11 ޖެހިއިރު ވެސް މަޖިލީހުގެ ކޯރަމް ހަމަނުވެގެން ޖަލްސާ ކުރިއަށް ނުގެންދެވުނު!

ރައްޔިތުންގެ މަޖިލީހުގެ ޖަލްސާއެއްގެ ތެރެއިން --ފޮޓޯ: މަޖިލީހުގެ އިދާރާ

އައިޝަތު ނުޒުހާ، މިހާރު

08 މެއި 2024 - 11:24

ރައްޔިތުންގެ މަޖިލީހުގެ މިއަދުގެ ޖަލްސާ ފަށަން ބޭނުންވާ މެންބަރުންގެ އަދަދު ހަމަނުވުމުގެ ސަބަބުން ތަކުރާރުކޮށް ފުރުސަތު ދިނުމަށް ފަހު ޖަލްސާ ކެންސަލްކޮށްލައިފި އެވެ.

ކޮންމެ ދުވަހެއްގެ ހެނދުނު 9:00 ގައި މަޖިލީހުގެ ޖަލްސާތައް ފަށަން ތާވަލް ކޮށްފައި އޮތް ނަމަވެސް މިއަދުގެ ޖަލްސާގެ ލައިވް ފަށައިފައި ވަނީ ގިނަ އިރުތަކެއް ފަހުންނެވެ. ލައިވް ފެށުމާ އެކު، މަޖިލީހުގެ ރައީސް މުހައްމަދު އަސްލަމް ވިދާޅުވީ، ބައެއް މެންބަރުން ތަޅުމުގެ ބޭރުގައި މަޑުކޮށްގެން ތިބި ކަމަށެވެ.

އެހެން ކަމުން، އަސްލަމް ވަނީ ޖަލްސާ ފަށާނީ ހެނދުނު 10:00 ގައި ކަމަށް ވިދާޅުވެ މެދުކަނޑާލައިފަ އެވެ. ލައިވް އަލުން ފެށުމަށް އަސްލަމް ވިދާޅުވީ، ކޯރަމް ހަމަވާ ވަރަށް މެންބަރުން ނެތުމުން ޖަލްސާ ނިންމާލާނީ އިތުރު އެއް ގަޑިއިރަށް ބެލުމަށް ފަހު ކަމަށެވެ.

ނަމަވެސް، 11:00 ޖަހައި ދިޔަ ފަހުން ވެސް މަޖިލީހުގެ ކޯރަމް ހަމަވެފައި ނުވެ އެވެ. އަސްލަމް ވިދާޅުވީ، އެ ވަގުތު މަޖިލީހަށް ހާޒިރުވެ ތިބީ އެންމެ 10 މެންބަރުން ކަމަށެވެ.

"އަޅުގަނޑަށް ތަކުރާރުކޮށް ބަލާލެވިއްޖެ. ކޯރަމް ބެލް 11 ގެ ފަހުން ޖަހައި މިހާރު ފަސް މިނެޓު ވެސް ހަމަވީ. އެހެންވީމާ އަޅުގަނޑު ގަސްދުކުރަނީ މި ޖަލްސާ ނިންމާލަން،" އަސްލަމް ވިދާޅުވި އެވެ.

މިއަދުގެ ޖަލްސާ ކެންސަލް ކޮށްފައިވާއިރު، އަންނަ ހޯމަ ދުވަހު ދެން އޮންނާނީ 19 ވަނަ މަޖިލީހުގެ ފަހު ޖަލްސާ އެވެ.

މިހާރު ހިނގަމުން އަންނަ 19 ވަނަ މަޖިލީހުގެ މި ދައުރު ނިމެނީ އަންނަ މަހު 15 ގަ އެވެ. ނަމަވެސް ޖަލްސާތައް ކުރިއަށް ގެންދަން ހަމަޖެހިފައިވަނީ 13 ވަނަ ދުވަހާ ހަމައަށެވެ.

އާ މަޖިލިހަށް 19 ވަނަ މަޖިލީހުގެ ގިނަ އަދަދެއްގެ މެންބަރުން ކުރިމަތިލެއްވި ނަމަވެސް 20 ވަނަ މަޖިލީހަށް އިންތިހާބުވެފައި ވަނީ މިހާރުގެ އެންމެ 11 މެމްބަރެކެވެ.

އާ މަޖިލީހަށް އިންތިހާބުވި ޖުމްލަ 93 މެންބަރުން ހުވާ ކުރުން ބާއްވާނީ އަންނަ މަހުގެ 28 ގަ އެވެ.

ރައްޔިތުންގެ މަޖިލިސް މެމްބަރު މުހައްމަދު އަސްލަމް (ހިތަދޫ އުތުރު)

10 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބާބް

09 May 2024

އަވަހަށް މުއިއްޒު ވެރިކަމުން ދުރުވާން ގަރާރެއް ނެރެލާ. ތިމާމެންނަށް ބާރުލިބިގެން ނުވާ ކަންކަން ކުރުމަށް އަންގައި ގަރާރު ނެރޭތަނެއް ނޫންތަ ތިއީ. ފަހު ޖަލްސާގައި ފެންނަނީ މިގަރާރު ނެރެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮންޑަރީ

08 May 2024

ކޯރަމްބަލި ވަރަށް ބޮޑުތަނެއް ތިޔައީ. މިއަންނަ މަޖިލިސްގެ ރައީސަކަށް އަންނަމީހަކު ކުރަންޖެހޭ ވަރަށް މުހިންމުކަމެއް، މެންބަރުން ނައަންނަ ދުވަހަކަށް މުސާރަ ނުނެގޭގޮތަކަށް ހެދުން، ވަކިވަރަކަށް ހަޒިރީ ބަލިކަށި ކުރާމިހުން މެންބަރުކަމުން ވަކިވާގޮތެއް ހެދުން. މެންބަރުންގެ ހާޒިރީ އާންމު ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރ

08 May 2024

ނާންނަ އެކަކަށްވެސް މުސާރަނުދީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

08 May 2024

ހީލަތްތެރި ވާހަކަތައް. މި އަދު ގޮވަންވީ ކީއްވެ. އެ ރިޕޯޓެއް އޮތް ކުރިންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މްސްއޫދް އަލީ ސައީދް

08 May 2024

އެބޭފުޅުންގެ މަގްސަދު އަދާ ކުރެވުމުން ދެން ނުޖެހޭނެ އަންނާކައް. މަގްސަދު އޮޅުވާނުލުން ރަގަޅުވާނީ! އެންމެ ކުރީގަ އޮތީ ދާއިމީ ކޮއް ލިބޭ ބޮޑު އިނާޔަތް! ދެން އަންނާނީ މުސާރަ! ދެން ޝަރަފް. ދެންއަންނާނީ ޕާސްޕޯޓް. 10ވަނާގައި އޮތީ ދާއިރާގެ މީހުން ދައްކާވާހަކަ ތައް އަޑު އަހާލުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުލް

09 May 2024

ކޮސް ނޮގޮވާ! ދާއިރާތަކުގެ އަޑު އަހާން އެއޮތީ އާ މަޖިލިހަށް ސަރުކާރު އެންމެން ހޮވާފަ. ދެން އެމަޖިލިހުގެ ޖަލްސާތަކަށް ވާގޮތް ބަލާފަ އަތްޖަހާ ހަވާ އަރުވަން ތައްޔާރުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓް

08 May 2024

ޖާބިރު ވެސް އެބްސެންޓް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑަމް

08 May 2024

ރައްޔިތުންގެ މަޖުލިސްގެމެމްބަރުންގެ އަޚުލާގާ ލަދުވެތިކަމެއްނެއްކަމާމެދުހައިރާންވޭ ކެމްޕޭނުކުރަންނުކުމެއުޅޭއިރު ރައްޔިތުންނާހެދި ދަންޖެހެންވެސްްތިބެނީތައްޔާރަށެވެ ނަމަވެސްހޮވުނީމަމަހަކު 85000ރ.ނަންގަވައިގެންްއުޅުއްުވަނީކޮންތާކުތޯ?87މީހުންތިބޭމަޖިލިހައް ވިއްސަކައްމެމްބަރުން ހާޒިރުނުވެގެންކޯރަމް ހަމަނުވެގެން މަޖިލިސްނުބޭއްވުނުވާހަކައަކީއަޑުއަހަންލަދުވެތިވާހަކައެކެވެ ރައްޔިތުންބުރަމަސައްކަތްކޮއްގެންހޯދާފައިސާއިން ނިދަންތިބެއައިސްމުސާރަގެންދަންލަދެއްވެސްނުގަނެއެވެ.ހުރިހާގަވާޢިދެއްހަދަނީއަމިއްލައަށެވެ.ނަޔަސްގަޑިޖެހުނަސްެ އެގުމެއްނެތިފުރައިގެންދިޔަސްް ވާކަމެއްނެތެވެ.ދައުލަތުގެއަނެއްދެބާރައް މިއިޚުތިޔާރުތައްނެތީކީއްވެބާ?