ޑިމޮކްރެޓްސްގެ އެތެރޭގެ އިންތިހާބުގެ ވޯޓުލުން އިއްޔެ ކުރިއަށް ދަނީ.-- ފޮޓޯ: ނިޝާން އަލީ/ މިހާރު
03 ޑިސެމްބަރ 2023 - 11:56
ޑިމޮކްރެޓްސް ޕާޓީގެ އެތެރޭގެ ފުރަތަމަ އިންތިހާބުގެ ނަތީޖާ އިއުލާން ނުކުރެވި ދިގުލައިގެން ހިނގައްޖެ އެވެ. މިއީ ފަހުގެ ތާރީހުގައި ރާއްޖޭގައި ބޭއްވި އިންތިހާބެއްގެ ވަގުތީ ނަތީޖާ އިއުލާން ނުކުރެވި، ދިގުލައިގެން ދިޔަ ފުރަތަމަ ފަހަރެވެ.
އެމްޑީޕީ ދެފަޅިވެ، ކުރީގެ ރައީސް މުހައްމަދު ނަޝީދަށް ތާއިދުކުރާ ބަޔަކާ އެކު، މިދިޔަ ޖުލައި މަހު އުފެއްދި ޑިމޮކްރެޓްސްގެ އެކި މަގާމުތަކަށް މީހުން އިންތިހާބުކުރަން ވޯޓުލުން ބޭއްވީ އިއްޔެ ހެނދުނު 10:00 އިން ހަވީރު 4:00 އަށެވެ.
އެ އިންތިހާބުގައި 5،883 މީހަކަށް ވޯޓުލުމުގެ ހައްގު ލިބިފައިވެ އެވެ. އެކަމަކު، އޭގެ ތެރެއިން ވޯޓު ލީ މީހުންގެ އަދަދެއް ވެސް އަދި ސާފެއް ނުވެ އެވެ.
އެކަމަކު، އެހާ މަދު ބަޔަކު ވޯޓު ލީ އިންތިހާބެއް ނިމުނުތާ މިހާތަނަށް ވިއްސަކަށް ގަޑިއިރުވީއިރު ވެސް ނަތީޖާ އިއުލާނެއް ނުކުރެވެ އެވެ. އެކަމާ ގުޅޭގޮތުން މީޑިއާ އިން ސުވާލުކުރަން ފެށުމުން، ޑިމޮކްރެޓްސްގެ ރަސްމީ މީޑިއާ ގްރޫޕްގައި ބުނީ ވަގުތީ ނަތީޖާ މިއަދުގެ ވަގުތެއްގައި އިއުލާން ކުރާނެ ކަމަށެވެ.
ޕާޓީގެ އެކި މަގާމުތަކަށް މީހުން އިންތިހާބު ކުރިޔަސް، ޕާޓީގެ އެތެރޭގައި ވެސް އެންމެ ބޮޑު ވާދަވެރިކަމެއް އޮތީ ރައީސްގެ މަގާމަށެވެ.
ޑިމޮކްރެޓްސްގެ ރައީސް ކަމަށް ވާދަކުރެއްވީ އެމްޑީޕީގެ ޗެއާޕާސަންގެ މަގާމު ވެސް ފުރުއްވި ހަސަން ލަތީފާއި ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އެސްޓީއޯގެ މެނޭޖިން ޑިރެކްޓަރުކަން ކުރެއްވި ހުސެއިން އަމްރު އެވެ.
ޑިމޮކްރެޓްސްގެ ރައީސްކަމަށް ހަސަން ލަތީފު ބޮޑު ތަފާތަކުން ކުރީގައި https://t.co/s7Sp4RMwLl
— Mihaaru (@Mihaarunews) December 2, 2023
ވަގުތީ ނަތީޖާ އިއުލާން ނުކުރަނީސް، ހެންވޭރު ހުޅަނގު ދާއިރާގެ މެމްބަރުކަން ވެސް ކުރައްވާ ހަސަން ވަނީ ވޯޓުގެ ކުރީގައި އޭނާ އުޅުއްވާ ކަމަށް ރޭ ވިދާޅުވެފަ އެވެ.
ހަސަން، އެކްސްގައި ކުރެއްވި ޕޯސްޓެއްގައި ވިދާޅުވީ، ބޮޑު ތަފާތަކުން އެ އިންތިހާބު ކާމިޔާބު ވެއްޖެކަން ވޯޓު ފޮށިތަކުގެ ނަތީޖާ ޝީޓުތަކުން ދައްކާ ކަމަށެވެ.
މިއަދުގެ އިންތިޚާބުގެ ވަގުތީ ނަތީޖާ ނުލިބެނީސް ކާމިޔާބު އިއުލާން ނުކުރާން މިތިބީ.
— Amr 🎈 (@HusenAmr) December 2, 2023
"މިއަދު މުޅި ރާއްޖޭގައި އެ ހިންގުނީ މުހިއްމު ސިޔާސީ ހަރަކާތެއް. ދެން އޮތީ ހަގީގީ މަސައްކަތް ފަށައިގަތުން. ހުރިހާ މެންބަރުންނަށް މަރުހަބާ އާއި ޝުކުރު ދަންނަވަން،" އޭނާ ވިދާޅުވި އެވެ.
އަމްރު ހަމައެކަނި ވިދާޅުވީ ކާމިޔާބު އިއުލާން ނުކޮށް އެ ތިބީ އިންތިހާބުގެ ވަގުތީ ނަތީޖާ ނުލިބޭތީ ކަމަށެވެ.
ނަތީޖާ ލަސްވަމުން ދާތީ އެކަމުގެ ކަންބޮޑުވުންތައް ޑިމޮކްރެޓްސްގެ އާއްމު މެމްބަރުން ވެސް ސޯޝަލް މީޑިއާގައި ހިއްސާކޮށްފައިވެ އެވެ.
އެ ޕާޓީއާ މި ފަހުން ގުޅުނު އަރޫ، ސޯޝަލް މީޑިއާގައި ކުރި ޕޯސްޓެއްގައި ބުނީ ތަބަކަށް ލާފައި ދިން ނަމަ ހަސަނަށް ޕާޓީގެ ރައީސްކަން ލިބުނީސް ކަމަށެވެ. ކުރިން ވެސް އެގޮތް އޮތް ކަމަށާއި އެކަމަކު، އެ މަގާމަށް އަމްރު އިންތިހާބުވިކަން ސާފުކޮށް ފެންނަން އެބައޮތް ކަމަށް އޭނާ ބުންޏެވެ.
"ވޯޓުލުން ނިމި، އިއުލާން ކުރުން ލަސްވެ، އަމިއްލަ އަށް މޮޅުވިކަން ވެސް ނިންމައިފި. އަސްލަށް މޮޅުވި ނަމަ އުފަލުން މަރުހަބާ ކިޔާނަން،" އަރޫގެ ނަމުގައި ކުރި ޓްވީޓުގައި ބުންޏެވެ.
އެކަމަކު، ހަސަނަށް ކާމިޔާބުވިކަން އޭނާ އިއުލާން ކުރެއްވުމުން ވެސް މަރުހަބާ ކިޔާފައިވެ އެވެ.
އެތައް ލައްކައަކަށް ވުރެ ގިނަ މީހުން ވޯޓުލާ އިންތިހާބުތަކުގެ ވަގުތީ ނަތީޖާ ވެސް ރާއްޖޭގައި އިލެކްޝަންސް ކޮމިޝަނުން ހައެއްކަ ގަޑިއިރުގެ ތެރޭގައި އިއުލާން ކުރެ އެވެ. އަދި މީގެ ކުރިން ބޭއްވި ސިޔާސީ ޕާޓީތަކުގެ އެތެރޭގެ އިންތިހާބުތަކުގެ ވަގުތީ ނަތީޖާ އިއުލާން ކުރަން ވެސް އާންމު ގޮތެއްގައި ނަގަނީ އެހާއިރެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ނަތީޖާ
03 December 2023
ކަށަވަރޭ އަންނާނަމޭ އަހަރެން އެނބުރި އަންނާނަމޭ....
ަސދފ
03 December 2023
ނަތީޖާ އަންނަނީ އަންނަނީ އަންނަނީ އަންނަނީ.....އަންނަނީ ފެންވަރުވަން...
ނަށީދު
03 December 2023
އެމް.ޑީ.ޕީ ގަ ކުރޭ ވަގުތުން. ހަހަހަ
ކުރުސީޑިކްޓޭޓަރ
03 December 2023
ކުރުސީ ޑިމޮކްރަސީ ގަ ނަތީޖާ އަންނަން ޖެހޭނީ ކުރުސީގެ ދަރިއަށް. އެނޫންގޮތެއް ގަބޫލެއް ނުކުރެވޭނެ. ކުރުސީ އެއީ ޑިކްޓޭޓަރޝިޕެއް
ލޮލއއ
03 December 2023
ޕާޓީގެ ނަން ސަޅި އިނގޭ
ބްރޯ1
03 December 2023
އެހެންވެދާނެދޫ އެތައްމިލިޔަން ބަޔަކު ވޯޓްލީ އިންތިހާބެއްވީމަ ވަގުތުނަގާނެ ގުނަން
ހާއިބްރީ
03 December 2023
ރޫހާނީ ލީޑަރު ބޭނުންވާގޮތަށް ނަތީޖާނައީމަ ކުޑަކޮށް ލަސްވާނެ. ތަބަކަކަށްލާފަ ނުދެވުނީ އަމްރުގެ ފަރާތުން ލިބޭ މާލީ އެހީތެރިކަން ހުއްތިދާނެތީވެ. ރޫހާނީ ލީޑަރު މާދަމާ ނިކަން ކަރަށް ބާރުލާފަ ރޫޅާލާނަމޭ ގޮވާނެ.
ހަމަ56
03 December 2023
ނަޝީދު އާއިލާ އައް މަގާމް ޔަގީން ވަންދެއް ވޯޓުގުނުން ކުރިޔައްގެންދާނެ.
ތަމަންނާ
03 December 2023
އަނެއްކާ ތި ޕާޓީވެސް ދެބައި ވީތަ؟
ނަމުން ޑިމޮކްރޭޓް
03 December 2023
ތިޔައީ އެންމެ ޑިމޮރެޓިކް އަދި ޓްރާންސްޕޭރެންޓް ކަމަށް ދައުވާ ކުރާ ޕާޓީ. ހަހާސް ވޯޓު ގުނަން 24 ގަޑި އިރު ބޭނުންވޭ. އަދި ވޯޓް ފޮށި ބަންދުކޮށް އެންމެންގެ ކުރިމަތީ ވޯޓް ގުނާ ނަތީޖާ އިއުލާނުކުރަންޖެހޭ. ނަމަވެސް ބޭނުންވާ މީހުން ނުހޮވޭތީ ނަތީޖާ އިއުލާން ކުރަންނުކެރިފަ. ދެން އިންތިޚާބު ބަތިލްކޮށް އަލުން އިންތިޚާބު ބާއްވަންފެނޭ. މި އިންތިޚާބުގައި ވާދަކުރަންޖެހޭނީ އިސްލީޑަރ ބޭނުންވާ މީހުން އެކަނި،