22 ނޮވެމްބަރ 2023 - 19:34
15 comments
ޖުމްހޫރީ ޕާޓީގެ ކައުންސިލްގެ 13 މަގާމަކަށް ކުރިމަތިލާން މިއަދު އެ ޕާޓީން ހުޅުވާލައިފި އެވެ.
މާމިގިލި ދާއިރާގެ މެމްބަރު ގާސިމް އިބްރާހިމްގެ ޕާޓީގެ އިއުލާނެއްގައި ބުނީ، އެ ޕާޓީގެ ކައުންސިލްގެ ހުސްވެފައިވާ މަގާމުތަކުގެ އިންތިހާބަށް ކުރިމަތިލާން ހުޅުވާލަން ނިންމާފައިވާ ކަމަށާއި އެ މަގާމުތަކަށް ކުރިމަތިލުމަށް ޝައުގުވެރިވާ މެންބަރުން އެކަމަށް އެދި ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ.
އެ ޕާޓީގައި ހުސްވެފައިވާ މަގާމުތަކުގެ ތެރޭގައި ޑެޕިއުޓީ ލީޑަރު ކަމާއި އަންހެނުންގެ ލީގުގެ ރައީސާއި ޒުވާނުންގެ ލީގުގެ ރައީސް ހިމެނެ އެވެ.
ގައުމީ ކޮންފަރެންސުން އިންތިހާބު ކުރާ 25 މަގާމުތަކުގެ ތެރެއިން 8 މަގާމެއް ހުސްވެފައިވާ ކަމަށް ވެސް އިއުލާނުގައި ވެ އެވެ.
ދެން ހިމެނެނީ އެކިއެކި ދާއިރާތަކާ ގުޅޭ ކޮމިޓީތަކުގެ ޗެއާގެ މަގާމުތަކެވެ.
މި އަހަރުގެ ރިޔާސީ އިންތިހާބުގައި ޖޭޕީ އަށް ކުރިމަތިވި ނާކާމިޔާބީއާ އެކު، އެ ޕާޓީން ގިނަ އަދަދެއްގެ މެންބަރުން ވަނީ ވަކިވެ ސަރުކާރު ހިންގާ ޕީޕީއެމާއި ޕީއެންސީއާ ގުޅިވަޑައިގެންފަ އެވެ.
އޭގެ ތެރޭގައި ޖޭޕީގެ ލީޑާޝިޕްގައި ހިމެނިވަޑައިގަންނަވާ މެންބަރުން ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުކައްބާ
14 December 2023
ތާއީދަކީ ލާރިން ގަނެވޭ އެއްޗެއް ނޫން. ވޯޓު ގަތަސް
ނުރުހުން
23 November 2023
ތީ މިހާރު މާމުހިއްމު ޕާރޓީ އެއްނޫން ، ބޮޑުތަނުން ފެއިލްވެފައިވާ އުވާލަންޖެހޭ ޕާރޓީއެއް ،
ރުކުމާ
23 November 2023
ޕާރޓީގެ ރައީސްގެ ސްލޮޓް ހުސްވީމައި އުޅޭނަން ތިޔަކަމާއި
އެނދިމަރިޔަނބު
23 November 2023
1. ގާސިމު 2. ގާސިމު 3. ގާސިމު 4. ގާސިމު 5. ގާސިމު 6. ގާސިމު 7. ގާސިމު 8. ގާސިމު 9. ގާސިމު 10. ގާސިމު 11. ގާސިމު 12. ގާސިމު 13. ގާސިމު ކުރިމަތި ލައިގެން ހޮވޭނެ މީހުން.
ބީޖޭޕީ
23 November 2023
މުސާރާއި އިނާޔަތް ތަކާއިއެކީ ޖަހާބަލަ، އޭރުންތާ ކުރިމަތިލާން އެނގޭނީ.
ބަރުބާދު
22 November 2023
ޖޭޕީ.... މަޑުކުރޭ މިދަނީ މަގާމުތައް ރިވިއު ކޮއްފަ ކުރިމަތިލާން.
ޢެމެރިކާ
22 November 2023
ޖޭޕީ އޮވާލަންވީ
ދޮނޭ
22 November 2023
މިހާރުހާދަގިގިނައިން މަޖުލިސްއިން ފެނެޔޭ . ކަމަކާ އުޅޭހެންހީވަނީ މިހެންވެބާ މަސްނިމޭއިރު މުސާރަނުދެވިމިއުޅެނީ ރާކަނިމަސްކާން
ސީތާ
22 November 2023
ޤާސިމުގެ ބޮލަށް ހަމަވިސްނުން އަންނާނެދުވަހެއް ދެކެން ހާދަބޭނުންވެއެވެ. އިޚްލާޞްތެރި އެކަކުވެސް ޤާސިމުގެ ކައިރީގައިނެތް. ކޮންމެމީހަކުވެސް ބަލަނީ ޖެހުނުތަނަކުން އެތިކޮޅެއް ހޯދޭތޯ. ތިޔަ ޕާޓީ އުވާލާފައި ހިމޭނުން ހުރުންވެސް މާރަނގަޅުވާނެ
1206
23 November 2023
ގާސިމް އަށް ވެސް އެނގޭ ތިޔަ ކަން އޮތީ ތިޔަ ހެން ކަން. ނަމަވެސް މަޖުބޫރަކުން ތާށިވެފައި އެހުރީ. ހިމާޔަތް ކުރަންޖެހޭ ވިޔަފާރިއާއި ދެންވެސް އެހެން ކަންކަން ފަހިކުރުމަށް ސިޔާސީ ޕްރެޒެންސް އެއް ބޭނުންވޭ. އަދި އެއީ ދެ މީހުންނާ ފަޅި ކަމަށް ވިޔަސް. ޕޮކެޓުން ޚަރަދުކޮށް މަހުޖަނުން އެ ކަން އެކުރަނީ އެނޫން ކޮން ބޭނުމަކު. ޞިޔާމު އާއި ނާޒިމު ވެސް އެހެން. ދެން ވެސް މަޖިލީހުގައި އެ ތިބެނީ ގިނައިން ވިޔަފާރިވެރިން ނުވަތަ އެ މީހުންގެ މަސްލަހަތު ހިނގާ ޕަޕެޓުން.
ރަދީފު ބިން ރަފައިދާ
22 November 2023
އެންމެ ފުރަތަމަ ކުރާންވީކަމަކީ ޚުދުމުތާރުކޮށް އެޕާޓީ އުފެދުނީއްސުރު ލީޑަރުކަން މިލްކުކޮށްގެންހުރި މީހާ އެމަގާމުން ދުރުކޮށް ޕާޓީގެ ހުންގާން އެހެންމީހަކާ ހަވާލުކުރުން. ޕާޓީގެ ނަތީޖާ ދަނީ ދުވަހަކަށްވުރެ ދުވަހެއް ދަށަށް. އެންމެފަހުގެ އިންތިޚާބުން އެކަން ވަރަށް ސާފުކޮށް ފެނިގެންހިގައްޖެ. އަދި ގޭތެރޭމީހުންނަށް ޕާޓީގެ މަގާމުތައް ދިނުން ވަގުތުންވަގުތައް ހުއްޓާލަންޖެހޭ.