ތިލަފުށީ.-- ފޮޓޯ އެޗްޑީސީން
03 މެއި 2024 - 07:57
10 comments
ހަމައެކަނި ދިވެހިންނަށް ހާއްސަކޮށްގެން ތިލަފުށިން ސިނާއީ ބޭނުމަށް ބިން ވިއްކަން ހުޅުވާލައި، މިހާރު ކުއްޔަށް ނަގާފައިވާ ބިންތައް މިލްކުކުރެވޭނެ ފުރުސަތު އެޗްޑީސީން ހުޅުވާލައިފި އެވެ.
އެ ކުންފުނިން ރޭ ކުރި އިއުލާނުގައި ބުނީ ތިލަފުށީގެ 2 ވަނަ ފިޔަވަހިން ބީލަމުގެ އުސޫލުން ވިއްކަން ހަމަޖައްސާފައިވަނީ ދެ ވަނަ ފިޔަވަހީގެ ޒޯން އޭ ގެ އޭރިޔާ ބީ ގައި މިހާތަނަށް ނުވިކި ހުރި 108 ބިމެއް ކަމަށެވެ. އޭގެ ތެރޭގައި ތިން ވައްތަރެއްގެ ބިން ހިމެނެ އެވެ. އެއީ؛
ޓައިޕް 1: 4999-2500 އަކަފޫޓުގެ 64 ބިން
ޓައިޕް 2: 9999-5000 އަކަފޫޓުގެ 42 ބިން
ޓައިޕް 3: 10،000-14،999 އަކަފޫޓުގެ ދެ ބިން
އެ ބިންތައް ވިއްކަން ހަމަޖައްސާފައިވަނީ ދެ މަރުހަލާއަކަށް ބަހާލައިގެން ކަމަށެވެ. ފުރަތަމަ މަރުހަލާ އަކީ އެކްސްޕްރެޝަން އޮފް އިންޓްރެސްޓް (އީއޯއައި) ނުވަތަ ޝައުގުވެރިކަން ހުށަހެޅުން ކަމަށެވެ. ކަނޑައަޅާފައިވާ ބިމަށް އެއް ފަރާތަށް ވުރެ ގިނަ ފަރާތުން އީއޯއައި ހުށަހަޅާފައި ވާނަމަ، ބިޑް ކުރުމަކީ ދެ ވަނަ ގޮތެވެ.
ބީލަން ހުށަހެޅޭ އެންމެ ކުޑަ އަގަކީ 1،700ރ. އެވެ. އެކަމަށް ޝައުގުވެރިވާނަމަ އެޗްޑީސީގެ ބިޑް ޕޯޓަލް (https://bids.hdc.mv) ނުވަތަ [email protected] މެދުވެރިކޮށް ވެސް ފޯމު ހުށަހެޅުމުގެ ފުރުސަތު ވަނީ ހުޅުވާލައިފަ އެވެ.
އޭގެ އިތުރުން ތިލަފުށީގެ ފުރަތަމަ ވަނަ ފިޔަވަހިން މިހާރު ކުއްޔަށް ނަގާފައިވާ ބިންތައް ގަނެ، މިލްކުކުރެވޭނެ ފުރުސަތު ވެސް ވަނީ ހަމަޖައްސައިފަ އެވެ.
އެ އިއުލާނުގައި ވާ ގޮތުން ބިން ގަތުމުގެ ފުރުސަތު ދިނުމަށް ހަމަޖައްސާފައިވަނީ ތިލަފުށީގެ ފުރަތަމަ ފިޔަވަހިން 5،000 އަކަފޫޓު ނުވަތަ އެއަށް ވުރެ ބޮޑެތި ބިން ކުޔަށް ނަގާފައިވާ ފަރާތްތަކަށެވެ. އެކަމަށް ޝައުގުވެރިވާނަނަ [email protected] އަށް އީމެއިލް ކުރުމަށް ވެސް ވަނީ އެދިފަ އެވެ.
އެޗްޑީސީން ބުނީ ކުރިއަށް އޮތްތަނުގައި އިންޓަނޭޝަނަލް ޕޯޓް، ސިނާއީ މަސައްކަތްކުރާ ތިލަފުއްޓަށް ބަދަލުކުރުމުން މުދާ ކްލިއާ ކުރުމާއި ގުދަން ކުރުމަށް އަދި މާލެ އާއި ރަށްރަށަށް މުދާ ސަޕްލައިކުރުމުގައި ވިޔަފާރިތަކަށް ގިނަ ފަސޭހަތަކެއް ލިބިގެންދާނެ ކަމަށެވެ. މިހާރު ހަދަމުން އަންނަ ތިލަ-މާލެ ބްރިޖުން ތިލަފުށި-މާލެ ގުޅުވާލުމުން މުދާ އުފުލުމުގައި ފަސޭހަވެ، ސަޕްލައި ކުރުމަށް ހޭދަވާ ވަގުތު ކުޑަވެގެންދާނެ ކަމަށް ވެސް ބުންޏެވެ.
މީގެއިތުރުން އެ ކުންފުނިން ބުނި ގޮތުގައި، އަބަދުވެސް މަސައްކަތް ކުރަމުން އަންނަނީ ލިބެން ހުރި ވަސީލަތްތައް ބޭނުންހިފޭނެ މަގު ތަނަވަސްކޮށް، ރައްޔިތުންނަށް ފައިދާ އަދި މަންފާތައް ވީހާވެސް އަވަހަކަށް ފޯރުކޮށްދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮނޮޕޮލީ
03 May 2024
ވިޔަފާރިތަކަށް ކުއްޔަށް ދީގެން ދުނިޔެ އުމުރަށްވެސް ސަރުކާރަށް ފައިސާ ލިބެން އޮއްވާ ކީއްވެތޯ ވަންޓައިމް ޕޭމަންޓަކަށް ތި ވިއްކާލަނީ. ޔަޤީނުންވެސް ތި ބިންތައް ގަނެވޭނޭ ރާއްޖޭގެ އެންމެ ބޮޑެތި ވިޔަފާރިތަކަށް އެކަނި. ނަތީޖާއަކަށް ވެގެން ދާނީ މޮނޮޕޮލީ ތަކެއް އުފެދިގެން ދިޔުން. މިހާރުވެސް އޭޑީކޭ ރެޑްވޭވް ތަންތަނުން އަގު ބޮޑުތަނުންް މަތިކޮށްފިއްޔާ ރައްޔިތުންގެ ދުވަސް ދިޔައީ. ސަރުކާރަށް ކުރެވޭނެ ކަމެއް ނޯންނާނެ އޭރުން.
ގުދުގުދާބެއްޔާ
03 May 2024
އެހެންވީމާ އަހަރުމެންގެ ގެދޮރު އަހަރުމެން ބޭނުން އަގަކައް ކުއްޔަށް ނުދެވޭންވީ އެއްވެސް ސަބަބެއްނެތްތާ؟ އަހަރުމެން 4.5 މިލިޔަން ރުފިޔާއަށް ގަނެފައިވާ ފުލެޓް އަހަރުމެން ބޭނުން އަގަކައް ކުއްޔަށް ދެވޭނީ މިހެން މިކަން އޮންނަނަމަ! ފާޑުކިޔަކިޔާ ތިބެންޖެހޭނީ!
ގަމާރުންތޭ
03 May 2024
ރައީސް ޔާންޓޭ ވެރިކަމުގައި މީރާ އަށް އެންމެ ގިނައިން ޓެކްސް ދެއްކި ކުންފުންނެއް އެއީ ކޯސްޓް ލައިން އަކީ މިއަދު އެކުންފުނި އެއޮތީ ބަނގުރޫޓް ވެފައި އެ ޓެކްސް ދެއްކި އަހަރު އެމެންނަށް ހުޅުމާލޭން ނުވަތަ ތިލަފުށިން ބޮޑު ބިމެއްދީ ފެކްޓަރީސް ތަކާއި އަދި އެމެންގެ ވިޔާފާރި ފުޅާ ކުރުމަށްޓަކައި ހުޅުމާލޭ ފަރުކޮޅު ފުށިން ބިން ދިން ނަމަ މިއަދު ވެސް އެމެންނަކީ އެންމެ ގިނައިން ޓެކްސް ދައްކާ މީހުންނަށް ވާނެއޭ މީރާ އަކީ އެއީ އުނގުން ވިސްނާބަގަ ދޯ އެމެންނަކީ
ބީތާއިންނޭ
03 May 2024
މީރާ އަށް ކޮންމެ އަހަރަކު އެންމެ ގިނައިން ޓެކްސް ދައްކާ 100 ކުންފުނި ތަކަކީ އެއީ ހަމަ މާލެ ސަރަހައްދުގައި ވިޔާފާރި ކުރާ ކުންފުނިތަކޭ ބަލަގަ އެސްޓާރސް އިން މީހެއްގެ އަމިއްލަ ގޯއްޗެއް ދިގުމުއްދަތަށް ނަގައިގެން އެމެން އެބިމުގައި 15 ބުރިއަށް އެމެން ވިޔާފާރި ކުރަން އިމާރާތެއް އަޅާއިރު އިކޮނޮމިކް މިނިސްޓަރު ކޮބާތޭ ކިއެއްވެތޭ މިފަދަ ވިޔާފާރިވެރިންނަށް ހުޅުމާލޭން 1 ހެކްޓަރުގެ ބިން ހިލޭ ނުދެވޭންވީ ދެން ތިލަފުށިން ގުދަން ހަދަން ބިން ނުދެނީ ކިއެއްވެތޭ
މަރުމޯލް
03 May 2024
ކާކުތޭ އެސްޓާރޒްގެ ފިހާރައަކުން ވިޔަފާރިކުރަން ތިލަފުއްޓަށް ދާން ބޭނުން ވަނީ؟
ހިނޭ
03 May 2024
އެސްޓާސް އަށް ދީފިއްޔާ އަނެއްކާ އަނެއް އޭ.ޑީ.ކޭ ދާއިމީ އުފެދޭނީ. އެނޫން ކަމެއް ނުވާނެ
ޜަންބިސް
03 May 2024
ތީހަމަ އެކަނި މުސައްދި ވިޔަފާރި ތަކަށް ބިން ވިއްކަަން ހުޅުވާލުން، ފަށައި ގަންނަ ކުދި ވިޔަފާރި ތައް ޖެހޭނީ ތިމީހުން އަތުން ކުއްޔަށް ނަގާގެން ކުލިދައްކާގެން ވިޔަފާރި ކުރަން
ވިސްނާށޭ
03 May 2024
މަމެން ހިތަށް އަރާ މީރާގެ ބޯރޑް ގައި ބޮޑެތި މުސާރަ ބަނޑުއަޅައިގެން އަލިފުލައިލާ ވާހަކަ ކިޔަން ތިބޭ ބަގަތަކަށް ހަމަނޭގެނީބާ ޓެކްސް ކުޑަކޮށްގެން ޓެކްސް ނަގާ އަދަދު ކުޑަކޮށް އަދި އެ އެތައް ގުނައެއް އިތުރު ކޮށްފިނަމަ ޓެކްސް ކުޑަ ކުރަމުން ގޮސް %1 އަށް ޓެކްސް ނެގި ނަމަވެސް މަހަކު 1 ބިލިއަން ޑޮލަރުގެ އާމްދަނީ އެއް ސަރުކާރަށް ލިބޭނެ ގޮތް ހެދޭނެއޭ އެއީ މާލެ ސަރަހައްދުން މަހަކު 1 ބިލިއަން އަކަމީޓަރު އަކަމީޓަރަކަށް މަހަކު 1 ޑޮލަރުގެ ރޭޓުން ކުއްޔަށް ދިނުމޭ
މަހަށްދޭދޭބަލަ
03 May 2024
މާލެ ސަރަހައްދުން ތިލަފުށި އަދި ފޭދޫ ފިނޮޅު އިރުން އޮތް ފަޅުވެސް ހިއްކާ ނަގަންވީއޭ މާލޭގައި ބޮޑެތި އަގުގައި ކުއްޔަށް ތަންތަން ނަގައިގެން ވިޔާފާރި ކުރާ މީހުންނޭ އެންމެ ގިނައިން މީރާ އަށް ޓެކްސް ދައްކަނީ އެކަމަކު މީރާ އަކީ ވެސް އެއީ ރައްޔިތުން ފެލަން އޮންނަ ތަނެއް ކަމަށް އެކަނިވަނީވެފައޭ އެތަނުގައި ތިބޭ ބަދަވިންނަށް ނޭގެއޭ ސަރުކާރަށް އިރުޝާދެއް ވެސް ދޭން އެގޮތަށް ޓެކްސް ދައްކާ މީހުންނަށް ހުޅުމާލޭން ހިލޭ ބިންދޭން މީރާ މަހަށްދޭބަލަ މަހަށް މަހަށް
ހިއްކާހިއްކާ
03 May 2024
ތިލަފުށި މެދުތެރޭ ނުހިއްކާ ބޮޑުފަޅެއް ފެން ކުނި ކޮށްގެން ބާއްވަން ނުޖެހެއޭ އެތަން ވެސް ހިއްކާލާށޭ އެތަނުގައި ޕާރޓޭން ޑްރަގް ވެސް ފައްތާފައި އެބަހުއްޓޭ މަމެން ދަންނާތީއޭ މިހެން މިބުނަނީ ތިލަފުށި ފަޅު އެއްކޮށް ހިއްކާލާ ތިލަފުށި ހުޅަނގުން އޮތް ކަނޑުގެ 2 ކިލޯ މީޓަރު ބޭރުން ބޮޑު ހިލަތޮށިލާ އެއީ ތިލަފުށި ބައިނަލް އަގްވާމީ ހާބަރަކަށް ހަދަންވީއޭ ހަމަ އެގޮތަށް ތިލަފުށި އިރުމަތީގައި ވެސް އެފަދަ ބަނދަރެއް ހަދަންވީއޭ ތިލަފުށި ހިއްކާނަގާށޭ ހިއްކާ ހިއްކާ