އިސްލާމިކް ޔުނިވަސިޓީން ހުޅުމާލޭގައި ވަގުފު ބިލްޑިންގެއް އަޅަނީ

އައިޔޫއެމްގައި މިއަދު ބޭއްވި ނޫސްވެރިންގެ ބައްދަލުވުމުގައި ޝަހީމް ވާހަަކަ ދައްކަވަނީ: އާމްދަނީ ހޯދުމަށް ވަގުފު ބިލްޑިންގެއް އަޅަން ވަނީ ނިންމާފައި.--- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

12 ފެބުރުއަރީ 2017 - 15:58

12 comments

އިސްލާމިކް ޔުނިވަސިޓީ އޮފް މޯލްޑިވްސް (އައިޔޫއެމް) އަށް އިތުރަށް އާމްދަނީ ހޯދުމަށް ހުޅުމާލޭގައި ވަގުފް ބިލްޑިންގެއް އަޅަން ނިންމައިފި އެވެ.

މިއަހަރުގެ ތެރޭގައި އެ މަސައްކަތް ފަށާނެ ކަމަށް އެ ޔުނިވާސިޓީގެ ޗާންސެލާ ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.

އައިޔޫއެމްގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އެ ޔުނިވަސިޓީގެ ޗާންސެލަރު މުހައްމަދު ޝަހީމް އަލީ ސައީދު ވިދާޅުވީ ވަގުފު ބިންޑިންގްގެ މަސައްކަތް މި އަހަރުގެ ތެރޭގައި ފަށާނެ ކަމަށެވެ. އަދި އަންނަ އަހަރުގެ ތެރޭގައި އެ މަސައްކަތް ނިންމާލެވޭނެ ކަމަށް އޭނާ ވިދާޅުވި އެވެ. މި އިމާރާތް އަޅަނީ އިސްލާމިކް ޔުނިވަސިޓީގެ ޑިވެލޮޕްމަންޓް ފަންޑުންނެވެ. ނަމަވެސް އެކަމަށް ހަރަދުވާނެ ފައިސާގެ އަދަދެއް އަދި ހާމައެއް ނުކުރެ އެވެ.

ޝަހީމް ވިދާޅުވި ގޮތުގައި، ވަގުފު ބިލްޑިންގް އެޅުމަށް ބިން ހަމަޖައްސައިދެއްވާނެ ކަމަށް ރައީސް އަބްދުﷲ ޔާމީން މިދިޔަ ހަފުތާގައި ވަނީ ވިދާޅުވެފަ އެވެ. ނަމަވެސް އެކަމުގެ އިތުރު ތަފުސީލެއް ޝަހީމް ނުދެއްވަ އެވެ.

ވަގުފު ބިލްޑިންގް ކުއްޔަށް ދީގެން ލިބޭ އާމްދަނީން، އިސްލާމިކް ޔުނިވަސިޓީ އާއި ދަރިވަރުންގެ ތަރައްގީ އަދި ކިޔެވުން އިތުރަށް ހަރުދަނާކުރަން މަސައްކަތްތަތަކެއް ކުރާނެ ކަމަށް އޭނާ ވިދާޅުވި އެވެ. މީގެ އިތުރުން ސްކޮލަޝިޕްގެ ފުރުސަތުތައް ވެސް ހުޅުވާލާނެ ކަމަށް އޭނާ ވިދާޅުވި އެވެ.

"މައުހަދުގެ ދުވަސްވަރުން ފެށިގެން ވެސް، ކޮލެޖު ދުވަސްވަރުން ފެށިގެން ވެސް ދައުލަތުގެ ބަޖެޓަށް ބަރޯސާ ވެގެން މިތަން މި ކުރިއަށް ދަނީ. އެއީ އަޅުގަނޑުމެން ވަރަށް ޝުކުރުވެރިވާ ކަމެއް ވެސް މެ. އެކަމަކު ޔުނިވަސިޓީއެއް ކޮލެޖެއް، އޭގެ އަމިއްލަ ވަސީލަތްތައް ހުންނަންޖެހޭ ލާރި ހޯދާނެ،" ކުރީގެ އިސްލާމިކް މިނިސްޓަރު ޝަހީމް ވިދާޅުވި އެވެ.

"އެހެންވެ މިހާރު ކުރިމަތިވެފައިވާ އިގުތިސާދީ ގޮންޖެހުންތަކަށް ބަލާއިރު، އަމިއްލަ ވަސީލަތްތައް ކޮންމެހެން އަންނަންޖެހޭ. އެހެންވީމަ އަޅުގަނޑުމެން މި ވިސްނީ އަމިއްލަ ވަސީލަތަކަށް ދެވޭތޯ. އޭގެ ތެރެއިން އެންމެ ފުރަތަމަ މަޝްރޫއަކީ މިއީ،" ޝަހީމް ވިދާޅުވި އެވެ.

އާމްދަނީ ހޯދަން އިސްލާމިކް މިނިސްޓްރީން މިދިޔަ މަހުގެ ތެރޭގައި މާލޭގައި ހުޅުވި ވަގުފު ބިލްޑިންގަކީ ވެސް، ޝަހީމް އިސްލާމިކް މިނިސްޓަރުގެ މަގާމުގައި ހުންނެވިއިރު ފެެއްޓެވި މަޝްރޫއެކެވެ.

ޑރ. މުހައްމަދު ޝަހީމް އަލީ ސައީދު (މިނިސްޓަރު) އިސްލާމިކް ޔުނިވަސިޓީ ހުޅުމާލެ

12 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިބުފރު

13 February 2017

މިތަނަކީ އައްޑޫ ސިޓީ ގައި އަޅަން ބިން ކަނޑާ ތަން ކުރަހާފަ އޮތް ތަނެއް، މިހާރު ހުރިހާ ކަމެއް މާލެއަށް ބަދަލު ކުރަމުންދާ އުސޫލުން ބަދަލު ކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާއިރާ

13 February 2017

ވަޤުފުއަކީ ޝަރުޢީ ހަމަތަކެއް ވާކަމެއް. 3000 ޓީޗަރުންނަށް ކިޔަވާދެނީ ޓާމަކު ދެފަހަރު ދެދުވަހަށް މާލެ ގެނެސްގެން ދުވާލަކު 15 ގަޑި ނަގައިގެން. މިގޮތަށް ކިޔަވާދިނުމުން، ސްޓެޓިސްޓިކްސް ވަރަށް ރަނގަޅުވާނެ. ހުސް ޑިގްރީ ޓީޗަރުން ތިބޭނީ. ނަމަވެސް ކުރިއެކޭ އެއް ފެންވަރު. މުޅި ތަޢުލީމީ ނިޒާމުގައި މި ބައިމީހުން އެތައް އަހަރެއް ވަންދެން އުޅޭނެ. މިކަން ކުރަން އެމްކިޔުއޭގެ މީހުން އެތިބީ ބަދަލުކޮށްފައި. މިއީ ޤައުމަށް، މުސްތަޤްބަލަށް ކުރެވޭ ބޮޑު ޚިޔާނާތެއް. ވެރިންގެ ފެންވަރު....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާނަ

13 February 2017

ވަގުފު ގެ މާނަ އޮޅިއްޖެ މިހާރު. ތިއީ ވަގުފެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު

13 February 2017

އެމްއެންޔޫގެ ކޯސްތަކަކަށް އިތުބާރެއްނެތް. އަދި އެތަނުގެ މެނޭޖްމެންޓް ވަނީ ސިޔާސީވެ ހަމަހަކަން ގެއްލިފައި. ފެންވަރު ނެތް ސިލަބަސްތަކަށް ކޯސްތައް ހިންގަނީ. އެކަމަކު އިސްލާމިކް ޔުނިވަރސިޓީގެ ޕްރޮގްރާމްތަކުގެ ފެންވަރު ރަނގަޅުވެފައި އެންމެންނަށް ކޭޓާ ކުރާގޮތައް ޕްރޮގްރާމްތައް ދަނީ ރާވަމުން. މިކަމާ އެމްއެންޔޫ ޖެލަސްވި ނަމަވެސް، އެމްއައިޔޫ ގެ އެ މަސައްކަތްތަކަކަށް ހުއްޓުމެއް ނާންނާނެ. ކުރިކުރިއަށް އެމްއައިޔޫ...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަފްސަންޖާނީ

12 February 2017

އަބަދުވެސް ތިކަހަލަ ތާކުން ތާކު ނުޖެހޭ ކަންތައް ކުރުމާއި ރިބަން ކެނޑުމަށް މިވަރުގެ ސަރުކާރެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭ

12 February 2017

އެމްއެންޔޫއަށް ބިމެއް ނުދޭބާ ހަމަހަމަ އުސޫލުން؟ ހުރިހާ ބިމެއް އިސްލާމިކް ޔުނިވާސިޓީއަށް ލިބުމަކީ ހަމަޖެހޭ އުސޫލެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިޔާދު

13 February 2017

މުޅި މާލެއާ ރާއްޖޭގެ އާބާދީ ބޮޑެތި ހުރިހާ ރަށެއްގަ އެމްއެންޔޫގެ ބިންތައް. މަދު ތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގގ

12 February 2017

ތީ ހަމަ ދައުލަތުގެ ތަނެއް ކުއްޔަ ދީގެން ދައުލަތަށް ވަންނަ ފައިސާ ނުންތޯ. ދައުލަތުގެ ބިމެއްގައި ދައުލަތުން އިމާރާކޮށް ކުއްޔަދެނީ ލިބޭ އާމްދަނީ އެއީ ދައުލަތުގެ ރެވެނިއު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

12 February 2017

ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯބި ދޮމްބެ

12 February 2017

މަރްހަބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

12 February 2017

އިސްލާމިކް ޔުނިވަރސިޓީ އެންޑް ރިއަލް އެސްޓޭޓް ކިޔަންވީނު. ދައުަލތުގެ ފިނޭންސް މިނިސތްރީން ދޯ ދއުަލތަށް ފަނޑް ހަމަޖައްސާނީ... ކޮންމެ ބަޔަކު އަމިއްލަ އަށް ބިންވެރިންނަށް ވެގެން މިގޮތެއް ކަމަކު ނުދާނެ