"ދިވެހިރާއްޖޭގެ އެންމެ މަތީ މަސްލަހަތު ގެއްލޭ ގޮތަށް ގެންގުޅުއްވާފައި ގާނޫނީ ޕޮޒިޝަން އާއި އަމަލުކުރައްވާފައިވާ ގޮތުގެ މައްޗަށް ރިޕޯޓެއް ކޮމިޓީން އެކުލަވާލައި އާއްމުކުރާނެ،"
ކެބިނެޓު ބައްދަލުވުމުއްގައި ބަންޑާރަ ނައިބު އަހުމަދު އުޝާމް ބައިވެރިވެވަޑައިގަންނަވަނީ.
19 ޑިސެމްބަރ 2023 - 18:00
15 comments
ރާއްޖެ-މޮރިޝަސް ކަނޑުގެ ސަރަހައްދުގެ އިން ވަކިކުރުމުން ގެއްލުނު ސަރަހައްދު ހޯދުމަށް ލިއުންތައް ދިރާސާކޮށް އަޅަން ޖެހޭ ފިޔަވަޅުތައް އެޅުމުގެ މަސައްކަތް ސަރުކާރުން އެޓާނީ ޖެނެރަލްގެ އޮފީހާ ހަވާލުކޮށްގެން ކުރަމުން އަންނަ ކަމަށް ރައީސް އޮފީހުން މިއަދު ބުނެފި އެވެ.
އެ މަސައްކަތަށް މިހާރު ވަނީ ޚާއްސަ ގާނޫނީ ކޮމިޓީއެއް ވެސް އެކުލަވާލައިފަ އެވެ.
ރައީސް އޮފީހުން މިއަދު ހަވީރު ނެރުނު ބަޔާނެއްގައި ބުނީ، އިޓްލޮސްގެ ނިންމުން ބަދަލުކުރަން ކުރަން ޖެހޭ މަސައްކަތް ދެނެގަތުމުގެ މަސައްކަތް އޭޖީ އޮފީހުން ފަށާފައިވާ ކަމަށާއި ލިޔެކިޔުންތައް ހޯދައި ދިރާސާކުރަމުން އަންނަ ކަމަށެވެ.
ބަޔާނުގައި ބުނި ގޮތުގައި ބަންޑާރަ ނައިބުގެ އޮފީހުން މައްސަލަ ދިރާސާކުރުމުގެ އިތުރުން ކުރީގެ ސަރުކާރުގައި ދައުލަތުން ގެންގުޅުނު ގާނޫނީ ޕޮޒިޝަނާއި އަމަލުކޮށްފައިވާ ގޮތާ ގުޅޭ ގޮތުން ރާއްޖެ އާއި ބައިނަލްއަގުވާމީ އިސް މާހިރުންގެ ލަފާ ހޯދުމުގެ މަސައްކަތް ވެސް މިހާރު ވަނީ ފަށައިފަ އެވެ. މަސައްކަތް ވިލަރެސްކުރަން ވަނީ ކޮމިޓީއެއް ވެސް އެކުލަވާލައިފަ އެވެ.
ކޮމިޓީ މެމްބަރުން
ކުރީގެ ބަންޑާރަ ނައިބު މުހައްމަދު އަނިލް
ޑިފެންސް މިނިސްޓްރީން ކާނަލް އަހްމަދު މުޖުތަބާ
ފޮރިން މިނިސްޓްރީން ސެކްރެޓަރީ މަލްޓިލެޓެރަލް، އަހްމަދު ޝިޔާން
ކޮމިޓީގެ މަސައްކަތް ހިނގަމުންދާނީ ކުރީގެ ބަންޑާރަ ނައިބު މުހައްމަދު އަނިލްގެ ބެއްލެވުމުގެ ދަށުންނެވެ. މި މަސައްކަތް އޭނާ ކުރައްވާނީ އެއްވެސް އަގެއް ނުނަންގަވައި ކަމަށް ވެސް ރައީސް އޮފީހުން ބުންޏެވެ.
އިމުގެ މައްސަލާގައި ރާއްޖެ އާއި މޮރިޝަސްއާ ދެމެދު މައްސަލަ އުފެދިފައިވާ ސަރަހައްދު ފާހަގަކޮށްފައިވާ ޗާޓެއް.
މި މައްސަލާގައި ކުރީގެ ރައީސް އިބްރާހިމް މުހައްމަދު ސޯލިހްގެ ފަރާތްޕުޅުން މޮރިޝަސްގެ ބޮޑުވަޒީރަށް ފޮނުވި ސިޓީ ވެސް ވަނީ އާއްމުކޮށްފަ އެވެ. އެ ސިޓީއަކީ ޖޫން، 24 ގައި ރުވާންޑާގައި ބޭއްވި ކޮމަންވެލްތު ހެޑްސް އޮފް ގަވަމަންޓް މީޓިންގެ ހަވާސާގައި ކުރީގެ ރައީސް އާއި މޮރިޝަސްގެ ބޮޑުވަޒީރު ދެއްކެވި ވާހަކަފުޅަށް ހަވާލާ ދެއްވައި ފޮނުއްވާފައިވާ ސިޓީއެއް ކަމުގައި ވިޔަސް އެ މަޝްވަރާގެ ތަފްސީލެއް ދެ ގައުމުގެ ދެމެދުގައި ބަދަލުކޮށްފައިވާ ކަން ރެކޯޑުތަކުން ފެންނަން ނެތް ކަމަށް ރައީސް އޮފީހުން ބުންޏެވެ. އަދި މައްސަލައާ ގުޅޭ އިތުރު ލިޔެކިޔުމެއް ވެސް ދެ ގައުމުގެ ދެމެދު ބަދަލުކޮށްފައި ނުވާކަން ރެކޯޑުތަކުން ފެންނަން ނެތް ކަމަށް ވެސް ބުންޏެވެ.
"މި މައްސަލައާ ގުޅިގެން ބަންޑާރަ ނައިބުގެ އޮފީހުން ކުރިއަށް ގެންދާ ދިރާސާތަކާއި މި މައްސަލާގައި އައްޔަންކޮށްފައިވާ ދިވެހި ރާއްޖޭގެ އަދި ރާއްޖެއިން ބޭރުގެ ކަމާބެހޭ މާހިރުންގެ ލަފާގެ މައްޗަށް ރިއާޔަތްކޮށް، ނިމިދިޔަ ސަރުކާރުގެ ފަރާތުން ދިވެހިރާއްޖޭގެ ގާނޫނުއަސާސީ އާއި ގާނޫނުތަކާ ފުށުއަރާގޮތަށް އަދި ދިވެހިރާއްޖޭގެ އެންމެ މަތީ މަސްލަހަތު ގެއްލޭ ގޮތަށް ގެންގުޅުއްވާފައި ގާނޫނީ ޕޮޒިޝަން އާއި އަމަލުކުރައްވާފައިވާ ގުޅޭ ގޮތުން ރިޕޯޓެއް އެކުލަވާލައި ރައީސުލްޖުމްހޫރިއްޔާ އަށާއި ރައްޔިތުންގެ މަޖިލީހަށް ފޮނުއްވުމަށް ބަންޑާރަ ނައިބު ވަނީ ނިންމަވައިފަ އެވެ،" ރައީސް އޮފީހުގެ ބަޔާނުގައިވެ އެވެ.
މި މަސައްކަތް ނިމުމުން، ރައީސް އޮފީހުން ބުނި ގޮތުގައި، މިކަމާބެހޭ މައުލޫމާތު އާއްމުކުރަން ވެސް ބަންޑާރަ ނައިބު ވަނީ ނިންމަވައިފަ އެވެ.
ރާއްޖެ އާއި މޮރިޝަސްއާ ދެމެދު އޮންނަ ކަނޑުގެ ސަރަހައްދު ނުވަތަ އައްޑޫގެ ދެކުނު އޮންނަ ފުށު އަރާ ކަނޑުގެ ސަރަހައްދުގެ އިން މޮރިޝަސްއިން އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން ވަކިކުރުމުން ރާޢްޖެ އަށް ގެއްލުނު ބައި ހޯދުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ.
ވެރިކަމުގެ ފުރަތަމަ ދުވަހު އެ މަސައްކަތް ފަށާފައިވާ ކަމަށާއި މިހާރު ވެސް އެކަމަށް ބޭނުންވާ ދިރާސާތައް ހަދަމުން އަންނަ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަނބުރާ
20 December 2023
މިގައުމުގެ ރައީސަކު ސޮއިކޮށްފަ ފޮނުވި ސިޓީއަކާ ގުޅިގެން އިޓްލޮސްއިން ނިންމި ބޮޑު ނިންމުމެއް އޭގެ އަނެއްކޮޅަށް ދެން ކިހިނެތްބާ ބަދަލުކޮށްލާނީ؟ އެ ސިޓީއަކު ނެތް ޗާގޯސް މިނިވަންވާން ތާއީދުކުރިއަސް ކަނޑު ބެހުމާ ބެހޭ ގޮތުން ދެ ގައުމުން އެއްބަސްވީ ކޮން ގޮތަކަށްކަމެއް. އެކަމާ މަޝްވަރާކުރި ވާހަކަ ސިޓީގަ އޮތަސް އެ މަޝްވަރާގަ ދެކެވުނު ކަނޑުގެ ވާހަކަ އެއްވެސް ދިމާލެއްގަ ފެންނަން ނެތިއްޔާ ދެން ކީއްބާ ކުރާނީ؟
އަފްރާސިޔާބު
20 December 2023
މަބުނީ، މިހާރު އިންޑިޔާ ސިފައިން ބާލާ ނިމުނީހޭ.
ތިލަދުން
20 December 2023
ދިރާސާ ކިތައްމެ މޮޅައްވެސް ހެދި ދާނެ ކުރެވޭނެ ހަމަ އެއް ކަމއެއް ވެސް ނެތް. ބުއްދީ ގެ ހަމަ ތަކުން ބެލިޔަސް ދެ ޤައުމު ގެ މެދުން ބަހާލުން އެއީ ހަމަޔަކީ.ވެރިކަން ހޯދަން ވެގެން ހެދީ ހުސް ދޮގު ދެއްކީ ރައީސް ޔާމީން ހުސް ގޮނޑި ކޮޅު.
ފެއިލް ސަރުކާރު.
20 December 2023
އިންޑިޔާ ސިފައިންތައް ހޯދަމުން ދަނިކޮށްމިފެނުނީ ހަމައެކަނި ޕައިލެޓުންނާ ޑޮކްޓަރުންކޮޅެއް،، ސިފައިހޯދުމުގެ ދިރާސާވެސް ކުރަނީ،،
މިކަލޭގެ އަޒުލްކުރޭ
20 December 2023
ދިރާސާ،، މީ ކަންކަން ގޯސްކޮށް ކުރެވި، ދެން ކުރާނެކައްނެތި ގޮތްހުސްވީމަ އަރައިތިބެން ވަރަށްފަސޭހަ ގޮޅިއެއެކެ. ޜައްޔިތުންތިބޭ ދިރާސާކޮށްނިމެންދެން،، ދެން ތީގެ ހަބަރެއްވެސް ނުވާނެ މީންދުވަހަކު،،
ޚަނޑު
20 December 2023
މިސަރުކާރުގަ ތިބި ނާގާބިލުންތައް ކަނޑަށްއެރި ތިބެންވީނު. މީ ތިމަންނަމެންގެ ކަނޑޭ kiyaafa. ބޯހަލާކު. ދޮގު ފޫބައްދަން ދައްކާނެ ވާހަކައެއް ހުސްވީމާ ދެންގޮވޭނީކޮސް.
ގެއްލުނުތަ
19 December 2023
ކުރިން ލިބިފައިނެތް އެއްޗެއް ފަހުން ގެއްލުނުގޮތެއް ވިސްނައި ވިސްނައި ނޭނގުނު. ވަޒީރުންގެ ސްޕީޗުތައް ފަދައިން މިމައްސަލަ ހުށަހެޅީމައި ފަނޑިޔާރުން ބާރަށް ހޭނެ.
އަލީރާޖާ
19 December 2023
ވޯޓު ހޯދަން މީހުންގެ ބޮލަށް އެރެން ދައްކާ ދޮގު ވާހަކަތައް ހުއްޓާލަބަލަ. ކަނޑަކުން ބައެއް ނުގެއްލޭ. ގެއްލޭނީ ކުރިން ލިބިފަ އޮތް އެއްޗެއް ނަމަތާ. ދެން ތިޔަ ބުނާ ގެއްލުނު ބައި އެއީ ލިބޭނެ އެއްޗެއްވެސް ނޫން. އެއީ އިނގެރޭސިންގެ ބާރުގަ އޮތް ތަނެއް. މޮރިޝަސް އަށްވެސް ނުލިބޭނެ.
ކިއުންތެރިޔާ
19 December 2023
ކބައިތޯ ކަނޑުގެ ވަކީލު ޑރ. މުނައްވަރު. ޔަގީން ހަވާލު ނުވީ. އިޓްލޮސްގެ ނިންމުން އަނިލް އަށް ބަދަލު ކުރެވޭނެތޯ/ އަދި އަމުދުން މިހާރު އެއީ އިނގިރޭސިވިލާތުގެ ބާރުގެ ދަށުގައި އޮތް ސަރަހއްދެއް. ނިކަން ކައިރިވެބަލަ.
ފަލަގެރިއަނޫ
19 December 2023
މުނައްވަރު އިންނަ ކޮމެޓީއެއްގެ ބައްދަލުވުން ބާއްވަން ޖެހޭނީ ރޭގަނޑު.
ކަބީދު
19 December 2023
ކަންޑުން އިންޗިއެއްވެސް ދޫކޮށްގެން ނުވާނެ. ކުރީސަރުކާރުން އުޅުނީ މާލޮނު މަޑުކޮށް.