ޚަބަރު / ނައިބު ރައީސް ހުސައިން މުހައްމަދު ލަތީފް

ހިއުމަން ރައިޓްސް 75: ރާއްޖޭގެ ފަސް ވައުދެއް

"ހިއުމަން ރައިޓްސް 75" ފާހަގަކުރުމަށްޓަކައި ބާއްވާ މަތީ ފަންތީގެ ހަރަކާތްތަކުގެ ތެރޭގައި ހިމެނޭ "ޕްލެޖިންގް ޓްރީ ސެޝަން"ގައި ނައިބު ރައީސް ހުސެއިން މުހައްމަދު ލަތީފް ބައިވެރިވަނީ: އޭގައި ނައިބް ރައީސް ވަނީ ރާއްޖޭގެ ފަރާތުން ވަޢުދުތައް އިއްވަވާފައި.-- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

11 ޑިސެމްބަރ 2023 - 22:40

11 comments

"ހިއުމަން ރައިޓްސް 75" ފާހަގަކުރުމަށްޓަކައި ބާއްވާ މަތީފަންތީގެ ހަރަކާތްތަކުގެ ތެރޭގައި ހިމެނޭ "ޕްލެޖިންގް ޓްރީ ސެޝަން"ގައި، ރާއްޖެއިން ވައުދުވާ ކަންކަން ހިމެނޭ ބަޔާން ނައިބު ރައީސް ހުސައިން މުހައްމަދު ލަތީފް އިއްވަވައިފި އެވެ.

ސްވިޒަލެންޑްގެ ޖެނީވާގައި މިއަދު ބާއްވާ ކެމްޕެއިންގައި ވާހަކަ ދައްކަވަމުން ނައިބު ރައީސް ވިދާޅުވީ ރާއްޖޭގައި އިންސާނީ ހައްގުތައް ނެގެހެއްޓުމުގެ ސަގާފަތް އާލާކުރުމަށްޓަކައި އެ ދާއިރާއިން މީހުން ބިނާކުރުމަށް މިހާރުގެ ސަރުކާރުން ވަރަށް ބޮޑަށް އަހަންމިއްޔަތުކަން ދޭ ކަމަށެވެ.

ނައިބު ރައީސް ވަނީ ރާއްޖެއިން ވައުދުވެފައިވާ ފަސް ކަންތައް އިއްވަވައިދެއްވައިފަ އެވެ.

އޭގެ ތެރޭގައި ހިމެނެނީ:

1. އިންސާނީ ހައްގުތަކާ ގުޅޭގޮތުން އެކުލަވާލާފައިވާ ރާއްޖޭގެ އޮނިގަނޑުތައް ބައިނަލްއަގުވާމީ މިންގަނޑުތަކާ އެއްގޮތަށް ދެމެހެއްޓުން

2. ބައިނަލްއަގުވާމީ މުއާހަދާތަކަށް އަމަލުކުރާ ގޮތާ ގުޅޭ މައުލޫމާތު ދިނުމުގެ ނިޒާމު އިތުރަށް ހަރުދަނާ ކުރުމަށާއި އިންސާނީ ހައްގުތައް ނެގެހެއްޓުމަށް އުފައްދާފައިވާ ބައިނަލްއަގުވާމީ އެކިއެކި ނިޒާމުތަކާ އިތުރަށް ގުޅުން ބަދަހިކުރުން

3. މުޖުތަމައުގައި ފަރުދީގޮތުން އަދާކުރާ ދައުރާއި ސިޔާސީ މައިދާނުގައި ހަރަކާތްތެރިވުމުގައި އަންހެނުންނާއި އަންހެން ކުދިންނަށް ހަމަހަމަ ފުރުސަތުތަކެއް ފަހިކޮށްދިނުން

4. ހަމަހަމަ ގޮތެއްގައި ތައުލީމު ހޯދުމަށް މަގުފަހިކޮށްދިނުމަށާއި ކުޑަކުދިންގެ ރައްކާތެރިކަމަށް ގައުމީ ފެންވަރުގައި އެކަށައަޅާފައިވާ ނިޒާމުތައް އިތުރަށް ހަރުދަނާކުރަން މަސައްކަތް ކުރުން

5. ދިވެހިންގެ ދިރިއުޅުމުގެ ވައްޓަފާޅިއާއި ދިވެހިންގެ މުސްތަގުބަލު ކަށަވަރު ކުރުމަށްޓަކައި މޫސުމަށް އަންނަ ބަދަލުތަކަށް ވިލުންވެރިކަން އިތުރުކުރުމަށް މަސައްކަތް ކުރުން

މެމްބަރު ގައުމުތަކުން މާނަހުރި ކަންތައްތަކެއް ކުރުމަށް ބާރުއެޅުމުގެ ގޮތުން އދ.ގެ އިންސާނީ ހައްގުތަކާބެހޭ ހައިކޮމިޝަނަރުގެ އޮފީހުން އިންތިޒާމުކޮށްގެން ކުރިއަށްގެންދާ އެ ކެމްޕެއިންގައި، 100 އަށްވުރެ ގިނަ މެމްބަރު ގައުމުން ވަނީ އެ ގައުމުތަކުން ވައުދުވާ ކަންކަން ހުށަހަޅައިފަ އެވެ.

ރައީސް އޮފީސް ހިއުމަން ރައިޓްސް ނައިބު ރައީސް ހުސައިން މުހައްމަދު ލަތީފް

11 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚަމާސް

12 December 2023

އިންސާނީ ހައްގަށްޓަކައި ކުރެވޭނެ އެންމެ ރަނގަޅުކަމަކީ އދ އިން ވަކިވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމްރާ އަލީ

12 December 2023

މުއިޒްގެ ސަރުކާރުގައި ގައުމަށް ގިނަ ގުނަ ފައިދާތަކެއް ލިބިގެން ދާނެ ކަމާމެދު ޝައްކެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުލާމް

12 December 2023

އިންސާނީ ހައްގުތައް ކަށަވަރު ކުރަން މިފަދަ ފޯރަމެއްގައި ވާހަކަ ދެއްކުމުގައި ފުރުސަތު ލިބުމަކީ ޝަރަފެއް ކަމުގައި ދެކިގެން ވަކާލާތު ކުރުމަކީ ފައިދާ ތަކެއް ނުވަތަ ނަތީޖާ ތަކެއް ނެރެވިދާނެ ކަމެއް