މިދިޔަ އަންގާރަ ދުވަހުގެ ރޭ ހުޅުމާލޭގެ ފޭސް 2 ގެ ހިޔާ ސަރަހައްދުގައި ބޭއްވި ކެމްޕޭނު ހަފްލާއެއްގައި ރައީސް ޑރ. މުއިއްޒު ސަޕޯޓަރުންނާ ސަލާމް ކުރައްވަނީ: މި އަހަރުގެ ފިތުރު އީދު ދުވަހު ސަލާމް ކުރެއްވުން އޮންނާނީ މުލިއާގޭގައި. --ފޮޓޯ: ފަޔާޒް މޫސާ | މިހާރު
06 އެޕްރީލް 2024 - 12:27
21 comments
މި އަހަރުގެ ފިތުރު އީދު ދުވަހުގެ މުނާސަބަތުގައި ރައީސް ޑރ. މުހައްމަދު މުއިއްޒުގެ ދެކަނބަލުން އީދު ސަލާމް ކުރެއްވުމުން މުލިއާގޭގައި ބާއްވާ ގޮތަށް ހަމަޖައްސައިފި އެވެ.
ރައީސް އޮފީހުން ބުނީ، އީދު ސަލާމް ކުރެއްވުން ބޭއްވުމަށް ހަމަޖެހިފައިވަނީ އީދު ދުވަހުގެ ހެނދުނު 9:30 އިން 10:30 އަށް ރައީސްގެ ރަސްމީ ގެ، މުލީއާގޭގައި ކަމަށެވެ.
އީދު ސަލާމް ކުރެއްވުމުގައި ބައިވެރިވުމަށް ރައްޔިތުންނަށާއި، ދައުލަތުގެ އެކި މަގާމުތަކުގައި ތިއްބެވި ބޭފުޅުންނަށާއި، ބޭރުގެ އިއްޒަތްތެރިންނަށާއި، ކުންފުނިތަކާއި، އަމިއްލަ އެކި ޖަމިއްޔާތަކުގެ މަންދޫބުންނަށް ރައީސްގެ ދެކަނބަލުން ދައުވަތު އަރުވާކަމަށް ރައީސް އޮފީހުން ބުންޏެވެ.
"އަދި އާއިލާތަކާއެކު ވީހާވެސް ގިނަ އަދަދެއްގެ ކުޑަކުދިންނާއި، ވީހާވެސް ގިނަ އަދަދެއްގެ ޒުވާނުން، އީދު ސަލާމުގައި ބައިވެރިވެވަޑައިގެން ދެއްވުމަށްވެސް ރައީސުލްޖުމްހޫރިއްޔާގެ ދެކަނބަލުން ދައުވަތު އަރުވަ އެވެ،" އެ އޮފީހުން ބުންޏެވެ.
ރައީސް އޮފީހުން ބުނީ އީދު ސަލާމް ކުރެއްވުމަށް ވަޑައިގަންނަވާ ބޭފުޅުން މުލީއާގެއަށް ވެދެވަޑައިގަތުމަށް ހަމަޖެހިފައި ވަނީ މެދުޒިޔާރަތް މަގަށް ހުންނަ މުލީއާގޭ ބޮޑު ދޮރޯށިން ކަމަށާއި މުލީއާގެއަށް ވަޑައިގެންނެވޭނީ، ޝަހީދު އަބްދުﷲ ޒުހައިރު ހިނގުމުން މެދުޒިޔާރަތް މަގުން ކަމަށެވެ.
ކަލަންޑަރުގައިވާ ގޮތުން މި އަހަރުގެ ފިތުރު އީދު ވާނީ އަންނަ ބުދަ ދުވަހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާައަކޭ
07 April 2024
ރައީސް މުއިއްޒު ހަމަ ތަފާތީ އޭ
އަހްމަދު ރަފާހް
07 April 2024
ޑރ މުއިއްޒުގެ ވެރިކަމުގައި ހުރިހާ ކަމަކަށް ވެސް މަގު ފަހި ވޭ
އަހްމަދު ރަފާހް
07 April 2024
ކުރީގެ ރައީސުން އައް ވުރެ ހިތް ހެޔޮ ޑރ މުއިއްޒު
އަހްމަދް
06 April 2024
ރައީސް މުއިއްޒު އެއީ ނަަމޫނާ ރައީސް އެއް
އަހްމަދް ރަފާހް
06 April 2024
ރައާސް މުއިއްޒު އެއީ ހިއްހެޔޮ އޯގާތެރި ރައީސް އެއް
ހަމަދު ސަލީމް
06 April 2024
އެއްމެ ފަހުން ރައްޔިތުންނަށްވެސް މުލިޔާގެ އަށް ވަދެވުމުގެ ފުރުސަތު މި ލިބުނީ.
މިއުޝާދު
06 April 2024
އަލަށް ރައީސަކާ ސަލާން ކުރަން މިފަހަރު ދާނަން.
ތިހާމް ހަސަން
06 April 2024
މަ އެއްވެސް ވަރަކަށް ދާން ބޭނުންވާ ތަނެއް ނޫން އީދު ސަލާމަކީ އެކަމަކު މުލިޔާގެ ވީނާ ދާނަން
ރިހުލާ އަލީ
06 April 2024
ދަރިފުޅު ހުރީ މުލިޔާގެ ވީމަ ނިކަން އުފަލުން.
މުހައްމަދު ޝާން އައްބާސް
06 April 2024
ވަރަށް ރަނގަޅު ލޮކޭޝަން އެއް. މަވެސް ދާނަން