ދަރަންޏަށް 8.5 ބިލިއަން ރުފިޔާ ދޭނެ ބަަޔަކު ހޯދަން ފިނޭންސުން އިއުލާނުކޮށްފި

ފިނޭންސް މިނިސްޓްރީގެ އިމާރާތް. އެ މިނިސްޓްރީން ވަނީ 8.5 ބިލިއަން ރުފިޔާ ހޯދަން އިއުލާނުކޮށްފައި -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

11 ޖެނުއަރީ 2024 - 11:25

35 comments

ސަރުކާރުގެ ބަޖެޓު ޑެފިސިޓަށް ބޭނުންވާ ފައިސާ ހޯދުމުގެ ގޮތުން 550 މިލިއަން ޑޮލަރު (8.5 ބިލިއަން ރުފިޔާ) ދަރަނީގެ ގޮތުގައި ދޭނެ ބަޔަކު ހޯދަން ފިނޭންސް މިނިސްޓްރީން އިއުލާނުކޮށްފި އެވެ.

ފިނޭންސުން ކުރި އިއުލާނުގައި ބުނީ، ލޯނު ނުވަތަ ޓްރެޝަރީ ސެކިއުރިޓީގެ ގޮތުގައި އެ އަދަދަށް ފައިސާ ބޭނުންވާ ކަމަށެވެ.

ސަރުކާރުން ބަޖެޓު ޑެފިސިޓްގެ ގޮތުގައި 14 ބިލިއަން ރުފިޔާ މިއަހަރު ހޯދަން ޖެހެ އެވެ. އޭގެ ތެރެއިން 3.9 ބިލިއަން ރުފިޔާ ހޯދަނީ ޑޮމެސްޓިކް މާކެޓުން ނުވަތަ ރާއްޖޭގެ މާލީ އިދާރާތައް މެދުވެރިކޮށް ނުވަތަ ބޮންޑާއި ޓީބިލް މެދުވެރިކޮށެވެ. ބާކީ 12.3 ބިލިއަން ރުފިޔާ ހޯދަން ހަމަޖެހިފައިވަނީ ބޭރުންނެވެ. ބޭރުން ހޯދަނީ ބަޖެޓް ސަޕޯޓު ލޯނާއި ގްރީން/ބްލޫ ބޮންޑާއި ޕްރޮޖެކްޓްތަކަށް ހޯދާ ލޯނުތަކެވެ.

ސަރުކާރުން މިވަގުތު އިއުލާނުކޮށްފައިވަނީ ޑެފިސިޓް ހަމަޖައްސަން ބޭނުންވާ 60 ޕަސެންޓް ފައިސާ އެވެ.

ފިނޭންސުން ބުނީ، ސަރުކާރުން ހިންގަން ހަމަޖެހިފައިވާ ހާއްސަ ޕްރޮޖެކްޓްތަކަށް މިފައިސާ ބޭނުން ކުރާނެ ކަމަށެވެ. އޭގެ ތެރޭގައި ސިއްހީ ދާއިރާ އާއި ޕަބްލިކް ސެކްޓާ އިންފްރާސްޓްރަކްޗާ އާއި އުމްރާނީ ތަރައްގީ އާއި ޓޫރިޒަމާއި މަސްވެރިކަމާއި ދަނޑުވެރިކަމަށް ވެސް ހޭދަކުރާނެ އެވެ.

ދައުލަތަށް ބޭނުންވާ ފައިސާ ފޯރުކޮށްދޭން ޝައުގުވެރިވާ ފަރާތްތަކުން ރިކުއެސްޓް ފޯ ޕްރޮޕޯސަލް (އާރްއެފްޕީ) ހުށަހެޅުމަށް މިނިސްޓްރީން ވަނީ އެދިފަ އެވެ. އެކަމަށް ޝައުގުވެރިވާ ކުންފުނިތަކުން ކުންފުނީގެ ޕްރޮފައިލާއި ވޭތުވެދިޔަ ފަސް އަހަރުގެ މާލީ ހިސާބުތަކާއި އެ ފައިސާ ފޯރުކޮށްދެވޭނެ ވަގުތާއި ޓާމްސް އެންޑް ކޮންޑިޝަންތައް ހުށަހެޅުމަށް ފިނޭންސް މިނިސްޓްރީން ބުނެފައިވެ އެވެ.

ފިނޭންސް މިނިސްޓްރީ ސަރުކާރު ލޯނު ސުކޫކް ޑރ. މުހައްމަދު ޝަފީގް (ފިނޭންސް މިނިސްޓަރު)

35 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަދުލު

12 January 2024

އިސްރާފުބޮޑުކޮށް ބޭނުން ނުވާވަރަށް ޑެޕިއުޓީ މިނިސްޓަރޫންނާ ސްޓޭޓް މިނިސްޓރުން ލައިގެން ދައުލަތް ބަނގުރޫޓުކުރަނީ. ވަޒީރަށް ލަފާދޭންވެސް ވަޒީރު ފެންވަރުގެ މުސާރާގަ އެތައް ބައެއް. މީތޯއިޚްލާސްތެރި ގޮތުގަ ދައުލަތް ހިންގުމަކީ. ނުވަތަ މީ ދައުލަތް ފެލާލާ ގާތްކުދިންކޮޅަށް ޖީބުތައްފުރާލަ ދިނުން ނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސް ގޮހޮރު

12 January 2024

ރާއްޖެ ދަރާވިކުނީ މިއަދަކު ދެންމެއަކު ނޫން! އަދި ކުއްލިއަކަށް ބަޑަށްޖެހިގެން ހައްލެއް ވެސް ނުކުރެވޭނެ. އެކަމަކު ސުވާލަކީ ސީރިއަސްކޮށް ރަނގަޅު މިސްރާބަށް ހޭ ދެންވެސް މިދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުޅުބެ

12 January 2024

ކޮބާ ހީވޭ . އަދިވެސް ހުޅުމާލެ އިން ބިން ހިލޭ ބަހާ . ބިން ހިލޭ ނުލިބިގެން ހޭބޯ ނާރާއިގެން އުޅުނު މާލެ މީހުން އަތުން ހޯދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

12 January 2024

އަހުރެންގެ ގޭ ފޯނަށް ގުޅާލާ އިނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބަހޭސާބަހޭ

11 January 2024

ލިބޭވަރަކުން ފުއްދައިގެން އުޅެންވެއްޖެނު. މިހާރުވެސް ދަރަނި އިންތިހާއަށް ބޮޑުވެގެން ދާއިރުވެސް މިފެންނަނީ ފްލެޓްތަކުގެ ކުލި ކުޑަކުރުމާއި، އާސަންދައިން އިތުރު ކަންކަމަށް ހޭދަކުރުމާއި، ޖޫރިމަނާތައް މާފުކުރުމާއި، އަގުބޮޑެތި ބިންތައް ހިލޭ ދިނުމާއި، މިނޫނަސް ދައުލަތަށް ލިބެންއޮންނަ އެތައް ފައިސާއެއް ދޫކޮށްލައި އަދި ރައްޔިތުންނަށް އެތައް ކަމެއް ހިލޭ ކޮށްދޭތަން. މިކަންކަން ހުއްޓާލަން ވެއްޖެނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސްހަބޭސް

12 January 2024

ކަންއޮތީ ތިޔަހެނެވެ. އެކަމަކު ރައްޔިތުންގެރޭގައި ގިނައީ ނުވިސްނާމީހުނެވެ. ވެރިކަމަށްއައުމަށް ނެތްވަރުދައްކަން އެބަޖެހެއެވެ. ރައްޔިތުންހައްލުވަން ވާންނުވާވަރުގެ ވަޢުދުތަކެއް ވާންއެބަޖެހެއެވެ. ކޮންމެރަށަކަށް ވަޔާއި ކަނޑުމަގުން ބައިނަލްއަޤުވާމީ ދަތުރުފަތުރުކޮށް މުދާއުފުލޭގޮތްހެދުމަކީ ރައްޔިތުންދެކޭ ހުވަފެނެކެވެ. ރަށްތައް ތަރައްގީކުރާއިރު އެއާއިއެއްވަރަށް މާލެސަރަޙައްދުވެސް ތަރައްގީ އެބަކުރުވައެވެ. ދެކޮޅުޖެހޭނެ އެއްގޮތެއްނެތި ދަރަނީގެ އޮއިވަރުޖެހިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާޖި

11 January 2024

ރައީސް އޮފީހުގައި 20 މިނިސްޓަރުން ކޮންމެ މިނިސްޓްރީއެއްގައި 10 ނާއިބުން، 5 އެސްޕީޑީ، މުސާރަދޭން ރައްތޔިތުން ނަމުގައި ލޯނު، މޮޅު ރާއީސްއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

11 January 2024

ނާށިގަނޑު ހިފައިގެން ސަލާންޖަހާ ހިސާބައް މުއިޒްގެ ސަރުކާރު ދިޔައީތަ؟ ދިވެހިން ބޯން އުޅުނު ބޮޑި ބޮވިފަ މިވަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނި ހަސަނާ ޖެހުނު މީދާ

11 January 2024

މިއީ އަލަށް ކުރާކަމެއް ނޫން. ބޭރުގެ އެކި ފަރާތްތަކުން ޕްރައިވެޓްކޮށް ކޮންމެ އަހަރަކު ނަގާ. މިފަހަރު ތަފާތަކީ އާންމުކޮށް އިއުލާން ކޮށްގެން ބޭނުން ފަރާތްތަކަށް ހުށަހެޅުމުގެ ފުރުސަތު ހުޅުވާލީ. އޭރުން އެންމެ ރަގަޅު ރޭޓެއް ދެނެގަނެވި އަގުހެޔޮކޮށް ނަގަން ފުރުސަތު ލިބެގެންދާނެ. 49 ބިލިއަންގެ ބަޖެޓެއް ފާސްކޮށް 8 ބިލިއަންގެ ބަޖެޓް ޑެފިސިޓް އޭ ބުނީމަ އެފައިސާ ހޯދަނީ ކިހިނެއް ކަމަށް ދިވެހިން ހީކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނި ހަސަނު

12 January 2024

މީދަލެއްކަމަކު ތިބުނީ ވާ ތެދެއް. ކޮންމެ އަހަރަކު ބޮޑު ޑެފިސިޓެއް ފޫބެއްދީ ކީއްކޮށްގެންތަ؟ ޑެފިސިޓް ޒީރޯއާ ކައިރިއަށް ހިފަން ވެއްޖެ. ސަލާންޖެހުނުގެ އަޅުވެތިކަމުން އަރާގަންނަން ހަނގުރާމަ ކުރަންވީ އަވައްޓެރިންނަކާ ނޫން. އެއީ އެތެރޭގެ ހަނގުރާމައެއް!