ވިނަރެސް ފްލެޓްތައް. މި ފްލެޓްތައް ގަތް މީހުން ބޭނުން ވަނީ ކުލި 10،000ރ. އަށް ކުޑަ ކުރަން. -- ފޮޓޯ: ފަޔާޒް މޫސާ | މިހާރު
19 ޑިސެމްބަރ 2023 - 12:07
114 comments
ވިނަރެސް ފްލެޓްތަކުގެ މަހު ކުލި 10،000 ރުފިޔާއަށް ކުޑަކޮށްދޭން އެދި، އެ ފްލެޓް ލިބުނު މީހުންގެ ފަރާތުން ޕެޓިޝަނެއް ރައީސް އޮފީހާއި އާބަންކޯއަށް ހުށަހަޅައިފި އެވެ.
ވިނަރެސް ޕެޓިޝަންގައި ފްލެޓް ލިބުނު 130 މީހަކު ވަނީ ސޮއިކޮށްފަ އެވެ.
އެ ޕެޓިޝަންގައި ބުނީ ވޭތުވެދިޔަ ސަރުކާރުން ފްލެޓްތައް ދޫކުރީ ލަގްޒަރީ އެޕާޓްމެންޓްތަކުގެ އަގުގައި ކަމަށާއި ރައްޔިތުންގެ އިހުސާސްތަކަށް ބެލުމެއް ނެތި ކަމަށެވެ.
ވިނަރެސް އެޕާޓްމެންޓެއްގެ ޑައުންޕޭމަންޓުގެ ގޮތުގައި އެވްރެޖްކޮށް 375،000ރ. އާއި 500،000ރ. އާ ދެމެދުގެ އަދަދެއް ދައްކަން ޖެހެ އެވެ. އަދި މަހު ކުލީގެ ގޮތުގައި 16،000ރ. އަށް ވުރެ ބޮޑު އަދަދެއް ދައްކަން ޖެހެ އެވެ. އޭގެ އިތުރުން ބޭންކް ލޯނު މެދުވެރިކޮށް 17،000ރ. އާއި 20،000ރ. އާ ދެމެދުގެ އަދަދެއް 20 އަހަރުވަންދެން ދައްކަން ޖެހެ އެވެ.
އެ ޕެޓިޝަންގައިވާ ގޮތުން ރާއްޖޭގެ އެހެން ސޯޝަލް ހައުސިން އެޕާޓްމެންޓްތަކުގެ އަގު ދެ މިލިއަން ރުފިޔާއަށް އަރާ އިރު ވިނަރެސްގެ އަގު އުޅެނީ ހަތަރު މިލިއަން ރުފިޔާގަ އެވެ.
ވިނަރެސްގެ ހަގީގީ އަގަކީ 7،000ރ. ކަމަށް ރައީސް ޑރ. މުހައްމަދު މުއިއްޒު ވިދާޅުވެފައިވާ ކަމަށާއި އެހެންވެ ފްލެޓްތަކުގެ އަގު ހެޔޮކޮށްދޭން އެދިފައިވާ ކަމަށް ޕެޓިޝަންގައިވެ އެވެ.
މި މަހުގެ ކުރީ ކޮޅު ރައީސް މުއިއްޒު ވަނީ، ޑައުންޕޭމަންޓަށް ދައްކާ އަދަދު 50 ޕަސެންޓް ކުޑަ ކުރުމަށާއި މިހާރު މަހު ކުލީގެ ގޮތުގައި ދައްކާ އަދަދު އެވްރެޖްކޮށް 4،200 ރުފިޔާ އުނިވާ ގޮތަށް ހަދަން ނިންމެވި. ކަން އިއުލާން ކުރައްވައިފަ އެވެ. ނަމަވެސް އެކަމުގެ އިތުރު ތަފްސީލެއް މިހާތަނަށް އާބަންކޯއިން ހާމައެއް ނުކުރެ އެވެ.
މިދިޔަ އޮކްޓޫބަރު މަހު ކުރީގެ ސަރުކާރުން އޮތީ ވިނަރެސްގެ އިންޓްރެސްޓް ރޭޓު ނުވަ ޕަސެންޓުން ހަ ޕަސެންޓަށް ކުޑަ ކުރަން ނިންމައިފަ އެވެ. މި ގެނައި ބަދަލުގެ ސަބަބުން ކުރިން ދައްކަމުން އައި އަދަދުން ވަނީ 4000ރ. ކުޑަވެފަ އެވެ.
ވިނަރެސް ފްލެޓް ލިބުނު މީހުންގެ ޕެޓިޝަންގައި ވާގޮތުން އިންޓްރެސްޓުން ތިން ޕަސެންޓު ކުޑަ ކުރި ނަމަވެސް، މިހާރު ވެސް ދައްކަން ޖެހޭ އަދަދު ބޮޑެވެ. އެހެންވެ، އެ އަދަދު ސަރުކާރުން ކުޑަކޮށްދޭން ޖެހެ އެވެ.
ވިނަރެސް ފްލެޓްތަކުގައި ހުރި މައްސަލަތަކުގެ ގޮތުގައި ޕެޓިޝަންގައި ހުރި ކަންކަން
1. ކުޑަދޮރުތައް އެތެރެއަށް ހުޅުވަން ޖެހޭތީ ކޮޓަރިއަކުން 15 އަކަ ފޫޓު ގެއްލޭ
2. ޓައިލްސް ކޮލިޓީ އާއި ފިނިޝިން މަސައްކަތުގެ ފެންވަރު ދަށް
3. ބަދިގޭގައި ހުޑް ފަދަ ތަކެތި ނެތުމުން، ސެޓަޕް ފުރިހަމައެއް ނުވޭ
4. ޓެރަސް ދޮރު ހަރުކުރުމާއި ޓައިލްސް ޖެހުމަށް ބޮޑު ހަރަދެއް ދިޔަ
5. ލަގްޒަރީ އެޕާޓްމެންޓްގެ އަގުގައި ވިއްކި ނަމަވެސް ކޮލިޓީ ދަށް
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަމމމއއއ
17 April 2024
ވިނަރެސް ކޮލިޓީ ހިޔަ ފްލެޓާ ހަމަ އެއް ފެންވަރެއް އެކަމަކު ވިއްކީ ލަގްޜަރީއޭކިޔާފަ. ފަހާނާ އަދި ކޮޓަރިތައް ހިޔާ އަށްވުރެ ކުޑަ އެކަމަކު ހިޔާ ފްލެޓުން ނަގާ އަގުގެ ދެގުނަޔަށްވުރެ ގިނައިން ނަގާ. ގާބެޖް ޗޫޓް ވެސް އަބަދު އައުޓް އޮފް ސާވިސް އެކަމަކު ބަރާބަރަށް ފީ ނަގާ. ގިނަ ފްލެޓްތަކުގަ އެކި އެކި މައްސަލައުޅޭ.
ނޯ ބަރުލަމާނީ
20 December 2023
ވިނަރެސް ފްލެޓް ތަކަކީ ސޯޝަލް ހައުސިން އެޕާޓްމެންޓްތަކެއް ނޫން. އެއީ ޑޮކްޓަރުންނާއި ޕައިލެޓުންފަދަ މަތީ ފަންތީގެ ބޮޑެތި މުސާރަ ލިބޭ ވަޒީފާތަކުގަ އުޅޭ ފަރާތްތަކަށްް ހާއްސަކޮށްގެން ރައީސް ޔާމީން ބިނާކުރި ފްލެޓް ތަކެއް، ހިޔާ ފްްލެޓް ތަކުގަ ހަަރުކުރަން ގެނައި ދޮރާ ދޮޮރުފަތްތަކާ ޓައިލްސް އިބޫ ގެ ސަރުކާރުން ޖެހީ ވިނަރެސް ފްލެޓް ތަކުގަ. ވިނަރެސް ހަވާލުކުރީ ފިނިޝިންް ނިންމައި ކުލަޔާ ދަވާދުލައި އޭސީ ހަރުކޮށްފަ
ރްއދއ
20 December 2023
ޕެޓިޝަނާއި ދެކޮޅު މީހުންނަށް: ސަރުކާރުން ނާއިންސާފުކޮށް ކަންތައްކުރުން އެއީ ވިނަރެސް ލިބުނު މީހުންގެ ކުށެއްނޫން. މިބޭފުޅުންނަށް ލިބުނުނަމަ މި ގޮތަށް ފެޓިޝަން ލައިގެން ޙައްގު ހޯދަން މަސައްކަތްކުރާނެކަން ޔަގީން. ހިލޭ ހަދަންވީ ނޫންހޭ، ކޮންމެ ކަމަކަށް ފެޓިޝަނޭ ، ލަގްޒަރީ އޭ ކިޔާނެ ކަމެއްނެތް. ލަގްޒަރީވިޔަސް ނުވިޔަސް ކޮންމެ މީހަކަށްވެސް ޙައްގު ހޯދަނެ މަސައްކަތްކުރެވޭނެ. ދެއްކި ބައި މިލިއަށްވުރެ ގިނަ ރުފިޔާއާއި ތަނުގެ ފެންވަރާދިމާނުވޭ.ބަދަލު ބޭނުމީ.
އައުޓް
20 December 2023
އައިބޭ ގަ މުޅިން އޮތީ ވިނަރެސް ކުއްޔަށް ޖަހާފަ. އެތަ ގެފޮރު ދަތިކަން ހުރި މީހުންނަކީ؟؟؟؟ ލަދެއް ހަޔާތެއްވެސް ނެތޭ!
އާވަސް
20 December 2023
އެންމެން ވެސް އުޅެނޭ ތަން ކުއްޔަށް ދެވޭތޯ.
ދިޔޯ
20 December 2023
ޕެޓިޝަންގަ ނެތްކަންކަން: 1. ބިލްޑިންތަކުގަ ގަ މިހާރުވެސް ހުރީ ރެދުލާފަ 2. މެރީނާ ވިއުއޭ ކީ ވިއުއެއް މިހާރަކު ނެތް 3. ދެވަނަ ފްލޯރއިން ޓެރަސް ބައި ނެގި މީހުންގެ ކުރެހުމުގަ ބުނާ ސައިޒާއި އަސްލު ސައިޒް ދިމާނުވޭ 4. ބަދިގެ ކަބަޑު ސެޓްއަކީ ކުޑަކުދިން ކުޅެން ގެންގުޅޭ ސައިޒުގެ ކަބަޑު ސެޓް 5. ފާޚާނާގެ ސައިޒު ހިޔާ ފްލެޓް ފާޚާނާތަކަށްވުރެ ވެސް ކުޑަ 6. ގެއަށް ވަނަ އިރަށް މޫނު ދިމާވަނީ ކައްކާ އުދުނާ މިއީ ސޯ ކޯލްޑް ލަގްޒަރީ އަގުގަ މިދޭ ތަނުގެ ހާލަތު.
ގުއިއްޒު
20 December 2023
ޕެޓިޝަން ލާބަލަ ކުލި ނުދައްކާ ދުނިޔެއަޅާ ދަންދެން ވިނަރެހުގައި ތިބެން. ނޫނީ ތިތާ ނޫޅެ ކުއްޔަށް ދޭ މީހުންގެ އަތުން ތިތަންތަން އަތުލަން.
ވޯލް
20 December 2023
ހިލޭ ހަދަން ކީވެ ޕެޓިޝަން ނުލީ. މިއޮތީވާ ގައުމެއް. ކުރިމަތިލާ ލިބުނި އިރު އނެގޭނެދޯ ކުލި އެކުލި އެއްބަސްވެގެން ތަނާ ހަވާލުވަނީ. ނުދެއްކެންޔާ ދެއްކޭ ވަރު ތަނެއް ހޯދާ.
އައިޝަތުަ
20 December 2023
ކުރިމަތިލީ ފަހުން ވެސް އެތަށް ގޮތަކަށް ބަދަލުވެއްޖެއޭ އެތަން. ކުރީ ސަރުކާރުން ރައްޔިތުން ފެލާގޮތަށް ހެދި ބޮޑު ސްކޭމް އެއް މީ.. މަންޑޭ ނަންވާނީ
ދޮން
20 December 2023
ދެން ކިހާދެރަކަމެއް ތިތަން ލިބުނު މީހުން ހުރީ އައި ބޭގަ 25000 އަށް ކުއްޔަށް ޖަހާފައި އެކަމު ދުވާލު 2 އިރު އާބަން ކޯއަށް ދަނީ ކުލި ކުޑަކުރަން ، ބޭރުކުރޭ ތިތާ ވެރިފަރާތް ނޫޅޭ ފުލެޓް ތައް ހުސްކުރުވާ ،،
ކަޅު
20 December 2023
ކުއްޔަށް ދިނުން މަނާނުކުރޭ އެތަން. ކުއްޔަށް ދިނުން މަނާކޮށްފަ ހުރި ހިޔތާ ފްލެޓް ކުއްޔަށް ދީފަ ހުރި އަގު ބަލާލަބަލަ
ލަގުޒަރީ
20 December 2023
ދެން ތިކަހަލަ ވައި ސަބަބުތައް ދައްކާފަ ލަގުޒަރީ އެޕާޓުމަންޓު އަގުކުޑަކުރުވުން މުޅިން ގޯސް. ތިވަރުން ކީއްކުރަން ލަގުޒަރީ އެޕާޓުމަންޓުގައި އުޅެނީ؟؟؟؟
އެލަގުޒަރީ
20 December 2023
6 ފޫޓު 7 ފޫޓުގެ ކޮޓަރިއަކީ ލަގްޒަރީ އެޕާޓްމެންޓްގެ ސައިޒު ދޯ؟ އެއްވެސް އިތުރި ފެސިލިޓިއެއް ނެތި.... ކޮމަން އޭރިއާއެއް ހާ ހިސާބު ވެސް ނެތް! މިދިލް ކްލާހަށ ްވެސް ނުިފެތޭ ޖާގައިގެ ގޮތުން - އެެހެންވެ އަހަރެން ދޫކޮށްލީ... އެކމަކު ގިތެއް ނެތް މީހުން އަދިވެސް ގޮތެއް ފެނޭތޯ ....