ބާ ޖަމާލުއްދީން ހުރި ބިމުގައި އަންޑާގްރައުންޑް ޕާކިން އަކާއި ޕާކެއް

ބައު ޖަމާލުއްދީންގެ ބިމުން ބައެއްގައި އަންޑަގްރައުންޑް ޕާކިން ފެސިލިޓީ އަކާއި ހިތްފަސޭހަ މައިޒާނެއް ހެދުމުގެ ޕްލޭން އާންމުކުރުމުގެ ރަސްމިއްޔާތު.-- ފޮޓޯ: މާލެ ސިޓީ ކައުންސިލް

ފާތިމަތު އަޖްފާން، މިހާރު

25 ފެބުރުއަރީ 2024 - 13:22

30 comments

ބާ ޖަމާލުއްދީން ހުރި ބިމުގައި ހަދަން ނިންމާފައި ވަނީ އަންޑާގްރައުންޑް ޕާކިން ޒޯނަކާއި ހިތްފަސޭހަ ކޮށްލުމަށް ޕާކެއް ކަމަށް މާލޭގެ މޭޔަރު އާދަމް އާޒިމް ވިދާޅުވެއްޖެ އެވެ.

އެ ބިމުގައި ޖަމާލުއްދީން ސްކޫލު ހިންގުމަށް ފަހު، ފަހުން ބޭނުން ކުރަމުން އައީ އިލެކްޝަން ކޮމިޝަން (އީސީ)ގެ އިންތިހާބީ މަރުކަޒެއްގެ ގޮތުގަ އެވެ. އެ ފަހުން މިދިޔަ ސަރުކާރުގައި އެ ބިމުން އެއްބައި ދިނީ އަރަބިއްޔާ ސްކޫލުގެ އާ އިމާރާތް އެޅުމަށެވެ. އަނެބައި ދިނީ ޖަމާލުއްދީން ސްކޫލުގެ ޖާގަ އިތުރު ކުރުމަށެވެ.

ނަމަވެސް މި ސަރުކާރު އައިސް އަރަބިއްޔާގެ އާ އިމާރާތް އެޅުމަށް ދޫކުރި ބިން ނަގައި، ކުރީގެ ކުނިކޮށި ހުރި ބިންކަމުގައިވާ 381 ނަންބަރު ކޮށިގައި އެ އިމާރާތް އެޅުމަށް ބަދަލު ކުރި އެވެ.

ބާ ޖަމާލުއްދީންގެ ބިމުން ބައެއްގައި އަންޑަގްރައުންޑް ޕާކިން ފެސިލިޓީ އަކާއި ހިތްފަސޭހަ މައިޒާނެއް ހެދުމުގެ ޕްލޭން އާންމުކުރުމުގެ ރަސްމިއްޔާތުަގައި މާލޭގެ މޭޔަރު އާދަމް އާޒިމް އާއި ހައުސިން މިނިސްޓަރު ޑރ. އަލީ ހައިދަރު އަދި މިނިސްޓްރީ އާއި ކައުންސިލްގެ އިސް ވެރިން ބައިވެރިވެ ވަޑައިގަންނަވަނީ.-- ފޮޓޯ: މާލެ ސިޓީ ކައުންސިލް

އާޒިމް "މިހާރު" އަށް ވިދާޅުވީ އެ ބިމުގައި އަޅަން ނިންމާފައި ވަނީ އަންޑާ ގްރައުންޑް ޕާކިން އަކާއި ޕާކެއް ކަމަށެވެ. އޭނާ ވިދާޅުވީ އެ ތަން ހެދުމުގެ މަސައްކަތް ކުރަނީ ހައުސިން މިނިސްޓްރީއާ ގުޅިގެން ކަމަށެވެ.

ކައުންސިލުން ވަނީ އެ ތަން ހަދާނެ ގޮތުގެ ޕްލޭން ވެސް މިދިޔަ ބުރާސްފަތި ދުވަހުގެ ރޭ އާންމު ކޮށްފަ އެވެ.

"އެ ތަނުގައި އޮންނަނީ އަންޑާ ގްރައުންޑް ޕާކިން އަކާއި ގާޑެންއެއް ގޮތަށް އެ ހިސާބުގެ ރައްޔިތުން ބޭނުންކުރާނެ، ހިތްފަސޭހަ ކޮށްލަން ނުކުމެލައި، ތިބެލައި ހިނގާލާށާ ކަންކަން ކުރާނެ ޕާކެއް،" މޭޔަރު ވިދާޅުވި އެވެ.

މާލެއަށް ދިމާވެފައިވާ ޕާކިންގެ މައްސަލައަށް ހައްލެއް ހޯދަން ޕާކިން ބިލްޑިންގު އެޅުމަށް ވެސް ސިޓީ ކައުންސިލުން ވަނީ ނިންމައިފަ އެވެ.

ގަވާއިދާ ހިލާފަށް ޕާކުކޮށްފައި ހުރި ވެހިކަލްތަކާއި ގިނަ ދުވަސްވެގެން ހަލާކުވެ، ނައްތާލަން ޖެހޭ ގޮތަށް މާލޭ މަގުތަކުގައި ހުރި އުޅަނދުތައް ނެގުމުގެ މަސައްކަތް ވެސް ކައުންސިލާ ގުޅިގެން ޓްރާންސްޕޯޓް މިނިސްޓްރީން ވަނީ ފަށައިފަ އެވެ.

މާލޭގެ ޕާކިން ޖާގަ ތަނަވަސްކޮށްދިނުމަކީ ރައީސް، ޑރ. މުހައްމަދު މުއިއްޒުގެ ވެރިކަމުގެ ވައުދުތަކުގެ ތެރޭގައި ހިމަނާފައިވާ ކަމެކެވެ.

މާލެ ސިޓީ ކައުންސިލް ޕާކިން އިމާރާތް ޕާކިން އާދަމް އާޒިމް (މާލޭގެ މޭޔަރު)

30 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަންގާޅީންނަށް ހަދައިދެވޭ ތަންތަން

26 February 2024

ޚާއްޞަކޮށް މާލޭގައި ޕާރކު ތަކާއި ބެންޗް ތަކާއި ޖޯލި ތަކަކީ ބަންގާޅީންނަށް ޚާއްޞަ ތަންތަނެވެ. ދިވެއްސަކަށް ޖާގައެއް ލިބޭނީ ވަރަށް ހަނިގޮތަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެޓުތަ

26 February 2024

އުޅޭ ބަޔަކުދޯ އޭތި ބޭނުން ކުރާނީ. ދެންވީ ޓިކެޓު ނަގައިގެން އެތަނަށް ވައްދަން މީހަކު މުސާރަ ދީފަ ބަހައްޓަންތަ؟! ދިވެހިން މުރާލިނަމަ އެހެން ބަޔަކު މިތަނަށްގެނެސް ތޮއްޖެއްސުމުގެ ބޭނުމެއްނެތް. އަދި ސަރުކާރުތަކުން އިޚްލާސްތެރިނަމަ ނުގަވައިދުން މިތާނގަ ނުތިބޭނެ. ބޯޅަ އޮތީ ހަމަ އަހަރުމެން ކޮޅުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލިމާނީކް

26 February 2024

ތި ފޯޓޯއިން ފެންނަހާ ހިތް ފަސެހަ ހިސާބެއް ނޫން ތިއީކީ. ބޭރު މީހުން ގިނަ ޕާޓޭން ގިނަ ސަރަހައްދެއް ތިޔައީ. ތި ތަން ބޭނުންކޮއް ތިތާ ރަސްކަން ކުރާނީ އެމީހުން