ބީލަން އުސޫލުން ހުޅުމާލޭގެ ސްމާޓް ޕާކިންގެ 41 ޖާގަ ދޫކުރަން ހުޅުވާލައިފި

ހުޅުމާލޭގެ ސްމާޓް ޕާކިން ޒޯން: ބީލަން އުސޫލުން އެތަނުން 41 ޖާގަ ދޫކުރަން ވަނީ ނިންމައިފައި.-- ފޮޓޯ: އެޗްޑީސީ

އިފްރާޒް އަލީ، މިހާރު

31 މާޗް 2024 - 11:59

ބީލަމުގެ އުސޫލުން އެންމެ މަތީ އަގު ހުށަހަޅާ މީހުންނަށް ލިބޭ ގޮތަށް، ހުޅުމާލޭގެ ސްމާޓް ޕާކިންގެ 41 ޖާގަ ކުއްޔަށް ދޫކުރަން ހުޅުވާލައިފި އެވެ.

އެޗްޑީސީން މިދިޔަ ބުރާސްފަތި ދުވަހު ކުރި އިއުލާނުގައި ބުނީ، ޕާކިން ޖާގަ ބޭނުންވާ މީހުންނަށް ބީލަމުގައި ބައިވެރިވުމުގެ ފުރުސަތު އަންނަ މަހުގެ 24 ގެ ނިޔަލަށް އޮންނާނެ ކަމަށެވެ. ބީލަން ހުޅުވުން އޮންނާނީ ވެސް ހަމަ އެ ދުވަހު ކަމަށް އެ ކުންފުނިން ބުންޏެވެ.

ސްމާޓް ޕާކިން ޒޯން ހުންނަނީ ހުޅުމާލޭގެ ފެރީ ޓާމިނަލް ކައިރީގައި ހުންނަ ފިތުރޯނު ޕާކިން ޒޯނުގަ އެވެ. މިއީ ރާއްޖޭގެ ފުރަތަމަ ސްމާޓް ޕާކިން ޒޯނެވެ. މިދިޔަ އަހަރު ވެސް ބީލަން އުސޫލުން އެތަނުން 23 ޖާގަ ކުއްޔަށް ދީފައިވެ އެވެ.

އެޗްޑީސީން ބުނި ގޮތުގައި، ބީލަން ފެށޭ އަގަކީ 1،500ރ. އެވެ. ބިޑް ސެކިއުރިޓީގެ ގޮތުގައި ވެސް އެ ވަރު ދައްކަން ޖެހެ އެވެ. ތިން އަހަރުގެ މުއްދަތަކަށް ކުއްޔަށް ދޭ އެ ޖާގަތައް ލިބޭނީ ޕޮއިންޓް ދޭ އުސޫލުގައި ކަނޑައަޅާފައިވާ ގޮތަށް އެންމެ މަތިން ޕޮއިންޓް ހޯދާ މީހުންނަށް ކަމަށް އެ ކުންފުނިން ބުންޏެވެ.

މި ޕާކިން ޖާގަތައް ދެނީ ހަމައެކަނި ދިވެހިންނަށެވެ. އަދި ޕާކު ކުރާ ވެހިކަލް ވާން ޖެހޭނީ ބީލަން ހަށަހަޅާ މީހާގެ ނަމުގައި މާލެ ސަރަހައްދުގައި ދުއްވަން ރަޖިސްޓްރީކޮށްފައިވާ އަދި ޓްރާންސްޕޯޓް މިނިސްޓްރީގެ ގަވާއިދާ އެއްގޮތަށް ބޭނުންކުރާ އުޅަނދަކަށެވެ. އަދި އެޗްޑީސީއަށް އެއްވެސް ފައިސާއެއް ދައްކަން ޖެހި ނުދައްކަ ހުރި މީހަކަށް ވެސް ވެގެން ނުވާނެ އެވެ.

ހުޅުމާލޭގެ ސްމާޓް ޕާކިން ޒޯން: ބީލަން އުސޫލުން އެތަނުން 41 ޖާގަ ދޫކުރަން ވަނީ ނިންމައިފައި.-- ފޮޓޯ: އެޗްޑީސީ

ޕާކިން ޖާގަތައް ކުއްޔަށް ނަގާ މީހުން އެތަން ސަބްލީސް ކުރުމާއި ރަޖިސްޓަރީ ކުރާ އުޅަނދު ނޫން އެހެން އުޅަނދުތައް އެ ތަނުގައި ޕާކުކުރުން މަނާ ވާނެ އެވެ. އެ މީހެއްގެ ނަމުގައިވާ އެހެން އުޅަނދެއް ޕާކުކުރަން ބޭނުންވާ ނަމަ، އެކަމުގެ ހުއްދައަށް އެދެން ޖެހޭނެ އެވެ. އެ ޖާގަތަކުގައި އުޅަނދު ރަޖިސްޓަރީ ކުރުމުގެ ހުއްދަ ނުވަތަ ގަރާޖު ސިޓީ ދޫނުކުރެވޭނެ ކަމަށް ވެސް އެޗްޑީސީން ބުންޏެވެ.

ހަމައެކަނި ކާރު ޕާކް ކުރެވޭ ގޮތަށް ހަދާފައިވާ މި ސްމާޓް ޕާކިން ޒޯންގައި ކުރު މުއްދަތަށާއި ދިގު މުއްދަތަށް ޕާކުކުރަން ބޭނުންވާ ޖާގަތަކާއި ނުކުޅެދުންތެރިކަން ހުންނަ މީހުންނަށް ހާއްސަ ޖާގަތައް ވެސް ހުރެ އެވެ. ކުރު މުއްދަތަށް ޕާކް ކުރަން ބޭނުންވާ މީހުންނަށް ހާއްސަ ކޮށްގެން ޕާކިން އެޕްލިކޭޝަނެއް ވެސް ތައްޔާރުކޮށްފައިވެ އެވެ.

ހުޅުމާލެ އެޗްޑީސީ ޕާކިން ޒޯން ޕާކިން

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ!!

01 April 2024

މިހާރު ޕޭމަންޓްމަތީވެސް ޕާކުކުރެވޭއިރު ކީއްކުރަން ޕާކިން ޖާގަ ގަންނަނީ؟!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހާދެރަ ކަމެއް

01 April 2024

މާލޭ ދުވާޓްރެކް ސަރަހައްދު، އެތައްސަތޭކަ ބަޔަކު ބޭނުންކުރާ ތަނެއް، ކުރީގެ މޭޔަރު އެތާ ހުރި ހުރިހާ ޒޯނެއް ވިއްކާފަ ބަނޑުދަމާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވާމިބުނީ

31 March 2024

ބަޔަކު އުޅޭ ހިސާބެއްވެސް ނޫން.. ހިލޭ ގެކައިރި ނުވަތަ ބޭނުން ތަނަކަށް ޕާކަށް ޖެހެން ހޮއްވާ ކިހިނެއް ތިތަނަށް ދެވޭނީ... އަސްލު ކީއްކުރަން ތިތަނަށް މީހަކު ޕާކު ކުރަންވީ؟؟.. ހުޅުމާލެ އެންމެ މަހުޖަނުން ގިނަ އަމީން އެވެނިއުގެ ސީދާ ކުރިމަތީ އަދި ފަހަތުގަ އެބަހުރި މެކޭނިކަލް ޕާކިންއެއްވެސް.. 5 އަހަރުވީ.. ދުވަހަކު މީހަކު ޕާކުކުރި؟؟ ނުކުރާނެ.. ހަންދާން ނައްތާލަ.. ހިލޭކުރެވެން އެބޮތޭ އަދި 10 އަހަރަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރީމާން

31 March 2024

ކޯއްޗެއް ހަދަންތަ ތި އުޅެނީ! އެތާ އަގުނަގާފަ ގަޑިއިރަށަ ޕާކް ކުރެވޭ ގޮތަށް ހެދީމަ ނިމުނީ! އެއީ ދުނިޔޭގަ އެހެން ގައުމުތަކުގަ ހަދާ ގޮތަކީ! ވަކި ބަޔަކަށް ނުއަގުގަ ބަހާލަން ތި އުޅެނީ! އެޕެއް ހަދާފަ ފައިސާ ޓްރާންސްޕާ ކޮށްފަ ޕާކު ކުރަންވީ ކޮންމެ މީހަކުވެސް! އެގޮތަށް ނަހަދަން ތިއުޅެނީޔޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލުވެސްސ

31 March 2024

ކަނޑައެޅިގެން މީހަކު ލާރިދީފަ ޕާކު ނުކުރާނެތަނެއްކަން އެނގިތިބެވެސް ލާރިކާންވެގެން ބަކަޔަށް ދީގެން ބޮޑު އަގުގަ ހައްދަނީ.... އެގޮތަށް 5 ވަރަކަށަ ބުރައް ތިމަސަތްކަށް ބަޔަކު ލައްވާ އެކިގޮށްގޮތަށް އަނބުރާލިމަ ލިބޭނެ 2-3 މިލިޔަން ޖީބަށް ލެވޭވަރު އެތިކޮޅެއް :)

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުއަލޯ

31 March 2024

މަގުމަތީ ކޮންމެތާކު ބޭއްވޭ. ދެން ކީއްކުރަން ކުލިދައްކައިގެން ބާއްވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާކަލޯ

31 March 2024

އަޅުގަނޑުމެން ތެރެއިން އެތަށް ބަޔަކު ގުރުބާންވެ އެތަށްބަޔަކު ދުނިޔެ ދޫކޮށްގެން ގެނައި ބަދަލު އާދެ ވެރިމީހާ އައްޔަންކުރައްވާ ބޮޑުކަތީބު ކުޑަކަތީބު މިއަދު އާގޮތަށް ބަދަލުވެ ކުންފުންޏަކަށް އެންމެ އަގުބޮޑު އެންމެ ބޮޑު ބިން ބަދަލުކޮށް ރާއްޖޭގެ ހުރިހާ އެންމެން އެތަނަކަށް ޖަމާކޮށް ވެރިމީހާ އައްޔަންކުރައްވާ ބޯޑަކާ އެމްޑީއަކު މިހިން ގަނީއެވެ. ދެން ދާނީ ހަމަ އެވެރިން ހަރަދު ކުރާނެ ލާރި އެންމެ ގިނައިން ލިބޭނޭ ގޮތްތަކަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖެއްސު

31 March 2024

މިސަރުކާރަކުން ކުރިކަމެއް ނޯންނާނެ ބާރުތައް ޖަމާކޮއްފަކާއެއް. ޕާކިން އެއީ މިގައުމައް ޖެހިފައޮތް އެންމެ ބޮޑު އުނދަގޫ. އަދި ޒަމާނީ ވަސީލަތްތައް ބޭނުން ކުރެވޭނީ ވެސް ހަރަދެއް ކޮއްގެން ކޮބާތޯ މައްސަލައަކީ ދުނިޔޭގެ އެހެން ގައުމުގައިވެސް އޮންނަ އުސޫލް އެއީ