ޓްރީ ޓޮޕް ހޮސްޕިޓަލުގެ ޑެންޓިސްޓު، ޑރ. އިލްހާމް ޝަރީފް ދަތާއި ގުޅޭ ބަލިތަކުގެ މައުލޫމާތު ދެއްވަނީ. -- ފޮޓޯ: ފަޔާޒް މޫސާ | މިހާރު
27 ޑިސެމްބަރ 2023 - 11:36
ދަތް ފަނިކެއުމަކީ ރާއްޖޭގައި އެންމެ އާއްމު، ދަތުގެ މައްސަލަ އެވެ. އެންމެ ބޮޑަށް މި މައްސަލަ އާއްމުވެފައި ވަނީ ކުޑަކުދިންގެ ތެރޭގަ އެވެ. ދަތް ފަނިކައިފައިވާކަން ގިނަ ފަހަރަށް ރޭކާލަނީ ވެސް, ހިރުގަނޑާއެއްކޮށް ދުޅަވެ, އިންފެކްޝަން އުފެދި ތަދުވާން ފަށާ ހިސާބުންނެވެ. ދަތް ފަނިކައިފައިވާ މިންވަރާއި ނިސްބަތް އެނގެނީ ވެސް, ދަތުގެ ބޮޑު ބައެއް ފަނިކާ ފަހުންނެވެ.
މި މައްސަލައަށް އޮތް އެންމެ ބޮޑު ހައްލަކީ ދަތްތައް ރަނގަޅަށް ސާފުކުރުމެވެ. ޓްރީ ޓޮޕްގެ ޑެންޓިސްޓު ޑރ. އިލްހާމް ޝަރީފް ވިދާޅުވި ގޮތުގައި ކުޑަކުދިންގެ މެދުގައި ދަތް ފަނިކާމިންވަރު މަދުކުރުމަށް އެޅެން އޮތް އެންމެ ބޮޑު ފިޔަވަޅަކީ އަނގައިގެ ސާފުތާހިރުކަމަށް ކުދިން އަހުލުވެރިކޮށް, އެކަން ރަނގަޅަށް ކުރުމަށް ހިތްވަރުދިނުމެވެ.
"ހެނދުނު ހޭލާފައި ދަތް އުނގުޅަން އެންމެ ރަނގަޅީ ބްރެކްފަސްޓަށް ފަހު 30 މިނެޓުކޮށްފައި. ހެނދުނު ދަތް އުނގުޅުމާއި ރޭގަނޑު ނިދުމުގެ ކުރިން ދަތް އުނގުޅުމަކީ ދަތް ފަނިކެޔަ ނުދޭން ކުރެވޭނެ އެއްމެ މުހިންމު އެއް ކަންތައް. ދެން ކުރެވެން އޮތް ކަމަކީ ފްލޮސްކުރުން. ފްލޮސް ކުރީމާ ދަތްތަކުގެ ބުޑު ސާފު ވާނީ. މިއީ ބުރުހުން ސާފުނުކުރެވޭ ތަންތަން ސާފުކުރަން ކުރަން ޖެހޭ ކަމެއް." ޑރ. އިލްހާމް ވިދާޅުވި އެވެ.
ޑޮކްޓަރު ވިދާޅުވި ގޮތުގައި ދަތްތަކުގެ ބުޑުން އާއްމުކޮށް ފަނިކާން ދިމާވާ މައިގަނޑު ސަބަބަކީ ދަތްތަކުގެ ބުޑުގައި ތާށިވެފައި ހުންނަ އެއްޗިހި ސާފުނުކުރެވުމެވެ. ދަތްތަކުގެ ބުޑުގައި ކާ އެއްޗެހި ތާށިވެ ދަތުގެ ބުޑުން ފަނިކާން ފަށައިފި ނަމަ އާއްމުކޮށް ދަތް ފަނިކެއުން ޕްރޮގްރެސްވާ މިންވަރަށް ވުރެ އަވަހަށް ފަނިކެއުން ޕްރޮގްރެސްވެގެން ދާނެ އެވެ.
ޑެންޓިސްޓް ޑރ. އިލްހާމް: ދަތްފަނިކެއުމުން ސަލާމަތްވާން އެންމެ މުހިންމު އެއް ކަމަކީ އަނގައިގެ އެތެރެ ރަނގަޅަށް ސާފުކޮށްފައި ބެހެއްޓުން ކަމަށް ވިދާޅުވި. -- ފޮޓޯ: ފަޔާޒް މޫސާ | މިހާރު
ދަތް ފަނިކެއުމުން ރައްކާތެރިވުމަށް ފްލޮރޮއިޑްސް ހުންނަ ކާއެއްޗެހި ކެއުމުގެ މުހިންމުކަމާއި ފްލޮރޮއިޑްސް ހުންނަ ޓޫތްޕޭސްޓު ބޭނުންކުރުމަކީ ވެސް މުހިންމު ކަމެއްގެ ގޮތުގައި ޑރ. އިލްހާމް ވިދާޅުވި އެވެ. އަދި ކޮންމެ ހަ މަހަކުން ދަތްތަކުގެ ޗެކަޕް ހެދުން މުހިންމުކަމަށާއި ދަތް ފަނިކާ ނަމަ ޑޮކްޓަރުގެ އިރުޝާދާ އެކު ކޮންމެ ތިން މަހަކުން ޑެންޓިސްޓަކަށް ދިއުމަކީ މުހިންމުކަމެއްގެ ގޮތުގައި ޑޮކްޓަރު ފާހަގަކުރެއްވި އެވެ.
ދަތް ފަނިކެއުން ފަދަ އަނގައިގެ އެކި ބަލިތަކަށް ޓްރީ ޓޮޕް ހޮސްޕިޓަލުން ފަރުވާލިބެން ހުންނާނެ އެވެ. ދަތް ފަނިކެއުމުން, ފަނިކައިފައިވާ ދަތުގެ ބައި ނެގުމާއި, ފިލް ކުރުމާއި, ދަތްތައް ސާފުކުރުމާއި ދަތުގެ އެކްސްރޭ ނެގުން ފަދަ ހުރިހާ ހިދުމަތެއް ލިބޭނެ އެވެ.
ދަތް ފަނިކެއުމުގެ އިތުރުން އާއްމުކޮށް ދިވެހިންނަށް ކުރިމަތިވާ ޖިންޖަވައިޓަސް ފަދަ ހިރުގަނޑުގެ އެކި ބަލިތަކުގެ ފަރުވާ އާއި ވިޒްޑަމް ޓޫތު ނެގުމާއި އަނގަޔަށް ޖެހޭ އެހެން ބަލިތަކާއި މައްސަލަތައް ދެނެގަނެ އެ މައްސަލަތަކާއި ބަލިތަކަށް ބޭނުންވާ ފަރުވާ ވެސް މި ހޮސްޕިޓަލުން ދެ އެވެ.
ދަތް ފަނިކެއުމާއި އަނގައިގެ އެކި ބަލިތަކުން ކުޑަކުދިން ރައްކާތެރިކުރުމަށް ތުއްތު ކުދިންނަށް ބޮޓްލް ފީޑް ކުރާނަމަ, ފީޑްކޮށް ނިންމުމަށް ފަހު އަނގަ ރަނގަޅަށް ސާފުކުރުމަށް ޑރ. އިލްހާމް އިރުޝާދު ދެއްވަ އެވެ. އަދި ފޮނި ކާ އެއްޗިސާއި ދަތުގެ މަތީ ފަށަލައަށް ގެއްލުންވާ ކާބޮނޭޓަޑް ޑްރިންކްސް ކުޑަކުދިންނަށް ނުދިނުމަށް އިލްތިމާސް ކުރެ އެވެ.
ޑރ. އިލްހާމް ވިދާޅުވި ގޮތުގައި ކުއްޖާގެ ހުންނަ ނަފްސާނީ ބައްޔެއްގެ ސަބަބުން ނުވަތަ އުފެދުމުގައި ހުންނަ ބައްޔެއްގެ ސަބަބުން އަނގަތެރެ ރަނގަޅަށް ސާފުކޮށް ބެލެހެއްޓުން އުނދަގޫ ނަމަ ކޮންމެހެން ވެސް ޑެންޓިސްޓެއްގެ އެހީގައި އަނގަތެރެ ސާފުކުރުން މުހިންމު ކަމަށެވެ.
ދަތް ފަނިކެއުން ފަދަ އަނގައިގެ ބަލިތަކަކީ ފަސޭހައިން ރައްކާތެރިވެވެން އޮތް ކަމެކެވެ. ރައްކާތެރިކަން ހޯދުމަށް މިހާރުން ފެށިގެން ދަތް ފަނިކައިފައި ވޭތޯ އާއި ފަނިކައިފައިވާ މިންވަރު ދެނެގަތުމަށް ޑެންޓިސްޓަކަށް ދެއްކުން މުހިންމެވެ.
ނޯޓު: މިއީ ޓްރީ ޓޮޕް ހޮސްޕިޓަލްގެ އެޑްވަޓޯރިއަލް އާޓިކަލްއެކެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސާމިނާތު
28 December 2023
"ހެނދުނު ހޭލާފައި ދަތް އުނގުޅަން އެންމެ ރަނގަޅީ ބްރެކްފަސްޓަށް ފަހު 30 މިނެޓުކޮށްފައި" ޑރ ބުނި އެތި މިއޮތީ ފުލުސްޓޮޕް ނޫނީ ކޮމާ ނުޖަހާ ލިޔެފަ. ރަނގަޅު ގޮތަކީ: "ހެނދުނު ހޭލާފައި ފަތް އުނގުޅަން އެންމެ ރަނގަޅީ. ބްރެކްފާސްޓަށް ފަހު (ނަމަ) 30 މިނިޓު ކޮށްފައި."
ރޫމްމޭޓް
28 January 2024
ސާބަސް.. ދެންކޮބައިތަ މައްސަލައަކީ.
ހެހެހާ
28 January 2024
ތިއޮތީ ޓައިޕޯއަކާއެކު ލިޔެވިފަ.
ގުއިއްޒު
27 December 2023
ރާއްޖޭގަ އަށަގެންފައިވާ ދުފުމާ ދުންފަތުގެ އިސްތިއުމާލުން ލިބޭނުރައްކާތަކަށް އިރުށާދެއްނެތުމަކީ ތިއިރިޝާދުގެ ނިކަމެތިކަމާ ލޮއީފުކަން ނުހަނު ބޮޑުކަމެއް،، ބޮޑަށް ފާހަގަ ކުރެވެނީ ތި ހޮސްޕިޓަލުގެ އިސްތިހާރެއްގެ ގޮތުގަ،،
ރީނދޫ މުގު
27 December 2023
ކަލޭ އެންމެ ފަހު ފޮޅުވަތް ނުކިޔާދޯ ކޮމެންޓުތިކުރަނީ! ސާބަސް
ސަސި.
27 December 2023
"ހެނދުނު ހޭލާފައި ދަތް އުނގުޅަން އެންމެ ރަނގަޅީ ބްރެކްފަސްޓަށް ފަހު 30 މިނެޓުކޮށްފައި. އަހަރުން އެންމެ ފުރަތަމަ ކުރާ ކަމަކީ ދަތްއުނގުޅުން
ގިނަޑޮކްޓަރުން
27 December 2023
މުހިއްމީ ހެދުނާ ހަވީރު ރަގަޅަށް އަނގަ ސާފުކުރުން،، ދަތް ނޫގުޅަ ނިދަންއޮށޯތުމަކީ ވވ ނުރައްކާމަމެއް،، ބްރޭކްފާސްޓުގެ ކުރިން ދަތްއުގުޅުމަކީ އެއްމެ ރަގަޅުގޮތް..
ކެޔޮޅު.
27 December 2023
އަހަރެން ދަށް ހަޑިވެއްޖެނަމަ ކޮންމެ ގަނޑިއެއްވިޔަސް ދަށް ވަރަށް ރަނގަޅަށް ދޮވެ ސާފުކޮށްލަން. އެހެން ނޫނީ ނުބައިވަސްވެސް ދުވާނެދޯ ؟