ޔާމީނަށް މަރުހަބާ ކިޔަން ސަޕޯޓަރުން އެއްވެފައި :ޕީޕީއެމްގެ ސެނެޓް ބައްދަލުވުމެއް މާދަމާ ރޭ ބާއްވަން އެ ޕާޓީން ވަނީ ނިންމައިފައި.-- ފޮޓޯ: ނިޝާން އަލީ | މިހާރު
24 ނޮވެމްބަރ 2023 - 19:51
26 comments
ޕީޕީއެމްގެ ރައީސަކަށް ހުންނެވި، ކުރީގެ ރައީސް އަބްދުﷲ ޔާމީން އެ ޕާޓީން ވަކިވެ ވަޑައިގަތުމަށް ފަހު ބާއްވާ ސެނެޓްގެ ފުރަތަމަ ބައްދަލުވުން މާދަމާ ރޭ ބާއްވަން ނިންމައިފި އެވެ.
"މިހާރު" އަށް އެނގިފައިވާ ގޮތުގައި މާދަމާ ރޭ 9:00 ގައި މި ބައްދަލުވުން ބާއްވަނީ ކުރިއަށް އޮތް ރައްޔިތުންގެ މަޖިލީހުގެ އިންތިހާބަށް އެ ޕާޓީން ތައްޔާރުވުމާ ގުޅޭ ގޮތުން މަޝްވަރާކުރުމަށެވެ.
ރައްޔިތުންގެ މަޖިލީހުގެ އިންތިހާބުގައި، ސަރުކާރު ހިންގާ ކޯލިޝަން ޕީޕީއެމް/ޕީއެންސީ ގުޅިގެން މަސައްކަތް ކުރުމަށް ކުރިން އޮތީ ނިންމައިފަ އެވެ. އެ އިންތިހާބުގައި ޕީޕީއެމް/ޕީއެންސީން 70 އަށް ވުރެ ގިނަ ގޮނޑި ނަގާނެ ކަމުގެ ޔަގީންކަން ބޮޑު ކަމަށް ޕީއެންސީގެ ޗެއާޕާސަން އަބުއްރަހީމް އަބްދުﷲ (އަދުރޭ) ވިދާޅުވެފައިވެ އެވެ.
އިންތިހާބަށް ނެރޭނެ ކެންޑިޑޭޓުން ކަނޑައެޅުމުގެ ޕްރައިމަރީ އަންނަ އަަހަރުގެ ޖެނުއަރީ 20 ގައި ބާއްވަން އެ ކޯލިޝަނުން ވަނީ ނިންމައިފަ އެވެ. އަދި ޕްރައިމަރީ އަށް ހުޅުވާލާނީ އަންނަ ޑިސެމްބަރު 20 އިން އެ މަހުގެ ނިޔަލަށް ކަމަށް އެ ކޯލިޝަނުން ބުނެފައިވެ އެވެ.
ޔާމީން ވަނީ އިއްޔެ އެ ޕާޓީ ދޫކޮށްލައްވައި، އާ ޕާޓީއެއް ހައްދަވަން ނިންމަވައިފަ އެވެ.
ޔާމީން ޕީޕީއެމް ދޫކޮށްލައްވައިފި https://t.co/EseQUDuRJz
— Mihaaru (@Mihaarunews) November 23, 2023
އެމަނިކުފާނުގެ ގާނޫނީ ވަކީލު ޑރ. މުހައްމަދު ޖަމީލް އަހުމަދު ރޭ ޗެނަލް 13 ގައި ވިދާޅުވީ އެއީ ޔާމީނަށް ފަސޭހަ ނިންމެވުމެއް ނޫން ކަމަށެވެ. ޑރ. މުއިއްޒު، ޔާމީންގެ ފޯނު ކޯލް ނުނަންގަވާ ކަމަށާއި ލީޑާޝިޕުން ވެސް ޔާމީނާ ދުރަށް ވަޑައިގެންފައިވާ ކަމަށް އޭނާ ވިދާޅުވި އެވެ.
"ޑރ. މުއިއްޒާއި ޕީޕީއެމްގެ ލީޑާޝިޕް ވެސް ރައީސް ޔާމީނަށް ވަރަށް ބޮޑަށް ބޭވަފާތެރިވެއްޖެ،" ޖަމީލް ވިދާޅުވި އެވެ.
ޖަމީލް ވިދާޅުވި ގޮތުގައި، ކުރިއަށް އޮތީ ރައްޔިތުންގެ މަޖިލީހުގެ އިންތިހާބުގައި ޔާމީންގެ ފިކުރު އޮތް ޕާޓީއަކަށް މަޖިލިސް ހޯދައިދޭން ރާއްޖޭގެ އެތައް ބަޔަކު ބޭނުންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާލުމަށް އެދެމޭ
25 November 2023
މޑޕ ޑިމެކްރެޓްސް ގަ ބުއްދިވެރިން ތިބިނަމަ މިފަހަރު ފެންނާނެ މިއޮތީ ބުއްދީގެ ބޭނުންހިފަން ފުރުސަތު..ރޔާމީން މިނިވަންވުމަކީ މިދެޕާޓީއަށް ވެސް މާވަހަރެލިބުންފަދަ...މީ ވަރަށް ވާހަކަ...މިތިބީ ބަލަން މޑޕ ޑިމޮކްރެޓްސް ގެ ވިސްނުން...ޖަޒުބާތު އެއްފަރާތް ކޮއްފަ siyaasi ކުރިމަގު ބައްޓަންކުރަން މޑޕއަށް ގޮވާލަން ރޔާމީން މިނިވަން ވުމަކީ ތިބޭފުޅުންނަ ކުރިމަގެއް..
އަހުމަދު މުހައްމަދު އަލީ
25 November 2023
ވެރިކަމާ ހެދި އުޅުނަސް ބޮޑުވަރު. މަވެސް ޕީ ޕީ އެމް. އެކަމު އަހަރެމެން ގޮތެއް ނިންމާފިން. އެޔަސް އިހްތިރާމް ނުކޮށްފި މީހަކަު ބާކީ ވާނެ ކަމީ ޝައްކެއް އޮތް ކަމެއް ނޫން. މޮޅުވާނެ ކަމަށް އެމް ޑީ ޕީ ތެރެވެސް ހަލަބޮލި ކުރި . ކޮބައިތޯ ނަތީޖާ އަކީ ؟
ފިރުމާ
25 November 2023
ޔާމިނު ނަޝީދު މައުމޫނު މިބޭފުޅުންގެ ސިޔާސީ ހަޔާތް ނިމުނީ. ދެންވެސް ރައްޔަތުން ގެންނާނީ އާބޭފުޅެއް.
އިސްލާހު
25 November 2023
ވަށައިގެން އެނބުރެނީ ޚާއިނުންނާއި ޣައްދާރުން ކަމަށް ބަޔަކު ބުނަމުންްދަނީ ސަބަބުތަކެއް ނެެތިއެއް ނޫނެވެ. އެންމެ ފުރަތަމަ ވަގަށް ގޮވައި ހެއްދެވިނުހެއްދެވި އަށް ޕޯޑިއަމް ގައި ގޮވައި ހެދިތަންވެސް އޮތީ ފެނިފައެވެ. ތިމާމީހާ އެކޭ ބޯވައެކޭ އެއްވެސް ތަފާތެއް ނެތެެވެ. މިމީހަކު ޔާމީން ކައިރިއަށް އައި ދުވަހުއްސުރެ މަގޭ މުޅިން ފޫހިވެއްޖެއެވެ.
ރަދީފްއޮފިޝަލް
25 November 2023
''ހަފްތާ 14'' ގެ ރިހަގަނޑުި ރަނގަޅު ތޯ؟؟؟
5789
25 November 2023
މިގައުމުގެ ހަމަ ޖެހުމަށް ނަފްރަތު ކުރާ މީހުން 32 ދަތް ސޭލް އަޅުވައިގެން ތިބޭނީ
ބިންބި
25 November 2023
ޔާމީން ގެސިޔާސީ ދުރުވިސްނުމުގެ ހިސާބުކުރުމެއް ކަމަށް ފެންނަނީ. މުއިއްޒާ އަވަހަށް ވަކިވެގެން ޔާމީން އަނބުރާ ރައީސް ކަމަށް އަައުމުގެ ހުވަފެން ހަގީގަތަކަށް ހެދުމުގެ ފުރުސަތު ބޮޑުވަނީ. މުއިއްޒު ހަމަޖެހިލަން ފުރުސަތު ދީފިނަމަ އިންތިޒާރު 10 އަހަރަށްވުރެ ދިގުވާނެ. އެހެންވެއްޖެ ނަމަ މައުމޫނުކޭ އެއްގޮތަށް. ޔާމީންގެސިޔާސީ ނުފޫޒު ކުޑަވެ ނޫނީ ގެއްލުމުގެ ފުރުސަތު ބޮޑު. އިބޫ އަދި ނަޝީދަށް ތަޖުރިބާކުރަން ޖެހުނު ހާލަތަށް ބަލާ ޔާމީން މިކަންކުރާކަމަށް ފެންނަނީ
ކްރޭޓޯސް
24 November 2023
ސުވާލެއް. ހުސް ގޮނޑިއެއް އިންނާނެތޯ؟
ފާތުން
24 November 2023
ކޮބާތަ ޔާމިން ޖަލުން މިނިވަން ވީ ދުވަހު ބަންދަ ބަންދާފަ އޮޅުލަ އޮޅުލާފަ ރޮއި ހޭރުނި މީހުން
އޯ ޕީ ޕީ
24 November 2023
ތިމީހުން 9.00 ގައިބާއްވަން އުަޅެނީ ĵɓ
ކާރުބަޑީ
24 November 2023
ދިރިތިބީން ނަށް އިބުރަތެއް! އަދިވެސް ރާއްޖޭގެ ސިޔާސީ ލީޑަރުން ގައުމީ ވިސްނުން އިސްކޮށް ސިޔާސީ ދެފުއްކެރިން ދުރުކޮށް އިލްމީ އަދި ގައުމު ދެކެ ލޯބިވާ އިހްލާސްތެރި ތެދުވެރި ދަރިން އިސްކުރަން ނުވޭތޯ؟ ޔާމީން އެވެ! އަދިވެސް މަނިކުފާނު ކަންކަން ވިސްނެން ނުވޭތޯ؟