ބަނޑޭރިކޮށީގެ އެޕާޓްމެންޓެއްގައި މަރުވެފައި އޮއްވައި ފެނުނު ޒުވާނާގެ ހަށިގަނޑުގެ އޮޓޮޕްސީ ހަދަނީ

ބަނޑޭރިކޮށީގެ އެޕާޓްމަންޓެއްގެ ތެރޭގައި މަރުވެފައި އޮތް މީހަކު ފެނިގެން ފުލުހުން އެ ސަރަހައްދު ބަންދުކޮށްގެން މިއަދު ހަރަކާތްތެރިވަނީ.---ފޮޓޯ: ހަފްސީ އަބްދުﷲ

13 މެއި 2024 - 23:48

2 comments

ސިފައިންނަށް ދޫކޮށްފައިވާ ބަނޑޭރިކޮށީގެ އެޕާޓްމަންޓެއްގައި މަރުވެފައި އޮއްވައި މިއަދު ހަވީރު ފެނުނު ދިވެހި ޒުވާނާގެ ހަށިގަނޑުގެ އޮޓޮޕްސީ ހަދަން ފުލުހުން ނިންމައިފި އެވެ.

އުމުރުން 30 އަހަރުގެ އެ ފިރިހެންމީހާގެ މަރުގެ މައްސަލައިގެ ތަހުގީގު އިތުރަށް ކުރިއަށް ގެންދިއުމަށްޓަކައި ހަށިގަނޑުގެ އޮޓޮޕްސީ ހަދަން ނިންމީ ކަމަށް ފުލުހުން މިރޭ ބުންޏެވެ.

އެ ޒުވާނާ މަރުވެފައި އޮއްވައި ފެނުނީ ފުލުހުންނަށް ލިބުނު މައުލޫމާތަކާ ގުޅިގެން ބަނޑޭރިކޮށީގެ އެ އެޕާޓުމަންޓް މިއަދު ހަވީރު ބަލައި ފާސްކުރުމުންނެވެ.

އެ މަރާ ގުޅޭ ގިނަ މައުލޫމާތުތައް ފުލުހުން އަދި ހާމައެއް ނުކުރެ އެވެ. އެއީ ކާކު ކަމާއި އެޕާޓްމަންޓު ބަލައި ފާސްކުރަން ޖެހުނު ސަބަބު ވެސް ފުލުހުން ނުބުނެ އެވެ.

އެކަމަކު "މިހާރު" އަށް އެނގިފައިވާ ގޮތުގައި އެ ޒުވާނާގެ ހަށިގަނޑު ފެނުނީ މީހުން ދިރިނޫޅޭ އެޕާޓްމަންޓަކުންނެވެ.

އާންމު ގޮތެއްގައި މިފަދަ މަރުތަކުގައި އޮޓޮޕްސީ ހަދަނީ ފުލުހުންނަށް ޝައްކު ކުރެވޭ ކަންތައްތަކެއް ހުރުމުންނެވެ.

މަރު ފުލުހުން މަރުވެފައިވާ ހަށިގަނޑު

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންތިހާ،

14 May 2024

ސިފައިންނަށް ދީފައިވާ މިތަނުގައި މަސްތުވާތަކެތި ވިއްކުމާ ބޯމިހުން އިންތިހާ ކުޔަށް ދިނުމާ، ވިޔަފާރި ކުރުން އިންތިހާ، ސިފައިން ކަހަލަގެ ހިދުމަތް ތެރިން މިކަހަކގެ ކަން ކުރީމަ އިންތިހާއަށް ދެރަ މިބުނި ކަންކަން ބަލާނެ މީހަކު ނެތް، ފުލެޓްތަށް ކުއްޔަށް ދީފާނެތީ ވަރަށް ބިރުން އުޅެނީ