ހިތަދޫ ޓޫރިޒަމް ޒޯން ތަރައްގީ ކުރަން އިންވެސްޓަރުންނަށް ހުޅުވާލައިފި

އައްޑޫ ނޭޗާ ޕާކް

13 މާޗް 2024 - 09:29

އައްޑޫ ހިތަދޫގެ އީދިގަލި ޓޫރިޒަމް ޒޯނުގައި ޓޫރިޒަމްގެ ވަސީލަތްތައް ތަރައްގީ ކުރަން އައްޑޫ ސިޓީ ކައުންސިލުން ހުޅުވާލައިފި އެވެ.

އެ ކައުންސިލުން ކުރި އިއުލާނެއްގައި ބުނީ، އީދިގަލި ޓޫރިޒަމް ޒޯނުގެ ގާތްގަނޑަކަށް 21،000 އަކަ މީޓަރުގެ ސަރަހައްދެއް ކަނޑައަޅައި، އެ ސަރަހައްދުގައި ޓޫރިޒަމް ވަސީލަތްތައް ތަރައްގީ ކުރުމަށް ރާއްޖެ އާއި ރާއްޖޭން ބޭރުގެ އިންވެސްޓަރުންނަށް ހުޅުވާލާފައިވާ ކަމަށެވެ.

މި ސަރަހައްދު ކުއްޔަށް ދޫކުރެވޭނީ 50 އަހަރުގެ މުއްދަތަށް ކަމަށާއި އެ ތަނުގައި ތަރައްގީ ކުރެވޭނެ އިންވެސްޓްމަންޓުތަކުގެ ތެރޭގައި ސިޓީ ހޮޓަލާއި ގުޅުން ހުރި ޓޫރިޒަމް ވަސީލަތްތައް ހިމެނޭ ކަމަށް އިއުލާނުގައި ބުންޏެވެ.

އެ މަޝްރޫއަށް ޝައުގުވެރިވާ ފަރާތްތަކުން ބިޑް ގަތުމުގެ ފުރުސަތު ވަނީ މިއަދުން ފެށިގެން މި މަހުގެ 21 ވަނަ ދުވަހުގެ މެންދުރު 12:30 އާ ހަމައަށް ހުޅުވާލައިފަ އެވެ.

ބިޑް ބަލައިގަންނާނީ އަންނަ މަހުގެ 15 ވަނަ ދުވަހުގެ ހެނދުނު 10:00 ގައި އައްޑޫ ސިޓީ ކައުންސިލްގެ އިދާރާ އަށެވެ.

އައްޑޫގެ ޓޫރިޒަމް ތަރައްގީ ކުރުމަށް ހާއްސަކޮށް "އައްޑޫ އައްސޭރި ޓޫރިޒަމް ޑިވެލޮޕްމެންޓް ޕްލޭން" ޓޫރިޒަމް މިނިސްޓްރީން ވަނީ މިދިޔަ މަހުގެ ތެރޭގައި ތައާރަފްކޮށްފަ އެވެ.

އެ ޕްލޭންގެ ދަށުން މި ސަރުކާރުން ރިޔާސީ އިންތިހާބުގައި ވެފައިވާ ވައުދާ އެއްގޮތަށް އައްޑޫގައި 6،000 އެނދު ތަރައްގީ ކުރާނެ އެވެ. އެއާ އެކު 10،000 ވަޒީފާގެ ފުރުސަތު އުފެދޭނެ ކަމަށް ވެސް ޕްލޭންގައި ލަފާކޮށްފައިވެ އެވެ.

އައްޑޫގައި ކުރިން ހިންގަމުން އައި އެކަމަކު، މިހާރު އޮޕަރޭޝަން ހުއްޓިފައި އޮތް ޝަންގްރިލާ ވިލިނގިލި ރިސޯޓު އަލުން ހިދުމަތް ދޭން ފެށުމަށް ވަނީ ނިންމައިފަ އެވެ.

ޓޫރިޒަމް ތަރައްގީ ކުރުމުގެ އެ ޕްލޭންގައި އައްޑޫގައި ކަލްޗަރަލް ވިލޭޖެއް ހެދުމާއި ވެލްނެސް ޒޯނާއި މެރިން ޕްރޮޓެކްޓެޑް އޭރިއާތައް ފާހަގަކޮށް އެފަދަ ސަރަހައްދުތަކުން ޓޫރިޒަމްގެ ނަފާ ހޯދޭނެ ގޮތްތައް ކިޔައިދީފައިވެ އެވެ. އައްޑޫގައި ހޮސްޕިޓާލިޓީ ސްކޫލެއް ހެދުމަށް ވެސް ވަނީ ޕްލޭން ކޮށްފަ އެވެ.

އައްޑޫ އައްޑޫ ސިޓީ ކައުންސިލް ޓޫރިޒަމް

10 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޭޑިގެ

15 March 2024

ހިތަދޫ އާރް އޭ އޭފް ނުވަތަ އާރޭފު ސަރަހައްދު ތަރައްގީ ކުރަން ނޫޅޭ ސަރުކާރެއް ނުދެކެން. މައުމޫނު 3 ފަހަރު ބިޑްކޮށް ހަވާލު ކުރެއްވި، ނަޝީދު ހަވާލު ކުރެއްވި، ވަހީދު އެތަނުން އެއްބައި ޕޮލިސް އެކަޑަމީއަށް ހާއްސަކޮށް 1މިލިއަން އަކަފޫޓު ފުލުހަށް ހިބަކޮށްދެއްވި. ޔާމީން ތަރައްގީ ޕްލޭން އިއުލާންކުރަްވާ ކުރެހުންތައް ހާމަކުރެއްވި. ސާލިހު ޕްލޭން އިއުލާންކުރަްވާ ކުރެހުންތައް ހާމަކުރައްވާ ބަޔަކާ ހަވާލު ކުރެއްވި. މުއިއްޒު އެކުރެއްވީ އިއުލާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 March 2024

ދެކުނުގައި ޓްއަރިޒަމް ތަރައްޤީކުރަން ބޭނުންނަމަ އެންމެ މުހިންމު އަދި ޔަޤީންކަމާއިއެކު ދައުލަތުންކުރާ އިންވެސްޓްމަންޓް އަބުރާލިބޭނެ އަދި ލޯނުނަގައިގެން އެކަންކުރިކަމަށްވިޔަސް ދައުލަތަށް އެއްވެސް ބުރައަކަށްނުވާނެގޮތަކަށް ކުރެވެންއޮތްކަމަކީ އައްޑޫ އެއަރޕޯޓްގައި 4 ތަރީގެ އެއަރޕޯޓް ޓްރާންސިޓް ހޮޓަލެއް (ބީޗް ކޮޓަރިވެސް ހިމެނޭގޮތަށް 100 ކޮޓަރީގެ) ސިޓީހޮޓަލެއް ތަރައްޤީކޮށް އިންވެސްޓްމަންޓްގެ އަގު އެއްފަހަރާ ދައްކާ ބަޔަކަށް 50 އަހަރަށް ހޮޓާ ވިއްކާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާދީބު

13 March 2024

ކޮންތާކަށް ޓްރާންސިޓް ކުރާ ބައެއްތަ ތިޔަތަނުގައި ތިބޭނީ؟ މިހާރުވެސް ގަމުގައި އިކުއޭޓަރ ވިލެޖްކިޔާ ހޮޓަލެއް ހިންގައެއް ނޫންތަ؟ އެތަންވެސް ގިނަ ފަހަރު ލޯ އޮކިޔުޕެންސީގައި އުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 March 2024

ޗައިނާ އެގްޒިމް ބޭންކް ލޯނުހޯދައި މިދެންނެވި ހޮޓާއަޅަން އައްޑޫ ބްރިޖް އަޅާކުންފުންޏާއި ޙަވާލުކޮށްފިނަމަ ޑރ މުއިއްޒުގެ ސަރުކާރުގައި ކާމިޔާބުކަމާއިއެކު ދެކުނުގައި ޓްއަރިޒަމް ފަށައިގަނެވޭނެ. # މިދެންނެވިހޮޓާ ތަރައްޤީކޮށް ޙަވާލުކުރާނީ އިންފްލައިޓް ކޭޓަރިންގ ސާވިސްގެއިތުރުން އެއަރޕޯޓް ޓާމިނަލް ލައުންޖްތައްވެސް ހިންގުން އެމީހުނާއިޙަވާލުކޮށްގެން ހިންގާގޮތަށް. އޭރުން އައްޑޫ ގޭން އިންޓަރނޭޝަނަލް އެއަރޕޯޓަށް ބޭނުންވާ ވަރަށްމުހިންމު ހިދުމަތެއްވެސް ފެއްޓުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 March 2024

ސުވާދީބު ޢަށް؛ ރާއްޖެއަކީ އެޑުވާންސް ވީސާ ނެތި ދަތުރު ކުރެވޭ ޤައުމެއް. ދުނިޔޭގެ 4 ބައްރެއްގެ މެދުގައި ކަހަލަގޮތަކަށް އީކްއޭޓަރގައި އިޤިރޭސިދައުލަތުން ތަރައްޤީކުރި ގޭން އެއަރޕޯޓް އޮތް ޖިއޮގްރޮފިކަލް އަދި Strategic Location އަށް ބަލާއިރު މިއީ ސައުތު Changi Airport ފަދަ ޕެސެންޖަރުންނާއި ކާގޯ ޓްރާންސިޓް އެވިއޭޝަން ހަބެއްގެ ގޮތުގައި ތަރައްޤީކޮށްފިނަމަ ޓްއަރިޒަމުން މިހާރު ދައުލަތަށްލިބޭ އާމްދަނީއަށްވުރެން ގިނަ ފައިސާ ހޯދަން ފުރުސަތުއޮތްތަނެއް އިގޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުސޮރު

13 March 2024

ޓްރާންސިޓް ކުރަނީ ސައުތުޕޯލަށްކަންނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުވާބީދު

15 March 2024

އިކުއޭޓަރ ވިލެޖްކިޔާ ހޮޓަލެއް އޮޕްރޭޓް ކުރެއޭ؟ އެއީ މާލޭ ބޭކަލުންތަކެއް އެމީހުންގެ ހަންފަތުރާ އައްޑޫއަށް ފަތުރުވެރިކަން ދިޔަނުދޭން އެތަން ހިފަހައްޓާފައޮތް ތަނެއް. ދުވަހަކު އިންވެސްޓް ނުކުރެ. ތަނުން ލިބޭ އެއްޗަކުން ކިރިޔާ ހަރަދުބަލަހައްޓާ މެއިންޓެިން ކުރެވޭވަރުގަ ބައްވަނީ. އެހެން އެކަން ދާއިމު ކުރަން ނަޝީދު ަރުކާރުގައި އެތަން ވަނީ އިތު 50 އަހަރު އިތުރުކޮށްފަ. ކޮލި ވިޔަސް ބޮލި ވިޔަސް މީކަންއޮތްގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 March 2024

އައްޑޫތަރައްޤީއަށް ވަގުތުން ކުރެވެންހުރިކަންކަން ކުރުމުގެބަދަލުގައި މާލޭގައިއުފެދޭ ސަރުކާރުތަކުން މުޅިންވެސްދައްކަނީ މިކަހަލަ ހިޔަންޏަށް މުޑިނަގާޒާތުގެ ވާހަކަ. # ރީތި ބީޗެއްނެތްކަމަށާއި، ދަތުރުފަތުރުގެދަތިކަމާއި، މިކަންނުވާނެކަމަށް ހަދަހަދައިގެން މާލޭސަރުކާރާއި ރިސޯޓްމަހުޖަނުން ވާހަކަދައްކަމުންދަނިކޮށް ބޭރުބަޔަކު އައްޑޫ ވިލިގިލި ތަރައްޤީކޮށް Shangri-La's Addu ގެ ނަމުގައި ޕެންޑަމިކް އާއި ހަމައަށް އެންމެ މަތީދަރަޖައިގެ ރިސޯޓެއް އައްޑޫގައި ހިންގި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރީސް

13 March 2024

އެތަނުންވެސް ފައިދާ ނުވެގެން ދޯ އެންމެފަހުން ހުއްޓާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 March 2024

ގުރީސް އަށް: އެކަންވީ ގޮތަކީ "ސަރުކާރު ދުއްޕާންބޮޑުކަމުން" ޕެންޑަމިކަށް ފަހު ޝަންގްރިލާބޭނުންވީ ކުންފުނީގައިއޮތް ސަރުކާރުގެ %30 ޙިއްސާ ޝަންގްރިލާއަށް ނުވިއްކާނަމަ، އިތުރަށް އިންވެސްޓްކޮށްގެން ރިސޯޓް ނުހިންގާން. # އެމްޑީޕީވެރިކަމުގައި މަންޓާ އެއަރލައިންގެ ވެރިޔާ ސަންޖޭ މަނިކުވެސް ވިލިގިލިގަތުމަށް ސަރުކާރަށް ހުށަހެޅި. އެކަންވެސް ނުކޮށް އެންމެފަހުން ވެރިކަންގެއްލޭނެކަން ޔަޤީންވީމާ އިބްރާހިމް ހޭވިހަޑިއެއް ހާވާފައި މިހާރު ތިއޮތީ އިގޭތޯ.