ކުޅިވަރު / ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ

މުޅި ރާއްޖެ ތަމްސީލުވާނެ ނިޒާމަކަށް މަސައްކަތް ކުރިއަށް އެބަދޭ: ރާފިއު

ސްޕޯޓްސް މިނިސްޓަރު އަބްދުﷲ ރާފިއު، ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރުންގެ ސުވާލުތަކަށް ޖަވާބުދެއްވަނީ --- ފޮޓޯ: މަޖިލިސް

06 މެއި 2024 - 13:25

10 comments

ފުޓްބޯޅައިގައި މުޅި ރާއްޖެ ތަމްސީލުވާނެ ނިޒާމާކަށް މަސައްކަތް ފަށައި ބާރު ސްޕީޑްގައި އެ ކަން ކުރިއަށް ގެންދާ ކަމަށް ސްޕޯޓްސް މިނިސްޓަރު އަބްދުﷲ ރާފިއު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި މަތިވެރި ދާއިރާގެ ޕީއެންސީގެ މެންބަރު ހަސަން ޒަރީރު ކުރެއްވި ސުވާލަށް ޖަވާބު ދެއްވަމުން މިނިސްޓަރު ރާފިއު ވިދާޅުވީ ފުޓްބޯޅަ އާއި ރާއްޖޭގެ އެހެން ކުޅިވަރުތައް ދެމެހެއްޓެނިވި ގޮތުގައި ކުރިއަރުވާނެ ދުރު ރާސްތާ ޕޭލޭނެއް ބޭރުގެ ތަޖުރިބާކާރުންގެ އެހީގައި އެކުލަވާލެވިފައިވާ ކަމަށެވެ.

މިނިސްޓަރު ވިދާޅުވީ ކުޅިވަރުތަކުގެ ކުރިއެރުން މަޑުޖެހި އަނެއްބައި ފަހަރު ކުރިއަރައި އެކި ފަހަރު އެކި ގޮތްގޮތަށް އެކަން ބަދަލުވާ ކަމަށެވެ.

އެކަން ހުއްޓުވައި ދެމެހެއްޓެނިވި ގޮތަކަށް ކަންކަން ކުރެވޭނީ ނިޒާމެއްގެ ދަށުން ކުޅިވަރު ކުރިއަރުވާނެ ޕްލޭނެއް ހަދައިގެން ކަމަށް ވާތީ ސަރުކާރުން ސްޕޯޓްސް ޑިވެލޮޕްމެންޓް ދުރު ރާސްތާ ޕްލޭނެއް އެކުލަވާލައި، އެ ޕްލޭންގެ ދަށުން ކުރަން ޖެހޭ މަސައްކަތް ކުރިއަށް ގެންދާ ކަމަށް މިނިސްޓަރު ވިދާޅުވި އެވެ. ރާފިއު ވިދާޅުވި ގޮތުގައި، އެ ޕްލޭންގެ ދަށުން ތަފްސީލީ މަސައްކަތުގެ ތެރެއިން ދަނޑުތައް ވަކި ފެންވަރަކަށް ގެނައުމުގެ މަސައްކަތްތައް ވަނީ ފަށައިފަ އެވެ.

ސްޕޯޓްސް މިނިސްޓަރު ރާފިއު، ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރުންގެ ސުވާލުތަކަށް ޖަވާބު ދެއްވަނީ.--- ފޮޓޯ: މަޖިލިސް

"ދަނޑުތައް ކޮން ފެންވަރަކަށް ހަދައިގެން ތޯ، ކުޅިވަރުގެ ހަބުތައް ކޮންތަންތާކުތޯ އަޅުގަނޑުމެން ބަހައްޓާނީ؟ އިންޓަނޭޝަނަލް މުބާރާތްތައް ކުޅެން އަޅުގަނޑުމެން ކިހިނެއްތޯ ހަދާނީ؟ ކޮން ދިމާއެއްގަ ތޯ އެކަން ހަދާނީ އަދި އިތުރަށް ފުޓްބޯޅަ ކުރިއަރުވަން އެ ޓްރޭނިންތައް [ޑިވެލޮޕްމެންޓް ޕްލޭންތައް] ގެންދާނެ ގޮތުގެ ޕްލޭނެއް މުޅި ރާއްޖެ ހިމެނޭގޮތަށް އަޅުގަނޑުމެން ގެންދާނީ ކިހިނެއްތޯ؟،" އެ ޕްލޭން ތަންފީޒުކުރުމަށް ކުރަމުންދާ މަސައްކަތާ ބެހޭގޮތުން ރާފިއު ވިދާޅުވި އެވެ.

"މި ހުރިހާ ކަމަކަށް ރިއާޔަތްކޮށްފައި މިހާރު މި ވަނީ އޭގެ ފްރޭމްވޯކެއް ހަދާފައި، އެކަން އެގްޒެކިއުޓް ކުރަން. އެކަން ކުރިއަށް ގެންދަން ބޭނުންވާ ތަފުސީލީ މަސައްކަތްތައް އެ އެސޯސިއޭޝަންތަކާ ވާހަކަ ދެއްކެވިގެން މިހާރު ކުރިއަށް ދަނީ."

އަބްދުﷲ ރާފިއު (ސްޕޯޓްސް މިނިސްޓަރު) ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ އެފްއޭއެމް ފުޓްބޯޅަ

10 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުޅިވަރު

08 May 2024

ބައްލަވާ ކުޅިވަރުގައި ހިމެނެނީ ހަމައެކަނި ފުޓްބޯޅައެއް ނޫން އިނގޭތޯ! ދިވެހިންނަށް މާ ބޮޑު ޖާގައެއް ނުނަގާ ކުޅެވޭނެ އަދި ޕްރެކްޓިސްކުރެވޭނެ، އޮލިމްޕިކްސް ގައި ހިމެނޭ އެތައް އެތައް ކުޅިވަރެއް އެބަހުރި ދިވެހިން އަތް ވެސް ނުލާ. އެތުލެޓިކްސް އާއި، ޓްރެކް އެންޑް ފީލްޑް ގެ ވެސް އެތައެް ކުޅިވަރެއް. އަދި ވަކިވަކި ކުޅިވަރުތައް ވެސް. އެންމެން އަބަދު ކޮފީ ގައި އަޗާތަޅަން ތިބޭ ގޮތަށް ހޭނުވުމަކުން އެއް ކަމެއް ވެސް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން.

06 May 2024

އެފުއޭއެމް އާއި ގުޅިގެން ތިކަމެއްނުވާނެ. ތިކަން ކުރަން ބޭނުން ނަމަ ސަރުކާރުން ތިކަންކުރާނެގޮތް ކަޑައަޅާފައި އޭއެފުސީއާއި ވާހަކަ ދައްކާ. ފުޓުބޯޅައަށް ޙަރަދު ކުރާ ފައިސާއަކީ މާލޭގެ ކަންމަތީ ގެންގު ތަކަށް ޙަރަދު ކުރާ ފައިސާ ކަމުގައި ވެގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 May 2024

މިހާރުގެ އެފްއޭއެމް އުވާލާފައި ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާން ރީޖަންކަމުގައި ކަޑައަޅާ ކޮންމެރީޖަނެއްގައި "ރީޖަނަލް ފޫޓްބޯލް އެސޯސިއޭޝަން" ހެދުމަށްފަހު 3 ރީޖަންގެ އެސޯސިއޭޝަންތަކާއި، ސީނިއަރ ކުލަބްތަކުން އިންތިޙާބުކުރާ ކމާލެ އެއްނޫން "ދިވެހިރާއްޖޭގެ" ދިވެހި National Football Federation އުފައްދައި ރާއްޖޭގެ ހުރިހާ ކްލަބްތަކަށް އެއްވަރަކަށް ޙިއްސާދީގެން ތިކަންކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުރަބު

06 May 2024

ކެރެންޏާ ކޮށްބަލަ! މާލޭ ޓީމުތަކަށް ކުޅިދައްކާލާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 May 2024

ފީފާ އާއި އޭއެފްސީގެ އެހީތެރިކަންހޯދައިގެން ރާއްޖޭގައި ފުޓްބޯޅައިގެ 3 ސަރަޙައްދު ކަޑައަޅާ ވަސީލަތް ޤާއިމްކުރަން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާން ރީޖަންކަމުގައި ކަޑައަޅާ ކޮންމެރީޖަނެއްގައި "ރީޖަނަލް އެސޯސިއޭޝަން" ހެދުމަށްފަހު 3 ރީޖަންގެ އެސޯސިއޭޝަން ތަކާއި ސީނިއަރ ކުލަބްތަކުން އިންތިޙާބުކުރާ National Football Federation އުފައްދަން ސަރުކާރު ޖެހިލުންވަނީ ކީއްވެ.؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނދަނަ

06 May 2024

އާމްޗެއާ އަފީފުގެ ވާހަކަ ނިކަން މޮޅުވާނެ. އެހެނަސް ލާރި ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 May 2024

މަތީގައި ދެންނެވިގޮތަށް ރީޖަންތައް ބެހުމުގެ އެންމެބޮޑު ބޭނުމަކީ ކ.މާލޭގެ އިތުރަށް ހަނިމާދުއާއި އައްޑޫސިޓީގައި އެންމެކުޑަމިނުން ސާފް ގޭމްސް ބޭއްވޭ ފެންވަރުގެ (15 މީހުނަށް ވަދެވޭ ވަރުގެ) ސްޓޭޑިއަމް ތައްޔާރުކޮށް ރާއްޖޭގެ ބައިނަލް އަޤުވާމީ 3 އެއަރޕޯޓް އޮތް ރަށްރަށުގައި އިންޓަރނޭޝަނަލް ފުރެންޑްލީ މެޗްތައްވެސް ކުޅޭނެ މަގު ހުޅުވުން. އަދި 3 ރީޖަންގެ ސްޓެޑިއަމް ބޭނުންކޮށްގެން ހޯމްއަވޭ އުސޫލަށް އެފްއޭކަޕާއި ދިވެހިލީޤު ފަދަ މުބާރާތް ބާއްވަން މަގުފަހިކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލަޑަބިޔާ.

06 May 2024

ފިނދަނަ އިގޭތަ މިހާރު ފީފާއިން އެފުްއޭއެމްއަށް ދޭ ލާރީގެ އަދަދު؟ އަދި ދައުލަތުން ފުޓްބޯޅައަށް އަހަރަކު އެތައް ބލިޔަން ރުފިޔާ ޙަރަދު ކުރާކަން. އެހުރިހާ ފައިސާއެއް ހޭދަކޮށްލަނީ ކ.މާލޭގެ ކަންމަތީ ގުރޫޕް ތަކަށް. އޭގެ ބަދަލުގައި އެބުނާ ތިން ސަރަހަްދުގައި ދަނޑުތައް ހަދާ ނުލެވެންވީ ކީއްވެ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

06 May 2024

ރަގަޅު ޓީމެއް ހަދާ އެޓީމު ގޮވައިގެން ޔޫރަޕައް ގޮސް މޮޅު ކޯޗެއް ލައްވާ 5 އަހަރުދުވަހު ޕުރެކްޓިސް ކޮއް ޓީމު ޔޫރަޕްގައި ރަޖިސްޓްރީކޮއް އެތަނުގައި މެޗު ތައް ކުޅެނިކޮއް ދިވެހި ފުޓްވޯޅަ ކުރިއަރައިގެން ދާނެ! ފުރަތަމަ 3 ވަނަ ޑިވިސަންގަ، އެއްވަނަ ޑިވިޝަން އަށް އެރިއްޖެނަމަ ދެން މިޓީމް ބަލިކުރެވޭނެ ބަޔަކު ސާކް ރީޖަނުގައި ނުވާނެ!