ޚަބަރު / އިބްރާހިމް ފަޒުލް ރަޝީދު (އެމްޑީ، އެޗްޑީސީ)

ވިނަރެސްގެ ބާކީ ފްލެޓްތައް، މައްސަލަ ޖެހިފައިވާ ފްލެޓްތަކުގެ ވެރިންނަށް ދިނުމުގެ ވިސްނުން

ހިޔާ ފްލެޓާއި ވިނަރެސް ފްލެޓްގެ ކުއްޔަށް ގެނައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް އާބަންކޯ އިން ބޭއްވި ޕްރެސް ކޮންފަރެންސްގައި އެ ކުންފުނީގެ އެމްޑީ ފަޒުލް ވާހަކަދައްކަވަނީ.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

07 ޑިސެމްބަރ 2023 - 11:03

26 comments

ވިނަރެސްގެ ނުވިކި ހުރި ފްލެޓްތައް ދިނުމުގައި، ހުޅުމާލޭގައި މިހާރު ހިންގަމުން އަންނަ ހައުސިންގެ އެހެން މަޝްރޫއުތަކުގެ ތެރެއިން މައްސަލަ ޖެހިފައިވާ މަޝްރޫއުތަކުގައި ފްލެޓް ގަނެފައި ތިބި މީހުންނަށް އިސްކަންދިނުމުގެ ވިސްނުން ގެންގުޅުއްވާ ކަމަށް އާބަންކޯގެ އާ މެނޭޖިން ޑިރެކްޓަރު އިބްރާހިމް ފަޒުލް ރަޝީދު އިއްޔެ ވިދާޅުވެއްޖެ އެވެ.

ހިޔާ ފްލެޓާއި ވިނަރެސް ފްލެޓްގެ ކުއްޔަށް ގެނައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް އާބަންކޯ އިން އިއްޔެ ބޭއްވި ޕްރެސް ކޮންފަރެންސްގައި "މިހާރު" އިން ކުރި ސުވާލަށް ދިން ޖަވާބުގައި ފަޒުލް ވިދާޅުވީ މައްސަލަ ޖެހިފައިވާ ހައުސިން މަޝްރޫއުތަކަށް ދައުލަތުން ނުވަތަ އާބަންކޯ އިން ޒިންމާވާން ޖެހޭ ކަންތައްތަކެއް ހުރި ކަމަށް އޭނާ ގަބޫލުކުރައްވާ ކަމަށެވެ.

ސީލައިފް އާއި އެގޮތަށް ހުރި މައްސަލަތައް ފާހަގަކުރައްވައި ފަޒުލް ވިދާޅުވީ ވިނަރެސްގެ ނުވިކި ހުރި ފްލެޓްތަކަށް ކުރިމަތިލާން އަލުން ހުޅުވާލުމުގެ ކުރިން އެ ކަންކަމަށް ވިސްނަވާ ގޮތެއް ނިންމަވާނެ ކަމަށެވެ.

ސީލައިފް މަޝްރޫއުގެ ހިމެނޭ މީހުންނަށް ވިނަރެސް ފްލެޓް ގަތުމުގެ ފުރުސަތު ކުރިން ވެސް ހުޅުވާލި އެވެ. އެ ފުރުސަތުގައި އެ މަޝްރޫއުގައި ހިމެނޭ ބައެއް މީހުން ވަނީ ވިނަރެސް ފްލެޓް ގަނެފަ އެވެ.

"[ވިނަރެސްގެ] ބާކީ ފްލެޓްތައް މި ވަގުތު އެ އޮތީ ޕާކް ކޮށްފައި. އެ ޕާކިން އިން ރިލީޒްވިހާ އަވަހަކަށް އަޅުގަނޑުމެން އެކަމާ ދޭތެރޭގައި އަމަލުކުރާނެ ގޮތެއް އަންގާނަން. އެއީ އިއުލާންކުރާނީތޯ ނޫނިއްޔާ އަޅުގަނޑުމެން މި ދެންނެވިހެން އަޅުގަނޑުމެން ކުރިން މައްސަލަ ޖެހިފައި ހުރި ފްލެޓްތަކުގެ ވެރިންނަށް އެ ދޭނީތޯ،" ފަޒުލް ވިދާޅުވި އެވެ.

"ކުރިން ވެސް ފާހަގަކޮށްލިން ސީލައިފްގެ މައްސަލަ އާއި މިހެން ހުރި ބައިވަރު މައްސަލަތައް އެބަހުއްޓޭ، އެހެންވީމަ މިއީ ޖުމްލަ ގޮތެއްގައި ދައުލަތުން ނުވަތަ އެޗްޑީސީން ޒިންމާވާ ކަންތައްތަކެއް އެބަހުރި ކަމަށް އަޅުގަނޑު ވެސް ގަބޫލުކުރަން. އެހެންވީމަ މި ކަންކަމަށް ފެސިލިޓޭޓް ކުރުމުގެ ގޮތުން އިސްކަމެއް ދޭނެ."

ވިނަރެސްގެ ބާކީ ހުރި ފްލެޓްތައް ވިއްކާލަން މިދިޔަ މަހު ހައެއްގައި ހުޅުވާލި އެވެ. ނަމަވެސް، އޮންލައިން ޕޯޓަލަށް ވަނުމަށް ދިމާވި ޓެކްނިކަލް މައްސަލަތަކާ ހެދި، އެ މައްސަލަ ހައްލު ކުރެވެންދެން އިތުރަށް އެ ޕޯޓަލް މެދުވެރިކޮށް ވިނަރެސް ފްލެޓަށް އެދުމުގެ ފުރުސަތު ޖެހިގެން އައި ދުވަހު މަޑުޖައްސާލި އެވެ. އެކަމަކު، އެ ފުރުސަތު އަލުން ހުޅުވާލާނެ ދުވަހެއް ނުބުނެ އެވެ.

ވިނަރެސް އަކީ 13 ބުރީގެ 10 ޓަވަރު ހިމެނޭ ގޮތަށް ތިން ކޮޓަރީގެ 1،344 ފްލެޓް ހިމެނޭ ހައުސިން މަޝްރޫއެކެވެ. އޭގެ ތެރެއިން އަދި ނުވިކި ހުރީ 120 ފްލެޓެވެ.

ފަޒުލް އިއްޔެ ވިދާޅުވި ގޮތުގައި، ކުރިން ވިނަރެސް ފްލެޓް ގަތް މީހުންގެ ތެރެއިން 600 އެއްހާ މީހުން މިހާރު ވަނީ އެއްބަސްވުމުގައި ސޮއިކޮށްފަ އެވެ.

Hiyaa flat ge agun ithuru 100,000 rufiyaa maaf koh dheefi

The most trusted news source in the Maldives

Mihaaru

ވިނަރެސްގެ ކުލި ކުޑަކުރަން ނިންމައި މިދިޔަ އަންގާރަ ދުވަހު ރައީސް ޑރ. މުހައްމަދު މުއިއްޒު ވަނީ އެކަން އިއުލާންކުރައްވައިފަ އެވެ.

ރައީސް ވިދާޅުވީ ވިނަރެސްގެ ފްލެޓްތަކުގެ ޑައުންޕޭމަންޓާއި މަހު ކުލި ވެސް ކުޑަކުރަން ނިންމާފައިވާ ކަމަށެވެ. ޑައުންޕޭމަންޓަށް ދައްކާ އަދަދު 50 ޕަސެންޓް ކުޑަކުރުމަށާއި މިހާރު މަހު ކުލީގެ ގޮތުގައި ދައްކާ އަދަދު އެވްރެޖްކޮށް 4،200ރ. އުނިވާ ގޮތަށް ކުޑަކުރަން ސަރުކާރުން ނިންމާފައިވާ ކަމަށް ރައީސް ވިދާޅުވި އެވެ.

ބޯހިޔާވަހިކަން ފްލެޓް އިބްރާހިމް ފަޒުލް ރަޝީދު (އެމްޑީ، އެޗްޑީސީ) ވިނަރެސް ފްލެޓްތައް އާބަންކޯ

26 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެޑަމް

08 December 2023

ތީވެސް ވައްކަމާ ކަރަޕުސަނައް މަގުފަހިވާނެކަމެކެވެ ކޮންމެމީހަކު މަކަރާހީލަތުންސަރުކާރުގެނުވަތައަމިއްލަބައެއްގެ އެތައްމިލިއަނެއް މީހަކުކާލީމަޢެމީހަޔައްވާއެއްކަމެއްނެތި ރައްޔިތުން ލެޔާދަލާ އޮހޮރުވައިގެން މަސައްކަތްކޮއްފަ ސަރުކާރައް ޓެކުސްދެއްކީމައެފައިސާ ޚަރަދުކުރަންވީވައްކަމާ ޓެކުމާ މަކަރާ ހީލަތާ ފޭރޭ މީހުންގެދިފާއުގަތޯ?ތިޔައީހާދައިންސާފުވެރިނިންމުމެކޭތިޔައީއެފަދަފަޜާތްތަކައްދެވޭ ހިތްވަރެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙާމަ

08 December 2023

ކުއްޔައް ބޮޑުއަގުގަ އުޅޭމީހުނައް ހައްލެއް ގެއްނާނެ އެއްވެސް ރައީސް އެއް އަދިނުލިބޭ.. އެންމެ ކުޑަމިނުން ސަރުކާރުން ދޫ ކުރާތަން ތަންތަނުގެ ކުލި ކޮންޓްރޯލް ކުރެވެންވާނެދޯ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރުވެރިޔާ

07 December 2023

ބުނާތީ އިވޭ ވިނަރެސް އަގުހެވެއް ނުވެޔޯ ޖުމްލަކޮށް ބަލާއިރު. ހަމަ ބޮޑު އޮޅުވާލުންގަނޑަކަށް ވަނީ. ދެން ނޭނގެ މި ކަންތައްތައް ކުރާ ގޮތެއް. މި 5 އަހަރުވެސް ދާނެތާ. ދުނިޔޭން ދުވަހެއް، ޢުމުރުން ދުވަހެއް ގޮސް ޢުމުރުހުސްވެގެން ހިނގައިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޒުލި

07 December 2023

ކޮންހާ ވާހަކައެއް ދައްކާ ކަށް... ކޮންމެވެސް އެއްޗެކޭ ކިޔައިގެން ތިއުޅެނީ ތިތަނުންވެސް ފްލެޓްތަކެއް ކަޓުވާލަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގފހވޖވ

07 December 2023

ވިނަރެސް ފްލެޓްރައް ފީނުވަނީސް މީހުން ވައްދަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވެއްޖެ ކަމެއް! ހުއްޓާލަން ވެއްޖެ ކަމެއް!

07 December 2023

މިހާރު ތިކަމާހެދި މާލޭ ސަރަޙައްދުގައި ހަމަނޭވާ ލައިގެން ދިރިއުޅެވޭ ވަރެއް ނޫނެވެ! ޚާއްޞަކޮށް މާލޭގައި ދުއްވާފައި ވިޔަސް ހިނގާފައި ވިޔަސް މަގުމަތި ބޭނުންކުރަން ދައްޗެވެ. މީހުން ގިނަވިޔަސް މަގުތައް ފުޅައެއް ނުވެއެވެ. މާލޭގެ ނުހެދިހުރި، ބައެއް ގޯތިތަކަށް ބަދަލުގައި އެހެން ދިމާލަކުން ގޯތި ދެއްވާފައި، މަގުތައް ފުޅާ ކުރެއްވޭތޯ ބައްލަވައި ދެއްވާށެވެ! މިތާ ދިރިއުޅެން ޖެހިފައިވާ މީހުން ހަމަޖެހިލައިގެން ދިރިއުޅެވޭނެ ގޮތެއް ހައްދަވައި ދެއްވާށެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

07 December 2023

ކޮންހާ އަނިޔާއެއްދޭކަށް. ވިނަރެސްއަށް ހޮވުނީމާ އޭރު ދައްކަން ޖެހުނު ޑައުންޕޭމަންޓް ބޮޑުކަމުން އެކަމުގައި ކުރިއަށް ގޮސްގޮސް ހުއްޓައި ދެން އެންގީ ވަގުތު ހަމަވެ އަލުއް އިޢުލާން ކޮށް ފައިސާ ހުރި މީހުންނަށް ވިއްކާލަން ބުކިން ކެންސަލް ކުރިވާހަކަ. މިހާރު މި ބުނަނީ ޑައުންޕޭމަންޓްވެސް ކުޑަކުރިވާހަކަ. އަހަރެމެންނަށް ބޮޑު ދޯކާއެއް ދިނީ. ތީ ގަސްތުގައި ދޭ އަނިޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމާރު ދިވެހިން

07 December 2023

ސީ ލައިފް އަކީ ސަރުކާރުގެ ބޮޑުން ހިންގި ބޮޑު ސްކޭމެއް. ބައްލަވާ، ބިންގާ އެޅީ ރައީސް ޔާމީން، ގައުމީ ޓީވީން ލައިވް ކުރި. އިމާރާތްކުރާ ފަރާތާއެކު ކޮންޓްރެކްޓްގައި ސޮއި ކުރިއިރު އެ ރަސްމިއްޔާތަށް ލަންކާގެ ފިނޭން މިނިސްޓަރ އައި. ބޮޑު ޙަފްލާއެއް ބޭއްވި. ގައުމީ ޓީވީން ލައިވް ކުރި. އަލަށްތޯ ހުޅުމާލޭ ގަ މިފަދަ ފްލެޓްތަކެއް ހަދަން މި އުޅެނީ. އެމް.ޑީ.ފީ އަދި ޕީ.ޕީ.އެމް ވެސް ހިމެނޭހެން ހިންގާފައިވާ ބޮޑު ސްކޭމެއް. ލާރި ލިބެނިކޮށް އޯކޭ. ކޮންމެ ގޮތަކަށްވިޔަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދދދ

07 December 2023

ކަލޭ ބެނުން މީހުންނަށް ދޭން ވެގެން އެއްޗެއް ކިޔާފަ. މިހާރު ކުލި ކުޑަ ވީމާ، މުައްސަދިން ނަގާފަ ބޭނުން ބަޔަކަށް ދެނީ. ތިބުނާ ސްކޭމް ވެސް ތިއީ ތި މީހުން ކުޅޭ އެއްޗެއް. މިއަދު އައްމަޓީ ފުރުވާލާައިފި. މުއިއްޒު ވެރިކަމަށް އައުމާއެކު. ކީކޭ ބުނާނީ. މިއީ ވާ ގައުމެއް