ހައުސިން އަށް ދޭ ލުއި ލޯން ސްކީމްތައް މާޗު ނިމުމުގެ ކުރިން އެކުލަވާލަނީ

ރައީސް އޮފީހުން ބޭއްވި ޕްރެސް ކޮންފަރެންސް.-- ފޮޓޯ: ރައީސް އޮފީސް

އިފްރާޒް އަލީ، މިހާރު

07 ޖެނުއަރީ 2024 - 22:08

ބޯހިޔާވަހިކަމުގެ މައްސަލައަށް ހައްލެއް ހޯދުމަށް މި ސަރުކާރުން ތައާރަފުކުރަން ނިންމާފައިވާ ލުއި ލޯން ސްކީމްތައް އެކުލަވާލުމުގެ މަސައްކަތް އަންނަ މާޗު މަހުގެ ނިޔަަލަށް ނިންމާލުމަށް ވަޒީރުންގެ މަޖިލީހުން މިއަދު ނިންމައިފި އެވެ.

ރައީސް އޮފީހުން މިރޭ ބޭއްވި ޕްރެސް ކޮންފަރެންސްގައި އެ އޮފީހުގެ ޕްރިންސިޕަލް ސެކްރެޓަރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް އިބްރާހިމް ވިދާޅުވީ ބޯހިޔާވަހިކަމާއި އުމްރާނީ ތަރައްގީގެ ޓްރަސްޓް ފަންޑެއް ގާއިމްކުރުމާއި ބޯހިޔާވަހިކަމަށް ކުޑަ އިންޓްރެސްޓެއްގައި ލުއި ލޯން ސްކީމެއް ފެށުމާ ބެހޭ ގޮތުން ވަޒީރުންގެ މަޖިލީހުން މިއަދު މަޝްވަރާކުރި ކަމަށެވެ.

އޭނާ ވިދާޅުވި ގޮތުގައި، އެ ކަންކަމާ ގުޅޭ އިތުރު މަޝްވަރާތައް އިކޮނޮމިކް ކައުންސިލްގައި ވެސް ކުރިއަށް ގެންދާނެ އެވެ. ސަރުކާރުން އަލަށް ގާއިމްކުރާ ޑިވެލޮޕްމަންޓް ބެންކާއި މިހާރު ހުރި ބޭންކިން ނިޒާމުގެ ތެރެއިން ސޯޝަލް ހައުސިން ލޯންތަކެއް ތައާރަފު ކުރެވޭނެ ގޮތްތައް ދެނެގަނެ، އެކަމާ ގުޅޭ ގޮތުން ވެސް އެ ކައުންސިލުން މަޝްވަރާކުރާނެ ކަމަށް އޭނާ ވިދާޅުވި އެވެ.

"މި ލޯނުތަކަކީ ފަސް ޕަސެންޓް އިންޓްރެސްޓަށް ވުރެ ކުޑަކޮށް ދޫކުރެވޭ ލޯންތަކެއް ކަން ޔަގީންކުރެވޭނެ،" ނާޒިމް ވިދާޅުވި އެވެ.

އިމާރާތް ކުރަން ފަށައި ނުނިމި ހުރި ތަންތަން ނިންމުމަށް ހާއްސަ ލޯނު ސްކީމެއް ތައާރަފު ކުރާނެ ކަމަށް ވެސް އޭނާ ވިދާޅުވި އެވެ.

އޭގެ އިތުރުން، ޓޫރިޒަމްގެ ސިނާއަތުގައި މަސައްކަތްކުރާ މުވައްޒަފުންނަށް ހާއްސަ ސޯޝަލް ހައުސިން ކެޓަގަރީއެއް ކަނޑައެޅުމާ ގުޅޭ ގޮތުން ވެސް ވަޒީރުންގެ މަޖިލީހުގައި މިއަދު މަޝްވަރާކުރި ކަމަށް އޭނާ ވިދާޅުވި އެވެ.

އޭނާ ވިދާޅުވީ ރާއްޖޭގެ އެކި ސަރަހައްދުތަކުގައި ކުރިއަށް ގެންދާ ސޯޝަލް ހައުސިން މަޝްރޫއުތަކުގެ ތެރެއިން ވަކި ޕަސެންޓެއް ޓޫރިޒަމްގެ ސިނާއަތުގައި މަސައްކަތްކުރާ މުވައްޒަފުންނަށް ހަމަޖެއްސުމަށް މަޝްވަރާކުރި ކަމަށެވެ.

މި ސަރުކާރުގެ "ހަފްތާ 14"ގެ މަގު ޗާޓުގައި ހިމެނޭ، ބޯހިޔާވަހިކަމުގެ މަޝްރޫއުތައް ރެގިއުލޭޓްކުރުމަށް ގެދޮރުވެރިކަމުގެ މިނިވަންކަމުގެ ބިލެއް އެލުލަވާލުމުގެ މަސައްކަތްކުރުމަށް ވެސް ވަޒީރުންގެ މަޖިލީހުން މިއަދު ނިންމާފައިވާ ކަމަށް ނާޒިމް ވިދާޅުވި އެވެ.

ކެބިނެޓް ރައީސް އޮފީސް ބޯހިޔާވަހިކަން ރައީސް ޑރ. މުހައްމަދު މުއިއްޒު

16 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފްރާސިޔާބު

09 January 2024

މަޖިލީހުގެ އިންތިޚާބުގެ ކުރިން ނިންމެން ނެތްތަ؟ ލޯނު ހޯދަންޏާ ޖެހޭނެދޯ ވޯޓު ދޭން. އެހެންވެ ތި ލަސްކޮށްލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލީލީ

08 January 2024

ސަރުކާރުން ކޮންޓްރަކްޓަރުން ލައްވާ ގެދޮރު އިމާރާތް ކޮށްފަ. ކޮންޓްރަކުޓަރުންގެ ބިލްތަކަށް ސަރުކާރުން ޕޭ ކޮށްފަ، އެ ބިލްތަކަށް ކުޑަ ފައިދާ ޕަސެންޓެއް އެޑްކޮށްފަ، ރައްޔަތު މީހާ އަށް އިންސްޓޯލްމަންޓް ބޭސިސްއަށް ޕޭ ކުރުމަށް ދޫކޮށްލަންވީ. ކުރީ ސަރުކާރުގަ އަސްލަމްމެން ގެވަޅު ތަކުގަ ގެ އަޅައިދިންވަރަށް މި ސަރުކާރުގައި އަޅައި ނުދޭތި