ކިންގް ސަލްމާން މިސްކިތުގައި ބަޔަކު ނަމާދުކުރަނީ: މަރާމާތުކޮށް އަހަރެއް ނުވަނީސް އަނެއްކާ ވެސް ސަލްމާން މިސްކިތުގެ އޭސީތަކުގައި ވަނީ މައްސަލަ ޖެހިފައި.- ފޮޓޯ: ފަޔާޒު މޫސާ/ މިހާރު
08 މެއި 2024 - 17:12
15 comments
ކިންގް ސަލްމާން މިސްކިތުގެ އޭސީ މައްސަލަ ހައްލުކުރަން މި ވަގުތަށް ހަ މިލިއަން ރުފިޔާ ބޭނުންވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
އެ މިނިސްޓްރީން ބޭއްވި ނިއުސް ކޮންފަރެންސްގައި، ޝަހީމް ވިދާޅުވީ ސައޫދީ އަރަބިއްޔާގެ ރަސްގެފާނު ސަލްމާން އަބްދުލްއަޒީޒްގެ ހަރަދުގައި މާލޭގައި އިމާރާތްކުރި މިސްކިތުގެ އޭސީ މައްސަލަ ވަރަށް ބޮޑުއިރު، އެކަން ހައްލުނުކުރެވި ދިގުލައިގެން ގޮސްފައިވާ ކަމަށެވެ.
އޭސީތައް ރަނގަޅުކުރަން ހަ މިލިއަން ރުފިޔާ ބޭނުންވާތީ އެ ފައިސާ ހޯދުމުގެ މަސައްކަތް ކުރަމުން އަންނަ ކަމަށް ވިދާޅުވި އެވެ.
އެ މިސްކިތް ބޭނުން ކުރަން 2021 ވަނަ އަހަރު ފެށިތާ ހަ މަސް ނުވަނީސް، މިސްކިތުގައި ނަމާދުކުރަން ބޭނުންކުރާ ދެ ފަންގިފިލާއަށް ވެސް ފިނިކުރަން ބޭނުންކުރާ ހަތަރު ޔުނިޓުގެ ތެރެއިން ތިން އޭސީ ޔުނިޓް ހަލާކުވެގެން އެކަން ހައްލުކުރަން ތުރުކީގެ ޓެކްނީޝަނުންގެ ޓީމެއް ވެސް ރާއްޖެ އަ އެވެ. އޭރު މިނިސްޓްރީން ބުނީ އެ އޭސީ ސިސްޓަމް މަރާމާތުކުރާނެ ބަޔަކު ރާއްޖޭގައި ނެތް ކަމަށެވެ.
އިސްލާމިކް މިނިސްޓްރީގައި މިއަދު ބޭއްވި ނިއުސް ކޮންފަރެންސްގައި މިނިސްޓަރު ޑރ. ޝަހީމް އަދި އެ މިނިސްޓްރީގެ އިސްވެރިން ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު
އެކަމަކު، ޝަހީމް ވިދާޅުވީ އެ އޭސީތައް ބެލެހެއްޓޭނެ ފެންވަރުގެ ދިވެހިންގެ ބަޔަކާ މި ފަހުން ބައްދަލުކުރައްވާފައިވާ ކަމަށެވެ.
ކިންގް ސަލްމާން މިސްކިތް ބޭނުންކުރަން ފެށިތާ ތިން އަހަރު ވެގެން ދިޔަސް އެ މިސްކިތް ރަސްމީކޮށް އަދި ނުހުޅުވަ އެވެ. އެހެންވެ، ސަރުކާރުން މަސައްކަތް ކުރަމުން އަންނަނީ އީދު ފަހުން ސައުދީގެ އިސް ބޭފުޅަކު ރާއްޖެ ވަޑައިގެން އެ މިސްކިތް ހުޅުވުމަށެވެ.
މިނިސްޓަރު ވިދާޅުވި ގޮތުގައި ރަސްމީކޮށް މިސްކިތް ހުޅުވުމަށް ކުރަންޖެހޭ ކަންކަން ވަރަށް ގިނަ އެވެ. އެގޮތުން، ބައެއް ދޮރުތައް މަރާމާތުކުރުމާ އެކު، ބޮޑެތި މަރާމާތުތަކެއް ކުރަންޖެހޭ ކަމަށް އޭނާ ވިދާޅުވި އެވެ.
އޭގެ ކުރިން ވެސް ރާއްޖެއަށް މިއީ، ހޫނު ގަދަ ދުވަސް ވަރަކަށް ވާތީ އޭސީ ސިސްޓަމަކީ މިހާރު ވެސް ހައްލުކުރަން ޖެހޭ މައްސަލައެއްކަން ޝަހީމް ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހާރަދުން
09 May 2024
އަދި ނުހުޅުވާތާކަށް 6 މިލިޔަން ..އނެއްކާ އަލުން އާސީ އިންވެއްޓު ކުރަނީތަ...ނުވަތަ ސަލްމާނަށް ބޮޑު ބިލެއް ދައްކަން ޖައްސާފަ 5 މިލިޔަން ޖީބަށް ކައްވާލުން ،،،ހަޤީގަތަކަށް ވާނީ!!!
ޝަމްވީލް
09 May 2024
ބަޔަކަށް ހަޖަމް ނުވެގެން ސަލްމާން މިސްކިތް ވީރާނާވާން ދޫކޮށްލީ. މި ސަރުކާރަކުންނެއް ކޮންމެ ބަޔަކު ކޮށްފަ ހުރި މަސަކަތެއް ވިޔަސް ވީރާނާވާން ދޫކޮށެއް ނުލާނެ
ބަހަބަރު
09 May 2024
ވަރަށް ފެންވަރު ދަށް ކޮށް އާދައިގެ މެޓީރިއަލް ބޭނުންކޮއްފަ ހަދާފަ ހުރިތަނެއް. މިހާރު ވެސް ވުޟޫ ކުރާތަނުގެ ތަށިމުށި ހުރީ ފޫގޮސްފަ.
ސުފްޔާން
09 May 2024
6 މިލިއަން ހަރަދުކޮށްގެނެވެސް ހައްލުކުރަންޖެހޭ ތަނެއް ސަލްމާން މިސްކިތަކީ.. ހެންވެއިރު ރައްޔިތުންނަށް ވަރަށް ފަސޭހަ ސަލްމާން މިސްކިތް ހުރީމަ
ފައިޒާން
09 May 2024
އެހެން ނުވާނެ ދޯ އޭރުވެސް ސަލްމާން މިސްކިތް އޭރުގެ މޭޔަރު އަދުގެ ރައީސް މުއިއްޒު އާ ހަވާލު ކުރިނަމަ. އެކަމުންވެސް ކުރީ ޖެއްސުން މިއުޅޭ އެމްޑީޕީ މީޙުން
ނުއުމާން
09 May 2024
އިބޫ ސަރުކާރުން ސަލްމާން މިސްކިތް ރަސްމީކޮށް ނުހުޅުވީ އެހެން ބަޔަކު ކުރިކަމަކަށްވީމަ. އެ މިސްކިތް އެއްވެސް ވަރަކަށް މަރާމާތް ނުކުމުން މި ހުރިހާ ކަމެއް މި ލައްވާލީ. މިސްކިތްތަކަކީ އަބަދުވެސް .. ވިސްނުމާ ދުރު ކަމެއް
ލާއިން
09 May 2024
މީ ނިމިދިޔަ ސަރުކާރުގެ ބޮޑު އިހުމާލެއް. އެއްވެސް ވަރަކަށް މަރާމާތެއް ކުރީކީނުން. ދެންވާނީ މިހެން ދޯ
އަފާފް ސައީދު
09 May 2024
މިދިޔަ 5 އަހަރު ނުވި ހުރިހާ ކަމެއް މިދަނީ ކުރަމުން. ރަނގަޅު
އުއްތަމަ އުސްތާޛް
09 May 2024
މިކަމުގެ ފަހަތުގައި ހިންގާ ކަރަޕްޝަނަށް ފާރަވެރިވާތި. މާތްﷲގެ ގެކޮޅުންވެސް ވަގުން ތިބޭނީ ވައްކަންކުރަން ފޫގަޅައިގެން
ކިޔު
09 May 2024
ރައީސް މައުމޫނު 1984 ގައި ބިނާކޮށް ނިންމެވި އިސްލާމީ މަރުކަޒު ފަދަ މިސްކިތްތައް ރަނގަޅުވާނީ. އިސްލާމީ މަރުކަޒު ވ ހިތްގައިމު. ޚަރަދު ކުޑަ.