕީއާރުސީ އަށް ފައިސާ ވަންނަ ގޮތަށް ޤާނޫނު ބަދަލުކުރަން އެންގީ ޔާމީން. އޭނާ ދޫކޮށްލަން ވަޢުދުވީ ބަޔަކަށް ރައްޔިތުން ބައިޢަތު ހިފީމާ، އޭގެ ދަށުން ތިބި، ކުރީ ވެރިކަމުގެ 3 އަހަރާ މި ވެރިކަމުގެ 5 އަހަރާ އެކު 8 އަހަރު ޙުކުމުގަ ތިބެމެ، ކުށަށް އިޢުތިރާފުވެފައިވާ ބަޔަކު ދޫކުރަންވީ. ޔާމީން ދޫކުރަން އޯކޭ ބަޔަކަށް ކީއްވެތޯ އަދީބާއި ޒިޔަތު ދޫކުރުން ގޯސްވާންވީ؟
އަންދަލޫސިޔާ
15 November 2023
އެމްއެމްޕީއާރުސީ ޚިޔާނާތުގެ ބޮހުގެ ފޮޓޯއަށް ރައްޔިތުން މެޖޯރިޓީދިނީ ބޮސް މިނިވަންކުރަން ވަޢުދުވީ މީހަކަށް. 8 އަހަރު ޖަލުގައި ހޭދަކުރި ފަހުން ބޮހުގެ އެސިސްޓަންޓް ދޫކޮށްނުލައިފިނަމަ، ނަންބަރު 2 އަދި ނަންބަރު 3 ޖަލުގަ ބަހައްޓާފަ ބޮސް މިނިވަންވާނީ. ރައްޔިތުންގެ ނިންމުން ތަންފީޒުކުރުމަކީ ރަނގަޅު ކަމެއް!