އާބަންކޯގެ ލޯގޯ ނަގައި އަލުން އެޗްޑީސީގެ ލޯގޯ ހަރުކޮށްފައި. -- ފޮޓޯ: އެޗްޑީސީ
18 ޖެނުއަރީ 2024 - 10:24
25 comments
ކުރީގެ ސަރުކާރުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ރިބްރޭންޑްކޮށް، އެ ކުންފުންޏަށް ކިޔަން ފެށި "އާބަންކޯ" ގެ ބަދަލުގައި ކުރިއެކޭ އެއްގޮތަށް އެޗްޑީސީ ކިޔަން ރަސްމީކޮށް ފަށައިފި އެވެ.
އެޗްޑީސީގެ އޮފީސް އިމާރާތުގައި ޖަހާފައި ހުރި އާބަންކޯގެ ލޯގޯ ނަގައި، އަލުން އެ ތަނުގައި އެޗްޑީސީގެ ލޯގޯ ވަނީ ރޭ ހަރުކޮށްފަ އެވެ. އަދި މިއަދު ހެނދުނު އެ ލޯގޯ އިފްތިތާހުކޮށް ރަސްމީކޮށް އެޗްޑީސީ އަލުން ވަނީ ބޭނުންކުރަން ފަށައިފަ އެވެ.
އެޗްޑީސީގެ ވެރިއަކު ވިދާޅުވި ގޮތުގައި އާބަންކޯ ކިޔަމުން އައި ނަމަވެސް ރަސްމީ ހުރިހާ ޑޮކިއުމަންޓްތަކުގައި ބޭނުންކުރަނީ އެޗްޑީސީ އެވެ.
"އެޗްޑީސީގެ ނަމެއް ބަދަލެއް ނުވޭ. ގާނޫނީ ގޮތުން ބޭނުންކުރަނީ އެޗްޑީސީ. އެހެންވެ، ދެ ނަމެއް ބޭނުންކުރުމުން ޕަބްލިކަށް ވަރަށް ބޮޑަށް އޮޅުން އަރާތީ އާބަންކޯ ކިޔުން މި ހުއްޓާލީ،" އޭނާ ވިދާޅުވި އެވެ.
މީގެކުރިން ރައީސް ޑރ. މުހައްމަދު މުއިއްޒު ހުޅުމާލޭގައި ބޭއްވެވި ކެމްޕެއިން ބައްދަލުވުމެއްގައި ވިދާޅުވި ގޮތުގައި އެޗްޑީސީގެ ނަން އާބަންކޯ އަށް ބަދަލުކޮށްފައި އޮތީ ނަމެއްގަ އެވެ. ރައީސް ވިދާޅުވި ގޮތުގައި ގާނޫނީ ގޮތުން އަދިވެސް އެއީ އެޗްޑީސީ އެވެ. އަދި އާބަންކޯ ކިޔަން ގާނޫނީ ގޮތުން ކުރަން ޖެހޭ އެއްވެސް ކަމެއް ކުރީގެ ސަރުކާރުން ކޮށްފައި ނެތް ކަަމަށް ވެސް ވިދާޅުވި އެވެ.
"އާބަންކޯ" އިން "އެޗްޑީސީ" އަށް ބަދަލުކުރުމަށް މިއަދު ހެނދު ބޭއްވި އިވެންޓްގައި ކުންފުނީގެ ވެރިންނާއި ބޯޑު މެންބަރުންނާއި މުވައްޒަފުން ބައިވެރިވަނީ. -- ފޮޓޯ: އެޗްޑީސީ
"ބޮޑަށް ހީވަނީ ކޮންމެވެސް ފަރާތަކަށް ކޮންމެވެސް ބޮޑު ފައިސާގަނޑެއް ދިނުމަށް ބްރޭންޑިން މަސައްކަތެއް ކޮށްލާފައި އޮތީ ކަމަށް. ގާނޫނީ އެއްވެސް ކަމެއް ނެތް ކޮށްފައެއް،" ރައީސް އެ ދުވަހު ވިދާޅުވި އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރު އެޗްޑީސީގެ ނަން އާބަންކޯ އަށް ބަދަލުކޮށް އެކަން އިއުލާންކުރީ އެ ކުންފުންޏަށް 22 އަހަރު ފުރުން ފާހަގަ ކުރުމަށް މިދިޔަ އަހަރުގެ އޭޕްރީލް 1 ވަނަ ދުވަހުގެ ރޭ ބޭއްވި ހަފުލާއެއްގަ އެވެ. އެއާ އެކު، ހުޅުމާލޭގައި ހުންނަ އެ ކުންފުނީގެ އިމާރާތުގެ ލޯގޯ ވެސް އާބަންކޯ އާ ގުޅޭ ގޮތަށް ބަދަލުކުރި އެވެ. އަދި ކުންފުނީގެ މުވައްޒަފުންގެ ރަސްމީ ހެދުމުގައި ވެސް ބޭނުންކުރަމުން އައީ އާބަންކޯގެ ލޯގޯ އެވެ.
އޭރު ބުނެފައިވަނީ އާބަންކޯ އަށް ރީބްރޭންޑް ކުރުން ވެގެން ދާނީ މިހާރު ކުންފުނިން ދޭ ހިދުމަތްތައް ފުޅާ ކުރުމަށް ކުރެވޭ މުހިންމު މަސައްކަތަކަށް ކަމަށެވެ. އަދި ބްރޭންޑް ތަރައްގީކުރީ ރައްޔިތުން ދެކޭ ހުވަފެންތައް ހަގީގަތަކަށް ހަދައި ދޭނެ ބައިވެރިއަކީ އާބަންކޯ ކަމަށް ބަލައިގެން ކަމަށް ބުންޏެވެ.
އެޗްޑީސީ އަކީ މާލެ ރައްޔިތުންނަށް ދިމާވެފައިވާ ބޯހިޔާވެހިކަމުގެ މައްސަލަ ހައްލު ކުރުމަށް ރައީސް އޮފީހުގެ ވަކި ޔުނިޓެއްގެ ގޮތުގައި 2001 ވަނަ އަހަރު އުފެއްދި ތަނެކެވެ. އޭގެ ފަހުން ހުޅުމާލޭ ޑިވެލޮޕްމަންޓް ކޯޕަރޭޝަނުގެ ނަމުގައި ވަކި ކުންފުންޏަކަށް ބަދަލުކުރި އެވެ. ހުޅުމާލެ ޕްލޭންކޮށް، ތަރައްގީކުރީ އެ ކުންފުނިންނެވެ. ފަހުން ހައުސިން ޑިވެޕްލޮޕްމަންޓް ކޯޕަރޭޝަން އަށް ބަދަލުކުރީ އެވެ. މިހާރު ތިލަފުށި، ގުޅީފަޅު އަދި ކުޑަގިރި ވެސް ހިންގަނީ އެ ކުންފުނީގެ ދަށުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާފްލެޓް
18 January 2024
މި ސަރުކާރުން ފްލެޓްތައް އަޅަން ފަށަނީ ކޮން އިރަކު ތޯ ؟ 5 އަހަރު ނިމޭއިރު ބޯހިޔާވަހިކަން ނުލިބޭ މީހަކު ނުހުންނާނެޔޭ ވަޢުދު ވެފައި ވަނީ. 5 އަހަރު ނިމުމުގެ ކުރިން ތަނަށް ވަދެވެން ޖެހޭނެ. އިންތިހާބު ކައިރިވީމަ ބިންގާ އަޅާފައި ލިސްޓެއް ނެރެލަން ވިސްނުން ނުބަހައްޓާތި ނަމަނަމަ. އިބޫ ސޯލިހު ފްލެޓް ދޭނެކަމަށް ލިސްޓްކުރި 13000 މީހުންނަށް ވެސް ފްލެޓް ދޭނަމޭ ވަޢުދުވެފައި މުޢިއްޒު ވަނީ. މިކަން އަވަސް ކުރޭ.
ކުލި
18 January 2024
އުންމީދަކީ ރައީސްގެ ވައުދާއެއްގޮތަށް އެޗް.ޑީ.ސީ.އިން އަވަހަށް Vinares ކުލި ކުޑަކޮށްދެއްވުން
ޕަކް
18 January 2024
ތަންކޮޅެއް ބުރޯޑްކޮށް ވިސްނަން ދަސްކުރަން އެބަޖެހޭ. އޭނާ ކުރީމާ މީނާއަށް ކަމުނުދާ ކޮންމެކަމެއް ފޮޑިއެއް ޖަހާލާހާ ފަސޭހައިން ބަދަލުކުރީމަ ކަމަކުނުދާނެ. އެޗްޑީސީއަކީ މިހާރު ހަމައެކަނި ހުޅުމާލެ އެއްނޫން. އެއީވިޔަފާރި ބުރެންޑެއް މިހާރު. ވިޔަފާރި އިސްތިހާރު ކުރަން ފަސޭހަވަނީ ބުރޭންޑް ނަމެއްގަ. މިސާލަކަށް އާބަންކޯ. އެޗްޑީސީގެދަށުން ހުޅުމާލެކޮޅުގަ އާބަންއައިލް ނަމުގަ ރިސޯޓެއް ހަދާ ޕިކްނިކްއައިލެންޑް ހިންގާ ރަސްމާލެ ހަދާ މިވިއްކަން ބުރޭންޑެއް ބޭނުންވާނެ
ޗަކް
18 January 2024
އިބޫ ކުރި ކަމެއްވީމަ. އިތުރު އުނދަގުލެއް އައިކީ ނޫން. މާލެ ސަރަހައްދަކީ މިހާރު ވިޔަފާރި ބުރޭންޑެއް. ރައްޔިތުންގެ ބޯހިޔާވަހިކަމޭ ކިޔާފަ ހިންގާ ރިއަލްސްޓޭޓް ވިޔަފާރިއެއް. ވިޔަފާރި އިސްތިހާރު ކުރަން ފަސޭހަވާނީ ބުރޭންޑް ނަމެއްގަ. އެގޮތަށް ވިސްނައިގެން އާބަންކޯ ބޭނުންކުރުން ރަގަޅު ގޮތެއް ހަމަ. މޯލްޑިވިއަން ބޯޓްތަކުގަ އައިލެންޑް އޭވިއޭޝަން ޖަހަންވީނު އަނެއްކާ.
ބަލްސް
18 January 2024
އަސްލުވެސް ނޭގެ ކީއްވެ ކުރި ކަމެއްބާ ދޯ.
ފިޔަލުގެ ތޮށި.
18 January 2024
ރ ޑރ ރ މުއީއްޒުގެ މަގްނަމް އޯޕަސް ނުވަތަ މާސްޓަރ ޕީސް މި ދައްކާލީ... ދެން މިޔައްވުރެން މި ސަރުކާރު ޕީކުވާނެ ހެނެ ހިޔެއްނުވޭ . ސޯ ޕުރައުޑް އޮފް ޔޫ ގާޔީސް. :)
ފަވަލު
18 January 2024
ކޮބާހޭ ފުލެޓްތައް. ދޮގުހަދާ ސަރުކާރާ
ޒާހިރު
18 January 2024
މިހާރު މުއަށްޒަފުންނަށް އަންގައިފި އާަބަންކޯ ޖެހި ޓީސާޓް ނުލަށް. ކިހާ ބޮނޑް އިސްރާަފެއްތޯ މިސަރުކާަރުން މި ކުރަނި
އިދިކީލަ
18 January 2024
ނަންބޯޑު ބަދަލުކުރެވިދާނެ ކިތަންމެ ވަރަކަށްވެސް. އެތައްސަތޭކަ މުވައްޒަފުން އެބަތިބި. އެކަމަކު މަސައްކަތް ދަނީ ފިނިހަކަ ދުވެލީގަ! ހިޔާފުލެޓު ތަކުގަ ދިމާވެގެން ހުށަހެޅިފަހުރި މައްސަލަތަށް ފުނިޖެހިފަ. 2 މަސް ދުވަސް ވެގެންދާއިރުވެސް ކަހާތަން ހިރުވާވެސްނުލާ! ބައެއް ފުލެޓުތަކުގަ ސީލިންގުން ނަޖިސްފެން ފައިބާތީ ފާހާނާ ބޭނުނުން ނުކުރެވިފަ އެތަކެއް މަސްްދުވަސްވެފަ އެބަހުރި. މުސާރަ ބަރާބަރަށް ލިބޭދޯ؟
ކަރީނާ
18 January 2024
ހިޔާ ފުލެޓު މަޝްރޫއު ގެ ބާނި ވެރި ކަމުގަ
ހޯރަބޭ
18 January 2024
މި ސަރުކާރުގެ ބޮޑު މަޝްރޫއެއް ނިމިއްޖެ! އަރބަންކޯގެ ނަން HDC އަށް ބަދަލުކޮއްފި. މުޅިންވެސް މި ސަރުކާރުން ކުރާ ކަމަކީ ރައީސް އިބޫ ކުރިކަންކަމުގެ ރިބަން ކެޑުމާއި ކުރިޔަށްދާ ކަންތައް ހުއްޓުވުމާއި ނިންމާފައި ހުންނަ ކަންކަން އަލުންބަލުން ކުރުމެވެ. މަޖިލިސް އިންތިޚާބުންވެސް ބޮޑުކޮށް ބަލިވާނެ!
އޮޅުންސުވާލި
18 January 2024
ބުރިޖުގެ ރިބަންކެނޑިވާހަކަތަ..؟